الملاك المبدع - Creative Angel

مطلوب شادو خبره ولغة انجليزية جيده لطفله G2 في مدرسه في القطامية مدرسة امريكان يرجى ارسال ال C.V او التواصل على الرقم : 01553581333

📢 إعلان مهم ..
بكل مشاعر الحزن والاسى 💔🖤
نعلن عن إغلاق مركز كريتيف إنجل – الملاك المبدع .. بعد ٤ سنوات ونصف من العطاء والجهد والحب والطاقة والإرادة في سبيل ولادنا وطاقة الأمل اللي جوانا ليهم.
🌸 فتحنا يوم ١٠ أبريل ٢٠٢١، ومن يومها كان حلمنا إننا نكون طاقة نور لأولادنا ذوي الهمم. حاولنا دايمًا، رغم كل الظروف والتغيرات، نفضل نقدم أفضل خدمة بأحسن جودة وأقل أسعار.
💡 الحقيقة إن المركز عمره ما كان مشروع للربح… كان رسالة. وعمرنا ما كسبنا منه، بالعكس كنا بنكمل عليه عشان نقدر نغطي ونواكب الغلاء ونستمر. وده كان غايتنا، واللي عرفونا وشافوا تعبنا وشغلنا يقدروا يشهدوا بكده.
النهارده بكتب الرسالة دي وقلبنا تقيل جدًا 💔 ومليان مشاعر حزن وغضب وحب عشان أعلن:
إننا هنقفل المركز… بعد رحلة طويلة مليانة نجاحات وإنجازات، وأطفال كتير شرفونا وكانوا جزء من حياتنا. 🕊️
😢 وازاي مش هنشوف ولادنا اللي كانوا في حضننا كل يوم من سنتين و٣… والأهالي اللي كانوا جزء من التيم… هذا هو القدر.
________________________________________
🙌 عاوزة أشكر من قلبي 💞 كل أهالي الأطفال اللي أمنونا على أغلى ما عندهم، سواء في قسم الحضانة أو الدمج.
وكمان كلمة شكر خاصة لفريقنا اللي وقف جنبي من أول يوم لآخر يوم… وشكر لكل حد جه وكمل معانا الرحلة لحد آخرها.
❤️‍🩹 يمكن باب المركز بيتقفل دلوقتي 🏫 لكن الرسالة اللي بدأناها عمرها ما هتنتهي، وهتفضل دايمًا جوانا وجوا كل طفل لمسناه بحب 🌸.
________________________________________
💐 ودلوقتي اسمحولي أتقدم برسالة شكر وعرفان لكل التيم بتاعنا اللي كان معانا من أول يوم لآخر لحظة:
✨ وهبدأ بالشخص اللي كان عليه كل العبء من أول يوم لآخر يوم:
🔹 المهندس/ محمد حميدو … اللي في الحقيقة كان بيحارب لآخر لحظة عشان نستمر لأنه كان مؤمن بالرساله وبيعافر ، بس التيار كان أقوى مننا.
🔹 كابتن د. شريف غنام … المدرب اللي كان من المؤسسين وفضل معانا لفترة طويلة ومابخلش بمجهوده وخبرته مع أطفال متلازمة داون.
🔹 م. شامه … مسؤولة الميديا والبرمجة، اللي كانت الداعم الأول في التجربة الأولى والفريدة لتعليم البرمجة لأطفال متلازمة داون والتوحد، واللي كانت ناجحة ومبهرة.
🔹 أ/ هبة إيهاب عاشور … مسؤولة التنسيق والدعم واللي كانت قد المسؤولية.
🔹 د. داليا … أخصائي التخاطب وتنمية المهارات والتيم المخلص اللي معاها.
🔹 د. منال مصطفى … استشاري الصحة النفسية بمستشفى الدمرداش عين شمس والأستاذة والداعم للفريق.
🔹 أ/ جيهان … ماجستير أخصائي التخاطب.
🔹 أ/ ريم … مسؤولة العلاقات العامة.
🔹 أ/ عزه عرفه … مسؤولة العلاقات العامة والدعم الفني، واللي كانت بندول الساعة للمركز وانضباطه لمدة 3 سنوات.
🔹 أ/ مريم أوسام … مسؤولة العلاقات العامة والميديا آخر فترة وكانت مساندة جدًا.
🔹 أ/ فريدة آدم … مسؤولة التنسيق والعلاقات العامة.
________________________________________
👩‍🏫 أساتذة الرعاية النهارية والدعم الأكاديمي:
🌸 أ/ صفا المهدي … ماجستير التخاطب وتنمية المهارات، ومن الناس اللي كانت أول الداعمين ومسؤلة البرامج.
🌸 أ/ شيماء صفي … أخصائي التخاطب بمستشفى الدمرداش وصاحبة بهجة الأطفال.
🌸 أ/ بسنت سامي … أخصائي تنمية المهارات ومسؤولة قسم المهارات وحبيبة الأطفال وصاحبة طاقة الأمل.
🌸 أ/ هدى محمد … أخصائي التخاطب وصعوبات التعلم ومسؤولة برامج التخاطب وصاحب البال الطويل والنتيجة المبهره.
🌸 أ/ يارا مختار… أخصائي تنمية مهارات ومسؤولة قسم الفني ومصمم الحفلات اللي كانت دايمًا سبب البهجة 🎉.
🌸 أ/ هاجر سمير … مدرسة تأسيس ومسؤولة قسم الحضانة وصعوبات التعلم، اللي كانت سبب تفوق أولادنا في المدارس بشهادة الأهالي.
🌸 أ/ تقى مخلص … أخصائي التخاطب وصعوبات التعلم، وهي اسم على مسمى ✨ كانت مثال الإخلاص والتطور الدائم.
🌸 أ/ هبة حفني … أخصائي التخاطب المميزة اللي كانت معاها مداخل ومفاتيح الأطفال.
🌸 أ/ إنجي … أخصائي التخاطب اللي بدأت معانا بفترة التدريب وكملت معانا بجهد واجتهاد.
🌸 أ/ هبة … أخصائي تخاطب اللي بدأت معانا بفترة التدريب وكملت معانا بجهد واجتهاد.
🌸 أ/ ياسمين حسن … أخصائي التخاطب اللي كان حظنا إنها استمرت معانا آخر فترة.
________________________________________
💪 المدربين وكباتن التأهيل الحركي:
🏊‍♂️ كابتن/ شريف الطيبي … مدرب السباحة والجيم المتميز.
🏋️‍♂️ كابتن/ مصطفى … مدرب الجيم والسباحة، واللي كان ليه علامات مع أولادنا وتطورهم الملحوظ.
🤸‍♂️ كابتن/ محمد السيد … مدرب الجيم واللياقة والجمباز، وصاحب البطولات لولادنا.
________________________________________
👶 الناس اللي كانوا سبب الصورة المشرفة ومصدر الأمان والثقة للأهالي في نظافة وصحة الأطفال (مسؤولي الرعاية عن الأطفال والمركز):
🌼 أ/ تقى
🌼 أ/ شروق
🌼 أ/ فاتن – أم هاني
🌼 أ/ برديس
🌼 أ/ دينا … اللي كانت صاحبة النفس الطويل والنظام المتجدد دايمًا.
🌼 أ/ نجلاء
🌼 أ/ نيفين
________________________________________
وأتمنى أكون قدرت أوفي دوري على قد ما قدرت 🙏 مع الأطفال، ومع الأهالي، ومع تيم الرعاية اللي كانوا شرف لينا وجودهم معانا، وكنا محظوظين بيهم.
💙 د. ولاء عاشور

اهتمام بسيط مننا لأطفالنا ... حيفرق كتيير

صعوبات التعلم مش معناه الطفل مش ذكي , بالعكس في اطفال كتيره عندهم قدرات ومواهب بس محتاجين طرق مختلفه في التعليم واحنا في مركز الملاك المبدع هنساعدهم يطلعو كل مواهبهم.
كل طفل له طريقته في تنمية مهارته . مهمتنا نهيأ له ونوفر له البيئه المناسبه اللي تواكب وتصقل مقدرته












#التخاطب




#تركيزوانتباه





#نصيحةاليوم

اللعب مش بس تسلية....... ده تدريب لعقل الطفل وتنمية لخياله 🌟
كل مرة بتتخيل معاه، بتقوي ثقته بنفسه وبتساعده يفهم العالم 💪💪
خلي لحظة اللعب مع طفلك تبقى لحظة نمو 💙











#التخاطب




#تركيزوانتباه





#نصيحة

"وراء كل سلوك غير مفهوم، طفل بيحاول يقول حاجة ومش قادر يعبر عنها✨ ساعده يعبر بطريقته ...... سواء بالرسم🎨، أو بالحركة🏃🏻‍♂️، أو بالصوت🗣️. كل طفل له لغة، بس محتاج حد يسمعها💖"










#التخاطب




#تركيزوانتباه





#نصيحة

"يتقدم مركز الملاك المبدع بخالص التهاني بمناسبة افتتاح كافيه Socks 🎉🎉🎉🎉
المركز بيبارك من القلب لكل الأبطال اللي حولوا الحلم لحقيقة 🥰

أنتم مصدر فخر وإلهام 💙

كافيه Socks هو المكان اللي فيه القهوة بتتحول لرسالة أمل...... والدمج المجتمعي بقى واقع مش مجرد حلم ✨

وإحنا في مركز الملاك المبدع فخورين بكل خطوة بتتأخد علشان ولادنا يلاقوا فرصتهم ويحققوا ذاتهم💪💪💪

روحوا عيشوا تجربة كلها حب، و دفء، ونجاح 💖
لما الإرادة تلاقي فرصة… المعجزات بتحصل🌟🪄🪄🪄"

لينك الانستجرام:
https://www.instagram.com/socks__coffee/?igsh=NGs4bGY5MWQ4d3dv&fbclid=IwY2xjawMFb6JleHRuA2FlbQIxMABicmlkETFhSk9TWjk5eVc3U3k4NlptAR5Jhrcg2gb6FCLBAUpDRKxR8xvEABMpBnYrLwL_FdNaW35freJ8vQOyEj1xSw_aem_smBi8xoE1xsvOm1ntVxzIg #

اللوكيشن
https://maps.app.goo.gl/DbM48yq7VgKxPEZH6?g_st=ipc










#التخاطب

#تنميةالمهارات



#تركيزوانتباه

"مغامرة جديدة لطفلك بتبدأ 🌍
كورس ألماني للمبتدئين شيق بيخلي التعلم متعة، واللغة لعبة بتفتح له أبواب جديدة من الفهم والثقة لو نفسك ابنك يتعلم بطريقة غير تقليدية✨، في شهر 8 و 9
احجز له مكانه دلوقتي وخلي الرحلة تبدأ🚀🚀🚀"










#التخاطب




#تركيزوانتباه

"لحظات من التفاعل والتعلم 🌟 أنشطة ممتعة تهدف إلى تنمية مهارات الكتابه من خلال تجميع الحروف المناسبة للكلمة .....نشاط تركيز وانتباه وذاكره بصرية💙"









#التخاطب