FPE Center

مع استمرار سياسة التجويع والإبا*ده الجماعية اللي بيرتكبها المحتل الوضيع، تستمر سياساته علي محاور أخري.
يعني مثلا أنه اتفق مع أمريكا علي السير نحو نهاية لبنان الي الابد بس بشكل شيك شوية بمعني أن أمريكا بعتت للحكومة اللبنانية سحب السلاح من حزب الله في فترة ١٢٠ يوم، بس الحكومة شايفة أن هي حاليا معندهاش القدرة علي مواجهة حزب الله، كمان السعودية رافضة اي دعم للبنان الا بعد انسحاب حزب من المشهد، فهي عرضت ١٠ مليار دولار في حاله انسحاب حزب الله من المشهد في لبنان.
بس هنا هنقف عند نقطة مهمه دلوقت الحكومة اللبنانية قدامي طرفي نار اما الدخول في حرب مع حزب الله وفي حالة الهزيمة ستدخل
إسرا "يل لبنان بحجة حماية أمنها القومي زي م عملت ف سوريا بالظبط.
النقطة الثانية في حالة مماطلة الحكومة اللبنانية امريكا وإسرائيل طب بعد ال١٢٠ يوم اي اللي هيحصل اسرا*يل هتحتل جنوب لبنان ان لم يكن أكثر من ذلك.
في الفترة دي حزب الله وأفراده اللي متوزعين في هياكل الدولة هيعمل علي حل الحكومة و بالتالي إمكانية إقامة حرب اهليه ثانية ف لبنان بعد الحرب الأولي ١٩٧٥، وبرضه إسرا*يل هتدخل بحجة حماية أمنها.
حتي حوار اسرا*يل وامريكا الغير معلن مع حزب بسحب السلاح مقابل الانسحاب نهائيا من لبنان، هل إسرا*يل هتلتزم بيه ؟!
دعوة نزع السلاح في لبنان جاءت مزامنه للمطالبة بنزع السلاح من حماس وكذلك الفصائل الشيعية في العراق اللي علي فكرة رافضين فكرة نزع السلاح لأنهم شايفين أن هما بيسيطرا علي البلد حتي لو بشكل غير مباشر وان هما وصلوا لنقطه مينفعش فيها نوع سلاح.
- حماس دلوقت عايزة تنهي الحرب خاصة ضعف أن لم يكن عدم وجوده مساعدة من أي دولة خاصة إيران واذرعها بس، و بعدين هيهجروا المدنيين للجنوب و بعدين هيبقي عندك اكتر من مليون ونص بني ادم علي حدود مصر مع اختراق اتفاقيات السلام ( ف هناك إمكانية إقامة حرب ؟! ده علي الرغم من صفقة اللي غاز اللي تمت من يومين او مش صفقة هي تعديل لصفقة تمت في ٢٠١٩
- إيران أصبحت أكثر انشغالا بمحاولة القضاء علي الجواسيس في الداخل، ومحاولة تطوير قدراتها الجوية التي أظهرت ضعفها مؤخرا، وده طبعا مع انشغال روسيا بحربها في اوكرانيا ، والصين ف تايوان غير حربها التجارية مع امريكا.
- الدول الخليجية خاصة والدول العربية وجامعه الدول العربية كنت اعتقد أنه قد حان دورهم ف إنهاء ح*رب غز*ة خاصة في ظل الصراعات في الداخل الإسرائ*يلي سواء داخل الحكومة والجيش أو من الشعب اليه* ودي
---------
نرجع للبنان تاني وهي علي شفا حفرة اما علي امل ان تسحب السلاح من حزب الله مع انسحاب إسرا*يل من الجنوب اللبناني وتصبح لبنان دوله مستقلة.
او تكون لبنان مجالا للحرب الأهلية والتدخلات الخارجية.

"استكمالا الي بيحصل في غزة"
خلينا بس نعرف ونفرق بين كذا حاجة
محور موراج ده في جنوب قطاع غزة، بيفصل بين خان يونس ورفح الفلسطينية.
محور نتساريم ده بيفصل شمال غزة عن الوسط والجنوب( وده لما إسرائيل احتلته واستولت عليه عزلت شمال غزة تماما عن باقي القطاع). - وده اللي بتحاول تعمله إسرائيل في الجنوب وهنعرف بعدين هي عماله تقسم غزة لي.
طب لي إسرائيل بتحاول تحتل رفح
١- اسرائيل عايزة توصل رسالة خصوصا لمصر أن محدش هيتحكم في معبر رفح غير إسرائيل. ( وده لي اسباب كتير خصوصا لما إسرائيل بدأت تفكر تجبر مصر علي استقبال الفلسطينيين لقت مصر حركت قواتها لسيناء ف خافت تخش في صدام مع مصر).
٢ـ أن هي تحاول تحاصر الفلسطينيين في منطقة المواصي زي مقولنا قبل كدا- يبقي فصلت الشمال بمحور نتساريم زي مقولنا وفصلت الجنوب عن طريق موراج- وال٢ مليون مواطن فلسطيني المفروض يتكدسوا في منطقة المواصي.
( دي برضه حرب نفسية عشان تخلي الفلسطينيين في حالة عزلة تمام بعيدا عن كل وسائل العيش حتي طرق وصول المساعدات هتبقي مسدودة، ف بكدا هتخلي الفلسطينين هما اللي يطلبوا التهجير وبكدا قدام العالم هو تهجير طوعي)
لو عملية التهجير دي منفعتش الصهاينة عاملين خطة بديلة هي قديمة جدا و بدائية وكانوا بيستخدموا زمان وهي بناء المستوطنات بس مع شوية تطورات.
ازاي بقا
أن هنا يفصلوا غزة عن طريق ( أن غزة تبقي اربع مناطق بخمس مناطق حدود ) الهدف منها ان غزة تبقي جزر معزولة عشان تعرف تسيطر عسكريا عليها.
وده طبعا من خلال ان هما هيعملوا مستوطنات في الشمال ويتبعها محور نتساريم عشان يفصل الشمال عن مستوطنات الوسط و محور كيسوفيم ومحور سوفا وغيرها طبعا من المسميات واخيرا الحد الفاصل بين مصر ورفح الفلسطينية.
* ( المسميات دي إسرائيل بتخترعها عشان تمحي اسم غزة خالص م الوجود)
اسرائيل ماشية في طريقين التهجير والتقسيم لغزة لو التهجير مينفعش يبقي هي بتقسم غزة عشان تعرف تحكم سيطرتها عليها.
طب اي اخر المفاوضات لحد الان
مصر قدمت مقترح من خلال افراج حماس عن ٨ رهائن احياء مقابل وقف إطلاق النار من ٤٠: ٥٠ يوم والإفراج عن مئات الأسري الفلسطينيين.
طبعا إسرائيل رافضة لحد دلوقتي هي عايزة تزود من الأسري بتوعها
( بس اعتقد ان هي هتوافق لكذا سبب أولهم الاعتراضات اللي جوه إسرائيل والضغط من أهالي الأسري علي الحكومة الإسرائيلية+ هي عارفة أن حماس الأسري بيقلوا من عندها ف مستحيل تسيب عدد كبير من الأسري دفعة واحدة).
بس مع كل ده الدول العربية زي م كلنا شوفنا رافعة للاسف شعار
لا التهجير بس نعم للا بادة.
مع أن الدول دي ف ايديها توقف الحرب خاصة في ظل تدهور الأوضاع الداخلية في اسرائيل وجيشها اللي في كل منطقة بسبب دخولها في كذا معركة وامريكا وانشغالها بالحرب التجارية مع الصين.

*( كثير من قيادات الجيش مع وقف الحرب وكتير منهم معارض مع الحكومة+ أن هما اصلا منهكين بس طول فترة الاشتباكات مع حماس+ أن جيش اسرائيل علي الرغم من أنه مكنش ف حرب بمعني الكلمه خلينا نقول اشتباكات ظهر مدي ضعفه عشان كدا الجنود ذات نفسهم من جواهم أن هما لو اتحطوا قصاد جيش نظامي هيبقي الوضع مش في صالحهم خالص).
المفروض نسيبنا من اللقاءات والبيانات والمفاوضات لأن ده ف صالح إسرائيل وياريت نبص اننا ناخد خطوة في إطار وقف الحرب.

*ايران وامريكا هل هتستمر حالة ( حرب اللاحرب ، أو هنشوف اشتداد الأوضاع
ا. أكثر في المنطقة).
1- إيران خصبت حوالي 60 ٪ من اليورانيوم وده اللي أعلنته الوكالة الدولية للطاقة الذرية يعني تقريبا إيران فاضلها 30٪ عشان توصل القنبلة النووية ( بس إيران بتعلن أن برنامجها سلمي لتوليد الطاقة).
2- امريكا بعتت لإيران بتحذرها من استكمال برنامجها النووي، وقالت ي الاتفاق مع أمريكا علي البرنامج النووي أو ضرب إيران. ولكن في ضوء شروط منها ( زي م قولنا الاتفاق علي البرنامج النووي وقبل ده إجراء مقابله مع خامنئي المرشد الإيراني مع ترامب، عدم تهديد إسرائيل عدم تهديد مصالح أمريكا، وعدم دعم ومساندة محور المقاومة).

بعد كل ده لو الاتفاق تم هتبدا امريكا في تخفيف العقوبات الاقتصادية علي ايران واعاده فتح السفارات مرة أخري بين الدولتين لكن لو محصلش ( عينك م تشوف الا النور ).

"المفروض أن عمان هي الوسيط بين امريكا وايران، بس عمان لما أحست أن في تهديد في رسالة امريكا مرضيتش تبعت الرسالة، وقالت أنا وسيط اها بس ف السلم هتتخانقوا يبقي بعيد عني ، ف اللي سلم الرسالة الامارات.".
2- إيران أحست بنبرة التهديد ولكن خلينا فاكرين أن أذرع إيران بتتقطع واحد ورا الثاني، فالبتالي هي بتاجل اي صدام مع أمريكا دلوقتي، بعدين قالت المفاوضات هتم بس ليا شروط منها ان المرشد مش هتقابل ترامب والمفاوضات هتبقي غير مباشرة -( الفكرة أن ترامب هو اللي لغي الاتفاق النووي في فترته الاولي هو اللي قت ل قاسم سليماني وغيره كتير)- تاني حاجة إيران قالت إن أول م المفاوضات تبدأ العقوبات عتتلغي علطول، وبعدين الاتفاق هيكون علي البرنامج النووي بس ( يعني مش هتدخل منظومة الصواريخ ولا الطائرات المسيرة).، وغيرها من الشروط.
٣- امريكا سايرت إيران بس امريكا ردت أن هي هتساعد إيران في توفير الطاقة ليها بس هي هتفكك البنية النوويه الإيرانية كلها وتبدأ هي تشرف من جديد علي بنية نووية سلمية ، بس إيران رفضت.
بدأت امريكا في نظريتها الواقعية بدأت ترسل قواتها الجوية الي جزيرة دييغو جارسيا البريطانية، وبدأت تعمل مناورات في اليونان مع إسرائيل وقطر والإمارات والهند وغيرهم من الدول.
وهنا في حاجة مهمة ( امريكا عشان تضرب إيران هتحتاج قواعدها العسكرية في دول الخليج فهل دول الخليج هتوافق لاستخدام امريكا أراضيها في ضرب إيران؟.
بعد كل ده عشان اي دوله تدخل حرب المفروض تشوف مدي اوضاعها الداخلية السياسية والاقتصادية والاجتماعية ( وده تقريبا مش موجود )، اوضاعها الخارجية زي مقولنا مع ضعف أذرع إيران علي الورق مفيش غير روسيا بس بعد موقف ترامب من حرب اوكرانيا وموقفه مع روسيا ف بوتين مش عايز يبوظ العلاقة دلوقتي مع ترامب ،.
ايران بس عندها القوة العسكرية وده معناه أن لو إيران انضربت خاصة برنامجها النووي اللي هو دلوقتي ورقتها الرابحه الاهم الأهم الاهم يبقي ( هتقلبها علي الكل).

#عملية تهجير الفلسطنيين.
في البداية لازم نعرف ان عملية تهجيير الفلسطنيين قديمة وتاريخية لكن خلينا نتكلم باختصار عن اللي بيحصل دلوقتي، خلينا نذكر ان اللي شجع اسرائيل علي هذه العملية هي امريكا خاصة في وجود دونالد ترامب سواء في ولايته الاولي أو الثانية، هو دعا ليها في ولايته الأولي وكانت تحت شعار صفقة القرن أو الوطن البديل شعار كدة يضحك بيه علي الناس عشان ميتخضوش من محتوي الصفقة، وفي ولايته الثانية أشار لعملية التهجير وبدأ يخاطب دول زي مصر والاردن واندونيسيا ودول ثانية من افريقيا زي الصومال والسودان مستغلا تدهور اوضاع الدول دي ويغريها بالمساعدات، كل ده عشان يهجر الفلسطنيين عشان يوطد نفوذه في الشرق الأقصي بوجود اسرائيل، وعشان يرضي طموحه الاقتصادي علي حساب الشعب الفسطيني.
ده كده باختصار عملية التهجير.
طب ازاي بقي أو الطرق اللي هتتبعها اسرائيل وامريكا عشان تهجر الفسطينيين.
في البداية خلينا نقول ان اسرائيل بتعرف تعمل ذرائع في اي دولة عشان تتدخل فيها بمعني أن هي سابت حزب الله يكبر في لبنان عشان تاخده زريعه ان هي تتدخل وتحتل جنوب لبنان، وكذلك سوريا دلوقتي اللي كانت بتفضي المجال للجولاني عشان يوصل للحكم اللي اول م اوصل بدات تحتل اماكن تانية في سوريا، وفي فلسطين حركة حماس اللي اسرائيل واخداها زريعة لي بقا اسرائيل دلوقتي بتطالب بتهجير الفلسطنيين عشان تقدر تواجه حركة حماس، عشان كدا حركة حماس هو السبب اللي بترتكز عليه اسرائيل في اجتياح غزة بعد كدا بقا تهجرهم للجنوب وبعدين الي سيناء وده المخطط اللي هما راسمينه ( وده تحت جملة القضاء علي حماس).
عشان كدا اسرائيل خايفة تسلم الحكم الي السلطة الفلسطينة اللي لو اسرائيل عملت كدا يبقي حماس خارج اللعبة وهيلغي وجودها، بس هي لو عملت كدا مش هيبقي ليها حجة في الهجوم علي غزة، وهي كدا بقت بتمهد لدولة فلسطين في الضفة والقطاع بعد توحيد الحكم من غير ما تعرف، ف هي مش عايزة كدا.
ضمن مخطط اسرائيل برضه بعد م تهجر الفلسطيين وخلال القضاء علي حماس ان هي تدمر القطاع بشكل كامل حتي ميكونش في ارض صالحة للحياة عشان الفسلطينيين ميرجعوش تاني.
فكانت شروط اسرائيل عشان توقف ضرباتها هي خروج حماس من القطاع وتهجير السكان، بس حماس رفضت هنا ظهر دور مصر اللي اقترحت ان حماس تفرج عن 5 رهائن مقابل 50 يوم هدنه رفضت اسرائيل، وفي التضارب اللي حصل ده بدأ قطاع غزة يخرج بمظاهرات ضد حماس.
في الوقت ده اسرائيل بتستغل انشغال الحركة وبتروح تحتل 25% من قطاع غزة ولو حركة حماس م افرجتش عن الرهائن هتحتل القطاع كله.
ف الوضع من اسوأ الي اسوأ.
في ضوء كل الأحداث دي تم اكتشاف ان اسرائيل بتتعمد استهداف المنشآت الطبية الخاصة بالصحة الانجابية ومراكز الخصوبة واطفال الانابيب وبتسهدف الشاحنات اللي بتحمل غذاء الاطفال والغذاء الخاص بالنساء الحوامل، اسرائيل بتعمل كل ده عشان متعيدش او متكررش حركة حماس مستقبلاً.
فهي بتحاصر الشعب الفلسطيني من كل ناحية التهجير من ناحية وتجفيف نسلهم من ناحية تانية.
في ضوء كل ده علاقة مصر باسرائيل بتمر بمرحلة من اخطر المراحل، خاصة في ظل ان مصر لم تعتمد السفير الاسرائيلي في مصر خلال حفل استقبال السفراء الجدد في مصر، كذلك مصر سحبت سفيرها من اسرائيل، كمان طلب اسرائيل من مصر من تفكيك البنية التحتية العسكرية المصرية في سيناء.
بعد كل ده لازم نذكر ان الورقة الرابحة اللي كانت في ايد حماس وهي الرهائن بدأت تقل،
#فهل هتستمر حماس في مواجهة ضغوط اسرائيل؟
#ازاي الدول العربية هتقابل فكرة التهجير؟

ال عايز يعمل ابحاث أو يصمم اي تصميمات أو عمل بوسترات وتيشيرتات وأعلام ريش للمحلات والكافيهات ولو عايز تصمم بوسترات 💥💥💥💥

✨ *من أعمالنا* ✨
بحث بعنوان " تنمية وتطوير القرية في ضوء اهتمام الدولة بالقري في رؤية مصر ٢٠٣٠ "

للإطلاع علي النسخة الكاملة ورؤية المزيد من نماذج أعمالنا يرجي التواصل معنا :
واتساب : 01110696267

✨ *من أعمالنا* ✨
بحث بعنوان " الموقف الصيني والامريكي من الحرب الروسية الاوكرانية من الفترة ٢٠١٤ الي ٢٠٢٣ "

للإطلاع علي النسخة الكاملة ورؤية المزيد من نماذج أعمالنا يرجي التواصل معنا :
واتساب : 01110696267