إعمل بيزنس

إعمل بيزنس الأولى عربيًا في تقديم برامج تدريبية للأفراد والشركات في مجالات البيزنس والإدارة على يد أفضل المدربين العرب، مع تطبيق عملي وشهادات معتمدة.

الرقم الضريبي (Tax Identification Number):
468-688-672

هتختار تعمل ايه في موقف زي ده وهل فيه فكرة تانية جات في دماغك؟اكتبلنا رأيك في الكومنتات! #مبيعات #إدارة
23/08/2026

هتختار تعمل ايه في موقف زي ده وهل فيه فكرة تانية جات في دماغك؟
اكتبلنا رأيك في الكومنتات!

#مبيعات #إدارة

عايز تحقق أقصى عائد من مبيعاتك وأرباحك على سناب شات؟ 🚀 سناب شات مش مجرد منصة للتواصل، ده واحد من أقوى المحركات البيعية ل...
19/08/2026

عايز تحقق أقصى عائد من مبيعاتك وأرباحك على سناب شات؟ 🚀

سناب شات مش مجرد منصة للتواصل، ده واحد من أقوى المحركات البيعية للمتاجر الإلكترونية والأنشطة التجارية.. بس بشرط: تعرف تسوق عليه صح!

عشان كده بنقدم لك كورس إحتراف إعلانات وتسويق سناب شات، اللي بياخدك من مرحلة الأساسيات لحد ما تبني حملات إعلانية ربحية تحقق نتائج ملموسة.

هتتعلم في الكورس:
1- إنشاء حساب الــ Business، والتحكم الكامل في الــ Ads Manager عشان تقدر حساباتك بأمان.
2- إختيار الأهداف الإعلانية المناسبة، تحديد الجمهور بدقة، وإدارة الميزانيات والجدولة باستخدام تقنيات الــ Smart Tools.
3- إتقان مختلف أنواع الإعلانات على سناب شات، وصناعة نصوص إعلانية وتصاميم جذابة باستخدام الذكاء الاصطناعي.
4- كيفية استغلال الــ Stories و Spotlight لبناء جمهور مهتم، مع وضع خطة محتوى أسبوعية مدروسة.
5- تطبيق عملي على Snap Pixel و Conversions API، وربط متجرك الإلكتروني وكتالوج المنتجات عشان تضمن تتبع دقيق للمبيعات وتحسين الــ ROAS.

لو مهتم تعرف تفاصيل أكتر من عن الكورس..
تواصل معانا دلوقتي من خلال الرسائل!!

#إعلانات #تسويق

من حوالي سنة قررت إدارة "ستاربكس" تدخّل الذكاء الاصطناعي في صُلب عملياتها اليومية، وطبقت برنامج بنظام جرد ذكي (Automated...
16/08/2026

من حوالي سنة قررت إدارة "ستاربكس" تدخّل الذكاء الاصطناعي في صُلب عملياتها اليومية، وطبقت برنامج بنظام جرد ذكي (Automated Counting) في أكتر من 11 ألف فرع في أمريكا، بحجم استثمار يقدر بحوالي 10 مليون دولار على النظام خلال عدة سنوات.

الفكرة في الأول كانت عبقرية: بدل ما الموظف يضيع ساعة كاملة في جرد المخزون يدوياً كل يوم..
هيمسك جهاز آيباد، والبرنامج بمساعدة الذكاء الاصطناعي هيحسب المخزون كله من خلال كاميرا الجهاز في 10 دقايق بس!

بس ايه اللي حصل على أرض الواقع؟
1. الخوارزميات معرفتش تفرّق بين العلب اللي شبه بعضها، زي علب حليب الشوفان وحليب اللوز.
2. انعكاس الضوء على زجاج التلاجة خلى الذكاء الاصطناعي يشوف العلبة ومحيطها، فيحسب العلبة الواحدة مرتين.
3. لو حصل مشكلة في الانترنت، البيانات تضيع من البرنامج، والموظف يضطر يعيد الجرد من الأول.

يمكن الأخطاء دي تبان بسيطة، بس لما اتكررت يومياً في 11 ألف فرع، عملت كارثة في سلاسل الإمداد!
السيستم بقى يبعت للمخازن إن فيه فروع ناقصها بضاعة وهي مش ناقصها، وفروع تانية محتاجة بضاعة وميروحلهاش..
وفوق كل ده، الموظفين انشغلوا في تصحيح أخطاء السيستم!

تفتكر الخسارة وقفت لحد هنا؟
بالرغم من إن ستاربكس مأعلنتش عن الرقم المحدد اللي خسرته بسبب النظام ده، إلا إن الخسارة الحقيقية كانت في الهدر المالي، وإرباك المخازن، وإهدار وقت العمالة.
وهنا الإدارة قررت توقف النظام بالكامل وترجع فوراً للجرد التقليدي عشان يوقفوا الهدر المالي قبل ما يزيد.

ايه بقى الدروس اللي ممكن نتعلمها من القصة دي؟

· تقييم الملاءمة التشغيلية: مش معنى إن الذكاء الاصطناعي طالع تريند إنك تطبقة في شغلك، من غير ما تتأكد إنه جاهز ومناسب لعملياتك الفعلية.

· اختبار بيئة العمل الحقيقية: التكنولوجيا ممكن تنجح جداً في مرحلة التجربة والاختبار، بس تفصيلة صغيرة وقت التشغيل ممكن تتسبب في خسائر كبيرة.

· إدارة الخسائر واتخاذ القرار الشجاع: رغم استثمار "ستاربكس" في الذكاء الاصطناعي ورفع سقف توقعاتها من الاستثمار ده، بس لما اكتشفت إنه بيعطل الشغل بدل ما يسهله، قررت توقف النظام بالكامل، بدل المكابرة عشان الفلوس اللي اتصرفت.

الأتمتة والذكاء الاصطناعي أدوات تمكين قوية جداً، بس قيمتها الفعلية بتتحدد بمدى استقرارها ونتائجها على أرض الواقع، مش في كفاءتها النظرية.

في رأيك.. هل قرار "ستاربكس" بالتراجع والعودة للجرد التقليدي كان قرار صح؟؟


لو شركتك تقدر تخلي موظفيها يشتغلوا 4 أيام بدل 5… بس بشرط إن الإنتاجية متقلش، توافق؟الفكرة بقت محل نقاش في شركات كتير:هل ...
13/08/2026

لو شركتك تقدر تخلي موظفيها يشتغلوا 4 أيام بدل 5… بس بشرط إن الإنتاجية متقلش، توافق؟
الفكرة بقت محل نقاش في شركات كتير:
هل عدد ساعات العمل هو اللي بيحدد إنتاجية الموظف؟
ولا ممكن الموظف ينجز نفس الشغل في وقت أقل لو طريقة العمل نفسها اتغيرت؟
تخيل إنك صاحب عمل هتختار إيه لشركتك؟
4 أيام عمل
5 أيام عمل
ولا مش بعدد الأيام المهم طريقة قياس الإنتاجية
ولو اخترت 4 أيام… إيه أول حاجة هتغيرها في طريقة شغل الشركة عشان تضمن إن الإنتاجية ما تتأثرش؟

11/08/2026

دبلومة إدارة الجودة الشاملة من "إعمل بيزنس" هتساعدك في تطبيق أعلى معايير الجودة الحديثة، بشهادة معتمدة من أكبر الجهات الدولية؛ علشان تحترف المجال بشكل قوي ومتميز.
ابعتلنا على رسايل الصفحة، واشترك دلوقتي!

بما إننا في عز الصيف والمصايف، فممكن جدا يكون فيه موظف دلوقتي قاعد على البحر بس اللابتوب مفتوح جنبه، والموبايل على وضع ا...
09/08/2026

بما إننا في عز الصيف والمصايف، فممكن جدا يكون فيه موظف دلوقتي قاعد على البحر بس اللابتوب مفتوح جنبه، والموبايل على وضع الـDo Not Disturb إلا لو المدير اتصل!

المشهد ده في عالم البيزنس بقى له اسم فعلا وهو ال"Quiet Vacation"
والمقصود بيه إن الموظف ياخد وقت بعيد عن الشغل أو يسافر، من غير ما يعلن بشكل واضح إنه في إجازة، وفي نفس الوقت يفضل محافظ على شكل إنه "متاح وشغال".

ممكن يدخل ميتنج من المصيف، يرد على كام إيميل، يتابع حاجة ضرورية، أو يقلل شغله لأقل مجهود ممكن… المهم إن محدش يحس إنه مش موجود.

طيب ليه موظف ممكن يعمل كده أصلا؟
ممكن يعمل كده لأسباب كتير منها:

- خايف يطلب إجازة: خصوصا لو الشغل كتير أو الفريق ناقص، فيحس إن طلبه ممكن يترفض.

- خايف على صورته قدام المدير: ممكن يعتقد إن كثرة الإجازات هتخليه يبان أقل التزام

- حاسس إن لازم يفضل متاح: بعض بيئات العمل بتخلق ثقافة إن الموظف الشاطر هو اللي بيرد في أي وقت.

- قلق على الأمان الوظيفي: فيفضل يثبت إنه موجود ومتابع حتى وهو بعيد عن المكتب.

- ضغط الشغل نفسه: أحيانا الموظف بيكون عنده مهام كتير ومش قادر يتخيل إنه يختفي كام يوم من غير ما الدنيا تتعطل.

وهنا تظهر المفارقة:
الشركة بتقول للموظف:
"خد إجازتك وارتاح"

لكن ثقافة الشغل أحيانا بتوصله رسالة مختلفة تماما:
"خد اجازتك بس خليك متاح"

وعشان كده، يمكن السؤال الأهم مش:
ليه الموظف بيخبي إجازته؟
لكن:
إيه اللي في بيئة العمل خلى الموظف يحس إنه محتاج يخبيها من الأساس؟"

تفتكروا إيه السبب الأكثر شيوعا وراء ال ـQuiet Vacationing؟ وهل دي تعتبر إجازة فعلًا؟

لو أنت موظف، خريج جديد، أو حتى عندك مشروع... فأنت محتاج مكان واحد يجمع لك كل الطرق والأدوات اللي تطورك.اشتراكات اعمل بيز...
06/08/2026

لو أنت موظف، خريج جديد، أو حتى عندك مشروع... فأنت محتاج مكان واحد يجمع لك كل الطرق والأدوات اللي تطورك.

اشتراكات اعمل بيزنس تفتح لك أكثر من400 دورة تدريبية في 17تخصص، من الإدارة والقيادة، والتسويق، والمبيعات، وريادة الأعمال، والموارد البشرية، إلى التكنولوجيا والمهارات الشخصية واللغة الإنجليزية... وكل شهر ينضاف محتوى جديد.

ومش بس دورات...
فأنت بتحصل على ملخصات كتب لأشهر كتب الإدارة، و قصص نجاح تتعلم منها كيف الشركات والأشخاص وصلوا.
بنوفرلك كل دا باشتراك واحد على حسب الخطة إلي تناسبك من دول:
سنة كاملة
6 شهور
3 شهور

دا غير أنك بعد ما تخلص أي دورة، بتأخذ شهادة مجانية من اعمل بيزنس.
اشترك معانا دلوقتي!

#دورات #إدارة #تسويق #مواردبشرية #مبيعات

اكتبلنا إجابتك في الكومنتات، واكسب فرصة اختيارك لكسب اشتراك شهر مجاني في اعمل بيزنس! #تسويق #جمهور #سوق #إدارة
04/08/2026

اكتبلنا إجابتك في الكومنتات، واكسب فرصة اختيارك لكسب اشتراك شهر مجاني في اعمل بيزنس!

#تسويق #جمهور #سوق #إدارة

مصر كلها صحيت الفجر على زلزال بقوة 5.6 ريختر، وفكر الناس بزلزال 1992 اللي كان بقوة مشابهة جداً، بس اللي خطف اللقطة هو ال...
03/08/2026

مصر كلها صحيت الفجر على زلزال بقوة 5.6 ريختر، وفكر الناس بزلزال 1992 اللي كان بقوة مشابهة جداً، بس اللي خطف اللقطة هو الإشعار اللي مستخدمي الأندرويد استلموه على موبايلاتهم قبل الزلزال بكام ثانية. 🤔

وهنا السؤال اللي أنت أكيد بدأت تسأله: هو الموبايل اللي في جيبي ده عرف منين إن فيه زلزال جاي؟

الفكرة إن جوجل بتستغل أجهزة الأندرويد اللي في إيد الناس نفسها علشان تعمل شبكة رصد زلازل عملاقة، والميزة دي جوجل أطلقتها في إبريل 2021 في نيوزيلندا واليونان، وبنهاية 2023 أصبحت التقنية دي متوفرة في 98 دولة.

طيب الميزة دي بتشتغل إزاي بالظبط؟
ببساطة.. من خلال مستشعر حركة صغير موجود في كل موبايل اسمه (Accelerometer) وهو المسؤول عن قلب الشاشة. 🔃
المستشعر ده لو لقط اهتزاز مفاجئ، بيبعت إشارة فورية لسيرفرات جوجل، وهي بتجمع البيانات دي من آلاف الأجهزة من نفس المنطقة، وبتحللها في لمح البصر.

ولو الإشارات دي جماعية ومتطابقة، سيرفرات جوجل بتفهم إن فيه زلزال وبتبعت تحذير فوري للمستخدمين القريبين من مكان الزلزال، قبل ما تحس بالزلزال بثواني.

الثواني المعدودة دي بتفرق كتير في سلامتك وبتديك فرصة سريعة تاخد بالك.

الحمد لله على سلامة الجميع... لو انت في مصر، هل جالك الإشعار ده؟ وتفتكر الميزة دي محتاجة تطوير ولا أدت غرضها؟؟

#زلزال #تكنولوجيا #جوجل #أندرويد

شهادة Program Management Professional (PgMP) هي شهادة النخبة في إدارة البرامج، فإحصائيات معهد PMI بتقول إن الحاصلين علي...
02/08/2026

شهادة Program Management Professional (PgMP) هي شهادة النخبة في إدارة البرامج، فإحصائيات معهد PMI بتقول إن الحاصلين عليها حول العالم أقل من 0.5% مقارنة بباقي الشهادات! ودا بيميز CVأى حد بياخدها في سوق العمل عن غيره،
وإلي بتوفرلك اعمل بيزنس البرنامج التدريبي ليها:

- بنشرحلك المحاور الخمسة للـ PgMP بأسلوب عملي بعيد تماماً عن الرغي النظري والمعقد.

- تطبيق على حالات واقعية: بتفهم الأفكار الاستراتيجية من خلال مشاريع من السوق، وده بيضمن لك مش بس تعدي الامتحان.. ده كمان تطبق من تاني يوم في شغلك.

- مرونة أونلاين 100%، فأنت بتدرس وتراجع في الوقت اللي يناسب جدول أعمالك وبدون تعطيل لشغلك.

دا غير إنها مدعومة بالكامل من صندوق الموارد البشرية (هدف)، وإلي بيضمنك إسترجاع رسوم الإمتحان إلي هتدخله.
ابعتلنا دلوقتي عشان نعرفك باقي التفاصيل!

#شهادات #اعتماد #هدف #سعودية

Address

12/13 Ahmed Kamel Street , Laselky, New Maadi
Cairo
11435

Website

Alerts

Be the first to know and let us send you an email when إعمل بيزنس posts news and promotions. Your email address will not be used for any other purpose, and you can unsubscribe at any time.

Contact The School

Send a message to إعمل بيزنس:

Shortcuts

Share

Category