رِفَاق

رِفَاق مدرسة الكترونيه مستقلة ، لتعليم العلوم الاسلاميه و العربية وتعليم القرآن الكريم للأطفال والكبار .

🕌 من الأنشطة البسيطة اللي ممكن تساعد الطفل على متابعة صلاته:📋 جدول أسبوعي يراجع فيه صلاته بنفسه، ويشوف مدى التزامه خلال ...
24/08/2026

🕌 من الأنشطة البسيطة اللي ممكن تساعد الطفل على متابعة صلاته:
📋 جدول أسبوعي يراجع فيه صلاته بنفسه، ويشوف مدى التزامه خلال الأسبوع.

ودي تجربة سيليا، واحدة من أبنائنا في رفاق، وهي بتتابع صلاتها خلال الأسبوع بالطريقة دي. 🌱

الفكرة مش إن الجدول يبقى مجرد علامات ✓، لكن إنه يساعد ابنك ينتبه لصلاته، ويتابع نفسه، ويتدرّب على الاستمرار.

💡 جرّب الفكرة مع ابنك في البيت، وخلّيه هو اللي يتابع جدوله بنفسه.

رفاق.. ذكر، موعظة، عمل.

#رفاق


#الصلاة

مش كل قرار بناخده بيكون بإرادتنا فعلًا.علشان كده، في التحدي ده بنطلب من أبنائنا كل يوم قبل النوم يقفوا مع قرار أخدوه خلا...
20/08/2026

مش كل قرار بناخده بيكون بإرادتنا فعلًا.
علشان كده، في التحدي ده بنطلب من أبنائنا كل يوم قبل النوم يقفوا مع قرار أخدوه خلال يومهم ويسألوا نفسهم:
مين كان سايق قراري؟
ولو رجع بيا الوقت، كنت هغيّر إيه؟
وإيه الآية أو الحديث اللي كان ممكن يساعدني؟

التحدي مدته أسبوع، والهدف إن ابنك يتعلم ما ياخدش قراراته بشكل تلقائي، لكن يقف، ويفكر، ويختار.

وده واحد من الأنشطة اللي بنستخدمها مع أبنائنا في رفاق؛ لأننا بنحب إن التربية تتحول من كلام بيتقال في الحلقة، لحاجة يعيشها الابن ويجربها في حياته.

وتقدر تجرب التحدي مع ابنك في البيت، وتلاحظ معاه الفرق مع الوقت.

رفاق... ذكر موعظة عمل
#رفاق

في وسط يومنا العادي، نعم كتير حوالينا بنعتاد وجودها، لحد ما ننسى إنها نعمة.في النشاط ده، طلبنا من أبنائنا يتوقفوا ويفكرو...
16/08/2026

في وسط يومنا العادي، نعم كتير حوالينا بنعتاد وجودها، لحد ما ننسى إنها نعمة.
في النشاط ده، طلبنا من أبنائنا يتوقفوا ويفكروا:
إيه النعم التي أنعم الله بها علينا؟

مش الهدف إنهم يكتبوا قائمة وخلاص، لكن إنهم يتعلموا يلاحظوا نعم ربنا في حياتهم، ويقدّروها ويشكروه عليها.

لأننا في رفاق نحب إن أثر التعلم يخرج من الحلقة إلى حياة أبنائنا؛ في نظرتهم، وفي كلامهم، وفي سلوكهم اليومي.
رفاق.. ذكر، موعظة، عمل.
#رفاق

#تربية
#وعي

09/08/2026

من أحب اللحظات لينا في "رِفاق"، إننا نشوف الطالب مش بس بيحفظ اللي اتقال له، لكن فاهمه وقادر يعبّر عنه بطريقته الخاصة. 🤍
بطلنا "عمر" لخص لنا في دقائق أهم النقاط اللي اتناقشنا فيها في أول حصة من دورة «ما لا يسع أبناء المسلمين جهله».

عمر شاركنا الفيديو ده كنشاط عملي بعد اللقاء الأول في الدورة، وكان جميل جدًا إننا نشوف شاب في السن ده بيتكلم بالهدوء والثقة دي عن العقيدة الصحيحة، ومصادر التلقي في ديننا.

فخورين بيك يا عمر💙 وربنا يبارك فيك وفي والديك، ويجعل ما تتعلمه نورًا وأثرًا في حياتك. 🌱

الإجازة دي ماينفعش تضيع ⏳ خليها بداية علاقتكم بالقرآن عارفين إن الإجازة مليانة خروج وسفر ونادي ونوم متأخر، وعشان كده كتي...
19/07/2026

الإجازة دي ماينفعش تضيع ⏳ خليها بداية علاقتكم بالقرآن

عارفين إن الإجازة مليانة خروج وسفر ونادي ونوم متأخر، وعشان كده كتير من الأطفال بينسوا اللي حفظوه خلال كام أسبوع.

في أكاديمية رِفاق بنخلي ابنك يكمل رحلته مع القرآن من البيت، في مواعيد مرنة تناسب الإجازة، ومن غير أي مشاوير أو تعب.
📍 فريق عمل من معلمين ومعلمات متخصصين وإشراف معاكم علي مدار اليوم .
📍حصص فردية أونلاين .
📍متابعة مستمرة مع ولي الأمر.
🌱هدفنا مش الحفظ وبس... هدفنا إن الطفل يتعلق بالقرآن ويحبه.
ابعتلنا رسالة أو سيب كومنت، وهنبعتلك كل التفاصيل ونساعدك تختار أنسب موعد.

#رفاق #ذكر #موعظة #عمل

03/07/2026

"من أعظم مقاصد القرآن طرد الغفلة."

وهل هناك ما يطرد الغفلة أكثر من أن يتعرّف الطفل على ربِّه؟
في هذا الفيديو يحكي الطالب عبدالرحيم أحد طلابنا، بكلماته البسيطة، ما تعلّمه من تفسير سورة الإخلاص وآية الكرسي في برنامج "الحلقة التربوية". 🤍

📌إعداد وتنفيذ وإخراج الطالب عبدالرحيم عمرو 🌱

#رفاق الجيل اللي بنحلم بيه بنربيه معاكم 🌱
#ذكر #موعظه #عمل

#عقيدة

02/07/2026

تحصين هذا الجيل لا يكون بالإنعزال، بل أن نكشف لهم حقيقة ما يُعرض عليهم، ونربط قلوبهم بالله؛ فمن عرف الله، استغنى عن كل ما سواه."

📌 إعداد وإخراج الطالب محمد نادر .

#رفاق الجيل اللي بنحلم بيه بنربيه معاكم 🌱
#ذكر
#موعظه
#عمل

بشكل شبه يومي بيوصلنا رسايل شكر جميلة من أولياء الأمور…ومبقيناش ننزلها، لأن بفضل الله نتيجة الحلقات بقت واضحة، وأولياء ا...
16/04/2026

بشكل شبه يومي بيوصلنا رسايل شكر جميلة من أولياء الأمور…
ومبقيناش ننزلها، لأن بفضل الله نتيجة الحلقات بقت واضحة، وأولياء الأمور بقت فاهمة يعني إيه "رِفاق".

لكن الرسالة دي كانت مختلفة… فيها معنى يستاهل يتحكي.
الأم هنا مش بتشكر في شرح حصة أو حفظ معلومة…

هي بتشكر إن المعلمة بقت صوت ضمير في حياة بناتها.
لما الطفلة تقول في موقف عادي:
"المعلمة سمية قالت نعمل كده… هي اللي علمتني." 🤍
هنا إحنا مش بنعلّم وبس…
إحنا بنسيب أثر.
وده الهدف الحقيقي من "الحلقة التربوية":
مش تلقين… لكن بناء من الداخل، وتكملة لدورك كولي أمر.

شكرًا لكل معلمة مخلصة بتزرع المعنى ده،
وشكر خاص لمعلمة سمية 💙
وشكرًا لكل ولي أمر بيختار يربي… مش بس يعلّم 🌱

#رفاق

إيه اللي ممكن يستفيده أولادنا في 60 دقيقة في الأسبوع؟ ⏳ساعة واحدة… ممكن تزرع عقيدة صح، وتبني خلق ثابت، وتجاوب على أسئلة ...
02/03/2026

إيه اللي ممكن يستفيده أولادنا في 60 دقيقة في الأسبوع؟ ⏳
ساعة واحدة… ممكن تزرع عقيدة صح، وتبني خلق ثابت، وتجاوب على أسئلة بتلف في دماغ ابنك ومحدش بيسمعها.

في الحلقة التربوية مش بنحفظ أحاديث وآيات وخلاص.
إحنا بنفهم، بنتناقش، وبنقرب المعنى من واقعهم.
ابنك مش محتاج حد يحاضر له.
هو محتاج حد يسمعه.
محتاج حد يسأله:
🔰ليه بنصلي؟
🔰ليه ربنا قال كده؟
🔰ليه بنعبد ربنا؟

ساعة أسبوعياً بس أثرها بيكبر معاهم سنة ورا سنة.

📩 ابعتلنا رسالة ونبدأ الرحلة.

⚠️ دي حقيقة بقت واضحة لكل أب وأم بنحاول نزرع قيم 🌱، ونبني وعي 🧠، وفي نفس الوقت ولادنا بيتعرّضوا يوميًا لسيل من الأفكار ...
31/12/2025

⚠️ دي حقيقة بقت واضحة لكل أب وأم
بنحاول نزرع قيم 🌱، ونبني وعي 🧠، وفي نفس الوقت ولادنا بيتعرّضوا يوميًا لسيل من الأفكار المشوشة من الموبايل، ومن الشارع، ومن البيئة اللي حواليهم.

✅ وعشان ندي أبنائنا أدوات يواجهوا بيها التأثيرات دي، قدّمنا مسار 🛡️ «ما لا يسع أبناء المسلمين جهله».

📚 المسار ده مش درس دين تقليدي،
ده أساس تربوي بيتبني جوّه الطفل،
يدّيه مناعة داخلية،
ويعلّمه يميّز بنفسه بين الصح والغلط
وهو بيواجه العالم لوحده.

🎯 هدف المسار تربوي قبل ما يكون تعليمي،
علشان نساعدك تربي طفل:
💫 فاهم دينه عن قناعة… مش تلقين.
💖 بيحب ربنا ومتأدّب معاه.
💪 واثق في نفسه كمسلم وسط تحديات العصر.

🌱 ومعاها تربية عملية وتوجيه في أمور حياتية مهمّة،
زي:
✅ برّ الوالدين.
✅ الحياء.
✅ فقه البلوغ (للأعمار المناسبة).

💬 لو حابب تعرف تفاصيل الدفعة الجديدة أو تسأل عن المسار، ابعت لنا رسالة، وهنرد عليك 🤝

Address

Cairo

Telephone

+201027453851

Website

Alerts

Be the first to know and let us send you an email when رِفَاق posts news and promotions. Your email address will not be used for any other purpose, and you can unsubscribe at any time.

Contact The School

Send a message to رِفَاق:

Shortcuts

Share

Category