بصينا لي اولادنا فلشارع بي طريقة مختلفة - بس كدا!!
أنس طفل معتقل من سيناء تم اخفاؤه قسريا ٤٠٠ يوم ويحاكم الآن. من الإرهابي ؟
#خرجوهم
اطفال العالم ينتفضون من اجل الاطفال المعتقليين في مصر. نور طفل معتقل اتحكم عليه ١٥ سنه وفي الاستئناف تم تخفيض الحكم الي ٧ سنين.
خرجوا نور من مقبرة الاحياء..خرجوا نور من مدرسة الارهاب والتطرف والسجون في مصر.
#خرجوهم
الحمله مستمره صوتك هيفرق
تواصلوا معانا لو اي طفل عايز يسجل معانا
#خرجوهم
الحلقة الرابعة من مسلسل الأطفال المعتقلين.
الظلم والفساد ماسابش حاجة مالمسهاش. حتى الكورة خلاها مسيسة, ولما خلاها مسيسة استهدف اللي بيشجعوها.
قتل من جمهور نادي الزمالك 20 قتيل. ده ماكانش كفاية. أطفال كتير من الجمهور بيتحاكموا عسكريا بعد مالبسوا تي شيرت 20 شهيد بيفتكروا اخواتهم اللي اتقتلوا.
دي تاني حلقة عن الأطفال المعتقلين.
المرة دي عن طفل اسمه خالد صبري. اعتقل وهو في ثانوية عامة في قضية الأرض.
جلسته الشهر ده.
الحرية لخالد
الحرية لمعتقلي الأرض
الحرية للمظلومين.
واحنا كمان بنحتفل بالشباب بس للأسف مش عارفين نعملهم مؤتمر.
قلنالهم طب عادي talk to us و انتوا في زنازينكم وممكن تتسمعوا
قالوا قلنا للضابط اللي بيلفق القضية we need to talk بس ماسمعناش
قلنا لللي بيعذبونا ويكهربونا we need to talk بس برضه ماسمعوناش
قلنا للنيابة والقضاء برضه انه we need to talk برضه ماسمعوناش
قمنا احنا الشباب قلنا خلاص, هنلبي الدعوة, ويلا بينا let's talk
وخلينا نعرض فيديو لطفل اسمه آسر,حبسه النظام ومش راضي يسمعه
يلا يانظام, ردوا علينا و خليكم قدها و let's talk
بلادي- جزيرة الإنسانية تعود
نحن-سكان جزيرة الإنسانية- أمضينا أعمارنا حالمين...
بعالم أجمل. يسوده العدل، والرخاء، والحريّة، والكرامة، والإنسانية...
لكن سرعان ماوجدنا ساستنا متناحرين، وحكامنا مستبدين، وعلماؤنا مسيسين، وشعوبنا مستضعفين، وأطفالنا مهمشين.
فقررنا أن نعيد الأمل، ونبعث الحلم.
قررنا أن نؤسس بلادي جزيرة الإنسانية. جزيرة ترحب بالإنسان، توحد البشر لاتفرقهم، تؤاخيهم لا تعاديهم، تنميهم لا تحبطهم.
لكن سرعان ماجاء جشع حكامنا وفساد شرطتنا وأجهز بأسلحته على جزيرتنا الصغيرة فاعتدى على سكانها، ضرب وشرَّد أطفالها وأسر رجالها ونسائها.
كان راجيا أن يمحو بجبورته حلمنا، وبظلمه عزيمتنا. حتى نخون كما خان.
لكننا ازددنا صلابة. فنور جزيرتنا قد أشع على ظلم فساده! لأنه ماكان للنور أن يخشى الظلم والظلام!
لذللك، وبعد استعادة أنفاسنا، وترتيب أوراقنا، هانحن نعود لجزيرتنا. ونفتح أبوابها كي ترفع الظلم عن المظلوم، وتنصر المستضعف، وتستقبل كل باحث عن الإنسانية!
حقيقة الموضوع :
مجموعة شباب من انقى ما يكون , اصحاب مبادئ اتجمعو مع بعض عملوا كيان اسمة مؤسسة بلادى جزيرة للانسانية المعروفة بمؤسسة بلادى كل هدفهم العمل على اعمل تنمية المجتمع , فكرهم هو البحث عن المشكلة فى المجتمع المصرى وايجاد حل ليها , بد
دأو فى الاجراءت القانونية لتأسيس مؤسسة والورقة بتاعها راح وزارة التضامن وجم عملوا معاينة على المقر 31 شارع الفلكى وابتدأ العد التنازلى اللى هو 90 يوم من تاريخ اخطار وزارة التضامن , وبناء على جواب من وزارة التضامن موجه للبنك العربى الافريقى الدولى اتفتح حساب باسم المؤسسة , وبعد كدا لما حصل وقمنا بتغيير المقر الورق اتعدل وجم عملوا معاينة من جديد وبدأ العد التنازلى لل 90 يوم من جديد .
المؤسسة كانت بدأت بمشروع بلادى للنظافة وفى مشروع ضد التحرش , ومؤخرا لما زاد الكلام عن اطفال الشوارع وهم الظاهرة الاكبر تهديدا للمجتمع المصرى وظاهرة ماحدش عارف يحلها قرروا انهم يجدولها حل فى من ضمن الشباب دول شاب عبقرى محمد حسانين كتب مشروع بمساعدة دكتور نفسى اسمه دكتور محمد حمزة وقرروا انهم يبدأ يعملوا حاجة اسمها اعادة تأهيل ودمج فى المجتمع كانوا عارفين انهم داخلين على حاجة كبيرة بس قرروا يحاول .
البداية كانت انهم خدوا مقر فى وسط البلد شارع الفلكى كان عندهم فكرة اسمها اجرى من السياسة عملوا يوم اتحاربوا فيه من كل الجهات بس قرروا ينجحوا وبرغم ظهور اليوم كيوم فاشل ان اللى يفكر ويعرف الظروف والاضهادات اللى واجهتهم وانهم من غير فلوس تذكر عملوا حاجة زى كدا وتحدوا الجميع ونعم نستطيع هيعرف انهم كانوا فى حرب مش فى تنفيذ فكرة , بعد اليوم ما خلص صاحبة المكان شبة طردتهم من المؤسسة قرروا انهم ياخدوا مقر تانى ومش هيقفوا هنا وبالعفل بحثوا عن مقر وكان المقر هو 31 شارع محمد محمود وكان الهدف من ان المقر يكون فى وسط البلد هو ان وسط البلد زى ما بيقولوا انها وسط البلد فمكان اسهل للجميع للوصول وبدأو بمشروع اولاد شوارعنا ,,, وكانت الخطة الاولى انهم يجمعو الاطفال من الشارع حيث لا مأوى الى مقر المؤسسة حيث المأوى الجديد والحياة الادمية وبدأو فى جذب الاطفال والهدف هو تأهيلهم ومجهم مرة اخرى وكان شرط اساسى ان الطفل يكون من جوة عايز يتغير عشان يتغير عشان كدا ما كانش فيه اقفال فى بداية المشروع على اى باب يعنى اى طفل كان ممكن ينام ويقوموا الصبح مش يلاقوه بدأ المشروع ودا الهدف الجوهرى منه دمج الاطفال فى المجتمع وتحويل الطاقات السلبية الى طاقات ايجابية , مشى الموضوع كويس وزى ما احنا عارفين لما نقول مجموعة شباب يبقى اكيد مش معاهم فى جيبهم اللى يقوم المشروع فعشان كدا فتحوا حاجة اسمها تبرعات للمشروع وبدأو فى جمع التبرعات وعشان القيل والقال عملوا لكل متبرع كود وكل اسبوع بيتم نشر التبرعات , الاطفال كانت مبسوطة جدا وكانوا بيروحوا يحضروا حفلات وكان ابتدى هدف احداث التغيير فيهم يظهر على الاطفال ... وعشان ما نطولش ...
حصل موضوع الله اعلم مين وراه ومين ليه مصلحة :
مجمعة اشخاص من عزبة ابوحشيش يطلعوا المؤسسة يسئلوا على ابنهم اللى كان موجود فى المؤسسة هو صوفيا Sherif Talaat دخلوا الناس دوروا على ابنهم ضياء ما لقيهوش نزلوا وهما نازلين قالولهم مش هنسيبكم فى حالكم وكان الناس جابت ناس اكتر وجم وطلعوا بقى اتهجموا على المؤسسة وكدا شريف دخل صوفيا الاوضة وقفل عليها وقفلهم هو وطلعوا الاطفال تيتوا ومازن والعيال وشريف بقوا يتخانقوا مع الناس وبهدلوا المؤسسة وكدا وبعد كدا نزلوا وجت المباحث خدت اللى فى المؤسسة وخدت العيال , وفضلنا يومين مش نعرف عنهم حاجة زي ما انتوا عارفين ...
مباحث عابدين هى اللى خدتهم بس ودتهم امانات الازبكية عشان تسئل هنا مش تلاقيهم وتسئل هناك مش تلاقيهم لانهم امانات , حاجة بسم الله ما شاء الله قمة ....
امبارح المفروض كان عرضهم على النيابة روحنا على محكمة عابدين خلصت امتحان ووصلت هناك على 10 الصبح تقريبا على 12 قالولنا دول فى نيابة زينهم روحنا لقينا الاطفال وبعد شوية جه محمد وشريف آية وما لحقناش اصلا نبص عليهم كانوا خدوهم وفضلنا من 12 الظهر لحد 11 بالليل وكانوا لسة ما اتعرضوش نيابة ,, تقولى ازاى اقولك الله اعلم ....
متوجهلهم
-1- ايواء الاطفال واستغلالهم فى المظاهرات غير السلمية .
-2- ان الاطفال شاركوا فىا لمظهرات بتاع الاتحادية الاخيرة .
-3- وان الاطفال شاركوا فى مظاهرات اللى كانت ضد حظر 6 ابريل .
الموضوع سياسى مليون بالمية ....
حسبنا الله ونعم الوكيل ....
بكره الساعه 3 في انتظاركم في مؤسسة بلادي في مهرجان الوان نفرح ونلعب ونتبسط مع بعض .
يتم الان بمشاركة اولاد بلادي الرسم علي الحائط الخاص بالمكان وتساعد الاولد الاستاذه موكا انتظروا الصور بعد قليل.
صباح الامل ليوم جديد.