03/09/2025
🔥 الوصفة السحرية للمديرين لقتل شغف الموظفين… باحتراف وبدون نقطة دم!
عندك موظف متحمس مليان طاقة وإبداع؟
عايز تطفي الحماس ده وتحوّله لموظف مطفّي؟ اتبع الخطوات دي:
1️⃣ استقبل أي فكرة بسلبية قاتلة: كل ما يقترح حاجة، ردّ: “جربنا قبل كده وفشلت” أو “مش هتمشي”… ومعاها تنهيدة درامية كده تكمّل الجو.
2️⃣ اعتبر مجهوده عادي جدًا: مهما عمل وإنجز، إياك تعترف بيه. بس لو غلط؟ حوّلها لقصة الموسم.
3️⃣ اعاقبه لو نجح: يحقق إنجاز؟ يبقى وقتها تزود عليه مهام مرهقة أو تلمّع الإنجاز على اسمك.
4️⃣ انتقده قدام الناس: استنى اللحظة الحرجة وقل: “كنت متوقع منك أكتر من كده”… وابتسم ابتسامة باردة كأنك أنقذت الشركة.
5️⃣ حوّل الفريق لحلبة مصارعة: شجّع النميمة، قلّل التعاون، وسيبهم يتخانقوا.
6️⃣ امسح كلمة تقدير من قاموسك: الشكر عندك ضعف، والتقدير إفساد. لازم تبقى القسوة هي الـ Branding بتاعك.
7️⃣ استغل مجهوداته لنفسك: ولو رفض؟ اقلب الدنيا عليه.
8️⃣ اشتم باقي الإدارات قدامه: عشان يحس إن المؤسسة كلها عبث.
9️⃣ خلي كل حاجة شخصية: انسَ المهنية… واعتبر أي اختلاف تحدّي ليك أنت.
🔟 امنع الكلام والاعتراض: كن ديكتاتور، وخلي الصمت علامة الرضا.
1️⃣1️⃣ ازرع الخوف بدل الثقة: أي قرار من غير إذنك = كارثة. وهنا الإبداع بيتحوّل لشلل.
1️⃣2️⃣ اختفي عن التواصل: خليه ضايع مش فاهم أهداف الشركة ولا المطلوب منه.
1️⃣3️⃣ كن مزاجي طول الوقت: النهارده تقول يمين، بكرة تقول شمال. كده عمرك ما هتدي فريقك أرض يقف عليها.
🎭 لو طبّقت الوصفة دي بحذافيرها… مبروك 🎉
أنت مرشّح رسمي لجائزة:
🏆 “مدير العام في فن تدمير الموظفين”
