Khan El Hekmaللإستشارات النفسية و الأسرية/ خان الحكمة

حسيت قبل كده انك مش عايز تظهر نقاط قوتك عشان اللى حواليك ميقولوش عليك مغرور او يمشوا ؟ لو متاكد انهم هيشككوك فى نفسك و انت بتحبهم و مأجل اى صدام عشان متخسرهمش؟ حتى لو هتيجى على نفسك ؟؟؟

طيب حسيت انك من كتر ما حابب حد و بتساعده بتخسر نفسك و بتنزل معاه ل تحت بدل ما تطلعه ل فوق ؟

اقرأ البوست :)

ايه اللى بيوقعنا فى النقطتين دول بالذات ؟

و امتى بناخد بالنا منهم ؟ و لما بناخد بالنا المفروض نعمل ايه ؟

الحقيقة ان السبب الرئيسى اللى بيوقعنا هو ان الناس و وجودهم و ونسهم اهم عندنا مننا و من انى اتعلم احب قعدتى لوحدى ( مش طول الوقت طبعا )
و كمان باخد امان و قيمة و حاجات كثيرة منهم و دا مش غلط ( طول مانا واعية و بنسبة )
لكن لما انسى نفسى تماما و اذوب فى العلاقات اللى من النوع دا ( شريك / صديق / الخ )

انا مش بس بتفصل عن نفسى لا انا كمان بزود عليها جهد و مسئوليات مش بتاعتى اصلا

ف بتوصل ل امراض جسدية كمان كثيرة

ف هنا بنبدا نتعلم نحافظ على العلاقة ( مش بشكل حقيقي) و بتعلم اقدر نفسى ( بردو مش بشكل حقيقي ) و دى مرحلة اولى فى وعيى و سعيي و مقبولة و بنمر بها كلنا

و هنا نيجى للسؤال الثانى امتى بحس ب التعب تانى ؟ منا قدرت نفسى اهو فى ايه بقى ؟؟؟

لما بيبدا الطرف التانى يسوء فيها و من جوا يرفض تغييرك ( و دا منطقى جدا على فكرة مش شرط يكون شخص وحش ) لكن رفضه لتغير شكل عطائك و مقاومته ل حقوقه المكتسبة دا امر طبيعى

هنا بقى بنبدا نحس و ناخد بالنا بجد و مبنقدرش نجمل الحقيقة و نسميها مسميات مؤدبة 😃

مطلوب من حضرتك ايه وقتها ؟
ولا اى حاجة :)

غير انك تكمل فرجة و تجيب اخرك فى الحقيقة الصادمة عشان كل مرة هتتخض من تقديرك لنفسك و انك تشوفها هى قد ايه كويسة و قد ايه الطرف التانى مش بيقول حتى شكرا و شايفك عادى و انت حقيقى مش عادي

لما هتاخد اى قرار هتكون قده بجد و هتاخد نابع من قلبك و عقلك و دول اللى هيثبتوك ف احسن لهما :)

، خللى الحقيقة اللى بتشوفها تكبر جواك الاول
و الأهم انها تكون حقيقة فعلا مش حد مسخنك ولا نافخك على الفاضى .. بيكون صوت جاى من جواك فى مواقف ضعف حقيقية انت مصدقه و مرتاح لييه و متعود عليه و يتعرف تتكلم معاه مش فكرة فجاة تصحى كده لا، عيش مشاعرك كلها على مهلك و متستعجلش فى اى قرار

ّال

لو مرينا بتجربة صعبة، فطبيعي ومتوقع إنه يكون في أخطاء.

لكن لما نعيش مشاعر التجربة المؤلمة، ومن خلالها تتكون أفكار تخلينا ناخد قرارات زي (أنا هبطل أبقى طيب).
أو (أنا مستغل؛ وهفضل على طول كده).
فده تشويه معرفي، محتاج مننا يقظة وفلترة لأفكارنا، وتقبل ووقت لمشاعرنا بالتحرر.

خوفنا من النقد والرفض بيخلينا دايما بنلف فى نفس الدايره انى مااعرفش ارفض أو أقول لا وفى نفس الوقت غضبان أو زعلان من الاخر.

ماعرفش أحط حدود واواجه واعبر عن اللى جوايا
أفضل مسجون جوه مشاعر وافكار إن محدش حاسس بيا وانى لوحدى وممكن توصل إن أقول إن محدش بيحبنى بجد ولا بيقدر اللى بعمله.

بيخلينا نعود اللى حوالينا على استغلالنا فعلا وعدم تقديرنا ولا تقدير مجهودنا فى اى حاجه.

وكل ده بسبب الخوف اللى كان جوانا من وإحنا أطفال واتربينا عليه ، اتربينا إن لو معملناش الصح أو مسمعناش الكلام مش هنتحب ولا هنتقبل وهنترفض ونبقا منبوذين و لوحدنا.

اتربينا على أن فى حد دايما بيقيم سلوكنا وحاططنا تحت المراقبه فقتل فينا عفويتنا و تلقائيّتنا واننا نكون على طبيعتنا.

المهم اننا نشتغل على الخوف ده بأننا نواجه ونرفض ونعبر ونقول لا وده كله مش مره واحده بس بالتدريج ونكافئ نفسنا اننا قدرنا نعمل ده ونكسر جزء من القيد ده ،ونعرف إن لو خسرنا ناس علشان قولنالهم لا على حاجات فساعتها ده مكسب مش خساره لأنها كانت علاقات سطحيه ومزيفه من الاساس.

كل مشاعرك من حقك
و المشاعر لا تمنطق

اذن اوقات كثير لما تمشى الدنيا و تكبر دماغك من حاجات بتضايقك من شخص قريب منك عشان انت شايف ان العلاقة بينكم اكبر دا مش ضعف منك بالعكس دا نضج

لكن تكرار تكبير الدماغ دا و اعتقاد الشخص الاخر ان دا حق مكتسب منك انك تسكت و مفيش محاولات للتغير منه بل اعتقاده انه صح دائما و انك انت اللى عندك مشكلة سواء فى التعبير عن حقك او انك مش بتفهم او او او

كده احنا قلبنا الترابيزة و حولنا المظلوم ل ظالم

و فى الوقت دا انت هتحس ب مشاعر كثير ملخبطة و دا طبيعى و عادى و مقبول و هتحس حاجات كثير عكس بعض سواء تجاه نفسك او الشخص الاخر و دا بردو طبيعى و مقبول

المهم تكون حقانى مع نفسك و متظلمهاش اكتر من كده و تكون صادق فى رؤيتك عليها بدون حكم و تصدق احساسك

اما قرارك دا ف زى ما اتفقنا البوست اللى فات اننا مناخدش قرار طول ما حدة مشاعرنا مش مستقرة

ّال

عمرك سمعت عن مرحلة الـ Pause في الحياة؟

المرحلة دي مش وقت ضايع ولا عجز بتمر بيه ، ولا عمره كان فشل.. دي "ضرورة نفسية" الدنيا فيها بتهدى غصب عنك، عشان روحك محتاجة تعيد ترتيب نفسها بعيداً عن الدوشة.

ليه الـ Pause "علمياً" هي قمة الذكاء؟

في علم الأعصاب، المخ عنده نظام اسمه (Default Mode Network). النظام ده مبيشتغلش غير لما "تفصل". وظيفته إنه يربط خيوط المواقف ببعضها، ويطلع لك حلول لمشاكل كنت فاكر إن مالهاش حل. يعني بالبلدي: أنت لما "بتسكت"، عقلك هو اللي "بيتكلم" وبيرسم لك الصورة الكبيرة اللي الجري والضغط خبوها عنك.

زي ما قال المتنبي:
وتأتي المَكارهُ حِينَ تأتي جُملةً .. وأرى التوقفَ في الشدائدِ مَغنما

المرحلة دي مش ضعف، ولا تعطيل عن النجاح.. دي "إعادة شحن"، وتجهيز لنسخة منك "أهدى، أوضح، وأقوى". النسخة اللي عارفة هي رايحة فين وليه، مش مجرد نسخة ماشية بالقصور الذاتي وخلاص.

خد الـ Pause بتاعتك بكل شجاعة، وراجع حساباتك، وافهم نفسك أكتر.. لأن :
"ربّ توقّفٍ قصير.. أنقذ طريقًا طويل." 🤍

علموا ولادكوا إنهم عادى يضعفوا
علموا ولادكوا إنهم عادى يحبطوا
علموا ولادكوا إنهم عادى يحسوا بالوحده
علموا ولادكوا إنهم عادى يخافوا
علموا ولادكوا إنهم عادى يفشلوا
علموهم إنها مشاعر طبيعيه وانسانيه ومن حقنا نحس بيها ونعبر عنها
علموهم يطلبوا الدعم ويستقبلوا الحب ويعبروا عن نفسهم بثقه و عفويه
علموهم يقبلوا اللى حواليهم ويقبلوا نفسهم ومايحطوش اى شروط للقبول ده
علموهم من خلال المواقف اللى هيمروا بيها والكلام معاهم ومن خلال القدوه وده الاهم انكوا انتوا تكونوا مؤمنين بده

هو ايه اعرف نفسك و صالحها و حبها و قدرها و الجو ده منا عايش و الدنيا ماشية اهو عادى ؟

زى ما مهم ان يكون عندك عائلة تحس معاها بالامان و الدفىء

و شريك تحس معاه بالقبول و الحب و الرحمة

و اصدقاء تحس معاهم بالونس و السند

للاسف مش هتعرف تحس اي حاجة من دول لو مش بتدى نفسك و تحس معاها ب كل ما سبق ( طبعا بيكون بشكل مختلف)

لكن اول علاقة و اهمهم على الاطلاق هى علاقتك ب نفسك

اللغة اللى بتكلم بها نفسك و انت سايق ولا و حضرتك قاعدة بتتفرجى على المسلسل ولا تقشرى بطاطس 🙂

هو دا الحديث الداخلى ؟

بتلوم فيه نفسك باستمرار ؟ بتوبخها ؟ ولا بتشجعها و تقولها معلش و شاطر و برافو و جبل والله ؟؟

على حسب كلامك بتكون صورتك الذاتية عن نفسك 🙂
و على حسب مشاعرك تجاهها بيكون سهل تعيش المشاعر دى معاك او مع غيرك 😉

ّال

علشان أقدر أكوّن شخصيتي وأكبر محتاج خبرة
والخبرة بتكون من التفاعل وخاصةً التجارب المؤلمة والصدمات؛ لأن أكبر معلم للإنسان هو ألمه.
الألم إللي بيخليك تقول عايز أروح للدكتور أتعالج، وأخفف الألم ده، وهنا بتبدأ رحلة إكتشاف لحقيقتك، وبداية تعرفك لذاتك الأصلية.

شكرًا لكل التجارب المؤلمة، إنها أظهرت معدني الأصلي، وتخليت فيها عن الشخصية المكتسبة، وإكتسبت صفات وقيم أرقى في تعاملاتي مع نفسي والآخرين 🌹🌹