Mr. Mohamed abdel Aziz

it is all about time and the future
build your way to success with us

_____________كثافة نواة الذرة ______________
- عنصر الحديد معروف بكثافتة العالية وهي 7874 كجم/متر مكعب ولذلك بيتميز الحديد بثقله
- لكن الحديد ليس اكبر العناصر في الكثافة فمثلا عندك الزئبق العنصر الفلزي الوحيد
السائل كثافتة 13600 كجم/متر مكعب
- يعني لو جبت مثلا مكعبين ليهم نفس الحجم واحد من الحديد والتاني ممتلئ بالزئبق هتلاقي ان الزئبق اثقل من الحديد في الوزن

طب اية الموضوع المهم عندنا هنا .......

عند حساب كثافة نواة الذرة وجدنا انها لا تعتمد على نوع عنصر ميعن
- بمعني ان كثافة نواة الهيدروجين مثل نواة اليورانيوم والحديد ألخ...
- و الكثافة دي رقم كبير جدا ويساوي 23X10^16 كجم/متر مكعب
- تخيل معي لو عندك سرنجة حجمها 1 مللي (حجم صغير جدا) ممتلئ بأنوية ذرات بس - - هيكون وزنها اد اية !!!
- هيكون وزنها 230 مليون طن 👊👊

اينشتاين صاحب انتصار الحرب العالمية الثانية
- الجميع يعرف العداوة بين هتلر واليهود خاصة الصهاينة
- اضطر هتلر بعد الحرب العالمية الثانية الى الهجرة الى امريكا وكان قبلها يعيش بألمانيا
- لم يكن أينشتاين ممن يقفون في المعامل كثيراً، ولكنه كان يبدأ دائماً من حيث ينتهي المعمليون وأصحاب التجارب،
- تنبأ أينشتاين من ابحاث الالمان ان ألمانيا على وشك تفجير نواة الذرة والحصول على الطاقة الذرية واستخدامها فى المجالات السلمية والحربية
- قام اينشتاين بالتواصل مع الرئيس الامريكى فى هذا الوقت الحرج والهجرة الى امريكا حيث كان هذا عامل كبير فى تفوق امريكا عسكريا على اليابان فى الحرب العالمية الثانية بسبب صناعة القنبلة الذرية
- ومن اهم اقوال اينشتاين بعد انتصار امريكا على اليابان فى الحرب العالمية الثانية
(لقد ارتكبت أعظم أخطاء حياتي عندما أرسلت إلى الرئيس الأمريكي روزفلت شارحاً له فكرة القنبلة النووية ولكن التبرير الوحيد الذي يعزيني هو أن ألمانيا لن تفعلها)!
- كان يريد بشدة الا تنتصر ألمانيا فى هذة الحرب مما يعنى إبادة اليهود...
......
- فى النهاية لابد ان يعترف العالم كلة ان الالمان هم اساس الثورة العلمية خاصة فى مجال الذرة وعلم الكم وانهم رواد العلم الحديث

افهم نظام تانية ثانوى الجديد………...
ثانيا المعلومات اللى بننشرها بهدف التوضيح لاولادنا علشان يستعدوا…….من واقع تصريحات الوزارة ورئاسة الوزراء بناءا على طلب الاعضاء لفهم ما تنوى الوزارة فعله...
ثالثا الوزارة ستنفذ الكلام ده ولا زى السنة اللى فاتت…… الله اعلم
ندخل بقى فى الموضوع
- تانية ثانوى شهادة تدخل من ضمن مجموع سنتين التراكمية يعنى مش نقل عادى…..
- هتمتحن الترم الاول امتحانين هتاخد افضل درجة امتحان لك كدرجة الترم الاول….
- هتمتحن الترم الثاني امتحانين هتاخد أفضل درجة امتحان كنتيجة الترم الثاني……
- مجموع نهاية الصف الثاني هو نتيجة الترم الاول + نتيجة الترم الثانى متوسطهم هو نتيجة سنة تانية…….
- لو جبت ٥٠ ٪ واكثر فى كل المواد هتنتقل للصف الثالث اقل من ٥٠٪ فى اى مادة هتعيد السنة…..
- مفيش ملاحق و لا دور ثان فى النظام التراكمى…..
- لو عدت السنة بسبب مادة هتعيد كل المواد…...
- متوسط مجموع تانية ثانوى + مجموع تالتة ثانوى هتؤهلك للجامعة بالدرجات………..
- دخول الجامعات بالدرجات مش التقديرات…..
- مكتب التنسيق موجود مش هيتلغى و اساس التنسيق هو المجموع مش قدرات غير بس الجامعات المعتادة اللى بتعمل لها اختبار قدرات مثل…..التربية الرياضية…..فنون جميلة….. إعلام……...
- الامتحانات الالكترونية على التابلت للحكومة و الخاص و الخدمات…….
- امتحانات غيرموحدة….اسئلة غير متوقعة….
- تصحيح الكترونى دون تدخل بشرى فى الاسئلة الخيارية و بتدخل بشرى فى الاسئلة المقالية…….
- لا يوجد تظلمات على نتيجة الامتحانات الالكترونية…….🙂🙃🙂

نصائح للمقبلين على الثانوية العامة .. 2020

⬅️(1) - ابدء دروسك من شهر 8 متبدأش من قبل كده .
⬅️(2) - تخد في الماده مع مدرس واحد فقط .
⬅️(3) - بلاش المجموعات الكبيرة قوي اللي اكتر من 50 طالب.
⬅️(4) - لو هتخد في مراكز يبقي تركز انك تروح بدري وتقعد في الاول وتفصل نفسك عن الي حواليك .
⬅️(5) - متخدش مع المدرس علي اساس اسمه ( عفريت الفيزياء ) ( دبابه الكيمياء ) لما يكون بيدي 6000 طالب اكيد هيطلع من عنده 2 جايبين 99% امر عادي ولا علشان ابن خالتك هيخد عنده - ممكن مدرس مش مشهور اوي بس شاطر وبيراعي ضميره.
⬅️(6) - جرب المدرس 3 حصص علي الاقل وشوف طريقه شرحه مناسبه ليك وبتفهم منه ولا لا مش اقل من كده - لو حسيت انك مش فاهم منه حاجه ومش بيوصلك المعلومه غيره اما مش من اول حصه .
⬅️(7) - الدروس في 3 ثانوي مش زي اعدادي - يعني مش هتلاقي انتا قاعد مع 3 والمدرس بيديك الدرس وعارفك بالاسم لا انتا ممكن تحضر مع 300 طالب تانين فلازم تعمل حسابك انك مش هتكون ( النجم الساطع ) زي ما كان بيحصل قبل كده .
⬅️(8) - ظبط مواعيد دروسك من البدايه علي حسب ايام الاسبوع و مواعيد الدروس وبعضها البعض .
⬅️(9) - تخد في الماده مع مدرس واحد فقط ( تاني ) - هتقولي بتكررها ليها علشان متغلطش غلطه شكري ( واحد صاحبي متعرفوش ) كان بيخد في الماده مع 2 و 3 مدرسين لدرجه انه مكنش بيدخل البيت كان فاكر ان كده شطاره وتثبيت للمعلومات .
⬅️(10) - سنه الثانويه العامه 10 شهور - بتبدء من شهر 8 و بتنتهي في شهر 5 - قسم السنه لكزا مرحله علشان تبقي عارف في كل مرحله هتعمل ايه .
⬅️(11) - بلاش تعلي النار اوي من البدايه علشان الانبوبه متخلصش - بتقول ايه ؟ - زي ما قولتلك كده متبدأش السنه سخن اوي و بتذاكر في ال 24 ساعه 24 ساعه علشان متجيش علي شهر 2 تلاقي نفسك زهقت ومليت وتعبت وتقع مره واحده - خليك ماشي بسرعه متوسطه لا تنام ولا تعلي اوعي بس المهم انك تكون متحفز دايما ومصحصح .
⬅️(12) - خلص مذاكرتك اول بأول - اوعي اوعي اوعي تراكم حاجه عليك - خليك خفيف دايما كده - تيجي من الدرس يا في نفس اليوم او تاني يوم بالكتير تكون مذاكر الي انتا اخدته - اول باول هتلاقي نفسك مرتاح نفسيا دايما ومش مضغوط و مطمن من جواك .
⬅️(13) - كل شهر ادي لنفس يومين تلاته - تعمل فيهم مراجعه علي الي فات - علشان تفوق نفسك وبالبلدي تلضم الي فات بالي جي علشان متفصلش .
⬅️(14) - خليك مع ربنا دايما - التزم بصلاتك في مواعيدها - الصلاة هتخليك مطمئن وهادي و مستريح ومش متوتر .
⬅️(15) - رضاء والدك ووالدتك عليك مفعوله السحر - ممكن تبقي الدنيا متشقلبه معاك - بدعوه واحده منهم كل حاجه تستقر وتتظبط - فبقدر الامكان برهم وخليهم راضيين عنك .
⬅️(16) - انتا مش في سجن - يعني جو شيل التلفزيون و قطع الانترنت ده مش هيوصل بيك لحاجه الا انك هتكون مضغوط نفسيا ومخنوق طول الوقت - انتا مش صغير انتا كبير وعندك اراده و هدف - يعني عارف انها سنه مهمه ولازم تدي فيها مجهود اكثر من اي سنه تانيه بس كمان لازم يكون في وقت للترفيه حتي لو محدود بس مطلوب .
⬅️(17) - متقولش انا عاوز اجيب مجموع كزا علشان انا عاوز ادخل كليه كزا - لا كان فيه وخلص - انتا تبص علي ال 99% انا مليش دعوه بالكليه دلوقتي انا ليا دعوه بالكام % وابص لل 99% علشان يوم ما انزل ابقي 97% ابقي 98% اما لو قولت انا عاوز اجيب 97% هجيب 95% وهكذا - فمتركزش في الكليه ركز في المجموع بس .
⬅️(18) - كتر شراء الكتب الخارجيه امر مزعج وبيعملك دوشه وتحس انك مش عارف تفتح ايه ولا ايه ولا ايه - فمتفتكرش ان ديه شطاره هات الي المدرس بتاعك ينصحك بيه فقط وركز فيه مع كتاب المدرسه والنماذج بتاعت الوزاره .
⬅️(19) - الغي كلمه ( توتر ) من قاموسك - لو اتوترت حتي لو كنت طول عمرك من الاوائل هتتكعبل في السنه ديه وهتقع علي وشك - انا مش هقولك زي باقي الناس هيا سنه زي اي سنه - لا هيا سنه فريده وبيتحدد عليها مستقبل - علشان كده عاوزه اهتمام اما هيا مش بعبع - قلقها بيجي من التوتر و المعتقدات الي تربينا عليها من الصغر - اما هيا سنه لو فوقت ليها كويس وصحصحت ليها وقسمت السنه مراحل زي ما قولت هتلاقي نفسك من الاوائل بأذن الله .
⬅️(20) - هات نتيجه حائط وعلقها في غرفتك وكل يوم بيومه تشطب علي اليوم علشان تحس ان لليوم ده قيمه ميعديش كده بالساهل - وتجيب ورق نوت كده تسميه ( الجدول اليومي ) كل يوم اول لما تصحي الصبح بعد لما تصلي وتفطر تكتب فيه انتا يومك هيمشي ازاي وهيبقي فيه ايه - هتروح درس ايه - هتذاكر ايه النهارده - هتروح فين كده

✅ واخيرا
تذكروا ان " لِكُلِّ مُجْتَهِدٍ نَصِيبٌ "

____________________العلم من أول خطوة________________
ذهب آينشتين إلى حفل اقامته إحدى السيدات، وفي أثناء الحفل، طلبت منه سيدة أن يشرح لهم النظرية النسبية، فكر قليلاً ثم روى القصة التالية
- سرت مرة مع رجل مكفوف البصر، فذكرت له أنني أحب اللبن، فسألني: ما هو اللبن؟
- فقلت: أنه سائل أبيض
- فقال: أنني أعرف ما هو السائل، ولكن ما هو اللون الأبيض؟
- قلت: أنه لون ريش البجع
- قال: أما الريش فأنني أعرفه، ولكن ما هو البجع؟
- قلت: انه طائر برقبة ملتوية
- قال: أما الرقبة فأنني أعرفها، ولكن ما معنى ملتوية؟
... بعدها أخذت ذراعه ومددتها، ثم ثنيتها، وقلت له: هذا معنى الألتواء، فأقتنع، وقال: الآن عرفت ما هو اللبن
ثم التفت الى السيدة وقال: إلا تزالين ترغبين بمعرفة ما هي النظرية النسبية؟

حاول ألا تتناقش مع جاهل

مع اقتراب موسم حجز الدروس الخصوصية
رسائل إلى عزيزي ولي الأمر:
1- انزل احجز بنفسك عند المدرسين واعرف مكان المدرس وخد تليفونه واعرف قيمة الشهر والملازم كام بالظبط.
2- وانت بتحجز لابنك او بنتك حاول تنسق المواعيد بحيث مايكونش فيه فترات متباعدة كبيرة بين كل مادة ومادة.
3- اطلب انه يبعتلك تقرير علي الاقل شهري بغياب الطالب ودرجاته وفلوس الشهر.
4- مفيش مدرس بيزود فلوس الشهر والعام الدراسي شغال .. ولما ابنك او بنتك يقولولك فيه كورس انجلش او نحو ب200 جنيه اتصل اسأل الاول.
5- لو فجأة ابنك او بنتك قالولك انا طلعت من الدرس وروحت لمدرس تاني اتصل بالمدرس التاني واعرف منه المواعيد والفلوس وياريت لو تروحله وتعرف مكانه.
6- فاجئ ولادك بزيارة للمدرسين كلهم واسأل علي حضورهم وغيابهم والفلوس دفعوها ولا لأ
7- لما تروح للمدرسين سيب رقم تليفونك بنفسك وأكد ع ان دة الرقم الوحيد للتواصل.
8- ياريت كمان تأكد عليهم ان اي اعتذار او حجة لغياب الطالب يكون بزيارة من حضرتك او من خلال رقم التليفون اللي حضرتك سايبه مش اي رقم تاني.
9- لو ظروف حضرتك المادية ما تسمحش بدفع فلوس الشهر كاملة ومحتاج تعمل تخفيض اطلب ده بنفسك وبعزة وكرامة .. فضلكم وخيركم كتير ع المدرسين وانا واحد منهم.. ولو المدرس رفض او كلمك وحش رد عليه الرد المناسب وخد ابنك وامشي.
10- المدرس اللي يقولك خلصت حجز او استنى علي قائمة الانتظار (الويتنج) هو مش بيتنطط عليك ولا حاجة .. خد ابنك او بنتك واحجز ف مكان تاني ولعله يكون خير لولادك.
#الـفــيــزيـــــائـى

________________بارومتر الرسوب_______________

- في جامعة كوبنهاجن بالدنمارك ، وفي امتحان الفيزياء

-كان ضمن الاسئلة سؤالا كالتالي:
س: كيف تحدد ارتفاع ناطحة سحاب باستخدام البارومتر؟
( البارومتر جهاز قياس الضغط الجوي)

الاجابة الصحيحة قياس الفرق بين الضغط الجوي عند مستوى الارض والضغط اعلى ناطحة السحاب.

كانت إجابة طالب كالتالي: “أربط البارومتر بخيط طويل وأدليه من أعلى
الناطحة حتى يمس الأرض ثم أقيس طول الخيط”.

كانت ااجابة مستفزة مستفزة لأستاذ الفيزياء لدرجة أنه اعطاة صفرا
دون تصحيح باقى الاسئلة وأوصى برسوبه لعدم قدرته المطلقة على
النجاح،

قدم الطالب تظلما لإدارة الجامعة مؤكدا أن إجابته صحيحة مائة في المائة
وحسب قانون الجامعة عين خبير للبت في القضية،وأفاد تقرير الخبير أن
إجابة الطالب صحيحة لكنها لا تدل على معرفته بمادة الفيزياء وقرر إعطاء
الطالب فرصة أخرى وإعادة الامتحان شفاهيا.

- في اليوم المحدد، طرح عليه الحكم نفس السؤال،
- فكر الطالب قليلا ثم قال: ” لدي إجابات كثيرة لقياس ارتفاع الناطحة ولا
أدري أيها أختار،
فقال له الحكم: هات كل ما عندك،
فاجاب الطالب :
1- يمكن إلقاء البارومتر من أعلى الناطحة ويقاس الوقت الذي
يستغرقه حتى يصل الى الأرض وبالتالي يمكن معرفة ارتفاعها(معادلة الحركة الثانية )

2- إذا كانت الشمس مشرقة، يمكن قياس طول ظل البارومتر وطول ظل
الناطحة فنعرف طول الناطحة من قانون التناسب بين الطولين وبين الظلين(قانون تناسب ارتفاعات المثلت)
3- إذا أردنا أسرع الحلول فإن أفضل طريقة هي أن نقدم البارومتر هدية لحارس الناطحة على أن يعلمنا بطولها.
4- أما إذا أردنا تعقيد الأمور فسنحسب ارتفاع الناطحة بواسطة الفرق بين
الضغط الجوي على سطح الأرض وأعلى الناطحة باستخدام البارومتر (الاجابة المطلوبة)
........
كان الحكم ينتظر الاجابة الأخيرة التي تدل على فهم الطالب لمادة
الفيزياء والاجابات الاخرىى تدل على فهمة العميق لها
- بينما الطالب يعتبرها الاجابة الأسوأ نظرا لصعوبتها وتعقيدها ،

أن تعرف أن إسم الطالب هو
_ احد ابرز العلماء فى الفيزياء الذرية حائز على جائزة نوبل فى الفيزياء

________________الرديان والدرجة__________
الرديان: هو وحدة قياس الزاوية المركزية فى الدائرة والتى تقابل قوس طولة يساوى طول نصف قطر الدائرة