We are a stress free, simple, and colorful co-working place where you can come to work, study or attend one of our stress-freeing events.
14/06/2016
عشان في رمضان ،سواء أصحاب أو عيلة مع بعضعها، طبلية أحلي مكان يجمعنا...
تعالوا نفتكر شوية لحظات حلوة من رمضان اللي فات ^_^
مين فطر في رمضان السنة اللي فاتت، و كان يوم مليان ذكريات حلوة؟
24/09/2015
أولا كل سنة و إنتوا طيبين! ^_^
طبلية واخدة أجازة لفترة عشان في تجديدات، و كمان مفاجآت كتير بنستعدلها. مش جه الوقت إن طبلية تطلع it's best potential هي كمان؟ مين قال إنها co-working space بس؟؟ =D
قريب هنعلن عن ميعاد الRelaunch بإذن الله.
Wait for it ;)
و إستمتعوا فالعيد ^_^
!
18/07/2015
عيد سعيد ^_^
https://www.youtube.com/watch?v=vt5CfTq3jyY
SPACETOON - العيد أتانا بالفرحة Credit goes to adnanchihab / عدنان شهاب
13/07/2015
جربت قبل كده و إنت صايم، لما تتعصب علي حد، أو يجيلك إحساس إنك عايز ترد رد هيضايق حد... تسكت؟
من أسهل، و أصعب الحاجات اللي الواحد يقدر يعملها، إنه يسكت لما يكون متعصب أو متغاظ من حد. مع إنها جزء أساسي من الصيام، لكن مع الأسف إحنا الصيام عندنا مرتبط بالعصبية طول النهار بسبب الصيام!
القول الحسن مش بس جزء أساسي و من الصيام، هو جزء أساسي من الإسلام ككل "المسلم من سلم الناس لسانه و يده"
خليها تجربه جديدة، حتي لو ليوم واحد في آخر يومين في رمضان، و حط نيه إن كل الكلام اللي هيطلع من لسانك هيكون خير فقط، لا إهانه، ولا إساءة لحد... و لاحظ الفرق :)
في ناس بتقول: نظف قلبك ينظف لسانك!
بس برضه العكس صحيح: نظف لسانك، و ممكن يبقي أول خطوة في تنضيف قلبك :)
#فكره
12/07/2015
لقمة هنيه تكفي مية، و مفيش أحلي من الشوي في طبلية... ^_^
ولا delivery بقي، ولا مطاعم... الشوي متعته فعمايله.
طبلية مجهزة الشواية، و الفحم و المشاريب، و بترحب بيكوا تحجزوا المكان و تشووا طول رمضان...
إوعي تفوتوا الفرصه ;)
كلمونا علي: 01007045878
11/07/2015
رمضان السنة دي تقريبا أطول رمضان عدي علينا في طول النهار، و كذلك فالحر. و مع الصيام، بنقدر قيمه المياة، ممكن أكتر من آى حاجة تانية.
فكرة إنهارده سهله جدا، و بسيطة التنفيذ، و مع ذلك في ناس مش بتيجي في بالهم.
زي ما إحنا حرانين و عطشانين، كمان في حيوانات كتير عايشين معانا في نفس الحرارة دي، و في منهم كتير بيموت فالصيف عشان مش بيستحمل.
من أسهل الحاجات اللي ممكن تتعمل، إننا كل يوم نحط مياة بارده نضيفة في طبق قدام باب البيت، و في البلكونه. عشان الحيوانات و الطيور اللي بتعدي تقدر تشرب منه. بس يكون الطبق وزنه تقيل عشان ميتقلبش، أو يكون خفيف بس يتثبت بطريقة ما.
مين قرأ قبل كده طريقة كويسة نقدر نحط فيها مياة للحيوانات بره البيت؟
روى الإمام أحمد وغيره عن سعد بن عبادة قال: قلت: يا رسول الله إن أمي ماتت، أفأتصدق عنها؟ قال: نعم، قلت: فأي الصدقة أفضل؟ قال: سقي الماء. حسنه الألباني.
#فكره
09/07/2015
تحذير!
هذه الفكرة صالحة فقط للأشخاص الذين يجيدون التعامل مع الأطفال! D:
في الوقت اللي إحنا فيه قادرين الحمدلله نستمتع و نتعبد في رمضان، فالناحية التانية في أمهات، من الدوشة اللي حوليهم، و الضغط طول اليوم، بيبقي صعب حتي يصلوا ركعتين بخشوع.
الفكرة بقي: أغلبنا لينا أخت، قريبة أو صديقة عندها أطفال صغيرين، فإيه رأيكم نتصل بيهم و نتفق معاهم نديلهم بريك، و لو لمده ساعتين؟
ممكن جدا نBabysit الطفل أو الأطفال دول - و لو أكبر شوية ناخد لعبة زي ال board games و نلعبها معاه- و لو أكبر شوية ناخدهم نفسحهم ... إلخ!
المهم، إن فالوقت القليل اللي نقدر نقضيه مع الأطفال، الأم تقدر تاخد بريك و علي الأقل تقدر تقرأ قرآن شوية.
هي فكرة ممكن تكون غريبة ، و ممكن تنفيذها ميكنش سهل لناس كتير، بس لو إتنفذت، هتسعد قلب أمهات كتير.
زي ما بناخد بريك، ممكن نديلهم بريك ;)
#فكره
07/07/2015
كل سنة و إنتم طيبين...
هو آه لسة ناقص علي العيد كام يوم، بس الإستعداد ليه ممكن يكون من بدري.
في ناس كتير لسة هتتجمع علي الفطار مع قرايبها و إصحابها الأيام الجاية، و في فكرة بسيطة، ممكن تخططولها و تنفذوها مع بعض، ممكن تدخل السرور علي أطفال كتير فالعيد.
عدية العيد! فضلت لسن كام لسة بتاخد عدية؟ =D (مش لازم تجوبوا لو الإجابة محرجة)
بس للأسف في أطفال فالشارع عمرهم ما خدوا عدية، و عمرهم ما عدي عليهم فرحة العيد زينا كده... زي بالظبط ما إتحرموا من حاجات كتير تانية.
فكرة إنهارده بقي، إننا نتجمع و نفرح الأطفال دي، علي قد ما نقدر.
ما نحتاجه لتنفيذ هذه الفكرة: (مش لازم بالظبط أكيد =D)
1- أظرف
2- فلوس فكة، ممكن خمسة جنيه في كل ظرف
3- بلونة
4- لعبة صغيرة، أو حاجة من الإكسسوارات الحلقان و الخواتم اللي في محل 2 جنيه و نص (دي مع إنها بسيطة، بس البنات الصغيرين يفرحوا بيها قوي)
5- بونبوني، أو شوكولاته، أو مصاصة (بس شوفوا نوع ينفع يدخل فالظرف =D )
يتم جمع هذه الأشياء و توزيعها علي الأطفال فالشارع يوم العيد =D
الحاجات دي ممكن تكون بسيطة قوي، بس الأطفال دول مش بس بيحتاجوا فلوس، هما برضه بيحتاجوا يفرحوا بالحاجت البسيطة، زي آى أطفال :) لو عددنا كبير، نقدر نسعد أطفال كتير.
حد عنده أفكار تاني بسيطة لعمل الخير؟ يللا فكروا معانا!
#فكره
06/07/2015
رمضان عدي بسرعة، و فجأة نلاقي نفسنا وصلنا للعشرة الأواخر...
الحمدلله الذي بلغنا رمضان، و اللهم بلغنا ليلة القدر و أعفو عنا. :)
و عشان بقينا في الأيام المباركة دي، تعالوا نفكر مع بعض في أفكار بسيطة لعمل الخير و الصدقة، و نحاول ننفذها فالأيام دي. ^_^
أول فكرة ممكن نعملها، ممكن تاخد 10 دقايق فاليوم مش أكتر، و هي إننا نتواصل مع قرايبنا اللي مش بنقدر نشوفهم غير فالمناسبات، و اللي الدنيا علي طول شغلانه عن بعض.
تقدر تكتب في ليست 10 أسامي من قرايبك بقالك كتير مسألتش عنهم؟
غالبا آه...
طب يللا، كل يوم يوم نتصل بشخص فيهم بنيه صلة الرحم، و نسأل عليه و نطمن، و نعرف أخباره. في ناس كتير ممكن مكالمه بسيطة تسعدهم قوي و تحسسهم إنك مهتم بيهم. ^_^
عن عبد الرحمن بن عوف رضي الله عنه قال : سمعت رسول الله - صلى الله عليه وسلم - يقول : ( قال الله تبارك وتعالى : أنا الله وأنا الرحمن ، خلقت الرَّحِم ، وشققت لها من اسمي ، فمن وصلها وصلته ، ومن قطعها بتَتُّه ) رواه الترمذي وأبو داود وأحمد في المسند ، وصححه الترمذي والألباني .
#فكره
04/07/2015
إحنا لسة هننزل، و نتقابل، و نفطر! ... ده حتي رمضان بيبقي كل الأماكن زحمة و دوشة، و بنقعد مش عارفين حتي نسمع بعض! إحنا نتكلم علي الشات أحسن و نفتكر ذكرايتنا أيام ما كنا بنفطر مع بعض زمان! =D
معقوله يكون في مكان، هادي، و جميل، و مبهج، ممكن نتجمع فيه و نفطر سوا؟
آه طبعا، أمال طبلية تبقي إيه؟ =D طبلية فاتحه بابها عشان نتجمع زي زمان تاني، و نبعد عن كل الدوشة اللي حولينا و نعمل Pause، ونقدر نعيش لحظات حلوة في لمتنا مع الأصحاب و الأهل، زي زمان!
إوعوا رمضان يخلص قبل ما تتجمعوا و تفطروا مع بعض في طبلية ^_^
متخليش الأيام الحلوة توحشك، لسة نقدر نتجمع :)
03/07/2015
جمعة مباركة، و دعوات مستجابة ^_^
02/07/2015
جربتوا البرجر بالأناناس؟ =D
دي تجربه لازم تمروا بيها في حياتكم، و إلا هيفوتكم كتير...
و يا سلام بقي لو كانوا معمولين علي الفحم... Yummy! ^_^
طبلية موفرة شواية و فحم، و مستنية اللي يحب يبتكر فالشوي علي الفطار...
قولولنا، بتحبوا تشووا إيه تاني؟ =)