FUN Forest Nursery and Pre-school

الناس سرعات...
في اللي سريع و بيجري طول اليوم زي ما يكون حد بيجري وراه 🏃‍♂️🏃‍♂️🏃‍♂️

وفي اللي على مهله وبيتأنى وبيحب ياخد وقته ..🚶‍♂️🚶‍♂️

لا ده وحش ولا ده حلو...

الفكره في التقبل...acceptance...🥰🥰

مش معنى انك من النوع السريع اللي بيخرج من حاجه يدخل في حاجه في لمح البصر ، يبقى لازم ولادك يبقوا زيك...

ومش معنى انك كأم بتحبي التأني والتفكر وبتاخدي وقتك علشان تاخدي قراراتك ،يبقى ولادك هيبقوا زيِك...

زي ما اولادنا متقبلنا زي مااحنا( لانه غالبا معندهمش اختيار تاني)...
ياريت برضه نتقبلهم زي ما ربنا خلقهم( لاننا برضه معندناش اختيار تاني)...

وللعلم،،موضوع السرعات ده بنتولد بيه،،،🙄🙄
حاجه كده في ال default system....
موجود في ال factory settings...
فقصه اعوده واربيه واعلمه ،حرق بنزين على الفاضي..😉😉

دمتم في سعاده اسريه لا تنتهي...❤❤❤

لكل حصان كبوه...
وده ايه علاقته بالجمل اللي في الصوره؟؟🙄🙄
استنى هقولك ...😄

لما قولت لكل حصان كبوه ....
كنت اقصد لكل طالب A+ كبوه...😳😳

عادي انه يقع ويسقط ويجيب درجات وحشه..😶😶

عادي انه يتلخم ويهمل ويتدلع حبتين ويلاقي نفسه ناجح بالعافيه....

هو ده عادي، وبتحصل وهتحصل،لاننا بشر مش آلهه ، والسقوط والصعود من مميزاتنا اللي ربنا خلقنا بيها كبشر....

نيجي بقى للجمل...🐪🐪

الجمل ده حضرتك كأب او أم لهذا الطالب المتميز اللي سقط...

مطلوب من حضرتك صبر كصبر الجمال...
ومطلوب كمان قوة تحمل وضبط نفس زي الجمل برضه...
ومطلوب منك تفهّم وتعقّل وتشجيع وتحفيز مش تقطيم ولوم وعتاب وعقاب....

دمتم في سعاده اسريه لا تنتهي ..❤❤❤

انا تخنت وعارفه...
ابني الدغ وعارفه...
بنتي سنانها معوجه وعارفه...
ابني شعره كرلي وهايش وشايفه...
بنتي قصيره وسمرا وعارفه...

والله العظيم عارفه....
وكل ام عارفه ....

كل ام عارفه مميزات ولادها وعيوبهم.....
وسواء متقبلاها او لا ،،،ملكيش دعوه...😡😡

ايوه ملكيش دعوه...

ممكن تبطلي ت point finger على غيرك وولادهم وتركزي مع نفسك؟؟؟

الله يخليكوا ركزوا في ورقتكوا...

هو مش احنا في امتحان؟؟
ركز في ورقتك يا عم الحج الله يباركلك...😄😄

وذكر ان الذكرى تنفع المؤمنين...
افتكروا ان الكلمه الطيبه صدقه...
لو مش طيبه ابلعها واشرب وراها ميه....🥛🥛
لانه صدقني ،،،كل ام عارفه...

دمتم في سعاده اسريه لا تنتهي.❤❤❤

انا بزعقله علشان خايفه عليه...
انا بضربه علشان يتعلم من العقاب..
انا بحبه ، بس هو اللي غبي وبيستفزني فبشتمه...

كام مره سمعنا وقولنا الجمل اللي فوق دي؟؟👆🏻👆🏻👆🏻

تفتكروا بالطريقه دي ولادنا هيبرونا على افعالنا ولا على نوايا افعالنا؟؟

لا ثانيه واحده....
هو بر ولادنا لينا ده مش أمر مفروغ منه؟؟؟😳😳😳

لا ثانيه هسألك انا...
هو ينفع بعد ما تزرع قسوه تحصد حنيه؟؟🥺🥺

خلونا نتفق على حاجه...
التربيه المبنيه على الحب والحنيه في الافعال والاقوال...
والتربيه المبنيه على الاحترام والمساواه....
والتربيه المبنيه على العزه والكرامه....
هي اللي هتخلي ولادنا يبرونا في الكبر...😉😉😉

بروا أبناكم قبل أن تطالبوهم ببركم....

دمتم في سعاده اسريه لا تنتهي ❤❤❤

هو انا من حقي كأم اني اسافر لوحدي من غير ولادي؟؟؟
هو انا ينفع اعترض على دوري كشمعه تحترق من اجل الاخرين؟؟
لا وكمان انبسط مع ولاد ناس تانيين في السفر وولادي قاعدين في البيت؟؟

هو العقل والمنطق وتأنيب الضمير يقول مينفعش...

بس انا خليتها تنفع...وعملتها..💪🏻💪🏻💪🏻
شريره انا ...😈😈😈
اتحديت الواقع وسافرت لوحدي...🚈
طب وحصل ايه؟؟؟
رجعت مشحونه طاقه ايجابيه تكفيني ٣ سنين قدام...

ولادي وحشوني وراجعالهم قلبي مشتاقلهم ومشتاق لشقاوتهم اللي مبتخلصش..👩‍👧‍👦
والاهم من ده كله ، اني وحشتهم،،،،❤❤
بعد ما رجعت استقبلوني بحفاوه وحب وشوق....😍😍

وجودنا طول الوقت في وش بعض خلق حاله من الرتابه والملل والتعود....

من الصحي اننا ناخد استراحه من بعض...
فاصل علشان نعرف نواصل...
ونبعد حبه علشان نزيد محبه..😘😘😘

ايوه زي ما قريت كده ،،،
لما يكون الغضب متملكك ياريت تسكت ومتطلعش غضبك وعصبيتك على ولادك...

هم مش كيس الرمل اللي حضرتك اشتريته علشان تفضي فيه غضبك 🥊🥊🥊

احترمهم علشان يحترموك...

والاهم انك بكده بتعلمهم انضباط النفس self regulation
وان الناس حوالينا مش مجبورين يستحملوا ثورات غضبنا وعصبيتنا مهما كانت علاقتنا بيهم 😉😉😉

انا شغلانتي ولادي...

دي كانت اجابه شخصيه رائعه قابلتها خلال رحلتي في النوبه....

كان ممكن تقولي انا مش بشتغل او انا قاعده في البيت او انا
Housewife....

لكنها اختارت انها تقول انا شغلانتي ولادي...😍😍

ام مؤمنه ان اعظم شغل وانبل مهمه ممكن تقوم بيها في حياتها هي تربيه وتعليم ورعايه اولادها...👩‍👧‍👦👩‍👧‍👦👩‍👧‍👦

بجد شابوه...👏🏻👏🏻👏🏻

يا ترى كام واحده فينا شايفه ولادها مشروع حياتها؟؟
مين فينا بيعتبر ولاده شغل ومهنه تستحق التفرغ والالتزام على الرغم انها شغل بدون مرتب؟؟

دمتم في سعاده اسريه لا تنتهي ...❤❤❤

كل عام وحضراتكم بالف خير 😍😍😍