مات من أجلك

لانه ونحن بعد خطاه مات المسيح لاجلنا.
روميه 5:5

قدوس الله قدوس القوى قدوس الحى الذى لا يموت ابانا السماوى
احساس غريب سلام عجيب فيض من الحب بيجرى جوانا يشكل رهيب
ميكنش دى النعمه ميكنش دة مجدك المجيد نعم يارب ممجد انت يارب وممجد اسمك فلنمجد اسمك الى الابد يارب

22/08/2016

كل سنه وانتم طيبين

04/04/2016

وراجعلك يايسوع بعنين مليانه
دموع وقلب كله خشوع
سامحنى سامحنى يا يسوع

04/04/2016

03/04/2016

الكاهن العبيط
في احدى البلاد .. كان فيه كاهن كل لما يروح كنيسة , الكهنة يضايقوا من طريقة خدمته ويمشوه ,,
تصرفاته كانت غريبة جدا .. لدرجة ان الاهالي لقبوه بـ " الكاهن العبيط "
سُمعة الكاهن ده فضلت تنتشر من كنيسة لكنيسة لحد ما في أخر الأمر الموضوع وصل للأسقف المسؤل عن الإيبراشية كلها
وكل الكهنة اللي خدموا معاه بدأوا يشتكوه للأسقف عن كل افعاله واقتراحاته اللي عايز يطبقها وينفذها في الكنيسة
الأسقف مسمعش الكلام علي طول وصدقه .. لأن مهما كانت قداسة البشر .. ممكن دون قصد ( أو بقصد ) يذيدوا من صورة المشهد او يضيفوا اللي يخدم رغبتهم
راح وداه قرية بعيده جدا يخدم فيها مع كاهن عجوز
الكاهن العجوز ده لما كبر في السن وبدأ مجهوده ونشاطه يقلوا .. كتير من الأهالي بدات تلتزم البيوت ويبعدوا عن ربنا
وبعد شهر من الخدمة قرر الأسقف انه يعمل زيارة مفاجأة مع صُحبة من الكهنة اللي كانوا رافضينوا
ولما وصلوا اتفاجئوا بمنظر غريب .. يأكد ان مش هدفه توصيل رسالة ربنا ..
لقوا مجموعة شباب بتلعب كورة في حوش الكنيسة ومجموعة تانيه بتتفرج علي شاشة عرض كبيرة كانت محطوطه ومجموعة تالته بترسم ومجموعة رابعه بتلعب موسيقى ومجموعة خامسة بتشتغل تريكوه ومجموعات تانيه كتير بأنشطة مختلفه
صاح الأسقف وقاله ..
هي دي الخدمة اللي أمنتك عليها !!
هي دي القرية اللي طلبت منك تخدمها !!
هي دي المساعدة اللي بتقدمها مع الكاهن العجوز
هي دي كلمة المنفعه اللي انت مسؤل توصلها ..
وبص للكاهن العجوز وقاله .. هرسم ليك كاهن من شباب القرية المقربين للربنا يساعدك في خدمتك
وهنا بدأ الكاهن العجوز يتكلم ..
قاله تعرف ان الحوش ده مفيش رجل داست فيه من 30 يوم ؟؟
تعرف ان اثار الرجلين الوحيدة اللي كانت بتطبع علي ترابه هي اثار رجلين العصافير ..
تعرف ان الناس كانت بدأت تنسى ربنا وكل واحد بدأ ينشغل في حياته
العبيط اللي بتقولوا عليه ده .. فات علي بيت بيت
عرف كل واحد بيحب ايه .. وقرر يوفرهوله
عرف كل واحد نفسه يتعلم ايه .. وقرر يعلمهوله
عرف كل عين نفسها تشوف ايه .. وقرر يوريهالها
وبين كل ربع ساعه .. كان بيتكلم خمس دقايق عن ربنا
انتوا حكمتوا علي الربع ساعه اللي شوفتوها .. وتجاهلتوا الخمس دقايق اللي مسمعتوهاش ..
وكمل كلامه وقال ..
المريض لو شرب ازازة الدوا مرة واحدة يموت ..
علشان كده بياخده على فترات ..
ولكل قدرة تحمل .. دواها الموصوف
هو عرف يديلهم جرعة الدوا بشويش ..
والناس مبقتش بتيجي الساعتين بتوع يوم الجمعه بس ..
بالعكس .. بقوا بيجوا كل يوم ..
لما نتكلم عن ربنا لمدة عشر دقايق لـ 500 شاب
احسن بكتير من اننا نتكلم عنه ساعتين لخمسه بس

03/04/2016

احد السامريه

16/02/2015

كنيسة الشهداء إهداء إلى أرواح الواحد وعشرين شهيد الذين ذُبحوا في ليبيا على يد داعش كنيسة الشهداء كنيسة الشهداء إهداء إلى أرواح الواحد وعشرين شهيد الذين ذُبِحوا في ليبيا على يد داعش فقط لأنهم مسيحيين ! كلمات الشاعر رمزي بشاره ألحان : سامح عب...

16/02/2015

ذنبى انى هربت من فقرك انى اموت رايح اكل عيش ارجع جثة فى تابوت علشان انا مسيحى فى كل مكان منداس بس ليا الفخر وعلى العين والراس دمى سال فى ارض غريبة يا امى كفاية بلاش تبكى يا حتة منى انا رايح على الفردوس من التعب ارتاح سبت مصر بلدى والترحال والكفاح فى حضن حبيبى يسوع اعيش متهنى انا شهيد فى سماه بهتف واغنى كفاية يا امى بكاء ونواح وعويل افرحى انا شهيد واشوف وشك بخير عايش مع القديسين والشهداء والابرار سبت دنيا التعب والشقاء والمرار
# مع تحياتى الشاعر ابراهيم شفيق

تعليقا على ذبح 21 مصرى مسيحى فى ليبيا على يد تنظيم داعش الارهابى

07/02/2015

حكاية الكساسبة المصرى ... الشهيد بولا منصور فوزى

الولد الجميل اللى فالصورة ده اسمه بولا ... بولا منصور فوزى من حتة فى المنوفية اسمها بركة السبع , كتير مننا الاسم مر عليه و متوقفش قدامه كتير وطبيعى لانها منطقة من الاف المناطق المليانة بالناس العادية اللى مالهمش فى صراعات السياسة والحكم والاعلام و مشاكل الدولار ومين عمل ايه وبولا ده زيهم وقصته متختلفش عنهم فى اى شئ
هو ابن لاسرة لم تنجب الا هو واخته بارثينوس اصغر منه و ابوه الاستاذ منصور فوزى خريج زراعة و زي كتير فى منطقته وكتير من المصريين اصيب بالفشل الكلوى من سنين طويلة خلته يشتغل عشان بالكاد يكفى بيته ويعيش مستور و هو راجل مليان سلام ومحبة وشاكر ربنا
عم منصور كان بيشوف بولا بيكبر قدامه والامل فى الحياة بيكبر معاه ... بولا بيتنقل من ابتدائى لاعدادى و ثانوى فندقى
بولا خلص وربنا كرمه واشتغل وهيساعد اسرته ... هو اشتغل عامل فى كنتاكى بس مش وحش اهو اى شغل يسند على وحش المصاريف والحياة

بولا عنده 18 سنة زي اى حد من اخوتنا او ولادنا فالسن ده بيحب يخرج ويتفسح مع اصحابه "اسلام" هو اقرب اصحابه وبيكونوا مبسوطين جدا لما يرتبوا خروجه حلوة
بولا ابوه وامه ربوه فالكنيسة و بقى شماس جميل وبيخدم اخواته و اتعلم يحب كل الناس وميفرقش بين الناس

فى يوم 5 فبراير 2015 بولا كان فشغله فى فرع كنتاكى فى قويسنا " الموجود على الطريق الزراعى" و هو جوه المحل عدى موتوسيكل قدامهم وضرب نار فكل الناس ارتبكت جدا واللى قدر يجرى واللى مقدرش يخرج من المحل
كانت مجموعة بتسمى نفسها العقاب الثورى "ميليشيا تابعة لجماعة الاخوان" قررت تحرق فرع كنتاكى ده بحجة ان كنتاكى بيمول السيسى وانهم ضد اى حد بيمول لانقلاب
بولا مقدرش يخرج من المحل و الارهابين ضربوا المحل بزجاجات المولتوف والمحل كله اتحرق وجواه بولا
جثمان بولا اتفحم ... الولد الجميل ده اتفحم
مش بقولك قارنه بمعاذ الكساسبة ومش بقولك قارنه باى حد له صوت عالى فى البلد ومش هقولك اى شئ غير ان امل اسرة اتحطم
حياة اسرة بحالها اتحرقت .... بولا مش هياخد ضجة زي الكساسبة لان عيلته مش كبيرة ومنطقته زي الالف المناطق اللى مليانة ناس الحكومة نفسها متشفهمش لان منظرهم بيأذى عين المسئولين
انا بس بقولك ... ان فى وردة اتحرقت , سمعت عنها ؟

وداعا الشهيد بولا منصور فوزى "18 سنة" ابن بركة السبع منوفية
فى 5 فبراير 2015