ABC تربية

السلام عليكم 🌷لكل أم قاعدة بتذاكر لولادها وهى اصلًا مايتحبش المذاكرة 😩 لكل أم قاعدة على اعصابها وبتحاول وبتجاهد انها تبان هادية 😔 لكل أم بتقول وتعيد وتزيد وتراجع وتحفظ وتذاكر من اول وجديد 💪🏻💪🏻 لكل أم شكرًا حتى لو دورك النهارده مش باين قد ايه كم التضحية فيه بكرة هيبان أكيد🌷..شكرًا💚.

السلام عليكم 🌷 اوقات كتير بنحتاج دعم ولو بكلمة طيبة لإتمام عملية إعادة الشحن على خير 😊

فلو ملاقيتهاش ماتزعليش ادعمى نفسك بنفسك 💪🏻 حتى لو بفنجان قهوة ولحظة امتنان لله وتأمل فى النعم اللى عندك.

انتِ قوية ومريتى بكتير وعديتى حتى لو مافيش حد شاف وقدر انتِ عديتى ازاى لكن فى النهاية عديتى💪🏻

استعينى بالله وتوكلى عليه حق توكل وخلى لسانك وقلبك يردد (لاحول ولاقوة إلا بالله ) وقت الظلمات والانطفاء والكسل وكل الاوقات حتى ولو قلبك مش حاضر مش مشكلة المشكلة انك تفضلى قاعدة وجواكِ بركان مكتوم فالحقى نفسك قبل الانفجار وعواقب الانفجار المحتوم 😔.

لاحول ولاقوة إلا بالله بداية تحويل حالك من حال لحال افضل بإذن الله💚.
توكلى على الله وكل مُر سيمر بإذن الله دى سنة الحياة مش بتبقى على حال.
وان شاء الله تبقى فى أفضل حال💚.

السلام عليكم ورحمة الله وبركاته 🌷التربية عايزه كل شوية مراجعة وواقفة مع النفس.

وسط الضغوط بنتصرف بعصبية وعشوائية ماينفعش تستمر طول الوقت.

وقفى نفسك وابتدى من تانى عادى.. جددى نيتك واستعينى بالله والدعاء.

التربية مشوار حياة ماينفعش نفضل طول الوقت ماشيين فى الاتجاه الغلط.. لفى وارجعى تانى 🙂💪🏻.

#انتِ_قدها💪🏻🌷

السلام عليكم ورحمة الله وبركاته 🌷أوقات كتير الطاقة بتكون صفر 😔 لأسباب معروفة واحيانا مش معروفة بس فى الأخر النتيجة واحدة هى صفر.

عادى عديها وماتقفيش عندها كتير.. استعينى بالله وخدى نفس عمييييق 💪🏻 وامشى خطوة واحدة بس لقدام اكيد واحد افضل من صفر.
واحدة واحدة هتلاقى الطاقة بترجع لان الخطوة بتفرق كتير 🙂.


#انتِ_أقوى💚💪🏻🌷

🚨 ادخلوا فتشوا في موبايل ابنك أو بنتك 🚨
لو الألعاب دي مش خطــ.ــر، مكنش العالم كله اتكلم عنها ولا دول كتير منعتها ❌

🎮 لعبة وقلبت بجد
اللعب بقى خطر حقيقي في إيد كل طفل ‼️

لو متعرفش يعني إيه Roblox – روبلوكس
يبقى أنت كده متأخر عن جيل كامل…
اللعبة دي من أشهر الألعاب عند الأطفال، شكلها كرتوني وبريئة، لكن الحقيقة غير كده تمامًا 😔

📌 ليه روبلوكس وغيرها خطر؟
▪️ لعبة أونلاين بتفاعل مفتوح
▪️ محتوى مش كله مناسب للأطفال
▪️ شات مفتوح والتواصل مع غرباء
▪️ استغلال الأطفال بطرق مختلفة
▪️ شراء جوه اللعبة يخلي الطفل مش مدرك قيمة الفلوس
▪️ إدمان وساعات طويلة بدون وعي

⚠️ ومش روبلوكس لوحدها
في ألعاب تانية خطــ.ــرة أو إدمانية زي:
🎮 Minecraft
🎮 Free Fire
🎮 PUBG Mobile
🎮 Fortnite
🎮 Among Us
🎮 GTA Online
🎮 Call of Duty Mobile

كلها ألعاب فيها تفاعل أونلاين، شات، محتوى عنيف أو غير مناسب، ولو من غير رقابة بتتحول لكارثة حقيقية ❌

✅ دور الأهالي مهم جدًا:
✔️ رقابة فعلية مش شكلية
✔️ تحديد وقت اللعب
✔️ إغلاق الشات أو التحكم فيه
✔️ اللعب في مكان مفتوح في البيت
✔️ الكلام مع الطفل وسماعه بدون تخويف أو ضرب

📺 مسلسل (لعبة وقلبت بجد) ناقش قضية في غاية الخطورة
إزاي الألعاب الإلكترونية سيطرت على دماغ وحياة جيل كامل
وإزاي غياب رقابة الأهل خلّى الموبايل مربي بديل 😔

❌ الموبايل مش حل عشان الطفل “يسكت”
ولا علشان نرتاح من الزن والصداع
اللي بيسكت النهارده… ممكن يدفع تمن كبير بكرة

📌 الكلام ده مهم
اعمله شير…
يمكن أم أو أب يشوفوه ويلحقوا ولادهم


#روبلوكس

الأنتقاد المباشر ومن غير تذويق للكلام واختيار الطريقة والوقت بيجرح ومابيغيرش حاجة بل على العكس بيخلى الواحد عنيف عشان يثبت بالكلام بس العكس ويدافع عن نفسه وصورته وكرامته.. يا بيبقى بايع القضية كده ولا كده خربانه يبقى مافيش فايدة وهيزيد سوء من كتر الكلام السلبى وعدم صبرنا على التشجيع وخصوصًا لو بقى الأنتقاد عادة يومية وقدام الأغراب كمان.

واحنا للأسف أغلب الوقت بنمارس الأنتقاد السلبى مع اولادنا من باب التنفيس عن شحنة الغيظ والغضب والتوتر والضغوط مش بهدف تعديل السلوك لأن تعديل السلوك السلبى لإيجابى عمره ما هيجى باتباع منهج سلبى.

حطوا نفسكم مكانهم هتعرفوا انتوا بتبنوا ولا بتهدوا.

#الأنتقاد البناء فن مش عمال على بطال.

❤️💪🏻.

علموا اطفالكم ((مايبحلقوش 🙄 ))فى الناس طول ماهما ماشيين.

علموهم غض البصر من الصغر عن الحلو والوحش.

بلاش امراض القلوب تتمكن منهم لأنها هتتعبهم هما أول ناس ..اطلاق البصر مابيجيش من وراه خير .

علموهم يستأذنوا قبل ما يدخلوا اى مكان.

علموهم عنيهم ماتفضلش تدور فى المكان.

علموهم انتم الأساس.

📢..
تقبلى مرحلة التغيير اللى فى حياتك زى ماهى وكفاية مقاومة مش فى مكانها تجيبلك أكتئاب.. حياتك بتطور وكل مرحلة وليها ظروفها ومعطياتها فتقبليها عشان تعرفى تعيشيها وتطلعى أحلى ما فيها😉.

ماتقفيش كتير فى نفس المكان امشى ولو خطوة واحدة لقدام .. أكيد هتفرق.

📢

وَقُـل رَّبِّ ارْحَمْهُمَا كَمَا رَبَّـيَانِي صَغِيرا.كل ما بنكبر بنفهم أكتر وللأسف متأخر.