Lojain's Art

أفكارك هتحدد نوعية حياتك 👌 ازاى تكتسب سلوك ايجابي جديد ؟

الغفران مش معناه انك بتدى بتدى مبرر للمسيئ ولا معناه انه مش هيتحاسب على أذاه ليك

اللى هتركز عليه هو اللى هيتحقق على ارض الواقع اسأل نفسك هو انا مركز على ايه دلوقتى ؟

تخيل كدة لما تكون انت الشخص السام اللى بيأذى نفسه !

🥰

أوقات لما بتحس بالقلق والتوتر وكأنك فى حالة تهديد وخطر .. ساعتها بتتصرف إزاى ؟ 🤔 طبعا بتلجأ ل ميكانيزمات الدفاع النفسى 🙄 إعرف يعنى ايه حيل الدفاع النفسي وحدد بتستخدم كام حيلة منهم 😁 ١ _ ميكانيزم الإسقاط 👇

《حبل به عقد من الخوف 》
________________________
كل فترة من حياتى كنت معتقده انه مش هعرف ومش هقدر ولما أغلب خوفى وأجرب بنجح وبكتسب خبرة جديدة ... كنت فاكرة انه مافيش خيارات كتيرة وانه الفرص قليلة ولازم امسك فى أى طوق نجاه يترمى لى

ايوة طوق نجاه ❗ .. عشان كنت فاكرة انه انا فى خطر 🚫

مسكت الحبل اللى جوة مخى وبدأت أفك العقد واحدة واحدة وبهدوء وبتركيز وبقول لنفسي (( انا مش مستعجلة ))

لما كنت بحس ب أى مشاعر سلبية كنت بكتبها فى ورقة وأناقشها ويطلع فى الاخر الفكرة غير منطقية وانه مافيش داعى للحزن 🤗

انا فكيت عقد كتير وإتأكدت انه الهدف من الحياه انك تتعلم وانت مبسوط وفى بيئة حرة وضوابطها هدفها الحفاظ علينا من الخطر فقط .. لكن غير كدة أهلا ب الاستكشاف والتجربة ✅

مافيش حاجة اسمها هو طريق واحد للنجاح .. احنا مينفعش نتحط فى قالب بصفات واحدة .. احنا مينفعش نفرض نمط معين لطريقة الاستمتاع بالتعلم وبالحياه ... احنا مالناش كتالوج ❌
عشان كدة قررت أعمل deal مع الحياه 🤛🤜
انا بقيت 🆒️🆓️🆕 ️ وعملت للتعلق نسف 💣💥
وقررت انه انا اللى هكتب سيناريو حياتى 📝 وهحوله ل فيلم كله مغامرات 🎬📽🎥
هتقبل الحياه سواء كانت ⬇️ او ⬆️ 😉
انا بحب ربي ومؤمنة بوجوده ومتأكدة انه الله هو الامان التام ل قلبي 💚 ... وأخيرا هكمل مغامرتى ب شغف وحب 🥰

صحتك الجسدية والنفسية له الاولوية فى إهتماماتك اليومية 👌
لاى سؤال ابعتوا لى رسالة على الصفحة 🥰
💚❤🤍💛🧡💙💜

الشعور بالعجز النفسي هو شعور مكتسب فى مرحلة الطفولة المبكرة وغالبا بيكون بسبب أنه الاطفال اتربوا فى بيئة تتسم بالصرامة ومع الوقت بيتطور الشعور بالعجز مع التجارب والاحداث المتكررة اللى بتعزز مشاعر اليأس والإحباط .. وهنا الشخص بيصاب بالقلق والاكتئاب لانه بيكون عنده توقع مسبق للأحداث المستقبلية ب إنها هتكون خارج قدرته على التحكم وانه مهما حاول مش هيوصل وهنا بيقع فى الإستسلام وندب الحظ .
من علامات الشعور بالعجز : ضعف فى الاداء التعليمى / الاجتماعى /المهنى .
إذن الشعور بالعجز النفسي بدرجاته من بسيط ل شديد يمكن أن يقع فيه أى شخص .. والسؤال هنا :
ليه دايما بنوصم ذوى الهمم ب العجز ؟؟؟
رسالتى لكل الامهات والاباء :
إكتشفوا قدرات اطفالكم وأكييييييد طفلك مبدع فى مجال ما .. ثق وصدق أنه طفلك هينجح وهيحظى ب جودة حياة ممتازة.
فيه نماذج كتير ل أسر نجحت انها تدعم اولادها وبقوا ابطال رياضيين وبيدرسوا فى الجامعات ومنهم اللى عندهم مهارة فى الحرف اليدوية وبيشاركوا بيها فى معارض ....وإلخ
( إذا كنت تؤمن بالواقع فهنيئا لك تعقيداته )🙄
( إذا كنت تؤمن بالله فهنيئا لك معجزاته ) 💛💪
🫂
💪

قريت تعليق فى جروب خاص بذوى متلازمة أسبرجر .. التعليق ل طفل مراهق بيقول ( مش حابب فكرة انه شخص يعاملنى على انه أنا مكسور ومحتاج أتصلح )
💪
🫂
🏋‍♂️