Rokn Safy - ركن صافي

من الأدب في الإسلام إنك تعلم ابنك وبنتك لما :

يكون في حد أصغر منه عايز يدخل الحمام ومش قادر يتحكم في نفسه.. 😰

والكبير عارف عن نفسه إنه يقدر يتحمل شوية.. 🤝

يتنازل له ويدخله هو الأول من باب الرحمة بالصغير.. 🌳

وعشان الصغير ميتحطش في موقف صادم له زي إنه ميقدرش يمسك نفسه..
ويتحرج..😱

وخصوصا لو بره البيت..

وده نعلمه للكبار من باب الرحمة والعطف ومفيش أي تعارض مع مسألة الحقوق في الدور.. ☝️

أيوه ده دوري ككبير أدخل.. بس أنا اتنازلت للصغير عشان عايز ثواب من عند الله..🤲

وعشان ده فيه رحمة بالصغير..🌴

وده تنازل هيكسب الجميع ومش هيقلل مني في شيء.. ♥️

بل بالعكس..

هيزيد حب الناس ليا.. واحترامي لنفسي وقدرتي على التحكم فيها في حاجة صعبة..

#معلمةصفاء 🦅
🌻
☺️

⭕لما طفلك يسأك :يعني إيه( زنا*) يا ماما ⚠️

🔵أولا متتخضيش.. ‼️

وارد جدا يكون سمعها في القرآن الكريم أو في حديث..

غالباً مش هيسمعها بلفظها الحقيقي من الشارع ولا الميديا
لإن من الموضة حاليا.. ومن تلبيس إبليس..
تسمية الموبقات.. والفوا/حش..
بغير أسمائها..!

🔵ثانيا؛
فهميه المعنى حسب سنه..
فلو صغير أوي قولي له:
ده فعل حرام.. بين رجل وامرأة غير متزوجين يعني مش ماما وبابا..
بيقربوا جسمهم من بعض..
والفعل ده ربنا بيعاقب عليه..

ولو كبير شوية..
هتعلميه أصول اللمس وحدوده بين البشر وما يصح وما لا يصح منه..

🔵ثم تتكلمي عن إن هذه الحدود مينفعش تكون من وضع إنسان.. طب ليه❓❗

لإننا كلنا كلنا عباد لله..
وجسمنا إحنا مُستأمنين عليه.. وهو مش بتاعنا ولا ملكنا تماما..
بل هو ملك لخالقه.. ☑️
يأمرنا نتصرف فيه كما يشاء لا كما نشاء..

🔵وده يخلينا نطيعه في الملبس والملمس والمطعم والمشرب.. إلخ..

🔵من الطاعة دي..
تحديد شكل التلامس بين الناس..وبعضهم..
وبين الإنسان وباقي المخلوقات..
(زي الرفق بالذبيحة والحيوان وهكذا)

🔵هتحددي كلامك أكتر..
وتعرفي طفلك إن جسمه مش هيفضل بالشكل ده.. وإنه في يوم..
كل أجهزة جسمه هتشتغل زي الكبار تمام (الأم والأب)

🔵هتفهميه إن الفرق بين جسم الصغير والكبير هو البلوغ..
ومصاحب للبلوغ تغيرات كتيرة..
نفسية..
وجسمانية..
وشعورية..

🔵من ضمن التغيرات دي الميل للبنات أو الولاد لو العكس..
وهذا الميل والرغبة في القرب، ممكن يأدي للمس الغير بغير حق.. لو الواحد مخدش احتياطه زي ما الدين علمه..

🔵التلامس ده عشان ربنا رحيم.. بخلقه..
حدد له إطار جميل أوي إسمه الزواج وله شروط..

🔵لو البنت أو الولد تجرؤا على كسر الحدود اللي ربنا وضعها لهم تحت أي مسمى..
حب..
تباسط..
صداقة..
ائتناس.. إلخ..

وارد جدا في لحظة ضعف نفس +شيطان.. يقعوا في فاح/شة الزنا.. للأسف.. وده ذنب عظيم جدا وكبيرة من كبائر الذنوب..

🔵فمن الأول وجب الاحتياط..
والتعامل بحدود..
وعدم استسهال الهزار مع ولد أو بنت تحت مسمى إحنا صحاب.. ‼️

لحين القدرة على تحمل مسؤولية الزواج..
والوصول للسن المناسب لفتح بيت..

وده إسمه (الحياء والعفة)
وهما فضيلتان رائعتان جميلتان.. في أي إنسان ولد أو بنت بتحافظ على قلبه وجسمه ومشاعره وترضي ربه..

🔵نذكر قصة سيدنا يوسف اللي اتسمت سورة بحالها بإسمه..
ونذكر هروبه من الز*نا..
وحياؤه..
واختياره الحياة الصعبة في السجن..
عن الوقوع في الزنا.. من كتر ما هذا الفعل قبيح..

🔵نوضح للولاد إن العالم حاليا بيسمي الأمور بغير مسمياتها..
فيحذر جدا من المسلسلات المضللة..
والرفاق الغير محتشمين ولا متعففين..

🔵نحذر كمان من أن تتسلل له هذه الخبائث عبر أي وسيلة تواصل كانت..
ولو حدث ووقعت عينه على شئ صدفة..
فليحذر ضعفه..
ويستغفر وميكرروش..

لإن الشيطان ونفسه هيجروه بسرعة البرق للإطلاع على الحرام..

ثم يجروه لمحاولة رؤية ده كمان في الواقع..

ثم ولعياذ بالله ممكن لو اتحط في موقف ضعف ميعرفش يقاوم الخطأ..

🔵الكلام ده يتقال للي على مشارف البلوغ..

🔵أكدوا على ولادكم.. إن ال*زنا من الكبائر..
مهما أظهر المجتمع أو الرفاق الغير أمناء أنه..

عادي أو هو هين كالصغائر!

🔵لإن اللي بيحدد حجم الأمر وعظمه مش الناس..
لا لا..
ده رب الناس وخالقهم.. ☑️

#معلمةصفاء

بسم الله الرحمن الرحيم ~ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ

اللهم بارك اللهم بارك اللهم بارك 🤲

طال تفكيري يا أحبابي وأنا أبحث عن موضوع جديد يدخل كل بيت 🏡

ويملأ قلوب الأطفال والأمهات بهجة..

ويساهم في تحسين أجواء البيوت وينشر فيها السكينة ..

برنامج يعمل على ترطيب العلاقات مع أطفالنا.. ويجعلهم يتناولون مواضيع الوحي بصدر منشرح وفهم عملي..
ويقبلون فكرة الأمر والنهي بدون ألم يحيك في الصدر..

وبعد استخارة واطمئنان.. ورحلة من الحيرة..
استقر الاختيار بأن أفتح ملف الأخلاق ومكارمها.. 🤍

فكلنا حقيقية بحاجة إلى فتح هذا الملف بكل عناية..
وبشكل يجمع بين ما رزقني الله به من موهبة في تبسيط العلوم الشرعية للصغار..

والدراسات النفسية المستفيضة التي منحني الله إياها من كرمه..
خلال العامين الماضيين على أيدي متخصصين غاية في الإتقان والاحترافية.. وقد نالني بعضاً من خبرتهم في تعديل السلوك الإنساني..الشئ الذي أسأل الله أن يستعمله لنفع أطفال المسلمين وبيوتهم.. 🤲

فقررت استخدامه وجمعه ببرامج النسر هيثم 🦅 في شكل فني 🎙️ يسد حاجة المجتمع في تربية النشء بمكارم الأخلاق دون الشعور بذلك الضغط النفسي الذي يصيب الناس كبيرهم وصغيرهم وقت النصيحة..

فكان بفضل الله ومنته وتوفيقه..

برنامج تعديل السلوك الإسلامي ~

هيثم ومكارم الأخلاق 🦅 🏕️🧭

والنسر هيثم لمن لا يعرفه..

هو بطل سلسلة 🔗 برامج النسر هيثم لتبسيط العلوم الشرعية للأطفال..

وهذا هو منتجنا الرابع بفضل الله تعالى 😊

هيثم يمثل كل طفل 🧒 من أطفالنا يحتاج إلى التربية والتقويم والإرشاد هو وأصحابه.. من أشخاص يحبونهم وحريصين على اكتسابهم لمكارم الأخلاق..

فمكارم الأخلاق هي ما ميزت حبيبنا الغالي رسول الله صلى الله عليه وسلم ♥️
قال رسول الله صلى الله عليه وسلم :

(إنما بُعِثْتُ لأُتَمِّمَ مكارمَ و في روايةٍ ( صالحَ ) الأخلاقِ)

وعليه..

فما سيميز أطفال اليوم وأبطال الغد..
بعد الإيمان بالله وتوحيده..

هو حسن الخلق.. والبعد عن سفسافها..

واتباع هدي النبي الحبيب المصطفى صلى الله عليه وسلم في هذا المضمار..

وبهذا فقط.. يكمل بناء الإيمان فيهم..☝️

فالإيمان عقيدة في القلب وقول وعمل..

وحسن الخلق من أعلى ما يحوز به المرء كرامة الدنيا ومكانة الآخرة.. ويحقق به كمال الإيمان 🤍
~~~~~~~~~~~~~~~

فهيا بنا يا أحبابي بحول الله وقوته وتوفيقه.. لنبدأ رحلة طيبة ممتعة وشيقة وجديدة مع برنامج..

~هيثم ومكارم الأخلاق ~ 🦅🏕️🧭

🧭 حيث تحصلون على متعة المغامرة..
وخفة الظل..
🧭 والحلول العملية في تعديل سلوك الأطفال..
🧭 من منطلق الوحي والدليل الشرعي المشروح بشكل بسيط ومفصل

أيضاً لا يفوتكم جانب الأنشطة وماكيت البرنامج اللذان يعززنان ويغذيان الجانب البصري للطفل ولكن بشكل بنّاء..🧩🎭🪁🎨

ولا ولن ننسى عروض الخصم 🎊 المتنوعة..

🎉 وباقات الدفع بكافة المستويات..

🎉 فمن أراد اشتراك فردي

🎉 أو صديقات

🎉 أو مجموعات فهو متاح.. ويمكنكم استخدام مجموعات الخصم القديمة لأحباب هيثومي القدامى 🌷☺️ أما الأحباب الجدد..
فيمكنكم تكوين مجموعة الخصم من الأصدقاء والمجموعات التعليمة الخاصة بكم ونشر الإعلان لتجميع بعضكم البعض..

بإذن الله تعالى 😊

💥 ولا فارق في الاشتراك من داخل مصر 🇪🇬 أو خارجها..

وذلك خصيصاً لأهل الدفعة الأولى 🏆 من برنامج هيثم ومكارم الأخلاق 🦅 🏕️

لمن هذا البرنامج.. ‼️ 🤔
~~~~~~~~~~~~~
⚡ للأطفال من ٤ سنوات والنشء حتى ١٢ عاماً تقريباً أو حسب الاستعداد.
⚡ للأمهات
⚡ للمعلمات
⚡ للميسّرات

وتتميز برامج النسر هيثم 🦅 بمرونة الاستخدام لأن الحلقات صوتية بمؤثرات إحترافية كأنها بودكاست..
والحلقات مسجلة في أي وقت يناسبكم تستمعون إليها حسب جدولكم وظروفكم 🌸

ولا تتعارض إطلاقاً مع الدراسة 📚📑📋 .. بل هي فسحة من الضغط اليومي..
ووقت دافيء أسري حبيب يجدد نشاط الأسرة وينشر بها المرح.😁😍

⏰ ينتهي الحجز المبكر بعد أسبوع واحد من تاريخ هذا الإعلان.

~~~~~~~~~~~~~~
نحن بانتظاركم على شوق..

ونسأل الله أن يجعل هذا البرنامج لبِنة في بناء مكارم الأخلاق في البيوت.. 🤲 ♥️

للاشتراك يرجى مراسلة الصفحة..

أو كتابة تعليق 👇 ليحولكم مباشرة إلى الرسائل..

دمتم لنا خير داعم بعد الله سبحانه وتعالى في بناء الأمة.. 🤲 ♥️ 😊

وتذكروا شعار البرنامج..

((مكارم الأخلاق.. كمال الإيمان))

#معلمةصفاء
🌻
🦅🏕️🧭

اللهم صلِّ على محمد وآل محمد كما صليت على إبراهيم وعلى آل إبراهيم.. إنك حميد مجيد.. 🤲

ساعات قليلة يا أحبابي.. تفصلنا عن الإعلان الرسمي للرحلة الجديدة المنتظرة.. بحول الله وقوته وتوفيقه وعونه وحده لا شريك له سبحانه.. ⏳

اربطوا امتعتكم جيداً.. 🎒🧢

فأنتم على موعد مع رحلة طيبة مليئة بالمرح والعلم الغانم النافع.. لتعلم أخلاق النبي صلى الله عليه وسلم ♥️

و البرنامج الجديد من سلسلة برامج النسر هيثم 🦅

(((... هيثم ومكارم الأخلاق...)))

........... 🦅🏕️ 🩵..............

فكونوا على أقرب ما يكون...

🤍 ربنا عليك توكلنا وإليك أنبنا وإليك المصير.

#معلمةصفاء 🦅
🌻
🦅🏕️

شوية حاجات تعمليها وتاخدي بالك منها قبل صلاة العيد 🎉😁😍💌:

🎈 فرحي العيال الفرحة شعيرة في اليوم ده..

🎈 حضري اللبس من النهاردة وخليهم يشوفوه وصوروه واكتبوا على الصورة التاريخ..

🎈 متفضليش تنظفي لحد ما تروح كل طاقتك ويضيع العيد في النوم والإرهاق..

🎈 احرصي تنزلوا الصلاة من بدري عشان الزحام.. وأهي فرصة تكبروا مع المكبرين..

🎈 احذري الصفوف المختلطة ستات ورجالة والصلاة اللي مليانة أخطاء دي..

🎈 اعملي توزيعات العيد الليلة دي واملي البيت بهجة..

🎈 الأهم من العيدية واللبس الجديد للولاد.. هو الوش المفرود. والضحكة المنورة.. والروح الحلوة 🍥

🎈 حضري ألعاب جماعية تلعبوها.. هتكون بهجة كبيرة ليكم..

🎈 مهما كنتِ زعلانة أو تعبانة.. مش هتكوني أكتر من أهل غ..... ز... 👀.. وادعي لهم يفرحوا هما كمان..

🎈 استمري على طاعاتك بعد رمضان..

ورد القرآن
صلة الأرحام
الصدقة
١٢ ركعة سنن يوميا يا تخليهم سنن رواتب يا تخليهم سنن وقيام
الصلاة على النبي صلى الله عليه وسلم ♥️

🎈 املي البيت تكبيرات بصوتك وصوت ولادك..

🎈 افردي وشك 👀😁 يوم واحد بس لله..

🎈 خللي الولاد يتصلوا بنفسهم بالقرايب من الليلة عشان يتعودوا على صلة الرحم والآداب دي.. مش كفاية إنتِ بس أو والدهم..

🎈 بالوانات بالونات في كل مكان..

🎈 صالحي المتخاصمين في عيلتكم..

🎈 استمتعوا بنعمة الإفطار ففيها فرحة زي ما رسول الله صلى الله عليه وسلم ♥️ قال لنا.. للصائم فرحتان.. 😊♥️

🎈 احرصي على فرحة بدون معاصي ولا ذنوب.. وبدون غيبة أو نميمة.. عملتي مجهود كبير في رمضان.. فحافظي عليه..

🎈 تاني إحنا مش بنفرح عشان رمضان خلص.. إحنا بنفرح بحضور شعيرة..

🎈 اللبس الجديد مش لازم كله يكون جديد.. هاتي اللي تقدري عليه. وهو سنة كرمز إنك خارجة من رمضان بقلب جديد وبثوب لم يُعص الله فيه من قبل.

🎈 فرحي نفسك بأي حاجة تحبيها.. إنتِ تستاهلي تفرحي يا جميلة ♥️ 😊

#معلمةصفاء 🦅
🌻

أبسط التفاسير للأطفال :
❄️ ❄️ ❄️ ❄️ ❄️

(الفاتحة)

🌸 بسم الله = هبدأ بإسمك يا الله.

🌸الرحمن الرحيم = إنت رحيم بكل الكون اللي بيسمع كلامك واللي مبيسمعش الكلام.

🌸الحمد لله = شكراً ليك يارب على كل حاجة لإن كل حاجة جميلة إنت اللي عملتها.

🌸رب العالمين = إنت بتربي كل العالم اللي بنشوفه واللي مش بنشوفه وبترعاهم وبتديهم حاجات حلوة.

🌸الرحمن الرحيم = تاني يارب بتقولي إنك تتصف بالرحمة بالكل اللي بيسمع الكلام واللي مبيسمعوش.

🌸مالك يوم الدين = أنا مطمن إنك بتملك أهم يوم في حياتنا.. يوم القيامة .. وكل اللي هيحصل فيه.. بتصرفك إنت.. فده شيء يطمني ياربي..

🌸إياك نعبد = وعشان كده مش هوجه العبادة لحد غيرك.. بقلبي أو بجسمي.

🌸وإياك نستعين = بس الحقيقة إني أضعف من إني أعرف أعمل ده لوحدي وبنفسي.. أنا مش هعرف أعمل كده من غير ما تساعدني 🙁

🌸اهدنا الصراط المستقيم = طب ساعدني.. ساعدني أمشي صح في الطريق ليك.
الطريق اللي صح فعلا وبتحبه..

🌸صراط الذين أنعمت عليهم = الطريق ده بأه.. طريق اللي إنت إديتهم نعمة رؤية الطريق الصح وكمان المشي فيه.. نعمة التوحيد والإسلام بجد.

🌸غير المغضوب عليهم = مش عايزك توديني لطريق اللي فاكرين إنهم صح.. بس الحقيقة إنك غضبت عليهم غضب شديد.. وهما مش دريانين..
وده عشان غيروا كلامك لما معجبهمش وحاربوا الأنبياء والطيبين وصاحبوا الشيطان الشرير..

🌸ولا الضالين = ولا توديني لطريق اللي فاكرين إنهم صح وهما غلط ❌ وبيقولوا كلام لا يليق عنك... وبيقولوا عندك إبن وإنت معندكش بن ياربي..
إنت واحد أحد..
بس هما مش حاسين..

#معلمةصفاء 🦅
🌻

ماما.. أنا بحبكم أكتر من ربنا.. ‼️

كلمة تخض.. صح.. ⁉️

وممكن تخليكي كأم تتنفضي عشان تغلّطي طفلك ،،
وتقولي له.. لأ.. مينفعش تحبني أكتر من ربنا.. 🙁

بس تعالي هنا أقولك حاجة مهمة..

⚠️على مهلك عليه شوية :
~~~~~~~~~~~~~

🚩أولاً : كلامه ده معناه إنكم نجحتم كأسرة في إشعاره بالحماية والحب والأمان.. 💗

🚩ثانياً : الطفل ولحد قبل البلوغ.. إحساسه بالغيب غيرنا خالص..
عالم الشهادة وما تدركه الحواس الخمس،، هو ده اللي بيطمنه ويقدر يستوعبه ،،

وهيزيد إحساسه بالغيب بمرور الوقت.. ومع نموه واقتراب البلوغ..
بس المهم يبقى غيب يحبه وينميه ويخدم علاقته بربه 🤍

. مش غيبيات خرافات 👾 ووحوش وقصص الأساطير والأنمي.. إلخ

🚩ثالثاً : إسألي نفسك.. هو أنا فعلاً عرّفته كويس على ربنا عشان يحبه.. وألومه إنه بيحبنا أكتر.. ⁉️🥹

في برنامج العقيدة حكاية النسر هيثم وأركان الإيمان 🦅 🗻 لتعليم العقيدة للأطفال أقدر أقولك إنك هتقدري بإذن الله تعالى تقدمي المعرفة الأولية دي للطفل والناشئ..

اللي من خلالها يقدر يفهم شوية الغيب..

ويبتدي يحب ربنا بعلم متدرج متناسب مع حبه للقصص والحكايات... 🎯📖📚

معرفة تدوم.. وبحب.. 🩵

⚡ راسلينا عشان تعرفي العروض المتاحة بمناسبة عيد الفطر المبارك 🪻 😊 🎉🎊

وقدّمي لطفلك.. عالم الغيب بفهم وحب وتدرّج..

وكل عام وأنتم في محبة الله ورعايته.. 🌹

#معلمةصفاء 🦅
🌻

الصخب..
آفة هذا العصر..
تداخل الأصوات والصور..
الآلام والأحلام..
صار الإرهاق مضاعفاً..
على الصغير والكبير على حد سواء..

الصخب يكتنف كل شيئ..
من النادر جداً..
أن تنعم بالهدوء..
الصخب صار يكتنف العلاقات أيضاً..

حتى حين تعتزل الناس..
يبقى عقلك مرتفع الصوت..
متداخل الأصوات..
مُرهِقٌ.. مُرهَق..
لا تكاد تنعم بلحظات صمت حقيقية..
حتى يداهمك القلق..
فالقلق صخب من نوع آخر..

إذن..
فمن النعم الحقيقية أن تختلي بنفسك في مكان يعينك على الهدوء والراحة والابتعاد عن تلك المعارك التي لا تهدأ..

وإذن أيضاً..
تفهم هنا النساء هذا المعنى تحديداً
لأنهن بحاجة شديدة إليه..
حين تمتلأ حياتها بالأحداث المتعاقبة..

والصخب المُرهق..
تعلم أن موئلها وراحتها لابد وأن تكون حقيقية خالية من الصخب..

ولا تكاد تقرأ هذا النعيم الذي أعده الله للسيدة خديجة رضي الله عنها وأرضاها..

حتى تفهم حاجة النساء..

وفطرتهن الطبيعية في وفرة الهدوء..

الذي يخرج أفضل ما فيهنّ..

- أَتَى جبريلُ النبيَّ صلَّى اللهُ عليهِ وسلَّمَ فقالَ بَشِّرْ خديجةَ ببيتٍ في الجنةِ من قصبٍ لا صَخَبَ فيهِ ولا نَصَبَ

والقصب هو اللؤلؤ
والنصب هو التعب..
أما الصخب..
فهو ما ذكرناه..

فاللهم بيوتا بلا نصب ولا صخب مزعج..

موفورة العاطفة والألفة..

كلام أفرداها وداً وضحكاً وهوناً..

لا صراخ فيها ولا نزاع ولا رهقاً.. 🤲

#معلمةصفاء 🦅
🌻

أيوه أنا بقولك اعذري نفسك واحتسبي عملك المنزلي طول رمضان..
لكن آن الأوان نشد العزم شوية بأه..

ونركن أي حاجة مش ضرورية حالياً
وتكون الأولوية للعبادة..

مهرجان بهجة أول رمضان انتهى.. مندخلش بأه في مهرجان التنظيف والشرا لحاجات العيد..

ومنعرفش نركز خالص في العبادة.. ‼️

إن مكنتيش هتغصبي على نفسك دلوقتي وتطلبي منهم تعتزليهم شوية وبهدوء من غير خناقات..
هتطلبي إمتى ؟!

وتقدري تقولي لهم شاركوني.. أو قلدوني.. أو سيبوني وده هيساعدني أكون مبسوطة أكتر معاكم بعد كده..

لكن نفضل على نفس الحال مينفعش..

ورددي اللهم أعني على ذكرك وشكرك وحسن عباداتك.. 🤲 💓

#معلمةصفاء 🦅
🌻