Centre Hani Pierre - سنتر هانى بيير

19/07/2026

🤩👏❤️🎁
🚨 بداية امتحانات القدرات لكليات الفنون بتاريخ ١٧ يوليو و تستمر حتي ٦ أغسطس والوقت بيجري!🔔

لو هدفك تدخل فنون جميلة أو فنون تطبيقية أو عمارة، متستناش لآخر لحظة.

في Arts Union هتلاقي:
✅ تدريب عملي على كل أجزاء الامتحان
✅ تصحيح ومتابعة مستمرة مع المعيدين
✅ كتاب شامل بأهم نماذج امتحانات القدرات السابقة
✅ مناسب لكل المستويات حتى لو لسه مبتدئ

🔥 مجموعات جديدة بتبدأ في السنتر كل يوم، والحجز مستمر.
احجز مكانك وابدأ استعدادك من دلوقتي.

18/07/2026

17/07/2026

16/07/2026

فخورين بيكم يا دفعة 2026 🤩💪

Mission completed 🤩

عملنا اللي علينا و ربنا كرمنا و حقيقي فخورين بدفعة 2026 و بنتمني ليكم التوفيق و النجاح في المرحله اللي جايه 🧡
اتبسط انت خلصت من السنه دي مفيش انتصار اكبر من كده نشوفكم علي خير🫡

#دفعة2026

16/07/2026

🚨 مهم جداً لطلبة ٣ ث

لو قلقان من امتحان القدرات بعد ثانوية عامة، فـ أنت مش لوحدك! إحنا هنقولك إزاي تستعد وتجهز نفسك صح 💯

الإعلان عن مواعيد أفضل كورس للقدرات مع Arts Union في السنتر

✅ شرح تفصيلي، متابعة شخصية مع كل طالب
✅ متابعة مستمرة مع المهندسين من خلال جروباتنا علي تليجرام
✅ محاضرات لايف بعد الكورس للإجابة على استفساراتك
✅ تدريبات عملية وحل امتحانات سابقة
✅ تتعلم إزاي تجاوب على الأسئلة بطريقة صحيحة.
✅ تتدرب على السرعة والإبداع في تنفيذ الأفكار.
✅ تفهم شكل الامتحان وتعرف أسرار النجاح فيه.

💥 في أقوي كورس مع Arts Union، هنساعدك تحوّل الخوف لثقة، التدريب معانا عملي، واضح، ومناسب لأي مستوى، حتى لو أول مرة ترسم!

احجز مكانك معانا قبل إكتمال الاعداد ..

16/07/2026

حبايبي دفعة ٢٠٢٦

حمدا لله على سلامة الوصول ❤️❤️

النهاردة وبعد تعب سنة كاملة وصلنا لنهاية رحلة الثانوية العامة ، فخور بكل واحد و كل واحدة فيكم ، فخور بتعبكم و مجهودكم طول السنة

سنة كانت طويلة و صعبة على كل المستويات بس أنا واثق إن كل صعب بيمر فينا في حياتنا بيقوينا و بيشكل نضج و وعي في شخصياتنا ، بيخلينا شخصية ناضجة قادرة على إجتياز صعوبات و تحديات جديدة كل يوم ..

بحب كل واحد فيكم بإسمه و كل واحدة بإسمها وكل واحد و واحدة ليه و ليها غلاوة ومعزة شخصية حقيقية في قلبي ، مش مجرد معزة مدرس والطلبة بتوعه ، لكن معزة وحب حقيقي بين أب وأولاده وبناته الغاليين

فخور بيكم و بنتائجكم حتى من قبل ما تطلع ، و عاوزكم تعرفوا كويس إن كل نهاية رحلة في حياتكم معناها بداية رحلة جديدة مطلوب منك فيها انك تكون متميز فيها أيًا كانت.

النجاح و التميز أكبر من لقب ، شئ جميل انهم يقولوا المهندس فلان أو فلان ال programmer او ال designer بس الأجمل إن اسمك في حد ذاته يكون لقب ، اشتغل على نفسك ان اسمك مجرد بدون القاب يبقى هو اللقب.

أتمنى اني أكون قدرت أكون ليكم سند و ضهر طول السنة و مقصرتش مع حد فيكم ، و أتمنى اني مكنش زعلت حد أو قصرت في حق حد ..

مش هنساكم ابدًا ، وهتفضل ذكرياتنا وضحكنا وحواراتنا في قلبي قبل ذاكرتي .. مش هنسى خوفكم عليا اللي مكنش اقل من خوفي عليكم ، مش هنسى الهوهوز والعصير اللي كنتم بتجيبوهولي في الحصة لما تحسوا اني فرهدت منكم 😂😂 مش هنسى حصة اللايف بتاعة ال pure اللي عدت ال ٩ ساعات ولا ال applied اللي كملنا فيها ٨ ساعات وبقينا نخرف ، مش هنسى رسايلكم والناس اللي كانت تبعت لي على الواتس وتقولي إنت بابا ❤️❤️

أخر حاجة عاوز أقولها هى انك لازم تثق في تدابير الله ليك ولمستقبلك ، فالله صالح و يدبر الخير للجميع ، مهما كنا مقصرين أو مش أحسن حاجة فصلاح الله يجعله يشرق بالخير على الأبرار و الأشرار ، علشان كده ثق انك بنهاية اخر دقيقة في الإمتحان عملت كل اللي عليك وخلاص مفيش في ايدينا حاجة اكتر نعملها ، اما كل اللي بعد كده فده تدبير ربنا لمستقبلك.

ربنا يفرحكم و يملأ حياتكم بالخير .. بحبكم ❤️❤️❤️

مايكل جميل
آخر يوم امتحانات | امتحان الديناميكا | ١٦ يوليو ٢٠٢٦

15/07/2026

الي طلاب الصف الثالث الثانوي - الشعبة الادبية :

Statistics

الي خلص حل كل حاجة وقاعد سهران ممكن يبص بس علي الشيت دة فيه مسائل محلولة بالخطوات عايزك بس تقراها كدة قبل الامتحان .

https://drive.google.com/file/d/1tBjS43ij6GHTcoUV6cYEMZ8SJTaO01We/view?usp=drivesdk

كلها حاجات حالينها قبل كدة متقلقش انا بس بقولك تقراها تاني تأكد عليها مش اكتر .

ربنا يوفقكوا ❤️❤️

14/07/2026

وصلنا لاخر خطوة قبل الامتحان 👇

🛑 حصه حل النماذج الاسترشادية متاحه حاليا علي اليوتيوب ودة لينك الحصه 👇
https://youtu.be/o4b-bVI6MIU

🚨 -و كمان دة pdf لكل حاجه خاصة بليلة الامتحان 👇
https://drive.google.com/drive/folders/1A_AJjKD--x9KxsU_JvMiTzw3SyoODsGk