Coach Mona Mirza

كل عام والجميع بصحه وخير وسلامه يارب ❤❤❤❤

من هدايا الالم ان الظروف الصعبه التي نمر بها في حياتنا بتساعدنا في إكتشاف منظورات فكريه جديده عن نفسنا وعن العالم وبالتالي بنمتلك الفرصه لاختيار استجابات مختلفه وغير مالوفه لما يحدث معنا فنكتشف مناطق من انفسنا لم نتطرق اليها من قبل ولم نكن حتي نتصور وجودها مما يعزز من عمليه النمو واكتشاف القيم الأكثر اهميه في حياتنا
Mona mirza 🌹

اغلبنا بيهرب من القعده مع نفسه وبيفضل يضيع وقته في لعبه علي الموبايل تسرق أيامه او يقضي ساعات علي السوشيال ميديا بلا هدف متتبعا اخبار لن تضيف له أي فايده المهم انه يهرب من نفسه وده مع الاسف لاننا اتعودنا علي تأنيب النفس ولومها علي كل حاجه نتيجه التربيه التي لم تكن تسمح باي خطأ حتي لو غير مقصود رغم انه من الطبيعي لينا كبشر اننا نخطي ونصيب مافيش حاجه في الدنيا بتمشي بالقلم والمسطره ما احنا لو كنا ملائكه كنا فضلنا فوق في الجنه .
رجعوا معتقداتكم المترسخه عن نفسكم واتعلموا من اخطاكم وحبوا نفسكم زي ما انتم مهما حصل وطبطبوا علي روحكم وافتكروا تفرحوا وتشجعوا نفسكم لما تعملوا حاجه حلوه مهما كانت صغيره ...

) انت لست ما حدث لك ولكن ما قررت أن تكون عليه )
Mona mirza

ناس كتير فاكره انك علشان تكون شخص ايجابي تبقه دايما سعيد ومبسوط ولابس نظاره ورديه بس ده مش صحيح الايجابيه لا تتعارض مع كونك بتمر بفترات من الاحباط او الحزن او اي مشاعر سلبيه تانيه .
الايجابيه ان رغم كل شي بيحدث معك بتقدر تشوف الحته المنوره في الي بيحصل .انك تتلمس حكمه ربنا فيما يحدث معك انك تعرف ان ما فيش حاجه بتحصل في الحياه صدفه وان وراء كل حدث سلبي في رسايل لازم تفتحها ودروس لازم تتعلمها علشان ما يفضلش الدرس يتكرر في حياتك وان كل حاجه بتحصل بتعلمك حاجه عن نفسك وبتقربك من حقيقتك وبتطور روحك 🌹
Mona mirza

كل عام وانتم بخير

من الحاجات المهمه الي بتنجح العلاقات ابتداء من العلاقات الاسريه والاصدقاء وزملاء العمل انتهاءا الي علاقات الحب والزواج هي مهاره معرفه ووضع الحدود... ادراكي بحدودي وحدود الاخر بدون انانيه او تعنت بيساعد انه يصحح مسار حاجات كتيره ومواقف من الممكن عدم حدوثها من الاساس وعلشان ده يحصل محتاج افهم نفسي كويس وافهم انا ايه ممكن اقبله وايه الي ارفضه وارسم دواير علاقاتي صح واراجع الدواير ده من وقت لآخر لان مافيش حاجه بتثبت علي حالها والحياه دايما متغيره .. فاقوم اطمن علي حدودك وشوف بتسمح لمين بايه وازاي وشوف الناس الي انت بتحترم حدودها هما كمان بيبادلوك بالمثل والا لا ...وافتكر دايما ان كل حاجه بتبدأ من عندك انت
Coach Mona Mirza

من أكبر المعيقات الي بتكبل البني آدم وتخليه راضي بحاله اي كان... هو الخوف.. دايما كان راي وما زال أن الخوف هو المظله الكبيره الي بيقع تحتها كل المشاعر السلبيه المعيقه ....
الخوف هو الي بيخليك راضي بوضعك مهما كان مؤلم لأنك بتشوف اي تغير ممكن يحصل شي مجهول المعالم وده بيحفز في جسمك هرمونات معينه بتشتغل علي احساس الخوف الدفين جواك فتخليك تؤثر السلامه وتخلي عقلك يرجعك للوضع الاول غصب عنك فتلاقي نفسك مش قادر تتحرك لادام ... وده بيحصل مع اغلبنا .. قاوم خوفك واتعلم تطمن نفسك وخذ خطوات بسيطه في الاول لحد ما تتشجع وتبقه ثقتك في نفسك اكبر من مخاوفك..
Coach Mona Mirza

احتفل بانجازاتك الصغيره وكافي نفسك عليها .اوعي تستني محطه الوصول علشان تبقه سعيد ..استمتع بالرحله
Coach Mona Mirza