بيت جديد

في ناس وقت مشاكلهم مابيحزنوش على نفسهم قد ما بيحزنوا ان دا حصلهم وحدهم
مابيفكروش غير في كلمة اشمعنى انا
بدل ما يدعوا ويقولوا يا رب ساعدني بيقولوا ليه يا رب مش فلان ولا علان ليه احنا بالذات
اللي يفقع بقى انهم عايزين اللي حوليهم يسمعوا ويطبطبوا وينسوا انهم هما المقصودين

لو مستني رد تبقى اكيد مافهمتهاش صح
لو مستني يقفوا جنبك عشان انت الوحيد اللي وقفت معاهم
لو مستني كلمة شكرا على كل مرة ساعدتهم
لو مستني سؤال حتى وقت الشدة عشان انت طول الوقت كنت موجود وبتسأل يبقى اكيد مافهمتش ان في ناس تخصص تاخد بس ولما يجي عليها الدور تدي اول ناس بتختفي

في ناس من كتر ما بتاخد مبقاش يعجبها حاجة
تقف جنبه في شدته .. يقول ايه دا دا بيقف غلط ونفسيتي مش متحمله
تبعد وتديله وقته يقول ايه دا انتوا فييين سايبيني وحدي ..
تقوله كلام مشجع وتدعمه يقول يا نااااس انتوا مش مقدرين ليه ممكن تسكتوا
تسكت وتبعد عشان هو طلب كدا يقول هما فيييين كله وقت الجد بيسكت
ايوة دا مش افورة كل دا بيطلع من شخص واحد عادي وفي نفس الموقف
عارف ايه الحل
لا انت مضطر تقدم دعم ولا هو مضطر ياخد دعم سيبه لانه مايستاهلش

اللي اتعود ياخد بس هايفضل يطلب وبردو هايشوفك مقصر .. ويوم ما توقف ساعتها هايفتكرك ويقول اللي سابني اهو

شغل النسوان لما يطلع من رجالة بيبقى شكلهم عرة اوي ..

ليه بنعمل حساب اللي القماص ونخاف على زعله حتى لو على كلام فاضي .. والغلبان اللي مابيزعلش ويقول اكيد مش قصدهم مايتعملوش حساب

في ناس قعدتها خفيفة على القلب القعدة كلها ضحك وهزار وراحة نفسية .. وفي ناس قعدتها تقيلة على القلب تعول همها من اول ما تعرف ميعادها تعمل حساب كل كلمة بتقولها وتستنى تقوم تروح بفارغ الصبر

ولما انتوا عباقرة زمانكوا كدا وماشيين تعدلوا على الناس في التفهموا فيه واللي ماتفهموش .. امال ماشوفتاش نصايحكوا جابت نتيجة في حياتكوا ولسة فشلة زي مانتوا ليه ؟

حقيقة واقعية جدا