Rania QaraQish - Relationship Coach

Rania QaraQish - Relationship Coach Relationship Coach since 2018 not a stroke of luck! The solution is always simpler than the problem. And love is always a right choice

الوصول لعلاقة آمنة مريحة هو إختيار كل شخص يقدر يوصله .. مش ضربة حظ !

حنمشي خطوة خطوة لغاية ما توصلي لنقطة الأمان والسعادة فى علاقتك مع الطرف الآخر ومع نفسك أولًا .

كل أسئلتك : إزاى أعيش حياة حقيقية بكل مشاعرى وطاقتى وبكل سعادة وراحة .. كل الأسئلة دى حنلاقى إجاباتها سوا .
الحل دايمًا أبسط من المشكلة .
والحب دايمًا إختيار صح 💜

Achieving a comfortable relationship is the choice of everyone .. We will be taking it step by step until you reach the point of safety and happiness in your relationship with your partner and with yourself first. We will figure out the right answers for these questions together: How do I live a real life with all my feelings and energy, with happiness and comfort..

عمري ما آمنت بفكرة قد إن الصعوبة لا توجد مع الله .. لو لقيت نفسك عايش في ( صعوبة ) ورهق وحيرة إعرف إنك بتعاني من برمجة و...
10/01/2026

عمري ما آمنت بفكرة قد إن الصعوبة لا توجد مع الله ..

لو لقيت نفسك عايش في ( صعوبة ) ورهق وحيرة إعرف إنك بتعاني من برمجة وأفكار وهمية وإن ربنا بعيد عن هذه المعادلة !!

خايف من الناس وشرورهم ⬅️ مؤمن زيادة بقوتهم وإن هم الفاعلين بجد ..

خايف تفشل قدام نفسك وقدام الناس ⬅️ الإيجو أقنعك إن فيه إنسان في الأرض مش حيفشل في شئ ولو مرة ..

خايفة تفقدي حبيبك أو جوزك وتنتهي علاقتكو ◀️ خوفك حيجيب اللي مخوفك وقلبك متعلق بإنسان

ربنا مش هنا خالص
ربنا مش في معادلة فيها إيجو أو خوف أو تعلق أو رغبة في الكمال ..
طريق ربي كله سهل ممتد ناعم ولين وهادئ

وقت ما تلاقي الصعوبة في علاقة / شغل / مع نفسك … ضور على أفكارك المشوهة أو خوفك الزايد أو تعلقك ..

وقت ما حتفضي قلبك وعقلك من البرمجة والوهم حتلاقي السهولة والسعة وحتلاقي طريق ربنا 🧡

الفجوة الزمنية بين اللخبطة واليقين هي دي إختبارك !ما بين الحدث اللي بيؤلمك أو يضايقك أو يحيرك جدًا أو إضطرارك لقبول وضع ...
09/01/2026

الفجوة الزمنية بين اللخبطة واليقين هي دي إختبارك !

ما بين الحدث اللي بيؤلمك أو يضايقك أو يحيرك جدًا
أو
إضطرارك لقبول وضع ما كنتش تتخيله أو حال مش مريح ..

ما بين كل دا 👆وبين لحظة الفهم وال "يقين"
هو دا إختبارك ..
لحد قبل ما تفهم بيوم إنت لسه بتختبر

حتوافق ؟
حتتقبل حتى مع إدراكك انه وحش ؟
حترضي حتى بدون فهم ؛ بدون ما تعرف حكمة الحدث الوحش ؟
حترضى بالمشكلة وتبعاتها قبل ما تتحل .. حترضى إنها ممكن أصلًا ما تتحلش !!!

دا اختبارك ..
مؤمن بالأسباب والناس وما تراه … حتتوه
مؤمن برب الأسباب ومدبر أمرك لحظة بلحظة حترتاح وسط المشكلة وحتهدى في عز الدوشة ..

يقينك بما لا ترى حيسندك قصاد ما ترى ..

صعبة ؟ آه صعبة
لان وقت المشكلة هو أضعف لحظة ليك
بس بعد ما تتحل .. خلص اختبارك ولو فشلت فيه
حيتكرر مرة واتنين لحد ما تتغير ..
قاعدة كونية مش بتوقف 🧡

والحمد لله

شئ عجيييب .. لو فكرة الخلق كلها مبنية على الاختيار .. فإزاي سيبنا غيرنا يختار حياتنا ويحاسبنا كمان !! إزاي إحنا " بنختا...
08/01/2026

شئ عجيييب ..

لو فكرة الخلق كلها مبنية على الاختيار .. فإزاي سيبنا غيرنا يختار حياتنا ويحاسبنا كمان !!

إزاي إحنا " بنختار " بأفكار ومعتقدات ناس تانية !!

لأ وإيه بنعيش حياة كاملة بناءًا على الإختيارات دي !!

يعني غيرنا فكر واعتقد وقرر (( حقايق ))
احنا اخترنا كل حياتنا بناءًا على حقايق لا تمت بصلة للحقايق ..

مثلا في العلاقات ازاي صدقنا دا :

📌الطلاق دمار والاستمرار دايمًا أفضل .
مين قال ؟

📌الراجل اللي يعبر عن خوفه أو مشاعره عامة دا مش راجل
ليه صدقنا دا ؟؟

📌منظرنا قدام الناس أهم من راحتنا وسعادتنا .
ضيعت كام سنة لغاية ما فهمت ال (( طز )) في صورتنا ؟

📌الجواز والخلفة والمدارس الدولية وإظهار السعادة أهم من السعادة والحياة نفسها والزواج لازم يعيش حتى لو عشناه كالأموات.

هااا وبقيت سعيد بالتراك اللي رسمهولك غيرك ؟

ضرورات ولوازم وأولويات اختارها غيرنا واتبرمجنا على إتباعها ( كالعميان ) !!!

أنا يمكن عشت دا سنين لحد ما وقفت وبصيت على نفسي وحياتي وقررت إني حأعيش حياتي أنا باختياراتي أنا اللي حأدفع ثمنها أنا ؛ حتى لو مش عاجبة غيري .
والحمد لله

عايز ترتاح ؟ شيل " الجمهور " من حياتك .. شيل المتفرجين الموافقين المشجعين أو .. الرافضين المستنكرين !!شيل فكرة إن في جمه...
30/12/2025

عايز ترتاح ؟
شيل " الجمهور " من حياتك ..

شيل المتفرجين الموافقين المشجعين أو .. الرافضين المستنكرين !!

شيل فكرة إن في جمهور بيتفرج على حياتك واختياراتك وانجازاتك .. حترتاح .

وقتها حتختار اللي يريحك .. يسعدك .. يناسبك وما يضغطش عليك .. اللي على مقاسك وذوقك وبيضيف إضافات حقيقية لروحك ..

الناس مش هم إنت
الناس مش حتعيش حياتك إنت
الناس وقت الألم مش حيكونوا شايلين معاك حتى لو إختيارك دا كان لإرضائهم !!

فيه قاعدة مهمة جدًا في الحياة إسمها (( old frame ))
يعني إكتشاف إنك عايش ومكرس طاقتك وحياتك وتركيزك لإشباع رغبة أو إختيار أو احتياج وهمممممي
ما يخصكش من الأساس ..

يمكن يخص أبوك أو أمك أو حد غيرك عاش الاختيار والحلم دا وأسعده لكنه ما ينفعش يبقى حلمك أنت ..

عشان كدا بقولك شيل الجمهور والمتفرجين بموافقاتهم ورفضهم من حياتك واختار اختيارات حقيقية وعشها كاملة وادفع تمنها حتلاقي نفسك في حياة مختلفة كل الاختلاف

حياة حقيقية🧡

المفاجأة .. إن اللي ظلمك وآذاك مش حيرجع في نهاية الفيلم يسألك المغفرة والسماح ولا اللي بوظ حياتك حيحاول يصلحها ولا حتى ح...
13/12/2025

المفاجأة ..

إن اللي ظلمك وآذاك مش حيرجع في نهاية الفيلم يسألك المغفرة والسماح

ولا اللي بوظ حياتك حيحاول يصلحها ولا حتى حيعترف إنه كان جزء قبيح في قصتك !!

لأ خااالص مفيش حاجة من دي حتحصل ..

ومع ذلك …

في إيدك إنك ترجع وتحكي قصتك بشكل مختلف تمامًا ..
بشكل مش بس حيغير القصة القديمة ؛ لأ وحيغير قصتك اللي جاية كمان ..

عشت سنين وأنا كأني قليلة الحيلة وكأن مشكلتي ملهاش مخرج وكأني لوحدي ..

بعدها وقفت وقررت إني ممكن أقول أنا إتظلمت وإتأذيت بس ممكن أقف على رجليا تاني ..

بعدها بسنين قدرت أعترف أنا إتظلمت وظلمت نفسي كمان وسنين عمري ضاعت للأسف .. بس دا كان فهمي ووعيي ..

النهاردة وبعد سنين كتير لو حأروي قصتي فأنا حأرويها أكيد أكيد بشكل مختلف ..

أنا إتأذيت وإتظلمت ؛ أووووي .. وظلمت نفسي طبعا .. بس دا ما كانش غباء .. دا كان وعيي وفهمي وكان جزء ( مظلم غير مُرضي ) في قصة طويلة ملهمة قوية ومُرضية ..

وأكيد كان فيها لحظات جميلة عمري ما حأقول إنها كانت وهم !!
أنا مش ضحية و عمري ما كنت ..
كل دا كان مقّدر وكل دا كان شكله وحش جدا لو إتشاف لوحده كلقطة واحدة من قصة كاملة ..

قصتي كان ليها أجزاء كتيييير منها حلو ومنها وحش
ومعظم الوحش اللي حصل فيها كان لإني اعتمدت على أسباب دنيوية منطقية وتعلقت بأشخاص وعلاقات ومخاوف .. وصممت أطرق أبواب مش راضية تنفتح
لما أدركت كل دا تحررت ..

طرت في السماء وعشت قصة جديدة خالص راضية عنها بكل حلوها ووحشها وغباءي ووعيي وكل شئ ..

الحمد لله

القصة وما فيها في حياتنا مش الأحداث .. لألكن إيه اللي بيحصل جوانا أثناء وقوع الأحداث دي ! إزاي بنفكر ونحس ونتصرف .. والح...
12/12/2025

القصة وما فيها في حياتنا مش الأحداث ..
لأ
لكن إيه اللي بيحصل جوانا أثناء وقوع الأحداث دي !

إزاي بنفكر ونحس ونتصرف ..

والحدث بيحصل ؛ قلبك وتركيزك فين؟؟
باصص ومنشغل بالحدث وتفاصيله والناس والكلام ؛
ولا باصص جوا

ليه الحدث دا حصل وتجّلى في حياتي الآن ؟
اللي بيحصل برا دا شبه إيه جوايا ؟

اتظلمت ؟؟
لو بصيت مين ظلمك وليه دا حصل وازاي ترد يبقى إنشغلت وتشتت عن الحقيقة
لأ بص جواك وإسئل نفسك
ازاي الظلم تجّلى في حياتي ؟
إزاي أنا خلقته وأظهرته في حياتي؟
إزاي بأظلم نفسي أو بأظلم حد بدون ما أشعر ؟

هنا
تبدأ البصيرة ويبدأ الفهم وتبدأ تستقبل رسايل الحدث ..

غير كدا أحداث ووجع ببلاش
عالفاضي بدون فهم لنفسك ولا تغيير طبعا

الفكرة دي غيرت حياتي حرفيًا ..
وخرجتني من مكان الضحية وقلة الحيلة والخوف ..
لإستقبال الفهم والنور والرشاد من رب العالمين ..
والحمد لله

إحنا بنزعل ببلاش .. بنحزن ونتضايق ونغضب ونخاف و .. و … ببلاش !!!!لا بنسمح للمشاعر تخرج وتطلع ونعيشها عاااادي .. لا إزاي ...
16/09/2025

إحنا بنزعل ببلاش ..
بنحزن ونتضايق ونغضب ونخاف و .. و … ببلاش !!!!

لا بنسمح للمشاعر تخرج وتطلع ونعيشها عاااادي ..
لا إزاي لازم ننظر ونعدل حتى على نفسنا ..
ايه الهبل دا خايفة ليه ؟
ليه حاسة بالحزن دا موقف وعدى ؟
ايه كل الزعل دا على موقف تافه ؟؟

لا سمحنا لمشاعرنا الحقيقية تظهر وتخرج
ولا سمحنا لنفسنا نكون إحنا وبس ..

ف ..
المشاعر اتكبتت واتخرست واتخزنت في جسمنا تخن وكدمات والتهابات وأمراض

والزعل والحزن دول كان ليهم رسالة نفهمها ..
بس طبعا ولا فهمنا منهم حاجة
ليه ؟؟
لاننا ركزنا على برا ؛ على الطرف التاني اللي عمل وعمل وعمل …

المواقف المحزنة فيها رسالة من ربنا تخصك انتي ..
حتسمحي للمشاعر تظهر وتسمحي لنفسك تستقبلي الرسالة .. جميل خلص الموقف ومش حيتكرر ..

حتكبتي الشعور وتركزي مع الناس .. أوعدك ان الموقف حيتكرر مرة واتنين ومليون لحد ما تسمعي رسالتك وتتغيري ..

ما تزعلوش ببلاش ..

الحياة دي محتاجة شوية التزام .. حبك لنفسك مش أكل وفسحة وشوية لبس .. أبدًا !!!!حبك لنفسك هو مبدأ تلتزم بيه طول الوقت .. ل...
01/09/2025

الحياة دي محتاجة شوية التزام ..

حبك لنفسك مش أكل وفسحة وشوية لبس .. أبدًا !!!!

حبك لنفسك هو مبدأ تلتزم بيه طول الوقت ..
لما تغلط ..
لما تضعف ..
لما تعوز شئ مؤذي ليك ..
لما تضطر تتخلى عن علاقة متعلق بيها بس هي مؤذية جدًا

حبك لنفسك هو قرار داخلي جدًا
(( أنا حأقف لنفسي وأدافع عنها ومش حأسمح لحد يأذيها حتى لو روحي متعلقة بيه ))

دا قرار مش قدرة وإرادة ..
قرار ..
ان حياتي وكلامي ومشاعري وحدودي كلها متسقة ..
ماشية في نفس الخط ..

المؤذي المستغل لمشاعرك مش حيكون أرحم على نفسك منك ..
لأ
هو مراية ليكي ..

اللي حتقبلي بوجوده في حياتك فإنتي تستحقيه ..
لانك قبلتي بوجوده ..

أي شخص مؤذي قال حقيقته من أول يوم !! احنا اللي غمضنا عنينا .. إحنا اللي رفضنا نفهم .. وبعد سنين وبعد خسارة في العمر والط...
31/08/2025

أي شخص مؤذي قال حقيقته من أول يوم !!
احنا اللي غمضنا عنينا ..
إحنا اللي رفضنا نفهم ..

وبعد سنين وبعد خسارة في العمر والطاقة
وبعد جروح بتفضل في الروح والقلب
بتيجي لحظة الإعتراف بالحقيقة ..
لاااازم حتيجي ..
الشخص دا آذاني .. تعبني واستهلك عمري وطاقتي ونضارة الروح ومشي ..
والشخص دا وضّح مرة واتنين وعشرة بكلامه وتصرفاته وأنانيته إنه وحش

الأمر ما أخدش سنين عشان يسيبك في ضيقك وعشان يجرحك ويستغل مشاعرك ..
بالعكس دا غالبًا بيحصل من أول كام شهر بس انتي غمضتي ومشيتي زي المسحورة في طريقه ..

بخبراتي في الحياة وبشغلي ككوتش سمعت دا بدال المرة ألف !!!

*الشخص دا فاجئك بحقيقته المظلمة بعد سنين ؟
- لأ هو قال حقيقته من البداية وأنا كملت !!!

البوست دا مش للندم أو اللوم أبدًا
بس عشان تشيلي انتي مسؤولية انقاذ نفسك وتهربي من طريق بدايته هي مثال صغير لنهايته ..
اتعبي كام يوم أو كام شهر بس اقفي لنفسك وروحك وقلبك واحميهم ودافعي عنهم لانهم مسؤوليتك وحدك !!

إوعي تتعشمي إنك في نهاية قصتك مع زوج نرجسي إنك حتخرجي منها وانتي ( البطلة ) الجامدة في عيون الآخرين !!!القوية اللي واجهت...
30/10/2024

إوعي تتعشمي إنك في نهاية قصتك مع زوج نرجسي إنك حتخرجي منها وانتي ( البطلة ) الجامدة في عيون الآخرين !!!

القوية اللي واجهت كل دا لوحدها ولا اشتكت ولا طلبت مساعدة ، اللي عاشت مع كل هذا الجنون
ومع ذلك حافظت على صورة الزوج والأب الكيوت الجميل ..

وهم !!
وهم كبيييييير حتعيشيه وتصحي على حقائق مختلفة تمامًا :

* انتي ما كنتيش بطلة لما كتمتي مشاعرك لإنها قلبت موودك مع الناس اللي بتحبك بجد وغيرت شخصيتك للأبد ..

* وجهتي طاقتك كلها لشخص مش بيتغير وتهتي إنك تركزي مع نفسك .. مع أولادك .. مع علاقتكم سوا !!
كل دا حيخرجكوا من القصة غضبانين تجاه بعض
وحأقولك إزاي :-

هم غضبانين منك لإنهم احتاجوا منك دعم وقرب مضاعف وكلام عكس كلامه المشّوه عنهم وهدوء وسلام في نار مشتعلة طوول الوقت وانتي كنتي مشغولة بيه وبحزنك ومحاولات رد الأذى عنك!!
انتي كمان حتحسي بغضب لإنك بذلتي مجهود جبااااار سنين في إخفاء عيوبه ومحاولاااات مجهدة إنك ترسمي صورة لحياة ( شبه ) الطبيعية ومتوقعة تصفيق حااااد دلوقتي وتقدير رهيب لمجهود ( كان في اتجاه سراب ووهم للأسف )

لما حتنتهي علاقتك بهذا المريض وتخرجي منها ؛ حتتفاجئ بكم من الدمار والغضب والانكسارات فيكي وفي أولادك كنتي ما تعرفيش عنه شئ ويمكن تكوني ساهمتي فيه ..
صدمة وقلم جديد عالوش من الحياة أنا شخصيًا عشته وإتألمت بشدة ..

الخلاصة إن العلاقات الصح بتبني وتريح وتقرب ..
لو ما لقيتيش دا بيحصل اقفي فورا وقيّمي الموقف وخدي قرار مهما كانت صعوبته مش حتكون أصعب من أذي أولادك 😔


فيه نقطة بين الشعور بالذنب والمسؤولية الزائدة … بتقع فيها معظم معاناتنا كبشر !! بعد ما تعيشي سنين طويلة مع زوج نرجسي غال...
02/10/2024

فيه نقطة بين الشعور بالذنب والمسؤولية الزائدة … بتقع فيها معظم معاناتنا كبشر !!

بعد ما تعيشي سنين طويلة مع زوج نرجسي غالبًا حيحصل كدا :
١. أولادك حيتوجعوا ويتأذوا نفسيًا جدًا ..
٢. غالبًا الأب حيختار أحد الأولاد ليكون ( الابن الذهبي ) وأحد الأبناء ليكون امتداد ليكي كضحية له .
٣. غالبًا كمان إنتي مش حتعملي أي رد فعل مناسب !!!

بعد انتهاء قصتكم سوا حتشوفي الحقيقة وحتشوفي كل المواقف بدون تشوه وحتدركي أد ايه ولادك اتوجعوا ..
وحتبدأي تروحي وتيجي بين فكرتين :
إنك مسؤولة عن كل اللي حصل وتتحملي كل الغلط لوحدك وتبدأي في جلد نفسك ازاي ما شفتيش وازاي ما اتحركتيش لحماية اولادك و…

لما تخففي من جلدك لنفسك بإن مفيش غلط شخص واحد المسؤول عنه حيبدأ شعور موجع بالذنب تجاه قلوبهم الصغيرة اللي انجرحت وانتي مشغولة بمشكلتك ..

وسؤال كمان حيظهر ( إزاي بعد كل وجعي ومعاناتي دي معاه أنا كماااان مطلوب أشيل وجع وذنب اني كنت غلطانة ووحشة في حق ولادي ؟

دايرة ممكن تغرقي فيها شهور..
مع إن ساعات بيكون الحل هو في إقرار ما حدث فقط ..
الاعتراف بيه فقط
بأعترف ..
إني انشغلت بوجعي وحيرتي مع شخص مؤذي .. اتضغطت لدرجة قاسية جدا وما عرفتش ألتفت لأولادي وأخليهم في أمان لاني أنا كنت ضعيفة
دا اللي حصل واللي مكنتش أحب إنه يحصل أبدًا ودا اللي بأعمل عكسه دلوقتي وأنا قوية ..
أولادي إتأذوا وجزء من السبب ضعفي وجزء منه عدم انتباهي وجزء هو وجود الشخص المؤذي دا في حياتنا ..

محدش حيغير قصته لكن ممكن نعيد سرد أحداثها بشكل مختلف🩷

النرجسي حيستنفذ طاقتك بالكاااااامل !!! معظم الوقت حتحسي إن معندكيش طاقة لشئ حلو أو وحشتفسير دا ببساطة إن عقلك ربنا مصممه...
02/10/2024

النرجسي حيستنفذ طاقتك بالكاااااامل !!!

معظم الوقت حتحسي إن معندكيش طاقة لشئ حلو أو وحش

تفسير دا ببساطة إن عقلك ربنا مصممه إنه ما ينفعش يتسأل سؤال وما يردش
وانتي طول اليوم بتسأليه أسئلة :
هو أنا غلطت في إيه ؟
هو ليه إتغير ؟
هو إمتى خيرجع يحبني ويدلعني؟
هو قراري في كذا اللي ما يخصوش حيكون سبب مشكلة جديدة ؟
هو اللي غلط فيا ليه أنا حاسة بالذنب؟
هو أنا فعلًا متوهمة ولا هو بيأذيني ؟
هو ليه كويس مع الناس وأنا لأ ؟

ممكن أسرد هنا ألف سؤال كمان وحتلاقي جواكي شبههم ..

طاقتك مستنفذة في أسئلة وهمية حتغرقك أكتر
الفيصل هنا هو …
انتي مأذية ولا لأ ؟
ازاي الأذى دا يقف وبسرعة ؟
إحنا مش بنختار أحداث الحياة بس بنختار إزاي حنترجمها جوانا وازاى حنتصرف

Address

Fifth Settlement
Cairo

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Friday 10am - 10pm
Saturday 10am - 10pm
Sunday 10am - 10pm

Telephone

+201225666939

Website

Alerts

Be the first to know and let us send you an email when Rania QaraQish - Relationship Coach posts news and promotions. Your email address will not be used for any other purpose, and you can unsubscribe at any time.

Contact The School

Send a message to Rania QaraQish - Relationship Coach:

Shortcuts

Share

Category