حضانة اطفالنا - Our Kids Nursery - حدائق الزيتون

هدايا الحلوين عملناها بحب💖💖

حبايبنا الحلوين اجمل ما في الحفلة وجودكم معانا 💖💖🥰

اجمل واصغر حجاج ربنا يوعدنا جميعا ياحبايب قلبي💖🥰

اجمل رسومات واحلى تلوين بأيدي فنانين Our Kids الحلوين ربنا يحميكم حبايبي الغاليين 🥰🥰

لكل أم طفلها في مرحلة الحضانة او مرحلة ما قبل المدرسة اتمنى تقرأ وتركز في الكلام.ده جدا 🙏

كلام مهم لازم نركز فيه جدا✨
✍️ إمتى وإزاي أدرب طفلي على الخطوط ومهارات ما قبل الكتابة؟

⭕ أولًا: إمتى أبدأ تدريب طفلي على مهارات ما قبل الكتابة؟

ابدأ لما أتأكد إن عضلات إيد الطفل بقت قوية وقادر يتحكم فيها بشكل جيد.
لأن الطفل لا يستطيع الكتابة إلا بعد:

✅ النضج العصبي.
✅ إتقان مهارة مسك القلم والتحكم في الأصابع أثناء الكتابة.
✅ وجود تآزر بين حركة العين واليد.

---

# ✨ مراحل تعلم الكتابة عند الطفل

تمر الكتابة بعدة مراحل مهمة:

🔶 مرحلة الاستعداد للكتابة (مهارات ما قبل الكتابة).
🔶 مرحلة مسك القلم.
🔶 مرحلة الكتابة الفعلية.

---

# ⭕ أولًا: مهارات ما قبل الكتابة

حتى يكتسب الطفل مهارة الكتابة، يجب تنمية:

1️⃣ مهارة التحكم في العضلات الدقيقة (الأنامل).
2️⃣ مهارة التنسيق بين العين واليد (التآزر الحركي البصري).
3️⃣ مهارة التحكم في مسك أدوات الكتابة (القلم).

---

# ⭕ كيف أنمّي مهارة التحكم في العضلات الدقيقة؟

✍️ **ملحوظة:**
التدريب يكون من خلال الأنشطة واللعب.

# # 🔹 أنشطة لتقوية عضلات اليد والأصابع

* فتح وغلق قبضة اليد باستمرار.
* الضغط بأصابع اليد على جسم صلب.
* ثني الأصابع بانتظام.
* غمس الأصابع بقوة داخل حوض به رمل ناعم.
* عجن الصلصال.
* لف وبرم وتقطيع الصلصال.
* الغرس العشوائي للخلات داخل الصلصال.
* فتح وغلق المشابك البلاستيكية بأحجام مختلفة.
* نقل كرات قطنية باستخدام المشابك.
* غلق وفتح مشابك الورق.
* لضم الخرز.
* التقاط الخرز باستخدام الملعقة من وعاء به ماء.
* التقاط الخرز من الرمل.
* التقاط الخرز من وعاء به زلط ملون بألوان زاهية.
* استخدام الكرات المطاطية لتقوية عضلات اليدين.
* استخدام الكرات الجِلّية لتقوية عضلات اليدين.
* استخدام المقص في قص الأوراق طوليًا وعرضيًا.
* استخدام المقص في قص القماش.
* لصق الأوراق.
* التقاط أشياء متحركة.
* نقل أشياء صغيرة من المنضدة إلى طبق مثل:
(ذرة – فول – أرز – زلط صغير ملون – أزرار صغيرة).
* لف الخيط على شكل كرة.
* دق المسامير في قطعة خشب.
* غلق وفتح الباب باستخدام المقبض.
* فك وتركيب المكعبات.
* فك وربط الحذاء.
* تقليب صفحات الكتاب (السميكة والرفيعة).
* غلق وفتح الزجاجات.
* غلق وفتح صنبور المياه.
* نقل الماء بقطعة إسفنج من وعاء لآخر.
* حمل الكرات وقذفها برؤوس الأصابع.
* اللعب بالبيانو والضغط على الأزرار.
* اللعب بالطين والرمل والعجين.
* فتح وغلق السحّابات وفك الأزرار والعُقد البسيطة.

---

# ⭕ كيف أنمّي مهارة التنسيق بين العين واليد؟

# # 🔹 أنشطة التآزر الحركي البصري

* تحريك الأصابع على الأحرف البارزة.
* التمييز بين الحرف والصورة والأشكال وكيفية رسمها قبل البدء في الكتابة.
* تدريب الطفل على تحريك الذراع أثناء الكتابة بما يتناسب مع حركة الحرف.
* ألعاب الفك والتركيب.
* التلوين والرسم بالدهانات.

---

# ⭕ ثانيًا: مرحلة مسك القلم

في هذه المرحلة يتم تمهيد الطفل للكتابة من خلال تدريبه على:

# # 🔹 تدريبات تمهيدية للكتابة

* الكتابة بالرمل أو الدقيق أو الملح أو التراب بحركات عشوائية.
* تحريك الأصابع على الحروف البارزة وتتبعها.
* الكتابة على المرآة أو ورق الألومنيوم أو الورق المقوى.
* تحريك الأصابع على الحروف المحفورة على الخشب أو المعدن وتتبع حركتها.
* تتبع مسار بالسيارة داخل خطين متوازيين أو على سجادة مفروشة.
* التلوين العشوائي بالألوان المائية.
* استخدام أقلام سبورة سميكة يسهل مسكها.
* استخدام ألوان خشبية جذابة في الشكل واللون.
* التلوين العشوائي داخل دائرة باستخدام الشمع.
* تلوين صور كبيرة وواضحة.
* تدريب الطفل على عمل النقطة.
* التوصيل بين نقطتين (متقاربتين أو متباعدتين).
* رسم خطوط طولية وعرضية.
* التوصيل بين الصور بخطوط طولية أو عرضية.
* حل المتاهات البسيطة باستخدام لعبة المتاهة أو الرسم على الورق.
* توصيل النقاط من اليمين للشمال والعكس.
* تكملة الرسومات البسيطة.
* التحديد حول الحروف بعمل أشكال.

---

✨ تذكّر دائمًا أن التعلم في هذه المرحلة يكون باللعب والتشجيع، وليس بالضغط على الطفل.
وكل طفل له سرعته الخاصة في اكتساب المهارات.

منقول🥰

كلام مهم جدا

🛑 ابني بياكل "اكياس بلاستيك، المناديل، أو حتى دهان الحيطة"! .. إيه الحكاية؟ 🛑
يا ست الكل، لو شفتي طفلك بياكل حاجات غريبة مش للأكل، زي الصابون، الورق، الخشب، أو حتى القش.. متتخضيش وتقولي "ده دلع" أو "بيستهبل".. الموضوع ده علمياً اسمه "اضطراب بيكا - Pica". 🧱🧼🧻

المشكلة دي بتظهر كتير عند أبطالنا من أطفال طيف التوحد، وبتبقى تحدي كبير جداً لكل أم وأب لأنها ببساطة ممكن تسبب مخاطر حقيقية زي التسمم (بالرصاص اللي في الدهانات)، أو انسداد المعوي (لو أكل شعر أو عفش)، أو حتى عدوى بالطفيليات من الطين، ده غير إصابات الأسنان ونقص التغذية لأن الحاجات دي بتملى البطن على الفاضي! ⚠️

🤔 هل ده له علاقة بطيف التوحد؟
أيوه ممكن يظهر عند بعض أطفال التوحد،
لكن مهم جدًا نفهم:
❌ مش كل طفل توحد عنده بيكا
❌ ومش البيكا جزء أساسي من التوحد
لكن اللي بيزود احتمالية ظهوره:

طيب ليه ابني بيعمل كده؟ (الأسباب بكل صراحة) 🤔
عشان نعالج صح، لازم نفهم السبب الأول، والأسباب ممكن تكون:

مشاكل حسية (السبب الأقوى): الطفل هنا بيبقى عنده "عتبة حسية منخفضة" في حاسة التذوق أو اللمس. التذوقي بيحتاج ياكل علشان يشبع حاسة التذوق اللمسى يعني هو محتاج يحس بضغط جامد على فكّه أو ملمس معين في بوقه عشان "يشبع" حسياً، فبيبدأ يدور على حاجات حادة أو خشنة (زي البلاستيك أو الخشب) عشان يحس بيهم.

أسباب صحية (نقص معادن): أحياناً الجسم بيبقى ذكي وبيدور على اللي ناقصه بطريقة غلط؛ نقص الحديد، الزنك، أو فيتامين B ممكن يخلي الطفل يميل لأكل حاجات غريبة. وده بنعرفه بالفحوصات الطبية.

جذب الانتباه: الطفل ساعات بيحس إنه محتاج اهتمام أو لعب ومشاركة، ولما بيعمل السلوك ده بيلاقي الدنيا اتقلبت حواليه، فبالنسبة له "الاهتمام السلبي" (حتى لو زعيق) أحسن من مفيش.

الهروب من الضغوط (سبب نفسي): لو فيه خوف أو قلق، الطفل بيهرب للسلوك ده بشكل غير إرادي عشان يداري شعوره بالضغط.

نقص الإدراك والوعي: طفل التوحد أحياناً مبيكونش عنده الخبرات الكافية اللي تخليه يميز بين اللي "يتاكل" واللي "ميتاكلش".

استكشاف البيئة: لو الطفل لسه صغير جداً، ممكن يكون الموضوع مجرد فضول طبيعي كأستكشاف بيجرب فيه كل حاجة ببوقه.

هنتصرف إزاي؟ (خطة العمل العملي)
الموضوع محتاج "صبر" و "حكمة" مش زعيق وعصبية:

✅ أول خطوة: التحاليل الطبية فوراً عشان نتأكد إن مفيش نقص في المعادن أو الفيتامينات.
✅ توفير بيئة آمنة: لازم نبعد الحاجات الخطر عن إيده ونوفر جو هادي بعيد عن الصريخ عشان ميستخدمش السلوك ده كأداة لزيادة التوتر.
✅ شغل التكامل الحسي بلأضافه (دورك يا ماما في المطبخ):
وبتوجية أخصائى التكامل الحسى

دخلي طفلك معاكي المطبخ، خليه يشم ريحة الفواكه والأكل، ويدوق طعمات مختلفة (حلو، حادق،) عشان يشبع حاسة التذوق عنده.

قدمي له أكل "ناشف" أو "جامد" صحي (زي الجزر أو الخيار الناشف) عشان يشبع حاجة الفكين للضغط ويشبع حاسة اللمس،
✅ التدخل وقت السلوك:
لتعامل هنا لازم يكون دقيق:

لو شوفتيه بياكل حاجة غلط، اتعاملي بـ "حزم بدون عصبية".
❌ بدون صراخ
❌ بدون ضرب
❌ بدون تجاهل كامل

✔️ تدخل هادي
✔️ جملة قصيرة: “ده مش أكل”
✔️ تكرار نفس الرسالة
✔️ تعبير وجه جاد وثابت

استخدمي كلمات بسيطة ومركزة: "غلط.. ده مش صح" مع تعبيرات وجه حازمة (ممنوع الضحك نهائي).

استخدمي الصور: صورة طفل بيعمل غلط وعليها علامة (X)، وصورة تانية للبديل الصح وعليها علامة صح (✔️).

قدمي "البديل الصحي" فوراً أول ما يسييب الحاجة الغلط وشجعيه عليه.

يا ست الكل.. السلوك لو رجع تاني بعد فترة، ارجعي استخدمي نفس الفنيات من غير يأس. ابنك بيتعلم بالصبر والتكرار، مش بالسرعة. ❤️

✨ حاولت أبسط لكم الموضوع وأوصله بشكل عملي عشان نفهم يعني إيه اضطراب بيكا، وليه بيحصل، وإزاي نتعامل معاه بدون خوف أو تصعيد

لأن الفهم الصح هو نص الحل 👌
منقول للفائدة🥰
@متابعين

تنميه مهارات التفكير من اهم الانشطة اللي لازم الطفل يتعلمها لانها بتساعده يتعلم بطريقة اسهل واسرع

احلى Donuts Day حبايبي الحلوين زينو الدوناتس بطريقتهم بألف هنا على قلب الحلوين 💖🥰