مدرسة مكارم الاخلاق الثانوية المعمارية العسكرية بنين

نظاااام الجدارات

الجدارة : انك لازم تقوم بتنفيذ المهمة أو التكليف اللي المدرس كلفك بيه بنجاح ..
بس خلي بالك لما بقول نجاح يعني مش اي نجاح لا ( لازم تنجح في المهمة علي اكمل وجه ) مش زي النظام القديم لما كنت بتجيب مثلا ٥٠% او 60% وتنجح لا لا نظام الجدارت مختلف تماما لازم تكون جديرة بالمهارة والمعارف اللي بتدربي عليها
_ ونظام الجدارات بيعتمد علي التقييم مش علي الدرجات
_ كل اعمالك خلال الثلاث سنين بتكون موجودة في ملف خاص بيك اسمه (ملف الانجاز)
🔴 طب يامستر انا باخد شهادة برضة زي النظام القديم؟
🔵 لا ياسيدي انت بتاخد شهادتين .شهادة دبلوم حسب تخصصك زي النظام القديم .. والشهادة التانية شهادة إتمام جدارة يثبت انك نجحت واجتازت كل المهارات والمعارف بكفاءة كبيرة
🔴 طب يامستر النجاح والرسوب نظامه اية في الجدارات ؟
🔵 ركز طيب معايا 😳
_ لما المستر بتاعك يطلب منك تنفيذ مهمة معينة بيبقي ليك ٣ محاولات
يعني لو فشلت في أول محاولة بيبقي ليك محاولة تانية ..بعدها علي الاقل من 3 ايام إلى أسبوع.
ولو نجحت في اجتياز التكليف في المحاولة التانية يبقي انت تمام ومفيش اي مشكلة
_ طيب لاقدر الله ومقدرتش تجتاز المهمة في المرة التانية .
- هنا بقي في المحاولة التالتة بيتعمل ليك حاجة اسمها (برنامج علاجي) لمدة اسبوعين في المهمة اللي انت فشلت في اجتيازها بس خلي بالك البرنامج العلاجي دة لازم تدفع رسوم عشان تدخل زي ما وزارة التربية والتعليم قالت مبلغ ١٥٠ جنية يورد بالمدرسة وبتاخد بيه وصل
🔴 طب يامستر لو فشلت في البرنامج العلاجي اسقط ؟
🔵 لا ياسيدي بيبقي ليك دور تاني في نهاية العام الدراسي وده بيبقي اخر فرصة ليك
🔴 طب مثلا لو انا غبت في الدراسة اية العمل معايا ؟
🔵 بص منهج الجدارات بيتقسم علي وحدات منفصلة مقسمة علي الترمين
_ كل وحدة بداخلها مجموعة من المخارج ( معني مخارج هي ناتج التعلم اللي المفروض هو المنتج اللي قومت بتنفيذه أو المهارة اللي اتعلمتيها) المخارج دي بقي لازم تجتازها بنجاح كلها تمام كدة
_ طب لو غيبت في وحدة كاملة ااة هنا بقي بيبقي ليك دور تاني في نهاية العام الدراسي مش هيبقي ليك برنامج علاجي لأن من شروط البرنامج العلاجي أن الطالب علي الاقل بيكون بيحضر عدد معين من المرافق أثناء التقييم لكنه فشل في اجتياز بعض المهام ( المرافق دي بتبقي داخل المخارج) المستر هيفهمك وهيوريك المرافق دي متقلاقش
_ خلي بالك لو انت فشلت في اجتياز اكتر من وحدتين كدة ( هتعيد ) السنة بالكامل ولكن في الوحدات اللي فشلت في اجتيازها فقط
- والمواد الثقافية زي العربي والانجليزي كل مادة فيهم بنتعامل معاها علي انها وحدة منفصلة ..
_ يعني لاقدر الله فشلت في وحدتين في العملي وفشلت مثلا في العربي كدة انت شيلت اكتر من وحدتين بالتالي ( هتعيد ) السنة .
🔴 طب يامستر اخر سنة بقي نعمل اية🔴
هقولك ياسيدي
اللي هي بتطبق نظام الجدرات من سنتين والسنة دي هتخرج اول دفعة دبلوم جدارات
⛔ سؤال مهم جدااا
سألني طالب رايح دبلوم جدارات أول دفعة تتخرج جدارات
سألني وقالي :
🔵 لو سمحت يامستر النظام القديم كان الطالب بيمتحن في كل المواد الثقافية ومواد التخصص وبياخد درجات وبيدخل منها الكلية والمعاهد
🔴 ايوة ياحبيبي كلامك مضبوط وتمام اية هو سؤالك ؟
🔵 دلوقتي احنا في الجدارات بنمتحن بس المواد الثقافية وباقي المواد ( اجتاز) او ( لم يجتاز) يعني مفيش درجات
_ ازاي بقي هدخل كلية وهيحسبوا المجموع ازاي ؟؟
🔴 بص ياحبيبي ركز معايا نظام الجدارات من حق الطالب يدخل الكلية اللي عايزها علي حسب مجموع درجاتة
_ المجموع بقي بيتحسب ازاي ركز معايا :
- اولا : في امتحان الدبلوم بيتم تشكيل لجنة من رجال الصناعة ووزارة التربية والتعليم
- اللجنة دي بتحول ملف الانجاز بتاعك الي ١٠٠ درجة
- المواد الثقافية بتمتحنها عادي ومجموعها ١٥٠ درجة
- الأهم بقي اللجنة دي بتطلب منك تنفيذ مهمة علي مدار يومين داخل الورشة عشان تنفذها
والتكليف ده له ٣٥٠ درجة
- من خلال تقييم اللجنة دي لشغلك أثناء تنفيذ المهمة بتديلك الدرجة اللي هي شايفه انك تستحقها
- لو جمعنا درجات ملف الانجاز والمواد الثقافية والتكليف داخل الورشة يبقي المجموع ٦٠٠ درجة
- من خلال التكليف داخل الورشة بيتم التميز بين كل طالب بدرجات مش بيبقي هنا ( اجتاز) فقط لا بيبقي فية درجات بتميز كل طالب عن التاني
- طب هتقول لي ملف الانجاز هتاخد فية ١٠٠ درجة كاملة اقولك لاء طبعا لان فية طلبة كانوا بيجتازوا من المرة الأولي وناس من المرة التانية وناس اجتازت من خلال برنامج علاجي الدرجات بتتحسب علي أساس أن مستحيل هيتساوي الطالب اللي عدي التقييم من المرة الأولي بالطالب اللي عدي التقييم من المرة التانية أو باللي عدي ببرنامج علاجي
🔴 تمام اوووي يامستر شكرا ليك
🔵 نظام الجدارات دة نظام رائع افضل كتير من النظام القديم

🔴 بناءا على تعليمات ادارة المدرسة
على جميع الطلبة
👈الإلتزام بمواعيد الحضور للمدرسة في تمام الساعه 7.30 وطابور الصباح يبدأ الساعة 7.45صباحا
للصف الاول جدارات
والصف الثانى جدارات
والصف الثالث جدارات
وفصول المهنى
الفترة المسائية
الطابور يبدأ الساعة 12.45 ظهرا
الخدمات
الصف الاول خدمات جدارات والصف الثانى جدرات خدمات والصف الثالث خدمات
👈 الإلتزام بالزي المدرسي الموحد للحفاظ على المظهر العام
👈يمنع منعا باتا إحضار التليفون المحمول أثناء اليوم الدراسي
👈 مع العلم انه ممنوع منعا باتا ارتداء الطلبة البنطلونات الممزقه او البنطلونات البرمودا او الشروال او البنطلونات القصيرة( الشورتات).
👈ولن يسمح بدخول اي طالب مخالف للتعليمات.

29/8/2024
تعلن مديرية التربية والتعليم بالقاهرة
برعاية الأستاذ/ أيمن موسى
وكيل أول الوزارة - مدير المديرية

بأنه قد تقرر أن يكون التقديم ( ورقى ) للمرحلة الثانوية ( الصف الأول الثانوي) العام _ الفنى

وذلك بسبب بطىء الموقع الإلكتروني للتقديم
وتحقيقاً لرغبات الطلبة وأولياء الأمور

ووفقاً للحد الأدنى للتنسيق المقرر بالموافقة من معالى محافظ القاهرة بالنسبة الثانوى العام
( ثانوى عام _ خدمات ثانوى عام )

التعليم الفنى
( التجارى _ الصناعى ـ الفندقى)

🌹أطيب الأمنيات بالتوفيق والنجاح للجميع🌹

درجات القبول 21/8/2024

هام جداً
طلبة الصف الاول المقبولين بالمدرسة لهذا العام ٢٠٢٤ / ٢٠٢٥ التوجه للمدرسة لتقديم ملفهم حتى لا يتم الغاء القبول وقبول طلبةأخرى مكانهم .

التقديم بدأ اليوم
27/2024
اليوم : بدء التنسيق الالكترونى للقبول بالصف الأول الثانوى العام والفنى للطلبة الناجحين في الشهادة الإعدادية للعام الدراسي ٢٠٢٥/٢٠٢٤
//______//_______//______//_________//___________//
تعلن مديرية التربية والتعليم بالقاهرة
برعاية الأستاذ/ أيمن موسى
وكيل أول الوزارة - مدير المديرية

عن بدء التنسيق الالكتروني للقبول بالصف الأول الثانوى
( العام والفنى ) للطلبة الناجحين في الشهادة الإعدادية
للعام الدراسي ٢٠٢٥/٢٠٢٤

اعتباراً من اليوم الثلاثاء الموافق ٢٠٢٤/٧/٢

رابط التقديم الإلكتروني لطلاب الصف الأول الثانوى العام
والثانوى الفنى

‏https://tansiksec.emis.gov.eg

رابط الايميل الموحد

https://office365.emis.gov.eg

🌹 أطيب الأمنيات بالتوفيق والنجاح للجميع بإذن الله تعالى 🌹

Moderya | Student

خطوات التقديم للصف الاول الثانوى

🔹على الطلاب المتقدمين للصف الأول الثانوى تسجيل طلب التقدم الكترونيا عبر المنصة من خلال الرابط التالي : 👇

http://tansiksec.emis.gov.eg

👈 يتم التسجيل الإلكتروني من خلال الإيميل الموحد التي تم التسجيل به استمارة الشهادة الإعدادية ، وفى حالة نسيان الرقم السرى يمكن الحصول عليه من المكان الذى تم عمل الاستمارة الإلكترونية عند التقديم الامتحانات الصف الثالث الطالب، او من خلال خاصية دعم على موقع الوزارة.

👈 لابد من تسجيل ثلاث رغبات (اختيارات) للمدارس التي يرغب الطالب الالتحاق بها لكي يتمكن من حفظ وتسجيل وطبع الملف الإلكتروني.

👈بعد أن يتم تسجيل الطالب إلكترونيا وطباعة استمارة الرغبات إلكترونيا يتقدم بها مع الملف الورقي للمدرسة عليها حسب التوزيع الجغرافي للمدارس.

🔹من يرغب في الحصول على البريد الالكتروني والرقم السري عليه الدخول على الرابط الآتي:

https://office365.emis.gov.eg/

Moderya | Student

كيفية الوصول للمدرسة
==============
اسم المدرسة :
مكارم الأخلاق الثانوية المعمارية العسكرية

العنوان :
10ش السمرى متفرع من شارع ابن الرشيد - روض الفرج _ شبرا _ القاهرة
من محطة مترو مسرة
شارع فؤاد حتى نهايته ثم شارع ابن الرشيد ومنه ل شارع السمرى
أو
توك توك لغايه باب المدرسة
اتوبيس الطلبة موقف مسرة ومن موقف الباص الي شارع ابن الرشيد ومنه الي شارع السمرى للمدرسة
شارع جزيرة بدران
اول شبرا
ميكروباص السوق حتى ناصية شارع المدرسة

https://maps.app.goo.gl/8AaD5kyuY2WJh2bY8
مدير المدرسة
استاذة / غادة بدر
تليفون
01116196679

مدرسة مكارم الاخلاق الثانوية الَمعماريةالعسكريه بنين · Rod El Farag, Cairo Governorate Find local businesses, view maps and get driving directions in Google Maps.

معلومات تعريفية عن المدرسة
================
اسم المدرسة :
مكارم الأخلاق الثانوية المعمارية العسكرية

العنوان :
10ش السمرى متفرع من شارع ابن الرشيد - روض الفرج _ شبرا _ القاهرة

المدرسة مطبق بها نظام الجدارات المهنية
التخصصات الموجودة بالمدرسة
===============
1- فنى أعمال البناء
2- فني أعمال التشطيبات
3- فني أعمال الخرسانة المسلحة
4- فني أعمال نجارة العمارة
5- فنى شبكات المياة والأعمال الصحية
6- فني الزخرفة والديكور
===================
الأقسام المهنية
وتقبل المدرسة الإعدادية المهنية
من خلال :-
أ- قسم الصحي المهني
ب- قسم الزخرفة المهني
≠====================
نظام الخدمات
نفس الاقسام ولكن بمصروفات تحددها وزارة التربية والتعليم
وايضا بنظام الجدارات

وكل هذه التخصصات يمكن التقدم لها من خلال نظام العمال بمصروفات تحددها َوزارة التربية والتعليم
----------------------------
بعد نهاية دراسة الثلاث
سنوات نظام الجدارات يحصل الطالب على شهادتين
شهادة تفيد بأنه فني جدير بممارسة التخصص
شهادة دبلوم المدارس الصناعية نظام الثلاث سنوات فى احدى التخصصات السابقة .

بعد الحصول على الدبلوم الفنى نظام الثلاث سنوات له الحق فى التقديم للتنسيق للقبول بالجامعات والمعاهد الحكومية والخاصة بحد ادنى من المجموع الكلى ( 60% )

ولدخول لكلية الهندسة عن طريق اي دبلوم ثلاث سنوات
لابد من دخول المسابقة المركزية التابعة للمجلس الاعلى للجامعات بشرط الحصول الطالب على مجموع 75% من المجموع الكلى في امتحان الدبلوم .

الشروط الاساسية للتقديم
================
تنسيق العام 2024/2025
==============
( 180 ) درجة كحد أدنى
للحاصلين على شهادة الاعدادية
من محافظة القاهرة فقط
إدارة روض الفرج
التقدم
بشهادة الاعدادية
وباقي إدارات القاهرة لابد من استخراج بيان نجاح من الادارة التابع لها الطالب.
باقي التفاصيل يتم الإعلان عنها من خلال مكتب شئون الطلبة بالمدرسة

ان شاء الله التقديم
للعام 2024/2025
بداية من منتصف شهر يوليو
أو حسب نشرات الوزارة
==========================================
مع العلم انه بإمكان المتقدمين من مشاهدة أقسام المدرسة المختلفة أثناء فتره تقديم الملفات.
أو من خلال الصفحة
قريبا جدا .....
ولمزيد من المعلومات يرجي زيارة المدرسة يوميا من الاحد الخميس
من الساعة التاسعة صباحا وحتى الواحدة ظهرا
عدا أيام العطلات الرسمية .
مع أطيب التمنيات بالتوفيق للجميع

درجة القبول هذا العام
منشور 1( 180) درجة