جمعية رسالة - دروس تقوية فرع المهندسين

بعد قراءة متمعنة لاقتراحاتكم، واجتماعات مطولة لا تقل أهمية عن اجتماعات الأمم المتحدة، قررت فكورة الآتي:

📢 بدء كورس أنا متطوع، علشان نفهم أكتر يعني إيه تطوع، وإيه الهدف الحقيقي منه، وكمان نتعرف على تأثيره في المجتمع والفرد، وإزاي التطوع يقدر يبني شخصيتنا ويطور مهاراتنا.

مستنيين نشوفكم ونسمع آراءكم.
ولو عندكم اقتراحات تانية، اكتبوهالنا في الكومنتات. 💬
#رسالة
#فكورة #تطوع

في نفس الساعة اللي ابنك بيلبس فيها شنطة المدرسة والهدوم الجديدة وبيجري فرحان، فيه طفل في نفس الوقت وشه بيتملي شحم في ورشة، أو شايل فوطة بيمسح عربيات.
أصعب لحظة بتمر عليه لما عينه تيجي في عين طفل رايح مدرسته، فيداري وشه بكسرة نفس صعبة. طفل أقصى أحلامه إنه يقعد في فصل جنب زمايله، يعيش سِنّه، ويفرح ويلعب زي باقي الأطفال.

الصدمة إن الرقم مش قليل: أكتر من 130,000 طفل في القاهرة والجيزة خارج منظومة التعليم تماماً. 130 ألف حلم بيتطفي على الرصيف، مع إن مكانهم في الفصل مش في الشارع.
احنا في دروس تقوية مصدق (جمعية رسالة) بنحارب ليل نهار وبنعصر نفسنا وبنعمل أقصى جهدنا عشان نقلل الرقم الصادم ده، ونرجع الأطفال دي لمكانهم الطبيعي... بس لوحدنا مش هنقدر.

محتاجين مساعدة منك:
محتاجين ساعة من وقتك، قلبك، وعقلك معانا. ساعة واحدة منك في الأسبوع كمتطوع، ممكن تسحب طفل من قسوة الشارع وترجعه لدكّة المدرسة وهو مطمّن وراسه مرفوعة.
متسيبش الشارع يسرق مستقبلهم... سجل معانا دلوقتي في استمارة التطوع وخليك أنت السند:⬇️
https://forms.gle/t1PmzAHo8B3TB6hR8

#رسالة
#تطوع
#المدرسة

🚨 تنويه عاجل 🚨

تُعلن فكورة عن فتح باب التطوع في جمعية رسالة – نشاط دروس التقوية – فرع مصدق، وتُخلي فكورة مسؤوليتها الكاملة عن اكتمال العدد! 😎

🎤 صحفي ١:
فكورة، ممكن تعرفينا أكتر عن مميزات التطوع؟

🎤 صحفي ٢:
طيب عنوان الفرع فين بالظبط يا فكورة؟

🎤 صحفي ٣:
وإيه هي طريقة التقديم؟

فكورة🎙️: كل الإجابات مستنياك في الفورم 👇
https://forms.gle/t1PmzAHo8B3TB6hR8

سجّل دلوقتي وانضم لأسرة هدفها نشر الخير والبهجة ❤️

#رسالة #تطوع

لو فاكر إن الخمسة جنيه ما بقتش تعمل حاجة، تبقى غلطان... وغلطان جدًا كمان

في إطعام رسالة، كل مبلغ بيفرق، مهما كنت شايفه بسيط. حتى الخمسة جنيه اللي ممكن تشوفها قليلة، فهي تقدر تكون سبب في إطعام أسرة وإدخال البهجة على قلبهم.

والأجمل من كده إن قيمتها الحقيقية مش بس في الدنيا، لكن في الأجر والثواب الذي يحسبه الله لك، فتعود عليك أضعافًا مضاعفة من الحسنات بإذن الله.

🔆مستني إيه؟ ساهم دلوقتي ولو بمبلغ بسيط علي محفظة فودافون كاش:01008335236
#رسالة
#تطوع
#خمسة #التطوع

لأن مستقبل أولادنا مش رفاهية ولأن من حق كل طفل يتعلم، يكبر، ويطور موهبته في بيئة تدعمه وتشجعه 🌟

إحنا في نشاط دروس تقوية المهندسين (جمعية رسالة)، رسالتنا وهدفنا الأساسي من سنين هو تقديم دعم تعليمي وتربوي مجاني تماماً لأولادنا الطلاب غير القادرين على تحمل تكاليف الدروس الخصوصية الخارجية. بنحاول نبسط المناهج، ونبني عقول شاطرة، ونزرع قيم تعيش معاهم.
وعشان رحلة الخير مكملة وعيلتنا تكبر، بنعلن بكل حب عن فتح باب التسجيل للطلاب لعام 2026/2027 🎉
الرحلة معانا مش مجرد سبورة وكشكول، أولادكم معانا هيستفيدوا بـ:
تحفيظ القرآن الكريم: لتأسيس ديني وتربوي سليم 📖
استكشاف المواهب ولعب كرة القدم: لتفريغ طاقتهم وبناء جيل رياضي ⚽🏃‍♂️
رسم وفنون: لتنمية الإبداع والحس الفني عندهم 🎨

📌 الأوراق المطلوبة للتقديم:
صورة بطاقة الأب والأم.
عدد (٢) صورة شخصية للطفل مقاس 4*6.
شهادة ميلاد الطفل.
📞 للتسجيل والاستفسار: 01008335236
أو شرفونا بزيارة الفرع. مستنيينكم وأبوابنا مفتوحة لكل بطل وبطلة❤️

#رسالة #تطوع

ناوي تخلي الخير يفوتك؟ السؤال لينا وليك.. 📦
حملة إطعام الخير في نشاط دروس تقوية المهندسين لسه مطبخها بيغلي وشغال عشان يوصل لقمة دافية لقلوب كتير مستنية الدفا و تبرعك هو المحرك الأساسي اللي هيساعدنا نوصل كل وجبه لكل بيت بيت محتاج
مش لازم تفكر كتير حول تبرعك علي فودافون كاش دلوقتي وشارك في الاجر و الثواب

رقم فودافون كاش:01008335236

#رسالة
#تطوع

يا ليدر يا غالي🥳👑
النهاردة مش يوم عادي في الفرع، النهاردة عيد ميلاد القائد و الأخ الكبير والدينامو اللي دايماً شايل هم كل تفصيلة ومظبط الإيقاع "كريم مصطفى"
كريم مش مجرد هيد للفرع ده المحرك الأساسي اللي بيلف يشجع ده ويدعم ده. وبيطلع من كل متطوع أحسن ما عنده بروح دافية وضحكة مابتفارقوش حتى وسط ضغط الشغل والكواليس.

كل سنة وأنت طيب وبألف خير يا كيمو وكل سنة وأنت منور مكانك وقائد لنجاحات الفرع.
سنة جديدة مليانة توفيق وراحة بال وأفكار مطرقعة زيك 🎉🎂
سيبوا أمنياتكم الجملية في الكومنتات وقولوا لكريم كل سنة وهو طيب 👇

"دروس تقوية المهندسين" كبرت والمرة دي العضو الجديد مش متطوع عادي دي "فكورة" شخصياً وصلت💡

طالما شوفتوها بتجري ورا خروف العيد بكل طاقة وأكشن في أول ظهور ليها فأنتم اكيد عرفتوا إن شقاوتها وذكائها مالهمش حدود! فكورة مش مجرد طالبه لطيفة دي من هنا ورايح هتبقى بطلة حكاياتنا وكواليسنا.
هتشوفوها منورة معانا في البوستات، الأسئلة، والفعاليات.

رحبوا معانا بـ فكورة في الكومنتات وقولولها كلمة تشجيعية عشان هي لسة مكملة معاكم ومحضرة لكم مفاجآت كتير جاية! 🤝✨

#رسالة #فكورة
#تطوع

تمت على خير توزيعات صلاة عيد الأضحى دروس تقوية مصدق
كل عام و انتم بخير 🤩❤️



#رسالة
#تطوع