Hurry up Academy

خلاص… مش هتهرب من البريزنتيشن تاني! 😎
لو البريزنتيشن كان دايمًا كابوس بالنسبالك…
يبقى جه الوقت تتعلم تقدمه بثقة وتبهر اللي قدامك!
مع كورس Presentation Skills من Hurry Up Academy،
هتتعلم إزاي:

🎤 تتكلم بطلاقة قدام أي جمهور
🧠 تتعامل مع الأسئلة والمواقف المحرجة باحتراف
✨ تقدّم عرض يشد الانتباه ويوصل فكرتك بأقوى طريقة

وكل ده أونلاين من بيتك❤

المهارة دي مش رفاهية، دي من أهم مفاتيح النجاح في سوق العمل
💼 وهتفرق معاك في شغلك، مقابلاتك، وحتى حياتك اليومية!

🚀 استعد لأقوى تجربة هتطورك شخصيًا ومهنيًا.

📢 العدد محدود – سجّل دلوقتي قبل ما يفوتك مكانك!
وخليك الشخص اللي الجمهور بيستناه يسمعه 💪

#مهارات #العرض

ألبس إيه وأنا رايح أعمل برزنتيشن؟ 🤔
القاعدة الذهبية:
البس نفس درجة اللبس اللي بيلبسها جمهورك… أو أعلى منها بدرجة واحدة فقط.
وأرجوك ✋ إوعى تكون ملفت… وحط تحت "ملفت" ٢٠٠ خط!

👕 طيب يعني إيه "درجة اللبس"؟
فيه 4 درجات أساسية:

1️⃣ لبس الساحل: شورت وفانلة أو كت 🩳
2️⃣ الكاجوال: تيشيرت وجينز 👖
3️⃣ السيمي فورمال: قميص وبنطلون قماش أو جبردين، القميص جوه البنطلون، حزام وحذاء لونهم متناسق، ممكن تضيف بليزر أو جاكيت 🧥
4️⃣ الفورمال الكامل: بدلة وجرافات وكل حاجة تمام 🕴

👇 أمثلة عالسريع:
🧑‍💼 لو بتقدم لزمايلك في الشغل ولبسهم كاجوال →
البس كاجوال ✅ أو سيمي فورمال ✅
لكن متلبسش بدلة ❌ (هتكون ملفت)
ولا شورت وفانلة ❌ (أقل من المستوى)

🎤 لو بتقدم في مؤتمر رسمي والجمهور فورمال →
البس فورمال ✅ بدلة كاملة، عشان تبقى في نفس المستوى 👌

🌊 لو بتقدّم وسط جمهور على الشاطئ →
مش منطقي تلبس بدلة 😅
لكن ممكن تلبس كاجوال بسيط أو سيمي فورمال خفيف ✅

🎨 كمان نقطة مهمة عن الألوان:
خليك دايمًا مع الألوان الهادية والرصينة

للبنات: اتجنبي الطرح الفسفوري أو الميكب الأوفر
الهدف إن الناس تركز في المحتوى… مش في اللبس!

📌 الزتونة:
خليك أنيق… بسيط… ومش ملفت
واللبس دايمًا وسيلة تدعم حضورك، مش تشد الانتباه عن كلامك.

لو عاوز تعرف اكتر عن مهارات العرض والالقاء ماتفوتش فرصة الخصم 50% اللى متاحة دلوقتى وسجل بسرعة فى كورس ال Presentation Skills وابدأ رحلتك فى عالم التميز🤩💪

#فيدغيرك #مهارات #العرض #وظائف

كل عام وانتم بخير❤

هل في علاقة بين الإيميل والعلاقات الشخصية؟ 🤔
الإجابة: لأ.
ولو ربطت بينهم… تبقى مش بروفيشنال!

يعني طبيعي جدًا تكون لسه خارج من خناقة مع زميل في التليفون،
وتبعتله إيميل تبدأه بـ:
"عزيزي فلان، أتمنى أن تكون بخير…" 😃

وعالعكس تمامًا…
ممكن تكون لسه مخلص مكالمة كلها ضحك وهزار مع حد،
وبعدها تبعتله إيميل تذكير رسمي عن شغل متأخر عنده… عادي جدًا! 😂

✅ لكن خد بالك:
لو الإيميل فيه ملاحظة حساسة أو ممكن تسبب إحراج،
ظبّط التون مع الشخص في التليفون الأول…
عشان متفاجئوش فجأة ويزعل،
وفي نفس الوقت، تفضل أنت محافظ على أسلوبك البروفيشنال 👌

الإيميل أداة شغل… مش انعكاس لحالتك النفسية أو علاقتك بالشخص.
افصل بين الاتنين، وهتكسب احترام الكل. 🙌

لو استفدت من البوست، شاركه وفيد غيرك ❤️
وتابعنا كل يوم لمعلومة جديدة تفيدك في الشغل والحياة 👨‍💻

ازاي اكتب Subject الايميل🤔
على رأي المثل "الجواب بيبان من عنوانه" فلازم تهتم بالعنوان عشان على أساسه الجواب (الايميل) هيتقرأ أو لأ.
طب عشان اضمن ان الايميل يتقرأ اعمل ايه
1️⃣ حط Subject مختصر (لا يزيد عن ٥ كلمات) ويوضح موضوع الايميل.
2️⃣ لو الايميل هيتبعت لشركة غير شركتك حط في بداية ال Subject اسم شركتك - اسم الشركة اللى باعتلها.
3️⃣ ماتعتمدش انك عملت Reply all على ايميل مبعوتلك ومتغيرش ال Subject (راجعه الاول ولو محتاج يتعدل عشان يبقى اوضح عدله).
4️⃣ اوعى تنسى ال Subject فاضى عشان هيتحط فى ال Spam و مش هيوصل أصلا.

لو استفدت من البوست شيره وفيد غيرك وتابع الصفحة عشان تستفيد أكتر و أكتر❤️




#فيدغيرك

لو اتسألت سؤال في البرزنتيشن ومش عارف إجابته… تعمل إيه؟ 🤔
أول حاجة لازم تبقى عارفها:
مفيش حد يعرف كل حاجة غير ربنا سبحانه وتعالى 🙏
يعني طبيعي جدًا تكون محضر كويس… وتتسأل في نقطة مش عارفها. عادي! 😃

بس السؤال بقى:
تتصرف إزاي عشان تحافظ على صورتك قدام الناس؟

📌 فيه أكتر من طريقة ذكية:
1️⃣ اعترف ببساطة وباحترافية:

"والله دي نقطة معملتش فيها بحث كفاية، هسيرش عليها وهرجع أرد عليك..."
حدّد طريقة الرد (في الجلسة الجاية، على الجروب، بالإيميل...)
⚠️ وإوعى تنسى ترد فعلًا!

2️⃣ أجّل الأسئلة لنهاية السيشن:

"خلونا نأجل الأسئلة لآخر السيشن علشان نلحق نغطي كل النقاط."
خد بريك 5 دقايق، سيرش بسرعة، وفي الآخر افتح الباب للأسئلة ورد عليه وقتها 👌

3️⃣ خلّي السؤال مهمة للحضور:

"دي نقطة مثيرة فعلًا… إيه رأيكم نخليها تاسك نبحث فيها كلنا؟"
وبكده تشرك الناس وتفتح باب للنقاش بدون ما تحرج نفسك.

✅ المهم:
ما تتوترش… وطريقة تعاملك مع الموقف هي اللي هتخلي الناس تحترمك أكتر، مش بس معلوماتك!

لو استفدت من البوست شاركه وفيد غيرك 🙌
ولو عاوز تعرف اكتر عن مهارات البرزنتيشن 🎤 سجل معانا فى كورس ال Presentation Skills وخليك مميز فى شغلك وحياتك🤩

الإيميل الطويل أحسن؟ ولا القصير؟ 🤔
سؤال مهم جدًا، والإجابة عليه بسيطة:

📩 الناس اللي هتقرا الإيميل مش كلهم تكنيكال… وفي الغالب مشغولين جدًا.
سواء مدير أو مهندس، محدش فاضي يقرأ 10 سطور عشان يعرف الفكرة!

✅ اعمل كده:
في الإيميل نفسه:
✍️ اكتب الخلاصة في سطر أو سطرين بأقصى تقدير.

التفاصيل؟
حطها في ملف مرفق (Word أو Excel أو PDF) وارفقه مع الإيميل.

واكتب في آخر الإيميل جملة زى:
"For more details, kindly find the attached file."

بس خلي بالك…
أنا جايلك من المستقبل وبقولك:
هتكتب الجملة… وهتنسى ترفق الملف! 😂

🧠 عشان كده تابعنا…
هنشارك معاك سلسلة نصائح مهمة عن كتابة إيميلات احترافية
📧 مفيهاش غلطة
⏱ وتوفّر وقتك ووقت اللي بيقراها
✨ وتخليك دايمًا شكلك بروفيشنال

لو استفدت من البوست، شاركه وفيد غيرك،
وقولنا في الكومنتات…
كام مرة نسيت تبعت الفايل؟ 😅

عارف إيه المضحك؟ 😅
مع إن نادرًا جدًا لما تلاقي شركة بتعلّم موظفيها إزاي يكتبوا إيميل صح…
إلا إن كل الشركات تقريبًا بتحاسبك على أي غلطة في الإيميل! 🤭

طيب الحل؟ 👇
تعالى نتعلّم سوا اللي شركتك مش هتعلّمهولك…
وهتحاسبك إنك مش عارفه 😉

📧 أول حاجة لازم تعرفها:
الإيميل مش مجرد وسيلة تواصل…
ده مستند رسمي بيتم الرجوع له في حالات الخلاف والمشاكل – واللي مش قليلة أبدًا! 😂

يعني كل كلمة بتكتبها في الإيميل… ممكن تتحسب عليك أو تتحسب ليك.
✅ خليك دايمًا حريص
❌ ما تعتمدش بس على مكالمة تليفون
✉ بعد المكالمة، ابعت إيميل يلخص الاتفاق…
علشان ساعة الجد، يبقى معاك مستند رسمي يحميك 💪

وده مش بس هيحافظ على حقك، ده كمان هيخلي الناس تشوفك شخص منظم وبروفيشنال 👌

🧠 تابعنا الفترة الجاية…
لأن هنشارك معاك نصايح قوية لكتابة إيميلات احترافية
مفيهاش ولا غلطة… وتخلّي شغلك يبان بأفضل صورة 😎

لو استفدت من البوست، شاركه مع زمايلك واحكيلنا في الكومنتات:
هل حصل معاك موقف عمرك ما نسيته بسبب إيميل كتبته؟ 😅

"شايف نفسك فين بعد 5 سنين؟" 🤔
السؤال ده من أكتر الأسئلة اللي الـ HR في مصر بيسألها،
وغالبًا بتفتكر إنه بيُرخم عليك وخلاص… لكن الحقيقة غير كده تمامًا!

الـ HR مش بيهزر، هو على أساس إجابتك بيقرر حاجات مهمة جدًا:
هل الشركة تستثمر فيك؟ هل هتستمر معاهم؟ هل تطلعاتك ماشية مع رؤيتهم؟

✅ طيب ليه بيسألك السؤال ده أصلاً؟
الشركات بتستثمر في الموظفين الجُدد: بتعلّمهم، بتصرف عليهم، وبتدربهم.
فمن الطبيعي إنهم يهمّهم يعرفوا:
هل هتستمر معاهم؟ ولا أول ما تتعلم، هتسيبهم؟
خصوصًا لو هدفك الحقيقي في مجال تاني خالص!

مثال:
لو إنت متقدّم لوظيفة Web Developer، وقلت إنك شايف نفسك بعد 5 سنين "Senior Mobile Developer"
ده معناه إنك واخد الوظيفة مرحلة مؤقتة، وبالتالي…
مبروك عليك الـ Rejected! ❌

💡 طب إزاي تجهز إجابة ذكية ومقنعة؟
ابحث عن الشركة: اعرف رؤيتها وخططها وتاريخها.

اربط إجابتك بخططهم: مثلاً لو ناويين يفتحوا فرع في فرنسا،
قول:

"أنا شايف نفسي ماسك فرع فرنسا بعد ما أكون فهمت البيزنس كويس، وبالفعل بدأت أتعلم فرنسي علشان أكون جاهز للفرصة دي."

كده إنت بتقول إنك ناوي تستثمر معاهم، وإنك بتخطط للمستقبل داخل الشركة.

💥 ومبروك عليك الـ Accepted! 😉

🎯 خلاصة الزتونة:
قبل أي إنترفيو، اعرف شركتك رايحة فين… وخلّي إجابتك رايحة معاها 👌
السؤال ده ممكن ييجي بصيغ مختلفة، بس هدفه دايمًا واحد:
هل هتستمر معانا؟ ولا دي محطة وهتنزل؟

لو استفدت من البوست، شاركه مع أصحابك وساعدهم يجهزوا صح ✌
وتابعنا عشان توصلك كل يوم نصايح مهمة تفيدك في شغلك وحياتك.






#وظائف