Hend gamal learning Disabilities specialist

ايه هو ADHD !! 🤔
وهل كل طفل عنده نشاط أو حركة زيادة معناه انه طفل بيواجه اضطراب ADHD ؟😲
و ايه الفرق ما بينه وبين الطفل الى مندفع وعنده عدم تركيز و وانتباه . ؟ 🧐
والاضطرابات زى ADHD نقدر ازاى نستفاد منها ونقلل من حدتها ! ✅️🧩🎯

ADHD

هنتكلم النهاردة عن ايه هو اضطراب ADHD
هو لازم الطفل بيكون عنده مشكلات فى عدم الانتباه والتشتت
و عدم التركيز والاندفاعية و كمان فرط الحركة المتزايد عن الطبيعى .
لكن فى أطفال عندهم عدم تركيز وانتباه و ده عادى
و فى اندفاعية مع عدم تركيز وده غالبا موجود مع بعضه
والى مش بالضرورة يكون فرط حركة
لكن امتى اقول طفل عنده اضطراب ADHD
لازم يكون طفل بيواجه عدم الانتباه والتركيز و الاندفاعية وفرط الحركة واكتر من معدله الطبيعى .
و طبعا لو طفل مندفع عادى هيكون معاه عدم تركيز و ده مش بالضرورة يكون اضطراب .من الأساس والى بنوجه من خلال مهارات وأنشطة معينة .
لكن بالنسبة لفرط الحركة المتزايد لازم هيصاحبه اندفاعيه و عدم تركيز و ده بيحتاج كورس تأهيلى .
لتخفيف من حدة فرط الحركة والإندفاعية وزيادة التركيز تدريجى بالإضافة للسلوكيات وتظبيطها .
لسة هنكمل كلام عن اضطرابADHD
Follow 👆👆
🤍
🌷🌷🌷🌷💜💜💜💜🌷🌷🌷🌷

🤍🌿



👌👍

النهاردة هنتكلم عن ربط النمائى بالاكاديمى 🧩🎯✅️
وازاى يكون فى أهداف لكل حاجة بيعملها الطفل ونقدر نركز عليها ازاى من الناحية العقلية والاكاديمية.
وتحسين مشكلات بيواجهها كتير من الأطفال زى مشكلات الانتباه والتركيز . و مشكلات صعوبة حل المشكلات .
الأنشطة هنا هى جزء منها نمائي وله أهدافه زى الانتباه والتركيز وتحسين مستوى الذاكرة للتركيز واستدعاء جزء من إلى بيعمله زى التطابق مثلا ومحاولة trace نمطى مثل نفس الشكل إلى قدامه بيركز فى الأساس والنقطة إلى بيبتدى بيها وازاى عند منتهى ايه بيوقف بحيث يقدر يعمل فكرة التطابق .
هى من مراحل بداية من تركيزه فى الشكل وتخزين معلومات بداية ومراحل تكوين الشكل إلى الانتهاء منه .
احنا كده قمنا بتحسين التركيز والانتباه والذاكرة وتآزر بصرى العين مع الايد .
و فى انشطة لازم نربط فيها النمائي بالاكاديمى و ده بيكون زى وهو بيتطابق بنعمل count مثلا لكل line من والى و بعد كده نبدأ ندخل colourings ونعرف من خلالها الألوان مع كل line بنعمله . و إلى ممكن نطلع بيه على المعكوسات او فكرة آل mirror إلى بيعانى منها كتير من أولادنا فى الأرقام والحروف .هتحسن كتير معاها من ضمن أهدافها. والى من ضمنها الأنشطة إلى نزلتها هنا فى آل post .
بالتوفيق لأطفالنا ان شاءالله ☺️⚘️
أهدافها كتيرة مع كل نشاط لازم نتدرب عليه ونركز على كل هدف .
ومتنسوش التحفيز المعنوى والمادى لاولادنا 🫶❤️✨️

👌

النهاردة هنتكلم عن الفرق بين فرط الحركة والشقاوة وازاى افرق بين فرط الحركة والشقاوة عند الاطفال .

⭐ زاي اعرف الفرق بين الشقاوة وفرط الحركة عند الأطفال!!👇
أمهات كتير بتشتكي أن ابنها بيتحرك كتير ومش بتكون عارفة تفرق دا فرط حركة ولا مجرد شقاوة 🤷‍♀️
👈بعض النقط دي اللي ممكن تساعدك في معرفة الفرق بين فرط الحركة والشقاوة 🤝🏻
⬅️.الطفل الي عنده فرط حركة مش بتمر عليه دقيقة واحدة من غير ما يتحرك أما الشقاوة الطفل بيقدر يوقف حركة لو طلبتي منه ولو شجعتيه أنه يقعد هادي هيكون عنده القدرة علي دا 🚶‍♀️
⬅️. الطفل الشقي بينفذ الأوامر الي بتطلب منه وبيستجيب بطريقه طبيعيه وبينجز المطلوب منه بسرعة أما الطفل الي عنده فرط حركة هتلاقي صعوبة معاه عشان يستجيب للأوامر وتنفيذها
⬅️.أما بالنسبه للتحصيل الدراسي
وهنا بتكون النقطة الأهم الي بتسأل فيها أمهات كتير هل فرط الحركة هيأثر علي تحصيله الدراسي ؟
الطفل الذي يعاني من فرط الحركه بيعاني كمان من تشتت الإنتباه اي حاجه جنبه هتشتت انتباه وهتأثر علي تركيزه لأوقات طويلة أو أنه يكمل حاجة بدأها للآخر وللاسف دا بيكون سبب في تأخيره في الدراسة.
⬅️.الطفل الذي يعاني من فرط الحركة هتلاقيه بيضرب أخواته وزملاءه في الحضانة أو المدرسه دايما
أما الطفل الشقي غالبا بيكون طفل اجتماعي ومحبوب من صحابه والمقربين ليه .
👈.طب اي العلاج:
الطفل الشقي من خلال أن الأب والأم يفهموا الطفل الصح والخطأ بطريقة ايجابية بعيد عن الضرب والعنف وتحفيزه أنه يكون احسن وتعزيزه ♥️
طفل فرط الحركة يحتاج لجلسات تؤهل سلوكه ونفسيته للتعامل بشكل حركة أقل
دمتم بخير 🤍🌸

بتفرق كتير تعاملاتنا مع أطفالنا فى كل المواقف الى بيقابلوها فى حياتهم ومعانا كأولياء أمور دورنا نقوم بتوجيهم عشان يعرفوا يتعايشوا مع إلى حواليهم بشكل أفضل. وبشكل سوى وصحى .

النهاردة هنتكلم عن طبيعة حالة ADHD .
Attention- deficit/hyperactivity disorder.
اضطراب فرط حركة وتشتت الانتباه .

مبدأيا قبل ما نتكلم عن فرط الحركة لأى طفل . يعنى بنتكلم عن رد فعله للمواقف إلى بيتعايش فيها وعليها بيكون ازاى فى صورة سلوكيات بتحصل منه او صادرة منه ناتجة عن مواقف مع إلى حواليه او مواقف بيتعرض ليها زى اللعب مع باقى الأطفال او شئ استثاره مثلا فبتالى بيتأثر بيه و بيكون رد فعله فرط حركة.
طيب اما نبدأ نتكلم عن فرط الحركة . وهل اى طفل عنده فرط حركة يصنف ADHD او فرط حركة وتشتت انتباه .
ده موضوعنا النهاردة .
فرط الحركة هو موجود عند كل الأطفال وعلى فكرة الطبيعى أنه اى طفل يكون فى رد فعل لكل موقف بيتعرض ليه ويظهر من خلال سلوكيات فى اللعب او الكلام او رد فعل مختلف او استثارته تجاه شى معين .
ده طبيعى لأى طفل . إلى بنسميها احنا شقاوة . فيه عدة اعتبارات اما بقول فرط حركة وتشتت انتباه .
بمعنى أن طفل ADHD حرفيا مش بيحصله حالة من الثبات .
اطلاقا علطول مستمر فى اللعب علطول ردود أفعاله غير متوقعه علطول مستثار من بعض الأشياء إلى حواليه . وبتزايد الاندفعاية عنده بنتلاقى رد فعل مختلف . ممكن يكون مختلف بالنسبالنا لكنه او عنده هو استثار بنسبة كبيرة .
هنقول بعض الأمثلة .
زى الطفل إلى بيثيره اللون الأحمر.
وبالتالى بيكون رد فعله كل ما بيشوفه ظاهر قدامه غير متوقع من الأفعال وبالتالى بتظهر عليه . يغضب او يثار.
وزى ما اتكلمنا قبل كده أنه بيتم علاج جزء الحواس بأننا نتأكد أنه مفيش مشكلة فسيولوجية الاول. وبعدين بناخد خطوة المختصين بالتكامل الحسي والنفسي .
والى بتظهر عند اغلب الأطفال ADHD الاندفاعية.
لكن بتعدد الأسباب و ده مثال لسبب معين .
وبالتالى بيعمله تشتت انتباه وبالتالى بيعمله Hyperactive .
لكل أفعاله .
ده كمثال .
احنا هنا طلعنا بالمثال ده أنه ممكن طفل ADHD يكون عنده زيادة فى الاندفاعية و Hyperactive و تشتت انتباه و عدم تركيز .
لأسباب متعددة .
ممكن حاجة واحدة بس منهم تأثر على باقى الصفات .
لكن كلهم بيتأثروا ببعض .
وبالتالى طفل ADHD حرفيا مش بيكون عنده اى نوع من الثبات .
علطول مندفع بشكل متزايد وبالتالى علطول Hyperactive و بالتالي علطول فى تشتت انتباه وعدم تركيز .
هو ده إلى بيفرق عن طفل عنده بس مجرد شقاوة طبيعية .
طب هل طفل ADHD لازم يكون مصاحبة للثلاث أنواع من الاندفاعية المتزايدة و Hyperactive و تشتت الانتباه وعدم التركيز .
ايوة لازم هيصاحبه الثلاث أنواع. لانه اذا كان عنده مشكلة فى الاندفاعية هتأثر على باقى الأنواع.
لكن بتفرق فى النسب بمعنى أنها بتكون بشكل متساوي.
وبترجع لأضطراب . يعنى ماينفعش طفل يكون تعرض لموقف مثلا مع طفل من أقرانه ورد فعله أنه كان مندفع او غضب لسبب ما فبقى Hyperactive . فممكن اقول عليه ده ADHD .
لا لازم يكون بسبب اضطراب يعنى ايه . بمعنى خلل فى وظائف اساسية زى ما قلنا فى المثال السابق . اللون مثلا او استثارته بسماع صوت معين أو استثارته بموقف معين كل مابيشوفه يحصلها اندفاعية .وبتالى بتتأثر باقى الصفات او الأنواع المصاحبة للاندفاعية .
لازم يكون فيه اضطراب انفعالى سلوكى او فى متأثره بالحواس عشان اقدر اصنفه ADHD .
لكن طفل إلى عنده فرط حركة كنوع من الشقاوة او Hyperactive او تشتت انتباه لأى سبب تانى . بيكون طفل عادى جدا .
وبلاش الخلط فى الأمور ما بينهم .
وعلى فكرة طفل ADHD . أما بيتشخص صح وبتتقدم برنامج ليه تأهيلي صح بيكون موهوب لانه بيبقي عنده قوة ملاحظة للأشياء بنسبة أكتر من الطفل العادى . اذا اتصنف واتشخص واتعمل ليه برنامج تأهيلي متكامل . بطريقة نقدر بيها نستفاد من فرط الحركة إلى عنده والى بيظهره.
بتكون خطة علاجية بشكل تأهيلى حسب طبيعة حالة الطفل و اختبارت محددة بعرف بيها نسبة الاندفاعية قد ايه . وببدأ منها بحط plan او خطة ببرنامج لفترة زمنية محددة حسب طبيعة حالة الطفل .
بتفرق كتير التطور والاستفادة من قدراته . وبعد كده اقدر اوضعله مكان فى نقاط كتير يقدر هو بنفسه يشتغل عليها ويحسن منها لأنه يقدر ..
مش كل طفل شقى يصنف ADHD ولا كل طفل ADHD أقول عليه مالوش علاج . و ماينفعش أعمم أنه ياخد او انى اديله جرعات تحت إشراف طبيب لان مش لازم اعمل لطفل Hyperactive حالة من الخمول لمجرد انى مش عارفة استخدم قدراته بشكل صحيح وسليم .وبرضو مش كل الحالات ينفع انى اديها دواء وحتى لو تحت إشراف الطبيب قبل الأخصائي المعالج ما يشوفه الأول ويشخصه ويقدر يظهر نقاط القوة الى عنده و يضع برنامج معين ولازم الأخصائي يكون مؤهل لده .
الأطفال إلى بيصنفوا ADHD هم الأفضل لأنهم الأسرع وقدراتهم متحولة وغير ثابته واقدر استفاد منها .. الاستفادة من قدراتهم مكسب لينا . لكن يؤهلوا. من قبل مختصين .يتم تبعا لبرنامج تأهيلي ودراسة حالة بشكل سليم .
بالتوفيق ان شاءالله لأطفالنا 🌷 الأقرب للقدرات 👍🤍

#الذاكرة

كل عام وحضراتكم بخير . مع بداية عام دراسي جديد . وبداية تطور عام فرق كبير للسنة إلى قبلها . حابة اوضح بعض النقاط الى ممكن تأثر على الطفل فى الاكاديمى ومستوى تحصيله الدراسي زى أن الاهتمام بالأطفال عنصر اساسي عشان الطفل يقدر يستجيب معايا أكاديميا ويطور من مهاراته الذاتية والتفاعلية مع الأطفال إلى حواليه . ومع المدرسين .
الاهتمام دايما من بداية البيت الاب والام والأخوات والرعاية المتكاملة ليه عنصر أساسي لتكملة العنصر او الجانب الاكاديمى .
ولرفع مستوى التحصيل الدراسي للطفل على مدار عام دراسي جديد .
النهاردة هنتكلم عن مهارات الاكاديمى الى ببتدى مع الأطفال إلى ممكن تكون مشكلتهم فى التركيز والذاكرة . وكمان من خلال الأنشطة الموجودة فى كتير منها ليها أهداف كتيرة لتنمية الذاكرة والتركيز و الإدراك.
اسفل كل رأس صورة من جروب من الصور بيبان كيفية او ازاى اشتغل مع الطفل وايه الأهداف إلى ممكن يخرج بيها الطفل من السيشن او الجلسة وطبعا لازم ناخد فى الاعتبارات فروق العمر فروق فردية بين كل طفل وطفل و التشخيص السليم . هو إلى بيحدد طبيعة البرنامج إلى المفروض نتبعه كأخصائي او كمتخصص . وازاى أقدر استفاد بأكبر قدر من قدرات الطفل الممكنة .
بالتوفيق ان شاءالله لأطفالنا 🤍🌷🤍☺️

Don't stop
I trust you 😊 💯

Learning disabilities lectures 👀

ثانى لقاءات من محاضرات منهج صعوبات التعلم.m4a منهج صعوبات التعلم مع كافة حالات ذوى الهمم