قصص وعبر

(قصة حقيقية مؤلمة😢😢😢😢😢) خسارة اذا ماتقرء القصة

كانت والدته غاضبة منه جدا
حاول اضحاكها و مصالحتها فسألها :
امي ماذا ستطبخين اليوم على الافطار
أجابت الام بغضب : سم !!
رد عليها مبتسما : حتى السم سيكون له مذاق لذيذ اذا كان من يدكِ
الام : اذهب من امامي
الابن : طيب ابتسمي
الام : اتركني و اذهب اريد ان انهي أعمالي
الابن : الى هذه الدرجة غاضبة مني يا امي ؟
الام : لا اريد ان ارى وجهك حتى تتعلم كيف تحترمني
الابن : ماشي ، انا غاضب و لن أفطر اليوم معكِ
الام : تاكل السم الهاري !!
الابن : ماشي
و خرج ليجلب لها شيئ ليصالحها ، لانه يعلم ان والدته طيبة القلب جدا و كلامها ليس نابع من قلبها و ستسامحه اكيد
-----
و بعدساعتين حيث قرب وقت الافطار
الام : جهزوا الطاولة
و قالت في قلبها .. يمكن قسيت عليه الله لا يعطيني العافية
طبخت له الطعام المفضل لديه و لا يحلو الافطار الا بوجوده على الطاولة معي
البنت : ماما هل أضع الاكل على الطاولة باقي خمس دقائق فقط
الام : نعم ضعي الاكل و اتصلي باخوك على الهاتف و أخبريه ان ياتي حالا لم يتبقى الا دقائق على وقت الافطار و لا تقولي له انني طلبت منك الاتصال به ، حتى يعتذر و يشعر بقيمتي
البنت تتصل و لكن .. خارج نطاق التغطية
الام : الله يحميه و يرجعه بالسلامة
عند الاذان .. لم يرجع الابن و كانت الام تريد ان تفطر و لكنها قالت في نفسها : ابني حبيبي اكيد انه جائع الان و هو صائم .. الله لا يوفقني و لا يعطيني العافية
فجاءة ظهر خبر عاجل في التلفزيون ..
حادث مرور مريع
و كأن قلب الام قد توقف عن النبض و لم تستطع بلع اللقمة التي في فمها
ثم بدا قلبها ينبض بسرعة شديدة
و قالت للأب : رامي !!!!!
الاب : ماذا به رامي ؟
الام : فيه شيئ
------
اتصل بعد عشر دقائق شخص و قال :
انا اعتذر عن الخبر
ان لله وان اليه راجعون
الام : لا انهم يكذبون و ستجدونه الان يدخل من الباب و يقبل يدي و يطلب رضاي
خرج الاب و ذهب للتأكد من الخبر
الام و هي في حالة ذهول ، اتصلت بالأب : طمني على رامي ، اكيد خرج مع أصدقائه ، اخبره ان والدته قد أعدت له الوجبة التي يحبها و لن أفطر ابدا الا اذا جاء هو و اكل معي
الاب باكيا : رامي مات
الام : مستحيل .. لقد تحدث الي صباحا و قال لي انه غاضب و لن يفطر معي اليوم ، ضع سماعة الهاتف على أذنه فانا احس عندما يتنفس
حبيبي ابني الغالي الله يرضا عليك تعال و انا و الله لست غاضبة منك ، فقط عِش .. أغضبني كما تشاء فقط ارجع .. انا راضية عليك ، بس لا تجعلهم يقولون انك استشهدت ، تنفس و دعني اسمع و احس بانفاسك
طيب اذا غاضب مني انا اراضيك
-------
وصلت الام الى المستشفى و رأت الاب و قالت : اين ابني ....
الاب غارق في دموعه و أشار الى الغرفة
هرعت الام الى الغرفة و رأت لحاف ابيض و عليه دم احمر
صرخت الام : لماذا تغطون ابني بلحاف قذر !!!؟
رفعت الشرشف و رأت ابنها ساكت بلا حراك
حبيبي اصحى و شوف الاكلة الي بتحبها جبتها معي حتى تفطر ، اصحى حبيبي اذا كنت بتحبني فعلا حتى نفطر معا ، انا جائعة لماذا تتركني جائعة ؟
دخل الدكتور و هو يحمل بيده سوار فضة مكتوب عليه
❤ رضاكي همي يا امي ❤
هذا ما وجدناه مع ولدكم .......
انهارت الام و صرخت باكية و أمسكت بقميص ابنها و هزت جسده وين قالت : يعني لن تسامحني ؟.......

في ناس في وسط كلامها بيقولو
(يا ليلة ورداني السودة )
من غير مايعرفو سر الجملة ديه
ركزو بقي كده


هل تعرف من هو هذا البطل صاحب هذه الصورة ؟
في مثل هذا اليوم من عام 1910 تم اغتيال بطرس باشا غالي رائد سلالة غالي للخيانة ، وهو الذى حكم على المصريين بالإعدام في حادثة دنشواي وسمح لانجلترا بمشاركة مصر في حكم السودان
ومدد عقد استيلاء انجلترا على قناة السويس أربعين عام إضافية..

قتله صيدلي شاب درس الصيدلة بسويسرا والكيمياء بلندن ويمتلك صيدلية بوسط البلد ..
اسمه إبراهيم ناصف الورداني.. وعمره 24 عام ، قتله عند باب الوزارة وهو خارج منها بست رصاصات..
اعترف البطل وقال قتلته لأنه خائن للوطن
حاكموه وحولوا أوراقه للمفتى وقتها الشيخ أبوبكر الصدفي ، اعترض الشيخ من مبدأ أنه أبدا لا يقتل مسلم بكافر ، قررت المحكمة إعدامه فى سابقة تاريخية إذ لأول مرة تخالف رأى فضيلة مفتي الديار المصرية ، تحول الورداني لبطل شعبي وهتف الناس في الشوارع:
تسلم إيدك ياورداني ، قتلت بطرس البريطاني
ولبطولته .. أصبح لقبه بين الناس ( غزال البر ).

قام عامة الناس بجمع توقيعات على عريضة لوقف تنفيذ الحكم، وقدمت كثير من سفارات العالم وقنصلياتها بالأسكندرية طلبات لوقف تنفيذ الحكم .. باءت جميعها بالفشل . وأصرت انجلترا على تنفيذ الحكم على البطل الذى اغتال رجلها بمصر
ومنعوا النشر فى الموضوع وحظروا نشر أو طبع صور البطل الذي حتى اليوم لم يأخذ حقه كبطل قومي إسلامي، حتى أن البعض زور التاريخ وقالوا أنه كان نصراني !!
وعندما تيقن الناس من قرب تنفيذ الحكم عم الحزن أرجاء البلاد.

حتى هتافاتهم فى الشوارع أصبحت حزينة وهتفوا :
قولوا لعين الشمس ماتحماشي .. أحسن غزال البر صابح ماشي
( حتى هذا الهتاف الحزين سرقوه ليصبح مطلع أغنية لشادية )..

وبعد أربعة شهور فقط من الاغتيال وفي يوم 28 يونيو عام 1910 الساعة السادسة صباحا بسجن الاستئناف سار البطل إبراهيم الورداني شامخا إلى حبل المشنقة ليرتقى شهيدا مجيدا.
...
في الصورة البطل الشهيد -بإذن الله- إبراهيم الورداني -رحمه الله-.

قصة موثرة جداً للعبرة
تزوج شاب من إمرأه وبعد ثلاث سنوات من الزواج لم تأتي إرادة الله لهذا الرجل أن يكون أبآ
وكان هذا الرجل مؤمن بإرادة الله وقدره فقرر هو وزوجته الذهاب إلى الملجأ وأن يتكفلوا طفلآ ويعتنوا به ويترعرع في كنفهم وفعلآ اختاروا طفلآ وذهبوا به إلى منزلهم وهموا برعايته والعنايه به حتى تعلقوا به وأصبحوا يرونه ابنآ حقيقيآ
وبعد سنوات قليله جاءت إرادة الله ليرزقا بطفل من أصلابهم وكادت الفرحه لاتسعهم وتشاوروا بينهم عن مصير الطفل الذي عاش بينهم حتى قررا أن يبقى معهما ويهتما به وبطفلهما الذي رزقهم الله به
وبعد سنوات بلغا الأطفال وأصبحا شبابآ يشد بهم الظهر ولم يفرقا بينهم بشيء
وكان الأولاد متحابين ومتفاهمين فيما بينهم ففي يوم من الأيام ذهب الرجل وزوجته لزيارة أحد الأصدقاء وبعد عودتهما إلى المنزل وجدوا إبنهم الذي من صلبهم يبكي ووجهه ملطخ بالدماء فغضب الرجل وزوجته بعد علمهم بإن أخاه هو من فعل به هذا وحاولوا أن يعرفوا السبب دون جدوى
فقرروا طرد ابنهم بالتبني من المنزل وأخرجوه من منزلهم بعد تجريحه وإهانته وقالوا له اخرج ولا تعد إلى المنزل مرة نهائيا
فخرج الشاب والدموع تملأ عينه والحزن قد سيطر ﭐﻻﮦۣۣۗۧۗﹻﹻﻳﮧۣۣۗۧۗﹻﹻﺭ بالشوارع وفي الأزقة لعله يجد ما يأكله من نفايات الناس وفي الليل يعود إلى حديقة المنزل ليقضي ليلته فيها فارشآ الأرض ومتلحفآ السماء لعل أباه أو امه يشفقا أو يحنا عليه ولكن دون جدوى وبقي أيامآ وأيام على هذا الحال ويحاول الإعتذار منهم والتوسل إليهم ولكن لا فائده من ذلك وأصرا على طرده
خارج المنزل
وفي يوم من الأيام سمع الأب ابنه الحقيقي يبكي وبصوت مرتفع وهو في غرفته فدخل عليه وأخذ يحضنه ويقول له ماذا بك يا بني لماذا تبكي هل أنت مريض هل أغضبك شيء فقال له الولد لا والله يا أبي ما يبكيني إلا حالة أخي كلما أنظر إليه أرى فيه الكأبه والحزن فقال له الأب وبغضب هذا ليس أخوك وليس ابني دعه وشأنه فقال له الولد يا أبي ما يبكيني هو إنني أخفيت عليك حقيقة سبب ضربه لي وبشراسه فقال له الأب ما السبب يا بني فصمت الولد قليلآ ثم قال له وهو يبكي كنت أتحدث معه وأثناء حديثي معه تمنيت لك الموت أو مكروهآ يصيبك كي أتنعم بثروتك فغضب مني وبدأ يضربني دون رحمه ويقول لي مت أنت واترك لي أبي وكررها كثيرآ ثم بكى وقال لي إن مات أبي سأموت معه فأنا احبه أكثر من نفسي فاندهش الأب مما يسمعه من إبنه
وذهب مهرولآ إلى الحديقه وهو ينادي أين أنت يابني فلما وصل إليه وجده ممدآ على الأرض وكان قد فارق الحياه بسبب الجوع والبرد..
العبرة
يجب على كل منا أن يكون عادلآ وحليمآ في قرارته وأن لا يجعل العاطفه تغلب عليه فرب أخ لك أفضل من أخيك ورب شخص لك أفضل من ابنائك وأقاربك فكم من أبناء عقت أبائها وكم من أخ ظلم أخاه وكم من أقارب أساءوا لك فربما كلمة جارحه منك تقضي على مستقبل إنسان يحبك ويتمنى لك الخير ...

ليه بنات المنصورة حلوين؟!

ناخد القصة من الاول خالص وصحصح معايا ..

القديس لويس التاسع , ملك فرنسا سنة 1248م , اللي بيسموه القديس لصلاحه و فدائيته و واحد من الشفعاء لفرنسا مع جان دارك و القديس مارتين ,

بعد هزائم الحملات الصليبية في غزة و القدس و خلافه , روّج القديس لويس في اوروبا لضرورة قيام حملة على مصر , لأنهم عرفوا ساعتها ان مصر مقر الأيوبيين و المماليك والوحيدة اللي بتدافع بالجيوش عن بيت المقدس وطموحهم في الشرق عموما يعني،

القديس جمع الجيش العظيم بعد مباركة "اينوسينت الرابع" في مجمع ليون , و خد السفن من جنوة و مارسيليا " و رفضت ساعتها فينيسيا انها تساعد على احتلال مصر عشان كان فيه تجارة بينها و بين مصر " , و كان عددهم 80 ألف ,
الجيش بقا متكون من مين ؟ ركز معايا هما جمّعوا ايه في 3 سنين ,

- جيش القديس لويس طبعا و اللي كان 80 ألف مقاتل
- فرقة من فرسان الهيكل , ايوة فرسان الهيكل الاسطوريين اللي بنخاف منهم دول اللي بييجوا في الافلام زي فيلم شفرة دافنشي كدة،
- فرقة من فرسان القديس يوحنا , اللي احتلوا عكا و بيت المقدس من الاول اصلا و اقوى الفرق الصليبية على الاطلاق
- نبلاء و امراء الحملات الصليبية اللي فاتت منهم مراته "مارجريت دو بروفنس" و اخواته شارل أنجو و روبرت دي أرتوا،
- 1800 سفينة من مرسيليا عليها اسلحة و جنود و فرسان
- بارونات سوريا مع جنودهم
- قابل قريبه في اليونان "هيو دو بورجوندي" مع جنوده و خدهم، وكان شارك في حملات صليبية قبل كده
- الفونس دى بواتي الشقيق الثالث للملك لويس ومعاه إمدادات و جيش تاني قد الجيش اللي جمعه ده،
جيش لو واخدين بالكوا يحتل العالم مش مصر بس ..

مصر بقا ,
كانت عبارة عن مماليك و ايوبيون و الاتنين بيكرهوا بعض وبيقتلوا في بعض , نجم الدين ايوب مريض على شفا الموت , بيبرس و قطز بيتنافسوا على قيادة الجيش , خلافات و خلافات وحاجة نيلة وشعب فقير ، والمفروض دول هيحاربوا دول ..

بعد الحملة دي ما نزلت واحتلت دمياط براس البر باللسان بسهولة جدا و هزمت القائد فخر الدين بن شيخ الشيوخ و انسحابه , ظهرت في مصر حاجة اسمها " فرق المتطوعين للجهاد "

دول شوية شباب و ستات و ناس عادية جدا لما شافوا الاحتلال العظيم ده , قرروا ينضموا للجيش بس ميكونوش في الجيش يعني , هما هيعملوا عمليات جهادية كدة بالرغم من فقرهم و جهلهم , ناس عادية جدا زينا وافقر،
من انحاء الدلتا يعني خدتهم الحماسة وقرروا ينضموا للجهاد ،

الناس دي كانت بتخترق الحصون و الخنادق بالليل بتاعت الصليبيين معرفش ازاي , تقتل الصليبيين و هما نايمين في المعسكرات و تاخد رؤوسهم و تهرب , و كمان كانت بتأسر الجنود و تبعتها عالقاهرة من جوا الحصون , حاجة غريبة جدا " دا كلام المؤرخ الفرنسي المرافق للحملة جوانفيل " لدرجة ان الصليبيين جالهم هسهس ,
اه و الله هسهس و فوبيا من المتطوعين العوام اكتر من الجيش نفسه , عينوا الحراسات و مكانوش بيناموا لدرجة ان مرجريت دو بروفنس مرات لويس كان بيجيلها كوابيس بالليل و تفضل تقول " الحقوني , المسلمين , الحقوني " و تصحى مفزوعة كل يوم "كلام نفس المؤرخ المصاحب للحملة" ،
شايفين درجة الرعب !!

لا ودي حملة صليبية مش بلطجية رايحين يتخانقوا في مصر القديمة .

المهم لما مات السلطان نجم الدين , الجيش الصليبي قرر يهاجم القاهرة , ساعتها اللي مسك مصر كانت شجر الدر ارملته في الخباثة يعني ومحدش كان عارف انها هيا اللي ماسكة،

في الطريق للقاهرة بقا، حصلت معركة شديدة اسمها معركة المنصورة , الكمّاشة، خلوا الجيش الصليبي يخش المنصورة و هووووب قفلوا عليهم و هاتك يا ضرب،
اللي متعرفوش ان الجيش الكبير ده كان بيواجه مصريين مجاهدين حاطين على رؤوسهم طاسات و حلل عشان معهومش لبس جيش لأنهم من العوام، دروعهم كانت شوية خردة وحلل وطاسات وطشط، وربنا ..

العوام دول اللي كانوا من عائلات المنصورة وما حولها وبعض المتطوعين من القاهرة قتلوا فرسان الهيكل كلهم اللي هما كانوا اقوى حاجة في التاريخ، مفضلش منهم غير جندي واحد بس هرب و نط في النيل،
و قتلوا فرسان القديس يوحنا مفضلش منه غير جنديين برضوا عشان نطوا في النيل من الرعب،
قائد الفرقة الانجليزية "وليم أوف ساليزبري" لما شاف انهم بيتهانوا ضرب , استخبى في بيت فلاح من المنصورة مع اخو لويس التاسع روبرت دي أرتوا، اللي هوا "والنبي تخبيني هيتعمل معانا الجلاشة"، بس لحظهم النحس قفشهم العوام و ديحوهم، حفلوا عليهم يعني،

في المعركة دي ، جري واحد من الفرسان اسمه "بيتر أوف بريتني" و كان واخد في وشه ضربه سيف وبيسلب دم و بيعيط و بيصرخ على لويس "الحق يا لويس المسلمين ورايا"

لويس و باقي الجنود كانوا على شط النيل برة المدعكة دي مستنيين الجنود يخلصوا وفاكرين انهم انتصروا , اول ما شافوا بيتر بيجري يا ولداه والدم مغرق وشه والرعب باين عليه، وبيجري يتكعبل ويقولك المسلمين ورايا، المسلمين ورايا ..

مكدبوش خبر وهوووب باقي الجيش بقا بينط في النيل عشان يهرب، حتى ان لويس و مراته نطوا معاهم عشان يحاولوا يهربوا من العوام الجحافل دول .

نجحوا انهم يهربوا وخادوها عوم و استخبوا في حته اسمها فارسكور،
٨ اسابيع مستخبيين بينهم وبين دمياط خطوة عشان يحاولوا يرجعوا للقاعدة في دمياط بما ان المؤن اتقطعت و بقوا جعانين و متقطعين ومتبهدلين بعد خناقة المنصورة دي، وبعد ما الغرور اتحول لقفا خدوه بذمة،
فا لما حاولوا يعملوا كده بالليل ويرجعوا، المماليك بقا خدت فرصتها، وبيبرس بأمر من السلطان الجديد توران شاه طاردوهم في فارسكور.

حصلت المطاردة اللي انتهت بموت جنود كتير جدا في النص، ملحقوش يرجعوا للقاعدة يا عيني ،
واسر سانت لويس بنفسه و شوية امراء و مراته و ابنه الرضيع وشوية جنود، اسروهم و حطوا الامراء في الكلبشات في بيت القاضي ابراهيم بن لقمان، تحت حراسة نباطشي فلاح بسيط كده ،

الهزيمة دي كانت السبب في كسر غرور اوروبا كلها وثتها، وصمة عار ادت هناك لاحداث دموية وانقلاب فكري عن طريق حملة من الرعاة الصليبين اتقتل فيها الباباوات في اوروبا واتعدم باقي فرسان الهيكل، وكانت البداية لظهور التنويريين في اوروبا اللي بعد كدة هيقلبوها من دولة دينية لعلمانية ،

اما في مصر، اجبر لويس على الترحيل بعد تسليم دمياط للمصريين و عليه تعهد بعدم تكرار المحاولة و دفع 400 الف دينار دية "اللي بالمناسبة دفع نصهم بعد ما مراته مدت ايديها للي يسوى واللي ميسواش و الباقي اتهرب من دفعهم، و كمان مرجعش اوروبا بعدها دا راح قعد في عكا بيعيط بس، و بعدين قالك هرجع احتل مصر بس هحتل تونس الاول عشان اعمل قاعدة و بعت رسائل لملوك اوروبا عشان يساعدوه، وعبال ما الرسايل وصلت هناك كان مات " .

فكرة الحملات الصليبية انتهت للابد ، وبيت المقدس بعد الحملة دي اللي كانوا متوقعين سقوط مصر فيها ، هزمهم شوية فلاحين ، فا اوروبا اعادت النظر في الحملات وسطوة الكنيسة على الافراد وانحصرت تدريجيا، كمان حملة من الاعدامات لفرسان الهيكل بسبب التخاذل والمؤامرة،

نسيت اقول ان المنصورة مكانتش منصورة، كان اسمها جزيرة الورد ، وبعد النصر ده قرر الملك الكامل الايوبي انه ينشيء المدينة دي ويعيد بنائها ويظبطها ويسميها المنصورة تكريما لأهلها اللي هزموا الحملة اللي كانت هتغير تاريخ مصر للابد لولاهم ،
اما بالنسبة بقا لباقي الأسرى من الجنود والنبلاء، فا ديتهم كانت دخولهم في الاسلام او دفع الفدية، زي ما هو معروف،
ولان الجنود اساسا كانوا مبهورين بالمدينة وبنات المدينة والشجاعة اللي شافوها من اللي حصل فيهم ده، دخلوا في الاسلام وقرروا يستقروا في المنصورة، اسلموا يعني.

ومع استقرارهم في المنصورة للابد، ناسبوا كبار عائلات المنصورة وقتها واتجوزوا منهم بعد ما اتحسن اسلامهم ولغتهم وقعدوا، كونهم فرنسويين متحضرين برغم كل شيء كانت العائلات بتتسابق على نسبهم،

بعد كام سنة كدة لما العثمانيين احتلوا مصر سنة ١٥١٦م وهزموا المماليك وقتلوا طومان باي، كانت دواوين الحكومة وورقها وسجلاتها موجودة في دكرنس، وعشان كانت دكرنس بعيدة عن الطريق والنيل، قرر والي مصر سنة ١٥٢٧م سليمان الخادم بنقل دواوين الحكومة للمنصورة لقربها من المواصلات والنيل يعني، وعليه سكنت المنصورة العاملين للوزارات والدواوين من الاتراك العثمانيين،
ولما كانوا شغالين في وظايف مرموقة وقاعدين في بذخ، كانت كبار العائلات في المنصورة بتتسابق على النسب منهم، وكانوا بيجوزوهم بناتهم او العكس كون الاتراك قعدوا بعائلاتهم هناك،

ومن هنا ، هنعرف ان الشكل الحلو لبنات المنصورة ده، مكنش بسبب انهم باعوا نفسهم للفرنجة زي ما بيتقال عليهم، ولا ان جودوهم كانوا شمال، ولا اي حاجة من الكلام ده،

لكن العامل الوراثي لاختلاط الانساب ، دخل في جيناتهم جين فرنسي وجين تركي ، جينين اوروبيين ، مع جين مصري عمل القفلة دي ، عيون زرقا على سمار ، عيون خضرا على بياض وشعر اسود ، الى آخر الخلطة دي .

المنصورة شريفة واحفاد نبلاء فرنسوبين ونبلاء اتراك،

اقتباس : وصف المؤرخ الصليبي "ماثيو باريس" (Matthew Paris) (توفي 1258)الهزيمة قائلا : كل الجيش المسيحي تمزق إرباً في مصر , وا أسفاه، كان يتكون من نبلاء فرنسا، وفرسان الداوية والاسبتارية وتيوتون القديسة ماري وفرسان القديس لازاروس و فرسان الهيكل.

الصورة : دار ابن لقمان اللي اتسجن فيها القديس لويس.

المصادر :
المصدر الفرنسي : Chronicles of the Crusades, Villehardouin and de Joinville, translated by Sir F. Marzials ص١٥٢
المصدر العربي :
١- ابن إياس : بدائع الزهور في وقائع الدهور الجزء الاول ص٢٧٧ ل ص٢٨٠
٢- المؤرخ الايوبي أبو بكر بن عبد الله بن أيبك الدواداري: كنز الدرر وجامع الغرر، الجزء السابع ص٣٧٥ وص٣٧٦
٣- المقريزي: السلوك لمعرفة دول الملوك، الجزء الاول ص٤٣٩ وص٤٧٦
٤- بيبرس الدوادار: زبدة الفكرة في تاريخ الهجرة الجزء الثاني كله
٥- جمال الدين الشيال : تاريخ مصر الإسلامية الجزء الثاني كله