23/07/2017
- صباح الخير .. لوسمحت أنا عايز أقدم لبنتي عندكوا في أكاديمية السادات ..
- صباح النور يا فندم .. اتشرفنا بحضرتك 😊😊.. هي بنت حضرتك خلصت السنة دي ثانوية عامة؟
- أه بس هتفرق في ايه.. مش انتوا بتخدوا أي حاجة.. ثانوية .. دبلومات.. يبقى بتسأل ليه 😠😠؟
- لاء يافندم ألاكاديمية بتقبل فقط الحاصلين على الثانوية العامة المصرية 🇪🇬 وما يعادلها زي الأمريكان دبلومة كده 🇺🇸.
- ليه يعنى ثانوية عامة بس ما كل الأكاديميات الخاصة بتقبل أي حد !!
- بس يافندم أكاديمية السادات هيئة تعليمية حكومية 🏫 مش خاصة زي ما حضرتك بتقول .
- لا والله !!
- أه يا فندم و عندنا كلية اسمها كلية العلوم الإدارية حكومية برضه زيها زي كلية التجارة جامعة القاهرة اربع سنين في نهايتهم يحصل الطالب على بكالوريوس في العلوم الإدارية و عندنا شعبتين عربي و انجليزي.
- طب لما هي حكومة .. أروح أقدم لبنتي في أي جامعة حكومية و خلاص أيه المميزات اللي عندكوا 😕😕 ؟
- المميزات كتير يا فندم .. منها إن الطالب عندنا بيحضر طول السنة مع الجروب بتاعه اللي ما بيعديش 30 طالب ، يعني بيقدر يحصل المعلومة و يناقش الدكتور ويطبق مع زمايله، كل ده لا يمكن يحصل لو قاعد في قاعة محاضرات فيها 2000 طالب ، غير ان الطالب لازم يلتزم بالحضور لأن الكلية بتطبق نظام الساعات المعتمدة زي جامعات بره ، ولازم يجتاز اختبار إجادة اللغة الإنجليزية ويحصل على 3 شهور تدريب و عشان كده خريجين الأكاديمية معروفين في سوق العمل و المؤسسات الكبيرة بتتسابق على توظيفهم .
- ايوه أنا كده فهمت يعني حكومة بس تعليم متميز .. طب ليه التقديم عندكوا في الأكاديمية مش في مكتب التنسيق؟
- لأن دي سياسة الأكاديمية منذ إنشائها بنختار الطلبة بتوعنا و بنحدد شروط قبولهم و بنعملهم اختبارات قبول لانتقاء افضل العناصر 👍👍.
- اختبارات قبول ! ودي عبارة عن أيه؟
- عبارة عن اختبارات تحريرية ( انجليزي و قدرات ومعلومات عامة) و اختبار شفوي عبارة عن مقابلة شخصية.
- ماشي طب ينفع أقدم في التنسيق وفي نفس الوقت أقدم في الأكاديمية؟
- أه طبعاً يا فندم عشان احنا بناخد صور من مستندات الطالب و بكده يقدر يقدم الأصول في مكتب التنسيق عادي وبعد ما يجتاز اختبارات القبول في الأكاديمية يسحب ورقه من الكلية اللي جاتله تبع التنسيق و يقدمه في الأكاديمية.
- بصراحة اقنعتني 😊 .. أنا كده أقدم لبنتي وأنا مطمن و كمان موقع الأكاديمية على كورنيش المعادي goo.gl/maps/bnQj7s4HtF22 قريبة لكل المواصلات العامة 🚌 والمترو Ⓜ️ والطريق الدائري 🚕 يعني تقدر تيجي وتروح لوحدها .
- تمام يا فندم ده شئ يسعدنا و يشرفنا التحاق بنت حضرتك بأكاديمية السادات للعلوم الإدارية 😀
وده حضرتك موقع الأكاديمية الألكتروني goo.gl/HTQzs8 وده دليل كلية العلوم الإدارية goo.gl/DuUDvY عشان حضرتك تعرف كل حاجة عن الأكاديمية ونظام الدراسة فيها و عام دراسي سعيد لكل طلابنا الأعزاء.
26/02/2017
16/09/2015
10/09/2015
17/08/2015
02/08/2015
21/07/2015
10/07/2015
27/06/2015