𝗠𝗥 𝗢𝗠𝗔𝗥 𝗭𝗜𝗞𝗥𝗬

عارفين إنك حاسس إن الوقت جري، وحاسس إن مفيش وقت تراجع👀

بس إحنا هنا عشان نطمنك ونقولك لسه في وقت، ولسه تقدر تعوض 🤷🏻‍♀️

⏳ انتظروا تفاصيل ليلة الامتحان قريبًا.

﴿ إنا لله وإنا إليه راجعون ﴾ ‏اللهم اجرنا في مصيبتنا واخلف لنا خيراً منها
لقد توفي والد مستر عمر زكري * المهندس / إيهاب محمد كمال زكري *

‏لله ما أخذ وله ما أعطى وكل شيء عنده بأجل مسمى فلتصبروا ولتحتسبوا
‏اللهم اغفر لعبدك إيهاب محمد كمال زكري وارحمه وعافه واعف عنه وأكرم نزله ووسع مدخله واغسله بالماء والثلج والبرد اللهم ادخله الجنة

💢 الصلاة غدا يوم الثلاثاء بعد صلاة الظهر في مسجد السيدة نفيسة و العزاء يوم الأربعاء بمسجد الرحمن الرحيم بصلاح سالم بعد المغرب ان شاء الله

توقع معانا نتيجة الماتش 👀❤️
مستنين نشوف توقعك دلوقتي في كومنت ⏬🫡

بكرة يوم مهم، لكن الأهم إنكم تدخلوا وأنتم متوكلين على ربنا وواثقين في تعبكم ومجهودكم طول السنة
ربنا يكرمكم، ويجعل الامتحان سهلًا ميسرًا، ويحقق لكل واحد فيكم اللي يتمناه🤍

ربنا معاكم ويوفقكم ❤️

في الفيزياء بنتعلم إن أي جسم علشان يتحرك ويستمر محتاج قوة تدفعه للأمام، وأنت بالفعل أثبت طول السنة إن عندك القوة دي.🤷🏻‍♀️

النهارده مش مطلوب منك تعمل معجزات، المطلوب بس تكمّل بنفس الإصرار اللي وصلك لحد هنا. متبصش لقد إيه فاضل، بص لقد إيه أنجزت وقد إيه تعبت علشان توصل للمرحلة دي.

ركز في كل امتحان لوحده، وخليك واثق إن كل ساعة مذاكرة وكل مجهود بذلته مخزون ليك ومش هيضيع.

خد بالأسباب، توكل على الله، وكمل للآخر... فاضل خطوة واحدة بينك وبين حصاد تعب سنة كاملة. 🤍

التلات ساعات بريك اللي بتاخدهم :

يمكن يكون فاضل أسابيع قليلة على امتحان الفيزيكس، لكن الفترة دي قادرة تعمل فرق أكبر مما تتخيل🫡

في طالب بيستغل كل يوم يراجع فيه نقطة ضعفه ويقوي مستواه، وفي طالب بيضّيع وقته في القلق والتوتر
القرار في إيدك أنت🤷🏻‍♀️

لو عندك جزء محتاج شغل، ابدأ فيه النهارده.
لو عندك أخطاء بتتكرر، عالجها قبل الامتحان.
ولو مستواك كويس، حافظ عليه بالمراجعة والحل المستمرة 💪🏻

اجتهد في الأيام الجاية، وخليك واثق إن كل دقيقة بتذاكرها دلوقتي هتشوف نتيجتها بعدين. ولما تدخل اللجنة ادخلها وأنت رافع راسك، لأنك عملت اللي عليك وبذلت أقصى ما عندك.

وربنا عمره ما بيضيع تعب حد❤️✨