Masar - مسار

دائماً مهم تعرف إزاي تتواصل للشخص اللي قصادك وتخلي عنده قابليه إنه يتعامل معاك
أديله فرصه يتعلم تعليم مختلف ومتطور
💪

ايه الفرق بين صعوبات التعلم و الاولاد اللي بتدلع؟! وازاي اقدر احكم أن الولد عنده مشكله؟ ولو عنده مشكله ايه الحل؟
في البدايه خلينا نعرف يعني ايه صعوبات تعلم( هي صعوبة في القراءة والكتابة والهجاء والقدرات الحسابية وترجع غالبيتها إلى صعوبة في العمليات المعرفية الأساسية، بالرغم من تمتع الطفل بقدرات ذهنية طبيعية وبالرغم من توفر فرص تعليم ووجود البيئة المنبهه المناسبة)
يعني ايه 😏
بمعنى آخر هم الأطفال بيكون عندهم صعوبة في تعلم الكتابه أو القراءة والهجاء أو الحساب "يعني مش بالضرورة يكون عنده كلهم ممكن يكون عنده صعوبه في القراءة مثلا بس تمام في الحساب والكتابة" والصعوبه اللي عنده ديه بترجع للعمليات المعرفية الأساسية ، يعني المهارات النمائيه زي الإدراك والتذكر والانتباه " وبردوا مش شرط أن الولد اللي مشاكل في الانتباه والإدراك مثلا يكون صعوبات تعلم بس العكس اها😊"
ولازم الطفل ده يكون عنده قدرات ذهنية طبيعة " يعني الإعاقات العقليه ومنخفضي الذكاء خارج تنصيف صعوبات التعلم" ، كمان لازم توفر البيئة المنبهه.
طب ايه هي المحكات اللي احدد بيها صعوبات التعلم 😁
اول محك التباعد( يعني تباعد المستوى التحصيلي للطالب في مادة عن المستوى المتوقع " وده بيكون مقارنة باقرانه في نفس الصف و العمر والظروف و الذكاء" )
تاني محك الاستبعاد( زي ماقولنا الإعاقات العقلية و الحسيه وذوي الاضطرابات الانفعاليه الشديده وحالات نقص فرص التعلم والحرمان الثقافي دول كلهم يستبعدوا من التشخيص كصعوبات تعلم)
ثالث محك التربيه الخاصه( وده في حاله إذا تم تشخيص كصعوبات تعلم لازم يدرس بطريقة مختلفة وبرامج خاصة لأن صعوبات التعلم من فئات التربية الخاصة)
طب خلينا نقول ان صعوبات التعلم الاكاديمه لا تظهر اللي في عمر المدرسه يعني لازم الولد يكون دخل المدرسه كمان مش شرط أن ولد عنده صعوبة في تعلم الحساب يكون عنده صعوبة في القراءة مثلا بمعنى آخر أن ممكن ولد يكون ضعيف في الحساب بس ممتاز في باقي المواد
نرجع بقا لسؤالنا اللي هو ايه بقا 😂 ازاي اقدر احدد اذاكان الولد صعوبات تعلم ولا بيتدلع؟
إذا توفر في كل المحكات الثالثه وتم اتابع أساليب تعلم جديدة و بعد 3 شهور الولد أظهر تحسن وبقا طبيعي في حالة ديه هو مش صعوبات تعلم ولا بيتدلع بردوا 😂 ممكن عنده مشكلة في فهم حاجه او طريقة التدريس غير مناسبة لأن في فروق فرديه بينهم