Atc (aspire training center)

رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ .رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ .

أبو بكر الصديق رضي الله عنه: "والله لو قيل لي إن الشمس قد غربت من المشرق لآمنت به أسرع من أن أؤمن أن محمدًا قد كذب".
عمر بن الخطاب رضي الله عنه: "والله لو قيل لي إن جبريل نزل بك يا محمد لآمنت به، فإنك لا تكذب".
علي بن أبي طالب رضي الله عنه: "إن هذا القرآن لا ينطق به بشر، وإنما هو كلام الله".
مونتجمري وات: "محمد هو أعظم رجل في التاريخ".
ول ديورانت: "إن محمدًا قد بنى دولة دينية عظيمة في أقل من قرن، وهذا لم يسبق له مثيل في التاريخ".

الحب بيحصل فى الدماغ مش القلب

واجْعَلْ لِي وَزِيراً مِنْ أَهْلِي هارُونَ أَخِي اشْدُدْ بِهِ أَزْرِي وأَشْرِكْهُ فِي أَمْرِي كَيْ نُسَبِّحَكَ كَثِيراً ونَذْكُرَكَ كَثِيراً إِنَّكَ كُنْتَ بِنا بَصِيراً

بص وفجأة واحنا في الجنة هنلاقي ملائكة بتنادي في طرقات الجنة : يا اهل الجنة ان الله يستزيركم فحيّ علي زيارة الرحمن

تخيل ربنا جل جلاله يدعونا لزيارته
يحكيلنا حبيبنا النبي صلى الله عليه وسلم اننا ساعتها هنخرج ونلاقي قدام قصورنا حاجة اسمها النجائب وهي ركوبة ربنا خلقها مخصوص عشان يركبها اهل الجنة وهما رايحين يزوروه عزوجل

فنركب النجائب ونوصل للوادي اللي هنزور فيه رب العزة

وفجاة .. هنسمع صوت عذب ينادي: يا اهل الجنة سلام عليكم

فنرد كلنا في نفس اللحظة وقلبنا طاير من الفرحة ونقول :

اللهم انت السلام ومنك السلام ، تباركت يا ذا الجلال والاكرام"
فيقول الله عز وجل : يا اهل الجنة هل رضيتهم؟

فنقوله يارب وكيف لا نرضي وقد غفرت ذنوبنا وادخلتنا الجنة
فيقول الرب عزوجل : يا اهل الجنة اسألوني ما شئتم..
فنقول له يارب ارض عنا..

فيقول عزوجل : يا اهل الجنة لو لم ارض عنكم لما ادخلتكم جنتي فسألوني شيئا اخر..

فنجتمع علي كلمة واحدة..
يارب ارنا وجهك ننظر اليك..

فيقول سيدنا النبي صلى الله عليه وسلم : فتكشف الحُجُب فما أُعطوا لذة احب اليهم من النظر الي وجه الله الكريم

كنا دايما في الدنيا لما بنشوف حاجة جميلة اوي
نقول : الله
بس يومها هتبقي اول مرة نقولها بجد .. الله
ومن شدة سعادتنا تفضل وجوهنا ناضرة مستبشرة

فاللهم ارزقنا هذه اللحظة ولا تحرمنا لذه النظر لوجهك الكريم .. يارب

اكبر عبء نفسي اننى لم اعد استطع نشر اخبارهم او حتى متابعتها. لا استطع ان اقف للحظة عند مشهد أو حتى صورة على شاشة لا تشعر و لا تتعاطف. فما بالنا بهم و هم يعيشون كل لحظة و يشاهدون واقعا لم اعد استطع ان أعيشه افتراضيا .
سامحنا يا الله

رغم انى لا أميل للتميز العنصرى طبقا للون أو دين أو جنسية و أؤمن ان كل ارض الله هى ملك لكل انسان و ان منع انسان من دخول ارض هو اقسي درجات التمييز العنصرى . و أؤمن ان مصر طوال تاريخها لم تقم مخيمات للاجئين بل سمحت لكل ضيف ان يكون صاحب دار . و هذا ما عشنا به رغم ظروفنا الصعبة عكس كثير من دول الجوار الغنية . و لكن فى الحقيقة رغم حبي للسودان إلا ان تجربة دخول الأخوة السودانين اصبحت مؤلمة و تنذر بعواقب وخيمة . للأسف تعامل الأخوة السودانين مع مصر و المصريين ( كثير منهم ) بكثير من العنجهية و العند و مخالفة كل قواعد البلد التى استضافتهم و للأسف نشر بينهم البعض انهم ( قاعدين بفلوسهم )
فى هذه الحالة ايها السادة يمكنكم البحث عن بلد يمكنكم اللجوء اليه بفلوسكم. مصر تستضيف المستجيرين لأنها أم الدنيا و ستبقى رغم الفقر و الحاجة فى عون كل محتاج . و لكن لا مرحبا بأى متعالى و لتبحث عن بلد تنصب لك المخيمات على حواف الجبال .

#حدوته
زمان قبل ما يسكن الانسان الارض كان يسكنها الجن و الحقيقة ان الجن المخلوق من نار افسد فى الارض و قامت بين الجن معارك و حروب كان فيها سفك دماء ( فى الحقيقة هو تعبير مجازى لأنى مش عارف ممكن ايه اللى بيتم سفكه فى الحروب بتاعة الجن ) . ربنا سبحانه و تعالى أرسل الملايكة علشان تخلص الارض من الخراب اللى بتعمله الجن . المهم الملايكة خلصت على الجن الا واحد بس كان عابد و ناسك و بيحب ربنا و مكانش ليه فى الفتنة دى . دا بقى كان مصيره غير مصير الجن المتحاربين ، دا طلع السما علشان يعيش بين الملايكة .
الملايكة مخلوقات نورانية و عمنا دا مخلوق من نار . و لكنه عاش بينهم كالطاووس ، علشان كده سموه طاووس الملائكة.
#إبليس
إبليس عاش راضى و عابد و ناسك و بيحب ربنا . بيحبه بجد ، و لكن الحب بتاع السيد إبليس كان فيه مشكلة هنحكيها بعد شوية .
المهم ربنا سبحانه و تعالى خلق سيدنا آدم . و طبعا كلنا عارفين ان ربنا أمر الملايكة تسجد لآدم و سجدوا الا ابليس ( اللى ربنا اعتبروا من الملايكة رغم انه مخلوق من نار ) ابليس بقى رفض و استكبر و عاند ربنا . مين دا اللى اسجد له ؟ دا مخلوق من طين و أنا من نار ! مين دا اللى تفضله عليا ، تاريخه ايه و ليه يبقى أفضل منى عندك ؟
فى الحقيقة ابليس رفض الأمر رغم حبه لربنا ، عاند و استكبر و لكنه مقالش انه مبيحبش ربنا ، ابليس بيقول لربنا ( و عزتك ) و دا خطاب من حبيب مش من عدو . طيب فين المشكلة ؟ المشكلة ان الحب عند ابليس كان مصاب بمرض الكبر و العند .
ابليس كان شايف ان حبه لربنا يديه حقوق مش بتاعته . حبه لربنا لازم يخليه مميز و يبقى مفيش غيره .
الحب من ساعتها للأسف و هو غالبا بيخلص بسبب الكبر . و ابليس كان شاطر لما قرر انه زى ما تجربته فى الحب فشلت بسبب العند ، يبقى لازم كل التجارب اللى هتحصل بين بنى آدم يكون نهايتها بسبب الكبر و العند .
#المشاعر
بيقولوا بقى ان المشاعر كانت عايشة على جزيرة و فجأة بدأت الرياح و العواصف تيجى و تهدد الجزيرة بالغرق . كل المشاعر حاولت تستخبى ما عدا الحب اللى راح و بنى مركب علشان يهربوا من الواقع الأليم ( الحب طول عمره يقدر يهربك ) و لكن للاسف فى واحد من المشاعر رفض يركب المركب . كل المشاعر حاولت تقنع الحب انه يسيبه منه و يركب المركب علشان ميغرقش ، لكن الحب صمم انه ينقذ صاحبه و لكن ( العند ) رفض و الحب فضل جنب العند لغاية ما الريح و المطر و الموج غرق الجزيرة و للاسف غرق الحب بسبب ( العند )
#افهم
كل مرة خسرت فيها كان ممكن متخسرش لو كنت نسيت شوية الايجو اللى عندك و قولت آسف ، لو كنت اخدت قرار عملت فيه خاطر لعشرة او معروف او سن او حب مش خاطر نفسك و شوية احاسيس عبيطة بالثأر لحاجات انت متأكد انها مالهاش لازمة جنب الخسارة اللى هتخسرها .
كل مرة هتعاند و تتكبر ، إفتكر خسارة ابليس علشان رفض يسجد . و ما اعتقدش ان ابليس بس اللى ندمان على قراره دا ، فى الحقيقة كلنا ندمانين .