09/03/2021
الطفل اللي بيخبط راسه في الحيطة !! 😭
مش بيعمل كدة لأنه زعلان ، و مش شرط عشان يأذي نفسه 👌
لكن هو بيختبر اهله في تحقيق طلباته و لإثبات شخصيته 🖐
متستسلميش لطلب اقترن معاه الفعل دا عشان هيكررها كتير و ممكن في مرة يأذي نفسه بدون ما يقصد 😒
الحل :
١. خديه علي جمب او في اوضته و حاولي تهديه او تجذبي انتباهه لشئ تاني تقدري تحققيه 😉
٢. عرفيه سواء باللعب او في فيديو للأطفال انه الخبط اللي بيخبطه لنفسه ممكن يعوره او يأذيه و يوجعه 🙄
٣. عرفيه و اكديله انك عمرك مهتحققي الطلب دا عشان هو كان بيخبط راسه في الحيطة وإن دا مرفوض تماما 🖐
٤. لو كرر دا تاني شددي العقاب شوية زي مثلا مفيش تلفزيون خالص طول النهار ، او مفيش سويتس ، او مفيش خروج اليوم دا او خلاص هنروح البيت مش هنكمل الخروجة 😪
٥. لو نفذتي الطلب ، ابقي لاحقي بقي علي كم الطلبات و مستوي العياط الهستيري و الاذي اللي هيحصل بعد كدة ، جمدي قلبك ، متوافقيش خالص علي انه يتبع الاسلوب دا 👌
طيب لو عمر طفلك سنة او سنة و نص و حاسة انه مش فاهم !!
ابعيديه عن الشئ اللي بيخبط فيه راسه عشان ميتأذيش و يكفي انك متنفذيش طلبه او الشئ اللي بيعند عليه و دا بيخليه يربط بين فعله و رد فعلك ، و بالوقت مش بيكرر دا تاني لانه مش بيلاقي فيه جدوي..
عرفي كل ابنها بيعمل الحركة دي ❤
حقوق النسخ محفوظة لصفحة 👇
& 👩🍼👼
11/12/2020
09/12/2020
26/11/2020
23/11/2020
22/11/2020
18/11/2020
18/11/2020
12/11/2020
11/11/2020