03/07/2020
😍
ناس كثير بعتت تسألني بخصوص تطعيم شلل الاطفال الجديد عن طريق الحقن وليس النقط كما كان في الاول
وان الموضوع في مؤامره كونيه ضد اطفال مصر
طيب نشرح حاجه بسيطه كده
اولا لازم تبقي عارف ان علي مستوي العالم في نوعين من التطعيم
النوع الاول ال Sabin نشط
النوع الثاني ال Salk غير نشط
طيب اول حاجه كمان لازم تبقي عارف ان فيه 3 سلالات المنتشره علي مستوي العالم
ولازم تبقي عارف ان التطعيم الاول Sabin وده نقط عن طريق الفم ده خاص ب السلاله الاول والثالثه فقط
طيب محنا طول عمرنا بندي التطعيم ده
العالم اتغير ولازم تبقي عارف ان العالم كلوا في الوقت الحالي بيتطعم بال SALK الي عن طريق الحقن
ده غير ان انت عندك للاسف بنسبه 1% فقط هما الي عندهم شلل اطفال وده لانهم بيصابوا بالسلاله الثانيه وده الي بدأ يحصل في مصر ان الموضوع بدأ ينتشر وكمان لقوا ان السلاله الثانيه بدأت تعلن عن انيابها
طيب فا عملوا ايه في مصر
قالوا نجبلك ال SALK VACCINE علشان ولادك
وده علشان ال 3 انواع من السلالات وبتبقي عن طريق الحقن يعني مش نقط زي الاول
ولعلمك الموضوع موجود في مصر من 2018 يعني الموضوع مش جديد بس الي عرفتوا انوا بدأ يبقي اجباري يعني الموضوع مش اختياري زي الاول
وده حاجه كويسه جدا
يعني الموضوع مش مؤامره كونيه زي ما ناس بتدعي
فيه اسأله انا متأكد منها بخصوص
- لو انتي مطعمه روتا او حاجه الفتره ده اقدر اطعم ابني ؟؟
لاء يفضل بعد مرور 15 يوم قبل او بعد
- ابني سخن ينفع انزل اطعموا ؟؟
اكيد لاء لو ابنك مصاب
بالسخونيه
بالاسهال
الترجيع
بياخد اي ادويه الفتره ده
يفضل بعد ما يقوم بالسلامه اروح اطعموا
المفروض ان التطعيم SAFE بخصوص الاطفال الي عندهم مشكله في المناعه
تقدر تتأكد بردوا من خلال الدكتور الي انت متابع معاه
ابني مريض كانسر اقدر اطعموا ؟؟
المفروض انك متابعه مع الدكتور بتاعوا فا بلاش الاسئله الي من النوع ده
- لو انا بره مصر هل لازم اطعم ابني ؟؟
بره مصر اصلا شغالين بيه فا مش محتاجه لاني متأكد انك ختيه بره مصر
لازم تبقوا عارفين ان لا يوجد علاج لمرض شلل الأطفال، وليس هناك إلا الوقاية منه
وذلك عن طريق 5 جرعات من لقاح شلل الأطفال (جرعة واحدة شلل الأطفال المعطل+ 4 جرعات شلل الأطفال الفموي)، وبكده يمكن أن تحمي طفلك من هذا المرض الفتاك وتضفي عليه حصانة مدى الحياة
بس كده صباحكم بيضحك
15/03/2020
11/03/2020
24/02/2020
24/02/2020
21/02/2020
21/02/2020
16/02/2020
16/02/2020
16/02/2020