Riada

Make it different

Non - Traditional Education

Education is not preparation for life; Education is life itself :)

احم نفسك من سهام الجهل بطلب العلم :)

التفوق الدراسي وحده لا يكفي لبناء شخصية أطفالك

بداية عام دراسي جديد
كل عام وأنتم بخير :)

أنهارده هنتكلم عن موضوع ( الجامعات الخاصه )
متوسط مصروفات كلية إدارة الأعمال فى جامعة خاصة جوا مصر حوالى ٣٠ ألف جنيه فى السنة.. ٣٠* ٤ سنين=١٢٠ ألف جنيه (ده لو بتنجح صافى)

من سنة وشوية شهور لما كنت لسه طالب فى كلية إدارة الأعمال بدأت مع عامر شركتنا برأس مال أقل بكتير من مصاريف سنة واحدة فى الجامعة.. وكمان فلوس أول عميل

بعد فترة توقفت عن الدراسة تماما علشان أركز، وبدأت أتعلم أونلاين من udemy, udacity, coursera, edx وغيرهم..

بحسبة بسيطة لقيت أن الوقت اللى بقضيه فى المواصلات للجامعة بس كافى جدا أنى أتعلم كل اللى هتعلمه فى الجامعة وفى مدة أقل من ٤ سنين

النتيجة أنى فى الفترة دى عايش بعمل اللى بحبه، وفعلا اتعلمت جزء كبير من اللى كنت هتعلمه فى الجامعة، وشغلى علمنى اللى مكنتش هتعلمه فى أى جامعة والحمد لله أنى مقعدتش مستنى أتخرج علشان أبدأ شغل

اللى عاوز أقوله لكل واحد هيدرس فى جامعة خاصة أن ال١٢٠ ألف مصاريف إدارة أعمال أو ال٢٠٠ ألف مصاريف هندسة أنت تقدر تعمل بيهم حاجات أفيد لك خصوصا أن التعليم فى مصر فى قمة الضياع وهتطلع منه عاطل برخصة

ممكن تشتغل وتبدأ حياتك العملية من بدرى، وممكن تعمل مشروعك الخاص فى المجال اللى أنت حابب تشتغل فيه... طيب والتعليم؟!! طبعا مهم؛ هتحتاج الشهادة لما تيجى تتجوز

أى معهد من اللى ب ٣٠٠٠ جنيه فى وقضى دراستك وأنت بتشتغل، ولو فى كورس لازمك المحتوى والشهادة بتوعه ادرسه فى قطاع التعليم المهنى فى أى جامعة محترمة زى النيل أو الجامعة الأمريكية أو الألمانية أو هليوبليس

ولما تتخرج بالفلوس اللى حوشتها اعمل MBA فى نفس الجامعات دى أو حتى برا مصر ده غير أنك هتكون بتتعلم أونلاين حتى قبل التخرج وده سهل فى عصر ال MOOCs، هتلاقى كورسات أكبر جامعات فى العالم متاحة ببلاش على الانترنت

ولو قافش فى الدراسة فى جامعة كبيرة علشان الاسم (ومبتفرقش والله) ادرس part-time وأنت بتشتغل هتخلص جامعة فى وقت أكبر بس هتكون فرصة قعادك على القهوة مستحيلة لأنك أصلا بتشتغل ومش مستنى تدور على وظيفة بعد التخرج

ده رأيى باختصار فى موضوع التعليم الخاص فى مصر والله الموفق.. وخليكم فاكرين أن الناس فى مصر بتتجوز بالشهادات وبتشتغل بالحب!
كلمات أحمد رجب بزنس مان http://on.fb.me/1CZkgZp

10 خطوات للتغلب علي عناد الطفل :D
الطفل والعناد في اغلبية الاحيان يكون الطفل عنيد وخصوصا اذا احس انه في موضع سيطرة :)
ولكن هناك مجموعة من الخطوات الواجب اتباعها لتغيير هذا السلوك بدون استخدام العنف مع الطفل :
1. تحدث وأستمع لطفلك.
2. السلوك المستخدم لمواجهة العناد.
3. المشاركة وعلاقة الأخذ والعطاء.
4. كن قدوة صالحة له.
5. لا تصرخ بوجه طفلك.
6. أعطهم الأحترام.
7. أمدح طفلك وكافئه.
8. كن لهم المرشد والدليل.
9. لا تتصرف بعنف وقوة مع طفلك.

كـل يوم بفكر انى ابتكر حاجة جديدة، مستقبلى بيبدء كل يوم الصبح.. كل يوم الصبح بيبقى فيه حاجة مبدعة ابدء بيها يومى :D

#ريادة

متخليش طفلك يتفرج على التلفزيون كتير وخصوصا فى رمضان ;)
وعلى الاقل لو هتحددله ساعات معينة يتفرج فيها خليه يقعد بعيد عن التلفزيون شوية :)
#ريادة

لو عايز تعود طفلك على الصيام,, اديلوا كل يوم على الفطار نوع من انواع الحلويات :D
وعوده انه اليوم الى هيصوم فيه هياخد فيه حاجة حلوة ^_^
علشان يحب الصوم كمان, مش يصوم علشان انت قلتله صوم وخلاص :)

#ريادة