اطفالي احبابي

بين الطموح والامومه
: امرأة بقلبين وعقلين

في عالمٍ يتسارع فيه الزمن وتكثر فيه التحديات، تقف المرأة كجسر متين بين طموحاتها الشخصية ومسؤولياتها العائلية. هذه الصورة تجسد الصراع اليومي الذي تعيشه الكثير من النساء، حيث تنقسم أدوارهن بين العمل خارج المنزل ورعاية الأسرة داخله. فهل يمكن للمرأة أن تنجح في كل الجبهات دون أن تخسر نفسها؟

تعكس هذه الصورة بوضوح ازدواجية الدور الذي تؤديه المرأة في مجتمعاتنا. على الجانب الأيسر نراها امرأة عاملة، ترتدي بزّة أنيقة، تتابع عملها وتُجري المكالمات بينما تستخدم الحاسوب، تمثل النموذج العصري للمرأة الطموحة التي تنافس في سوق العمل وتحقق النجاح المهني.

أما في الجانب الأيمن، فهي أم حنونة، تحتضن طفلها بين يديها وتعد الطعام، ترمز إلى الدور التقليدي للمرأة كأم ومربية، تسهر على راحة أسرتها وتوفر لهم الحب والرعاية.

هذا الانقسام لا يعني التناقض، بل يُظهر قوة المرأة التي تستطيع أن تؤدي هذين الدورين بكفاءة رغم الإرهاق والتحديات. لكن هذا التوازن ليس سهلاً، إذ يتطلب دعماً من الزوج والمجتمع، وتقديراً حقيقياً لدورها المزدوج.

المرأة ليست نصف المجتمع فحسب، بل قلبه النابض. فهي الموظفة التي تسعى، والأم التي تعطي بلا حدود. وكما يقول المثل: "المرأة إذا أرادت، صنعت من الحلم واقعاً، ومن التعب إنجازاً".
فلنمنحها التقدير والدعم، فهي لا تنقسم إلى نصفين، بل تضاعف طاقتها لتكون كل شيء
واخيرا
احترمي تعبكِ ولا تنكري مجهودكِ، فأنتِ لستِ مجبرة أن تكوني مثالية في كل دور، بل كوني واقعية، وامنحي نفسك لحظات راحة، لأن المرأة التي تعتني بالجميع تستحق أن يعتني بها أحد أيضاً… ولو كانت هي نفسها.

_هو لو فيه حد معندوش موهبة يعمل ايه 🥹
- معندوش موهبة ازاي فهميني
_يعني مبعرفش ارسم زي اختي او اعمل اكسسوار او اي حاجه من اللي تخلي عندي موهبة😔
- مش لازم يكون عندنا موهبة في حاجة معينة المهم نكون بنحب نعمل حاجه معينة
بتحبي تعملي ايه😍
_بحب افك الاجهزة واركبها😅
وبحب اتعلم كوري وحافظة كلمات كتير وجمل وحافظة من واحد لحد مية بالكوري 🙈
بس عندنا في البيت شايفين اني بضيع وقت في حاجة مش مفيدة ومش هاتنفعني🥺

دا كلامي مع بنت في تانية إعدادي كانت جاية مع اختها الصغيره في سيشن😔

اكمل الحوار 👀

طبعا ابديت اندهاشي الشديد بموهبة من العيار التقيل في تعلم اللغات
واللي شايفة. إنه سهل جدا جدا نتعلم كوري
لكن الاهل شايفين ان دا مش مفيد
وملوش لازمة
لانها لو ركزت اكتر في مذاكرتها هايكون أحسن ليها 😏

ودا لان البنت اتعلمت كوري عشان معجبة بفرقة بتغني

طيب خليني اتكلم على كذا محور

_ أولا
دي موهبة ممتازة من طفلة في سنها
وانا كعلياء اقدر اثبت لكم بالدليل🥰

* تخيلوا ان الطفلة دي اتقنت اللغة الكورية بشكل معقول
ورحنا قدمنا طلب في وزارة التعليم العالي انها تلتحق بكلية الالسن قسم كوري
ودا لتفوقها في اللغة في سن مبكر💚

* تخيلوا كمان إن الطفلة دي ممكن تعلم أطفال غيرها كوري ودا انا طلبته منها وتكون بداية ليها لنجاح كبير ومستقبل ممتاز

* طب تخيلوا ان البنت اللي بتحب تفك وتركب لو اتعلمت برمجة روبوتات وكملت دراستها للكوري وقدرنا نجيب لها منحة تكمل تعليم في كوريا🥰

هاه عندكم أفكار تانية ليها ولا ايه🙈

_ثانيا
نيجي بقى للمجتمع والقوالب المتجمدة اللي بتشوف مستقبل الأطفال من زاوية كلنا عارفينها
وهو دا اللي بنحاول نغيره بكل الطرق الممكنة والغير ممكنة

والمجتمع اللي بيصب الأطفال كلها في قالب واحد
وصل لبنت موهوبة بالشكل ده
إنها تقول على نفسها
انا معنديش أي ميزة😭

في آخر الكلام بيني وبينها
اتفقنا إنها لو ذاكرت لمدة أسبوع واجتهدت هاشوفها تاني نقعد تعلمني كوري
ولو لقيتها شاطرة
هاجيب لها ولاد صغيرين تعلمهم بمقابل بسيط🥰

ويااارب يتحقق حلمي ونوصل لوقت نقدر يكون عندنا مكان ندعم فيه الطاقات المهدرة دي
ونعزز عندهم ثقتهم في نفسهم
ونخرج جيل واعي فاهم مختلف

أصنعهم علي عينك يا الله ...
فما عادت التربية تنفع بقطع الحلوى والكلمات الجميلة والقصة المختلَقة قبل النوم
ما عادوا يرون بعيوننا ولا يسمعون بآذاننا لقد فتَحت لهم الدنيا طرقًا ودروبًا ومسالكًا كثيرة
ما عدنا نستطيع أن نأمر فنُتَبع أو ننهى فنطاع

لقد كبرت عصافيرنا الصغيرة وبدأت تطير وحيدة وترى عالمًا واسعا جديدآ بكل مافيه

لقد كبروا يالله وبدأت تتغير ملامحهم وأفكارهم
جمّلهم بالستر والعفة وارفعهم بالهمة والعزة
احفظهم لنا من زمن كل ما فيه فتن
سلمهم من مستنقع شهواته وبحور شبهاته

علمنا الحكمة في تربيتهم والأسلوب في توجيههم
لا تجعلنا تعبًا لهم ولا تجعلهم تعبًا لنا
افتح لنا مغاليق قلوبهم ووسع صدورنا وفهمنا لكي نحتويهم ونكسبهم
ولا تكل أمرهم وأمرنا إلا إليك
وعاملنا معهم بألطف لطفك وواسع جودك
واجعلهم فخرنا وراحة صدورنا وقرة أعيننا وارزقنا تمام برهم في حياتنا وبعد مماتنا
ولا ترفع عنا وعنهم معيتك ما أبقيتهم وأبقيتنا إنك بنا حليم خبير
يالله يا قدير يا مقتدر يا قادر لاتكسر لنا فيهم روحا ولا قلبا ولا رجاءً ولاخاطرًا
منقووول

مره زمان راجل حكيم اووي قاللي مثال عمري ما نسيته، قاللي تخيلي لو قدامك سفره عليها كل أنواع الأكل اللي بتحبيه و طعمه إيشي خيال يا ناس و شكل السفره متوضب و جميل ، و بعد الاكل شربتي مشروبك المفضل و عدلتي الطاسه و كله بقي زي الفل و بعدين نزلتي من البيت ...... و لقيتي جيرانك عاملين حفله في الجنينه و شوي و حركات ، هل هتقدري تاكلي تاني ؟ لايمكن ....ليه ؟ عشان انتي شبعتي في بيتك قبل ما تنزلي .....لكن لو نزلتي و انتي مستعجله و جعانه هتعدي تاكلي أي حاجه من اول مكان في سكتك حتي لو مستواه اقل بكتير من نضافه و جمال اكل البيت.

لو طبقنا ده علي حياتنا ، هقولكوا شبعوا حبايبكوا عشان يبقوا نفسيا متوازنين و مايجروش علي أي حد يقولهم كلمه حلوه او ينساقوا ورا تصرف هما محرومين منه لمجرد انهم جعانين ، جعانين حب و حنيه جعانين امان و اهتمام و استقرار.

شبعوا حبايبكم ( طبعا كل واحد علي قد ما يقدر ) ، شبع مراتك و شبعي جوزك ، شبعوا ولادكم و النبي يا شيخ شبعوا ولادكم مره تاني ، كل واحد و واحده لازم تشبعوا اللي بتحبوهم ... شبعوهم حب و حنيه و كلمه حلوه شبعوهم خروجه نفسهم فيها و مكان نفسهم يروحوه و هديه بيتمنوها ، شبعوهم سمع ، اسمعوهم و ركزوا في تفاصيلهم... حبوهم بلغتهم عشان يفهموا و عشان يشبعوا عشان لو جاعوا هيرمرموا و احنا اللي هنزعل ...

الاصل فى الجواز ان البنت بتطلع من حضن ابوها لحضن جوزها
مش من بيت ابوها لبيت جوزها
اصلاً البيت مش جدران وحيطان
البيت دفا
الاصل فى الجواز الموده والرحمه و الحنان والاحتواء والطبطبه
لما تفكري تتجوزي متدوريش على الكلام المعسول والوعود الواهيه ولا حلاوة شكل او كتر فلوس او شقه كام متر

دوري ع قلب يحبك
يحس بيكي ويفرح معاكي
ولو يوم حسيتي بتعب او وجع يطمنك
لو يوم حسيتي بضعف يقويكي ويجبر كسرك
الراجل اللي بجد عمره ما يجرح حبيبته ولا يهينها ولا يقصر فى حقوقها
الراجل اللي بجد سر بيته ميطلعش بره لا لصحبه و لا حتى لأمه
الراجل اللي بجد هو اللى يبقى ضهرك وسندك سترك وغطاكي
هو اللي يشجعك تبقي نفسك من غير ما يحبطك او يضغط عليكي او يقلل منك
الراجل اللي بجد هو اللي يبقى فخور بيكي وبعلاقته معاكي
الراجل اللى بجد هو اللي يعرف يخليكي تحبيه اكتر من نفسك
الراجل الحقيقي هو إللى يستحمل عصبيتك وجنانك واوهامك وعنادك
هو اللي يخليكي عمرك ما تباتي يوم زعلانه او مخصماه
هو اللي ف عز زعلك بيعرف يضحكك ويخرجك من حالة الحزن

الراجل الحقيقي حتى فى وقت زعله منك حنين عليكي و واقف جنبك
الراجل الحقيقي هو اللي يخليكي مبسوطه ف كل يوم معاه
الراجل الحقيقى مايخونكيش حتى لو بعقله وتبقى ماليه عينه وقلبه وحياته

الراجل اللى يستاهلك هو اللي يحسسك دايما انك ملكه وان مفيش اى واحده تانيه هتملى عينه غيرك انتي ❤
فهمتي !!؟

دائمًا وأبدًا هشوف بداية خيط الزواج الناجح في إيد الزوج ، ودايمًا هفضل مقتنعه أن الراجل في إيده يخلي بيته جنة .. أو يخليه جهنم الحمرا ..

سمعاك يااللي معترض ..

آه العلاقة الناجحة مش كلها على كتف حد ولازم السهم يكون رايح جي ، بس البداية في إيد الراجل ، سمعت دكتور كان بيقول في محاضرة المرأة بطبيعتها حذرة ، ورسول الله - صلى الله عليه وسلم - لما قال : " اتقوا الله في الضعيفين : المرأة واليتيم " .. مكنش من فراغ ولا عبث ، هي تكوينها كدا وطبيعتها كدا وفطرتها كدا ..

وجعل القوامة في إيد حضرتك مش القوامة المادية بس والإنفاق والمظاهر الكدابه ، وإنما جعل لك مسئولية حمايتها وحفظها وجعل الموت في الدفاع عن عرضها شهادة ، كل دا برضه مش من فراغ ، ولكن عشان ينبه حضرتك أن المرأة كائن حساس وضعيف وجمال الإنوثة في البنت في كمال ضعفها وعاطفتها ..

فلو فهمت تركبيتها هتعرف تتعامل ولو عرفت تتعامل
بقت زي الخاتم في صباعك ..

البنت بتيجي بالكلام الحلو
بتيجي بالحنية والاحتواء والاحترام
بتيجي بالطبطبة و التقدير
بتيجي بشعورها أنها مقبولة ومرغوبة

. تاني ..

بتيجي بالدلع والكلام الحلو
بتيجي بالاهتمام
بتيجي بأنك تشعرها أنها الأولى والأخيرة ف حياتك وتكون ليها كل شئ ف الحياه ب الكامل ..

الجفا وقلة الاهتمام والبُعد وعدم التقدير والخيانه
بيطفوها و تمرض ولو انطفت ومرضت ف نور بيتك كمان انطفى لأن البيت قايم على كتفها أصلا ، فأنت الي بإيدك تخلي بيتك منور وجميل أو تخلي بيتك مظلم وكئيب ..

والله بنت الاصول مش عايزه منك لا فلوس ولا عربيات ولا قصور ولا كنوز الدنيا ..
والله هيا مش محتاجه منك غير الحنيه والاحتواء والاهتمام والامان والاحترام والاخلاص والجدعنه والاصول ف المعامله و تكون عارف ربنا .. و ده عندها ب الدنيا كلها وبكنوز الدنيا كلها ..
لو غير كده حتى لو انت جبتلها مصباح علاء الدين انسى !! ..

خليك اصيل وابن اصول ومتربي و مخلص و امين عليها زي الرجاله ولاد الاصول المتربيين !!

بتعجب حقيقي لما بلاقي راجل مش عارف يتعامل مع زوجته .. الي هو بحضن و شوية مصاصات وإيه القمر دا وخسيتي كدا إزاي ؟! .. الخناقة باظت خلاص وكسبت ودها وضحكتها وشعورها بالآمان إتجاهك ..

هي مش حرب وداخلين نشوف مين هينتصر ..
خفض الجناح والتغافل من أهم ما يقيم البيوت !!