21/03/2019
البوابة دي انشأت للشباب اللي بيدور علي شغل او عن رضا وظيفي وهي غير هادفة للربح وهتبدأ فعالياتها قريب وهتعمل ايفنتات وهترشح شباب للوظايف
ساعد غيرك يمكن تكون مصدر رزق لشاب سجل اعجابك بالصفحة وخليك متابع اكيد هتستفيد
ولو حد عنده اي استفسار يبعته ليهم علي الواتس او رسالة الصفحة صباح الفل علي الجميع
صباح الخير علي شباب بوابة Gate work
هنتكلم انهارده في علم النفس في ظاهرة اسمها
*العجز المكتسب*
" Learned Helplessness "
وتأثيرها علي نجاح او فشل الشخص في تحقيق اهدافه وتنمية قدراته 🤓🤓🤓
خلاصة الظاهرة هي إن لما الانسان بيحس أن محاولاته والمجهود اللي بيبذله غير مُجدي و عديم النفع، دا بيقلل من همته وعزيمته، وبيصيبه بالعجز ، ونفس الأمر بينطبق عالحيوانات و سلوكهم
في تجربة شهيرة عن الأفيال في الهند ، مفادها ان الفيل لما بيتولد بيربطوا رجله بحبل في عمود، وبيحاول الفيل مرات عديدة إنه يتخلص من القيد دا ولكنه بيفشل لصغر سنه وضعفه، مع الوقت بيستسلم الفيل لفكرة انه مش هيعرف يتخلص من القيد دا، وفعلا لما بيكبر ما بيحاولش وبيفضل مربوط مكانه ومستسلم رغم ضخامة حجمه و قوته.
في تجربة اتعملت على مجموعة أطفال،جمعوهم في اوضة وشغلوا مزيكا مزعجة جدا وعالية، وطلبوا منهم يقفوا بالدور على جهاز إلكتروني واقنعوهم إنهم لو عرفوا يتوقعوا حركات رقص المزيكا دي ويعملوها عالجهاز، المزيكا المزعجة دي هتقف
القائمين عالتجربة كانوا بيتحكموا في ايقاف المزيكا من غير ما الاطفال يعرفوا، و أوهموا نصف الاطفال (مجموعة أ) انهم نجحوا في توقع الحركات، وأوهموا النصف الاخر (مجموعة ب) انهم فشلوا في التوقع وفضلت المزيكا شغالة
نفس الاطفال اتنقلوا بعدها لغرفة تانية عليها لوحة فيها مجموعة حروف وطلبوا منهم يكتبوا كل الكلمات الممكن تكوينها من الحروف دي في مدة زمنية معينة
النتيجة كانت إن مجموعة أ اللي مفترض انها نجحت في اول لعبة قدروا يكتبوا عدد كلمات أكتر ٣ أضعاف من المجموعة ب اللي فشلت في أول لعبة
الفشل اللي اختبره الاطفال في مجموعة ب في لعبة الرقص، اتملك منهم واتسبب في فشلهم مرة أخرى.
والعكس صحيح، إختبار نجاحات في حياة الإنسان بتديله دفعة إنه يخوض تجارب اكتر ويقبل تحدياتها وهو متحفز للنجاح فيه
عشان كدة لو قدامك هدف يبدو إنه صعب بل و مستحيل إنجازه، قسمه لأهداف صغيرة قابلة للإنجاز لأن دا هيديك حافز أكبر إنك تكمل للنهاية.
ولو في حاجة حسيت انك مش عارف تعملها وبتفشل فيها، خد بريك منها وروح مارس هواية انت بارع فيها وبتنبسط لما تعملها، وبعدين ارجع كمل اللي كنت بتعمله هتنجح فيه وتحقق نتايج مبهرة وده نتيجة الدفعة المعنوية اللي خدتها من ممارسة حاجه بتحبها.
وده دور مبادرة Gate work
انها تدور معاك علي اللي بتحبه وتساعدك انك تمارسة ويكون هو عملك 😊😊
