Amr Saad Coach

دايما بتدور على بداية جديدة عشان تتغير , تعالى نخلى شهر رمضان
هو البداية الجديدة لتغيير حياتك
و اول بداية تبتدى بيها هى نفسك
* انك تحسن علاقاتك بنفسك عن طريق انك تتعرف على نفسك
* وتعرف ايه اللى ممكن يحمسك , وايه اللى ممكن يضايقك
* وانك تدير مشاعرك بشكل افضل
* وتقدر ترتب افكارك وتكون عندك انتاجية عالية
* وانك تقدر تتعامل مع تحديات الحياة وتحديات الشغل المختلفة
* تقدر تاخد قرارتك بالشكل اللى يناسب حياتك
* تقدر تحسن علاقاتك مع المحيطين بيك
* لو عندك خلافات مع زوجتك ومع اصدقائك تقدر تحلها
كل ده تقدر تعمله من خلال جلسات الكوتشينج

وبمناسبة شهر رمضان انا عامل عرض مميز ليكم
خصم اكبر 40% على 4 جلسات لكوتشينج خلال شهر رمضان
على برنامج زووم او على التليفونon lineجلسات الكوتشينج حا تكون

استمتع بالعرض وابتدى حياة جدية

هدية خاصة لاول 5 حا يحجزوا

لمعرفة التفاصيل ابعتى ليا رسالة على الصفحة او على الواتس اب
وانا حارد عليك بكل التفاصيل
(01017827468 (كود مصر 202+)

عايز تكسب شركتك اكتر استثمر فى موظفينك اكتر !!!!!
"من غير المنطقي أن توظف الأذكياء ثم تخبرهم بما عليهم أن يفعلوا! نحن نوظف الأذكياء لكي يخبرونا هم بما علينا أن نفعله".
ستيف جوبز

الشركات مش بتكسب من المبانى والمعدات وخطوط الانتاج
الشركة بتكسب من الموظفين والعمال اللى شغالين فيها
لذلك لو انت مش عامل هيكل ادارى مظبوط ومنظم
والشركة كسبت فلوس وحبيت تعمل نمو النمو ده حا يكون محدود ليه سقف
لان الشركة فى فوضى حتى لو انت مش شايفها كده
لان نموا الشركة السريع فى ظل الفوضى الادارية دى حا تكون بداية
انهيار الشركة وخسارتها !!!!!!

ايه الكلام ده
اكيد تخيل نفسك مثلا فى مركب ومعاك 8 افراد
كل 4 افراد بيقدفو عكس ال 4 التانييين
تفتكر حا يكون ايه النتيجة المركب حا تتقلب وتغرق
نفس المثال ده يكون على الشركة !!

الشركة كسبت فلوس كتير اشتريت مبانى وخطوط انتاج
وبدأت ترقى فى افراد من اللى عندك , بدون ما تسال نفسك
انا عايز اروح فين ولا ايه الرؤية اللى اشرحها للمديرين الجدد
وهل هما مؤهلين للمنصب الجديد ولا لأ
وبالتالى بدء كل مدير جديد يمشى مع نفسه المهم صاحب الشغل يكون راضى عنى
وتبتدى يحصل تخبط فى القرارات واهدار للوقت والمال و مواد الانتاج
وتبدا الخسارة تحصل وفى الاخر انت كا صاحب عمل او مدير عام
اللى حا تجنى الخاسارة لوحدك

استثمارك فى الموظفين اللى عندك دايما هو اللى بيبعدك عن الخساير
وبالعكس هو اللى بيخليك تقدر تواجه الازمات اللى ممكن تحصل باقل خساير .

بتقابل / بتقابلى مشكلة فى شغلك او محتاج تاخد قرار فى موضوع مهم اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم وتكون بداية لتغيير حياتك
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب 01017827468

مساء الخير
فى بعض الاحيان بنلاقى زوجين عايشين كويس
* احنا شايفين انهم عايشين كويس
ومرة واحد تلاقيمهم انفصلوا
ورافضين اى نوع من انواع الصلح

واما تعرف تفاصيل بعض المواقف اللى بتحصل بينهم
تتاكد ان الطلاق هو النتيجة الحتمية اللى لازم يوصلوا ليها

تعالوا نعرف مع بعض ايه المواقف اللى تعتبر مؤشرات للطلاق
لو ما اتعملش ليها العلاج المظبوط

1- الهجوم المستمر
بمعنى الزوج يرجع من شغله تعبان ومرهق يدخل البيت يلاقى ابنه رجع من المدرسة سخن وشكله داخل على دور برد جامد فيروحوا بيه على الدكتور وهناك قدام الناس يقولها.
* انتى يا هانم مش واخد بالك من ابنك
What’s APPاهم حاجة عندك انه ينزل المدرسة عشان حضرتك تفضى للرغى على
* ولا انتى نافعة تبقى ام ولا زوجة ولا حاجة ابدا
* انا بدل ما ارجع استريح انزل جرى على الدكاترة من تحت راس اهمالك
* والزوجة تبقى خلاص حا تنهار من كلام زوجها ونظرات الناس ليها
* مع ان الولد ممكن جدا يكون اتعدى من واحد زميله فى المدرسة.

2- الدفاع المستمر
زوج بيتكلم مع زوجته انهم اخدوا وقت كبير فى التسوق والوقت سرقهم وعايز يروح
تقوم الزوجة على طول تعتبر ان ده هجوم لازم ترد عليه بدفاع مستميت

* وانا اعمل ايه ما انا عمالة الف على رجلى عشان اجيب حاجات كويسة
* انت عايزنى اشترى اى حاجة وخلاص
* ما انت يا بيه جاى معايا كده ملكش دور
* كل ما اساك على حاجة تقولى اللى تشوفيه
* الحق عليا انى عايزاك انت وعيالك تبقوا كويسين

مع الزوج كان بيقترح على مراته انهم يروحوا وكفاية كده النهاردة
ومكنش قصده ينتقدها خااااالص

3- الاهانة
زوج و زوجة فى معزومين على الغدا عند احد المعارف
الزوج عجبه جدا اكل مرات صحبه كان طعمه جميل
فيثنى الزوج على نفس مرات صحبه فى الاكل
وبعدين يبدأ وصلة الاهانة لمراته بدون داعى

* اتعلمى يا مدام الاكل بيتعمل ازاى
* بالذمة انتى بتعرفى تطبخى اساسا
* مع انك طول الوقت قدام برامج الطبخ على التلفزيون
وفى الاخر بتعملى ليا اكل حاجة كده لا ليها طعم ولا لون
عاملة ذى اليخنى " بتاع عادل امام"
حط كله على بعضه وحط فى الفرن
* انتى فين يا امى من بعدك متبدهل ومش عارف اكل فى بيتى

وطبعا الزوجة تحس باحراج وجرح كبير قوى
مش سهل انه يلم بالعكس بيفضل ينزف مع التجاهل والتمادى فى الاهانة

4- التجمد
ان الزوج و الزوجة قاعدين فى البيت
والزوجة بتتكلم عن مشكلة فى حياتهم
فالزوج بقولك احسن حاجة عشان اخلص من وجع الدماغ
* خليك باااارد ولا تصد ولا ترد خاالص لحد ماهى تزهق وتقوم

وطبعا ده مش حل لان الزوجة ساعتها بتحس بلاهانة والتجاهل كانها راديو وبيتكلم

لو المواقف دى بتحصل بينكم اعرفو ان دى بداية الطريق للطلاق
وما ترجعش تقول او تقولى انا مش عارف ايه اللى حصل
او ان الزوجة مش اصيلة او مش صبورة على اعباء الجياة
او الزوجة تقول اصله مش اد المسئولية

الكلام والمواقف السلبية اللى ممكن تحصل بينكم مش سهلة انها تتنسى
وممكن تكون اشد من ضربات السكين
وفى الاخر واحد فيكم بيسلم وبيسيب كل حاجة لانه خلاص بتكون العلاقة والعشرة ماتت فى عينيه
ولازم يلحق نفسه
طيب هل فى حل
اكيييد فى حلول

1- خلى فى قواعد للحديث بينكم يعنى لو بدات الاهانة من احد الطرفين او حد صوته على ينتهى الكلام بينكم لحد ما تهدوا

2- مش هدف الكلام بينكم ان طرف على حق والطرف التانى على باطل هى مش اهلى وزمالك
دى حياة مشتركة

3- لازم كل واحد فيكم يعرف انه ليه دور فى حل المشكلة حتى ولو كان صغير

4- عبرى عن وجهة نظرك واستمعى لوجهة النظر الاخرى

5- اقبل الحلول الوسط ومش لازم رايك دايما هو اللى يشى فى كل المواقف

الخلافات مفيدة جدا للعلاقة .... بس الخلافات المتحضرة
اللى بتحفظ احترام وقدر الطرفين

اشوفكم بالف خير.
بتقابل / بتقابلى مشكلة فى حياتك الزوجية اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم.
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب

عزيزى الزوج
ازاى تتجنب الخلافات الزوجية فى رمضان
اشمعنى رمضان معقولة الكلام ده
للاسف فى شهر رمضان بتزيد فيه الخلافات الزوجية
لان الزوجات او الامهات بتتكهرب فعليا
من المسئوليات اللى عليها
صحيان بدرى عشان مواعيد الباص والمدرسة
معرفة الدروس والمذاكرة مع الاولاد
تحضير الفطار والسحور ومستلزمات رمضان
كل ده بيحط اعباء رهيبة على الام
وممكن تتعصب من اقل حاجة
فا يا عزيزى الزوج عشان تخلى بالك والخلافات
والخناقات بينك وبين زوجتك ما تزيديش
حاول تعمل الخطوات دى.
1- شارك زوجتك بعض المسئوليات
يعنى مثلا تودى اولادك الدروس بدلا منها
المشاركة فى شراء مستلزمات البيت.

2- اتكلم دايما بعبارات الشكر والتقدير لزوجتك على المجهود الكبير اللى هى بتعمله وخصوصا فى المذاكرة مع الاولاد

3- حاول فى الويك اند انك تخرجو او تفطروا برة
تروحو مكان انتم بتحبوه او حتى تتمشوا عشان تفصلوا من روتين المذاكرة والدراسة وتشحنوا طاقة للاسبوع الجديد
جرب الخطوات وشاركنى فى التعليقات عن النتيجة
وكل سنة وانتم طيبين
اشوفكم بالف خير.
بتقابل / بتقابلى مشكلة فى حياتك الزوجية اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم.
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب

خلى بالك اوعى تلبس بدلة مديرك !!!!
بمعنى ايه مش فاهم ؟
يعنى اوعى تدير بطريقة مديرك عشان تضمن او تستسهل النجاح
انت اتريقت وبقيت مدير لادارة عندك فى الشركة
فكر ايه الجديد اللى انت حا تضيفه للادارة دى
ايه الجديد اللى حا تطور نفسك بيه
لانك لو قولت سهلة انا اطبق طريقة الادارة بتاعت الاستاذ فلان
او مستر علان ده قعد على الكرسى 20 سنة
يبقى انت بتحكم على نفسك واسمك بالاعدام !!!!!
لان اللى كان ينفع من 20 سنة ما ينفعش دلوقتى
طريقة الكلام والتعامل مع الموظفين وحتى استخدام التكنولوجيا
من 20 سنة كان بيستخدم الالة الحاسبة وابتدى يتعلم الايميل على كبر
انما انت دلوقتى بتستخدم الموبايل والتاب عشان تاخد قرارتك

اتعلم واقرا واعرف تفاصيل شغلك كويس قوى
وازاى تكسب الموظفين اللى معاك وطور نفسك وطورهم

احسن كتير ما تلبس بدلة مش علي مقاسك تتكعبل فيها بعد اول خطوة

بتقابل / بتقابلى مشكلة فى شغلك او محتاج تاخد قرار فى موضوع مهم اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم وتكون بداية لتغيير حياتك
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب 01017827468

حا يحصل ايه لو العيال وابوهم
فطروا على تمر وسلطة وعصير بس
حا يحصل حاجة والله ما حا يحصل حاجة !!!!!
ده حتى اكل صحى

مش لازم كل يوم اقف 5 ساعات فى المطبخ احضر الفطار
ويقعدوا يخلصوا الاكل فى ربع ساعة حرررام بجد
افطروا على اكل خفيف وصحى
اشوفكم بالف خير


_العلاقات

عايز تبقى مدير ناجح
اصنع حواليك نجوم
انت مدير شغلتك انك الكوتش
ماينفعش الكوتش ينزل يجيب اجوان انما بتجهز الناس اللى بتجيب اجوان
"خالد بشارة "
* اهم حاجة تميزك كا مدير انك تقدر تصنع كوادر فى الادارة بتاعتك
* تقدر تشوف الموظفين اللى بيشتغلوا معاك وايه نقط قوتهم
وتحفزهم وتخليهم يبدعوا ويخرجوا احسن حاجة عندهم
* تسمع ليهم ولاقتراحتهم وتدعمهم وتتبنى افكارهم
الجيدة اللى ممكن لو اتطبقت تفرق فى مسار الشركة كلها
مش الادارة بتاعتك بس
* اسمع للموظفين اللى بيشتغلوا معاك " مهمة جدا جدا "
عشان تقدر تفهمهم وتعرف تحفزهم ازاى
واللى عمل كل ده هو العملاق الالمانى يورجن كلوب المدير الفنى لفريق ليفربول
قدر انه يبرز مهارات العديد من اللاعبين ويوظف امكانيتهم مع بعضهم
ويخلى اى منافس يعمل ليهم الف حساب " محمد صلاح و مانى وجوتا وغيرهم كتير "
وكان بيعرف يتكلم عن كل واحد فيهم كويس سواء وهو فى احسن حالاته
ويعرف يحتويه وهو فى اسوء حالاته عشان يقدر يشتغل ويرجع حماسه تانى

عايز تبقى مدير ناجح خليك ذى يورجن كلوب

بتقابل / بتقابلى مشكلة فى شغلك او محتاج تاخد قرار فى موضوع مهم اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم وتكون بداية لتغيير حياتك
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب 01017827468

- بقولك ايه
* خير يا صديقى
- انا بافكر اتجوز
* الف مبرووووك حلو القرار ده مين العروسة انا اعرفها ؟
- واحدة صديقة اختى
* جميل قوى قصة حب بقى ولا ايه؟
- قصة حب ايه بس !!!!!!
لا هى انسانة جميلة وبشوشة ومحترمة واهلها ناس كويسين
* كل ده كويس بس انت مش حاسس بحاجة ناحيتها
- انا ماحاولتش اشغل نفسى بالسؤال ده
بس انا حاسس انها تنفع تبقى زوجة وشريكة حياة
* ايه الكلام ده معقول انت بتفكر كده ده جواز وعشرة مش بتقدم قى شغل
- باقولك ايه انا مش عايز فلسفة وبعدين الحب بيجيى بعد الجواز والعشرة
يعنى انت فاكر اهالينا كلهم اتجوزو عن حب
بس كملوا فى حياتهم وخلفونا واتربينا كويس
الرك على الاصل والتربية
* انا معاك بس مش كفاية
بص انا حااقولك على شوية اسئلة تسالها لنفسك قبل ما تاخد قرار الجواز

- اسئلة ايه دى !!!!! انا داخل امتحان شفوى

* اقرا الاسلئة وجاوب عليها وااكيد حاتساعدك

- طيب ماشى موافق

1- هل الانسانة دى حا تساعدك انك تقدم افضل ما عندك من حب وطموح
وحا تحس بالامان معاها ولا لا؟

2- هل انت متقبلها فى كل احوالها ؟

3- هل هى متوافقة مع قيمك واحتياجاتك ولا لا ؟

4- هل انت سعيد انك موجود فى العلاقة دى ولا حاتبقى مجرد بتقضى واجب ؟

6- هل حاسس انكم على نفس العلاقة المتوازنة ؟
بمعنى انكم بتقدموا نفس العطاء ونفس الجهد مع بعض ولا واحد فيكم هو اللى شاييل الاعباء على كتفه

7- انتم تقدروا تستمتعوا مع بعض ؟
يعنى تقدروا تنبسطوا سوا ولا بيكون كلامكم شبه رسمى ولا مش لاقيين حاجة تتكلموا فيها

8- انت عايز ترتبط ليه ؟
لانك عايش الحب وعايز الانسانة تكون شريكة مشوار حياتك ولا لانك خايف من الوحدة ؟

9- ايه مفهومك عن الجواز وكمان ايه مفهوم شريكة حياتك؟ مهم جدا
هل مفاهميكم واحدة و لا كل واحد داخل الجوازة بمفهوم مختلف

10- هل انت جاهز عشان تدعم شريكة حياتك فى حلمها وطموحها ولا انت عايز اللى يدعمك انت بس؟

11- هل انت متخيل الحياة من غيرها ؟

* دى معظم الاسئلة اللى عندى يا ريت تفكر فيها , ولو ممكن تبعتها للانسانة اللى انت عايز ترتبط بيها
وتجاوبها لو الاجابات متوافقة والمفاهيم واحدة يكون كويس
لو المفاهيم والاجابات مختلفة !!!!!

يبقى فكر تاااانى من دلوقتى


_العلاقات

عايز تبقى مدير قوى وسوبر ؟!!!!
قرب منك المعارضين ليك !!!
"من غير المنطقي أن توظف الأذكياء ثم تخبرهم بما عليهم أن يفعلوا! نحن نوظف الأذكياء لكي يخبرونا هم بما علينا أن نفعله".
ستيف جوبز

قصدى قرب منك المعارضين ليك فى الافكار اللى بيحاولو يطورو ويبدعو دايما
وهى شركة انيميشين اسسها ستيف جوبزPixarوده اللى عمله مدير شركة
القصة بدأت ازاى ان كان فى موظف فى شركة ديزنى اسمه براد بيرد
هو كان بيحب دايما التطوير والابداع , ولكن مديره كان ضعيف
ومش بيحب أى تغيير او مخاطرة وكان دايما يحبط براد ويتخانق معاه لحد ما رفده

ستيف جوبز قدر انه يوظف براد بيرد عنده وفتح ليه المجال للتفكير والابداع
لكن فى اول اجتماع بين براد بيرد والموظفين فى الشركة اعترضوا على افكاره
وقالوله فكرة الفيل اللى انت عايز تعمله حاتاخد وقت 10 سنين على اجهزة الكمبيوتر فى الشركة وحا تتكلف حوالى 500 مليون دولار " الكلام ده فى التسعينات "
براد بيرد ما سكتش قدر يقرب منه الناس المعارضين ليه بس عندهم حب للتطوير
والتفكير وبدأو يشتغلوا على الافكار اللى بيطرحوها فى الاجتماع.
TOY STORYكانت النتيجة انهم عملوا فيلم
بتكلفة اقل بكتير وفى وقت اقل والفيلم ده اخد جايزتين اوسكار

اوعى تحجر على أى فكرة او اقتراح من موظف بيشتغل معاك
مدام ممكن تشتغل عليها لانها ممكن قوى تكون سبب فى مكسب
كبير ليك وللشركة
اوعى تخاف من اى تؤيد أى اقتراح لموظف عندك احسن ياخد مكانك
بالعكس هو ممكن يكون سبب فى رزق اكبر ليك .
"من لا يتجدد يتبدد ومن لا يتقدم يتقادم "

بتقابل / بتقابلى مشكلة فى شغلك او محتاج تاخد قرار فى موضوع مهم اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم.
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب 01017827468

جوزى بيغير من نجاحى فى شغلى
رغم انى مش مأثرة فى معاه ولا مأثرة فى بيتى
ودايما يسمعنى كلام ذى السم
انا مش حاسس انى متجوز , انتى ظالمانى وظالمة اولادنا
انا عايزك تتفرغيلى , انا بفكر اتجوز واحدة تحس بيا

جوزى اللى المفروض يقف جنبى ويشجعنى ويكون فخور بنجاحى
هو اللى بيحبطنى وبيحاول يهد طموحى
انا بقيت عايشة فى حزن طول الوقت لانى باعمل كل حاجة عشان ارضيه
وهو مش مقدر , ولا حاسس بالمجهود اللى بابذله
ومابقتش عارفة اعمل ايه ؟
هل فى حلول من تطلعنى من اللى انا فيه ولا لأ ؟

ان شاء الله فى حلول وفى خطوات بسيطة تقدرى تعمليها
1- حاولى تنظمى وقتك بين شغلك وبيتك
يعنى اما ترجعى البيت حاولى كل الوقت ده تقسميه لجوزك واولادك وبيتك
افصلي دماغك من الشغل ( هى خطوة محتاجة تدريب وخصوا لو كنتى فى موقع مسئولية فى شغلك )

2- الاهتمام بالزوج واحواله لانه ممكن يحس انك متجوزة لمجرد تكملة الشكل الاجتماعى
وا اهم حاجة فى حياتك هى نفسك وشغلك
وممكن الزوج يرضى بالخطوتين دول لانه كان عايز منك تنظيم وقت واهتمام

3- اسالى نفسك انتى بتخافى انك تبقى غلطانة او حد يلوم عليكى فى حاجة ؟
لانك لو عندك المعتقد ده ممكن جدا يكون بيضغط عليكى وعلى تفكيرك ويخليكى
ترتكبى اخطاء او يستنزف طاقتك وكمان يخليكى تعتقد انك عشان تنجحى فى
بيتك لازم ما تبقيش ناجحة فو تفشلى فى بيتك وجوازك .

4- اسالى نفسك هل زوجك فعلا مضايق من نجاحك لانه مش عارف ينجح
زيك او انه قليل الطموح ومن خلال اجابتك تقدرى تعرفى انتى ماثرة فى حق بيتك وجوزك ولا لأ

اعرفى كويس جدا انك من حقك تنجحى ومن حقك ان يكون معاكي
اسرة بتدعمك وبتشارك نجاحك وانتى كمان تكون جزء من نجاحهم.

اشوفكم بالف خير.
بتقابل / بتقابلى مشكلة فى حياتك الزوجية اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم.
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب

كل سنة وحضراتكم بالف خير وسلام وسعادة
رمضان كريم عليكم ان شاء الله

السر الاول فى حل اى مشكلة هو اكتشاف جذر المشكلة قبل حلها
السر الثانى فى ادارة اى ازمة هو اكتشاف اسبابها وحلها
بطريقة عملية ولامركزية لضمان سرعة الحل .
وده اللى عمله سيدنا عمرو بن الخطاب من اكثر من 1400 سنة
فى اثناء ولاية سيدنا عمر بن الخطاب حدث عام الرمادة واللى
استمر قرابة العام وكان عام جفاف وهلك الناس والزرع والماشية
وكانت الارض سوداء كالرماد من كثرة الجفاف
وكانت الجفاف حل بالمدينة المنورة والقرى الكثيرة المجاورة لها
لدرجة ان الناس بدأت تتوافد على المدينة طلبا للعون او الحل من ولى الامر

سيدنا عمر عمل ايه عشان يواجه الازمة دى ...... اخد بكل الاسباب الممكنة
1- توجه لربنا سبحانه وتعالى بالدعاء انه يفك الكرب ودعا الناس لكثرة
الدعاء والصلاة والاستغفار لله سبحانه وتعالى

2- ارسل رسائل لكل الولايات الاسلامية طلبا للعون
مثل عمرو بن العاص فى مصر وسعد بن ابى وقاص فى الشام

3- اما ابتدى المدد يجي من مصر والشام طلب سيدنا عمرو
ان المدد وهو جاى على المدينة اى قرية يقابلها او خيم للاجئين المتضررين
من المجاعة ينزل لها ما يكيفيها من الطعام والمدد وأى
جمل يفضى الحمولة اللى عليه يتم ذبحه لاهل القرية دى " فكر عبقرى "
وبكده بتبدأ المشكلة تتحل تدريجيا .

4- اوقف حد السرقة فى هذا العام لانه شاف ان اللى بيسرق عشان ياكل
هو عمل كده عشان من ضدة الجوع وبالتالى شروط تنفيذ الحد ليست متوافرة.

5- اجل دفع الزكاة عن الناس المتضررين من عام الرمادة للعام التالى
حتى تنتهى الازمة .

6- انه ابتدى بنفسه وكان مشارك للناس فى الازمة حتى ان وجهة اسود من قلة الاكل

الاعجاز فى القصة دى انها اتعملت بوسائل بدائية جدا لا تليفوانات ولا طيارات
ولا خبراء فى الادارة والاقتصاد ولا حاجة بس كان سيدنا عمر معاه اهم حاجة وهى
"اخلاص النية لله اولا ومصلحة الدولة والشعب "
عشان كده ربنا سبحانه وتعالى سخر له النجاح
اشوفكم بالف خير

بتقابل / بتقابلى مشكلة فى شغلك او محتاج تاخد قرار فى موضوع مهم اتكلم معايا واحجز جلسة كوتشينج عشان تقدر بعديها تحل المشكلة وتاخد القرار السليم.
لتفاصيل حجز جلسة كوتشينج رجاء ارسال رسالة على الصفحة
او على رقم الواتس اب 01017827468