08/01/2025
كب كيك شيكولاتة 🍫🍫🍫
✳️✳️المقادير :
كوب و ثلث دقيق
١ م ص ممسوحة بيكنج بودر
١ م ص ممسوحة بيكنج صودا
كوب الا ربع كاكاو خام
ذرة ملح
١ م ك زبدة طرية
ربع كوب زيت ذرة
كوب سكر
٢ م ك عسل نحل
بيضتين
١ م ص فانيليا سايلة
١ م ص قهوة سريعة التحضير
ربع كوب ماء ساخن
٢ علبة زبادي صغيرة
كوب الا ربع تشوكليت تشيبس
✳️✳️الطريقة
♦️نسخن الفرن على حرارة 180 و نحط الرف الشبكة في النص، و نجهز الصينية بورق الكب كيك
♦️نضيف الماء الساخن على القهوة سريعة التحضير و نسيبهم يبردوا
♦️نقلب المواد الجافة سوا ( دقيق، ملح، بيكنج بودر، بيكنج صودا ، كاكاو) و لو قدرتوا تنخلوهم يوا يبقى كتر خيركم
♦️نضرب الزبدة و الزيت و السكر و العسل على سرعة عالية لمدة 4-5 دقائق لحد ما يكونوا شبه كريمة
♦️و نضيف البيض واحدة واحدة مع الضرب على سرعة متوسطة لمدة دقيقتين و نضيف الفانيليا و نضرب كمان دقيقة
♦️نضيف الماء الساخن بالقهوة سريعة التحضير اللي جهزناها و نقلبهم كويس مع الخليط
♦️نضيف المواد الجافة بالتبادل مع الزبادي (حبة جاف حبة زبادي لحد ما يخلصوا الاتنين) مع الضرب المستمر على سرعة متوسطة لحد ما كلهم يختلطوا
♦️اخر حاجة نضيفها التشوكليت تشيبس و نقلب الخليط بخفة بالراحة من تحت لفوق تقليبة واحدة مش كتير ، يدوب نوزع التشوكليت تشيبس و بس
♦️نصب الخليط في ورق الكب كيك. نملأ ثلثين كل ورقة ما نملاش للآخر لأن حجمها بيزيد بدل ما تفور و تبهدل الدنيا
♦️تدخل الفرن السخن حرارة ١٨٠ على الشبكة في النص و نختبرها بعد 18 دقيقة
#شطورة
04/06/2022
كريسبي تشيكن وينجز و صوص سويت تشيلي كله في البيت و كله صحي جدا 💪🏻💪🏻💪🏻
استحملوا معايا في القراية عشان تفاصيل الوصفة مهمة لنجاحها :
هنحتاج :
اجنحة دجاج
٣ م ك توابل الشرق الاقصى
٢ م ك نشا
١ م ك بيكنج باودر
ملح و فلفل
زيت زيتون
للصوص:
٢ م ك هريسة حلوة
١ م ك هريسة حارة
٢ م ك كاتشاب بيتي
١ م ك كاتشاب بيتي حار
١ م ك نشا
نص كوب ماء
ربع كوب صويا صوص
٣ فصوص ثوم مفروم ناعم
قطعة صغيرة في حجم عقلة الاصبع جنزبيل مفروم ناعم
الطريقة :
اهم حاجة الاجنحة تكون ناشفة تماما من اي مية ، فلازم تنشفوها بمناديل المطبخ كويس
هنخلط التوابل و النشا و البيكنج باودر سوا
نرش على الاجنحة رشة زيت زيتون خفيفة بعدها خليط التوابل و النشا و البيكنج باودر و نقلبهم سوا كويس
ندخلهم الاير فراير حرارة ٢٢٠ لمدة نص ساعة (ما تنسوش تدوهم تقليبة في النص)
نحضر الصوص:
نقلب النشا في المية
نحط كل المكونات سوا في حلة عالنار مع النشا الدايب في المية و نقلبهم كويس على نار هادية لحد ما الخليط يتقل
قطعة الجناح الواحدة بعد التسوية و بدون الصوص فيها تقريبا ١٥٠ سعر حراري
هتسألوني منين توابل الشرق الاقصى و الكاتشاب و الهريسة
انا بجيبهم من مدام سوما صاحبة جروب سوما ستور
ممكن احطلكم اللينك في الكومنتس لو تحبوا
26/05/2022
بتحبوا المانيكير ؟
ايه اكتر واحد عجبكم ؟
25/05/2022
افكار تنسيقات كلاسيك ينفعوا لحضور مناسبة مثلا
ايه رأيكم
و انهي تنسيق عجبكم اكتر ؟؟؟
ملحوظة
دي مجرد افكار
23/05/2022
من ١ لحد ١٠ تنسيقات بألوان وهمية
ايه اكتر لون عجبكم ؟
22/05/2022
ايه رأيكم في تركيبات الالوان الصيفي دي ؟
ايه اكتر تركيبة عجبتكم؟
02/04/2022
كل سنة و انتم طيبين
هكلمكم في موضوع قد يكون "مش لطيف" حبتين بس مهم ناخد بالنا منه و قلت اتكلم فيه اول يوم في الصيام عشان نركز من بدري
لون البول ….
كام واحدة فيكم بتركز في لون البول قبل ما تشد السيفون؟
مهم جدا ناخد بالنا من لونه لانه اول و اسرع علامة ممكن تقول لنا لو بنشرب مية كفاية او لأ
الصورة بتوضح اللون و دلالته في احتياج الجسم للماء :
اول لونين كده انتم في التمام و ماشيين بمعدل كويس في شرب الماء
اللون التالت و الرابع معناهم انكم بتشربوا مية بس مش كفاية
اللون الاخير ده معناه ان جسمكم في أشد الاحتياج للماء و بسرعة
⬇️⬇️⬇️⬇️⬇️⬇️
وزعوا كمية الماء اللي بتشربوها بين الفطار و السحور
يُفضل انكم تكسروا صيامكم على ٢ كوب ماء مع ٣ تمرات (بلاش عصاير ، بلاش عصاير ، بلاش عصاير)
بعد الفطار ممكن تشربوا اي مشروب عشبي زي ينسون، نعناع ، كاموميل…. الخ
قبل التراويح ٢ كوب ماء
بعد التراويح ٢ كوب ماء
من بعد التروايح للسحور كوب او ٢ ماء
و كمان كوب او اتنين مع السحور
في كمان حسبة ممكن تسهل عليكم معرفة انتوا محتاجين ماء قد ايه يوميا
و هي انكم تضربوا وزنكم في
0.033
يعني مثلا لو وزنك ٦٠ كيلو
60x0.033=1.98
اللي هو تقريبا ٢
يبقى اللي وزنه ٦٠ كيلو هيحتاج ٢ لتر ماء
13/03/2022
فنجان المغربية 😍😋
شاي كرك
بتوليفة فريش جدا
معاه كوكيز معمولة بنفس توليفة نكهة الشاي
و انا عملته بحليب قليل الدسم عشان نقلل الدهون
و حلّيته بسكر استيفيا
من مخبوزات العلياء و الحمد
اكتشااااااااف 🤩🤩🤩🤩🤩
26/05/2022
25/05/2022
23/05/2022
22/05/2022
02/04/2022
13/03/2022