ناهد نجيب اخصائية نفسية

16/08/2021

*الناس الحلوة أوي ♥️♥️♥️*

فيه ناس حلوة أوي في الدنيا ، تنور اي مكان موجودة فيه 🌞🌞و ناس اتخلقت تسعد اللي حواليها😁♥️، و ترطب قلب المجروح ، و تجبر خاطر المكسور ..
و ناس بترسم الفرحة علي وش الكل🎈🎈🎈..
الناس دي عارفة كمية الظلم و القهر و الوجع اللي مغطي الناس😥، فقررت تكون بلسم شافي و ترياق فرح للي حواليها..
و ناس ضحكتها دوا😅 و قعدتها شفا .. تشجع لما الامل يروح و تسقف👏🏻 حتي لو مفيش حد تاني موجود ..
و ناس بتحس قوي بالمتضايق و تجري عليه تواسيه و تاخد بحسه ..
و ناس بيضا و صافية زي المية الجميلة💦 تروي من غير ما تطلب حاجة..
و ناس لسانها بينقط عسل، ما تعرفش تقول كلمة بايخة أو تعليق جارح ..
و ناس الاعتذار عندها بسيط و سلس، و معندهاش مانع تريح الكل..
و ناس بتسأل علي الكل ، و تتعب نفسها علشان تريح الجميع، عاوزة تدي ما تاخدش ، وشها المريح رزق و ابتسامتها الصادقة هدية ..
الناس دي بتخللي الدنيا🌍 منورة و جميلة، 🌹و مهما كان فيه تعب، تشوفهم تقول لسه فيه خير في الدنيا طول ما هما موجودين..
الناس دي لما تشوفها "معدية" ، تبقي نفسك تقلدها من كتر ما بتحبها♥️🥰 ..

16/08/2021

1- ابعد .. عن اللى طبعه مش طبعك .. وإللي مالوش اصل ولا كبير عشان متصغرش نفسك

2- ابعد .. عن الناس القاسية و حط تحت كلمة قاسية ١٠٠ خط اللي مالهمش عزيز ولا غالي

3- ابعد .. عن الكدابين بتوع الحوارات واللى بوشين عمرهم ما هيكونو مخلصين , الإخلاص فعل خفى لا رقيب عليه الا الضمير

4- ابعد .. عن اللى هونت عليه. هونت مرة , هاتهون عليه الف مرة

5- ابعد .. عن الشكاك والنكدى وإللى ضميره اسود ، بيبقى من وحاشه اللى جواه مفكر كل الناس زيه

6 - ابعد .. عن بخيل المشاعر الانانى، هيستكتر عليك اى كلمه حلوة تجبر خاطرك

7 - ابعد .. عن اللى شايف غلطته صغيره أو شايف نفسه مابيغلطش، انت مش ناقص مرضى نفسين ف حياتك

8 - ابعد .. عن اللى تجبر بخاطره وتراضيه وتقربله ، وهو يفضل مكانه

9 - ابعد .. عن اللى تسامحه مره واتنين ويكرر غلطه، بيبقى فاكر نفسه أذكى منك وانك مابتحسش

10 - ابعد .. عن اللى ف شدتك عمرك ما لاقيته

11 - ابعد .. عن اللى مابيحترمش ولا يكبر للكبير، هيبقى شايف نفسه شبح وبيعمل الصح وهو قليل الادب والأخلاق و عمره ماشاف تربيه

12 - ابعد .. عن اللى يصغرك قدام الناس

13- ابعد .. عن الكهين ابو دمعه الممثل هيجبلك الهم

14- ابعد .. وبس .. ما تبصش وراك تانى .. صدقني اللى هيخسرك مش هيعوضك تانى

ابعد من غير ما تعاتب , العتاب اتعمل للناس اللى أخلاقهم عاليه و اللى انت لسه باقي عليهم ,
خليك باقي على اللى باقى عليك ,
انك تنسحب من حياة الناس قليله الأصل دي مش نداله لا دي منتهي القوه والجدعنه مع نفسك ..

قرب لولاد الأصول اللى تقربلهم خطوه يقربولك الف وإللى قعدتهم مش هم ونكد اللى مابيعرفوش يجيبو سيره حد ولو اتكلمو على حد يتكلمو ف الخير
اللى لو ماكلمتهوش يكلمك هو يسأل عليك
قرب للشبعان القنوع اللى عارف يعنى ايه كبير مايرفعش عينه عليه ويعني ايه مبادئ واخلاق.

21/02/2019

وبعد ربع قرن من ممارسة مهنة الطب أستطيع أن أضيف أحد الأسباب الطبية لموت الإنسان ألا وهو الظلم
د.عادل صادق

15/02/2019

احلى كلمة اخر كلمة (عمرى ما هسيبك)

02/02/2019