صحينــــــــى. شكـــــراً. محبي صلاة الفجر

صباح الخير و البركة و النصر على المرابطين المنصورين القائمين على الحق ظاهرين 💪💪
و صباح الز*فت و الكرب و البلاء على الخنا*زير و اللي معاهم 😐

للي عاوز يتعلم لغة :)

في “Eco-Courses” في اهتمام خاص و كبير جداً بالأطفال 👧👦.. لأن أطفالنا هم نواة لكل أعمالنا الجاية .. في “Eco” اهتمينا بالجانب السلوكي و الجانب العلمي للطفل .. علشان كدة قسمنا المجموعات لفئات عمرية الفئة الأولى 5-9 سنوات و الفئة التانية 10-14 سنة و عملنا برنامج تدريب خاص للأطفال يعلمهم اللغة و أساسيتها لأننا مؤمنين إن اللغة هي السلاح الأهم في التطور, كورس الانجليزي 🇺🇸️🇺🇸️🇺🇸️ للأطفال في أهم حاجة فيه إنه tailored يعني متفصل لأطفالنا .. إحنا طورنا منهج خاص للأطفال تكون أهم مخرجاته هي إن بنهاية الكورس الطفل يقدر:
☑ يعبر عن أفكاره بسهولة بالانجليزي.
☑ يقدم نفسه و اصحابه و يتكلم عن أسرته و حياته بالإنجليزي.
☑ يكسر الحاجز ⚡اللي بينه و بين اللغة من خلال طرق تدريس مسلية و مبهجة للأطفال 🎈🎉🎊
☑ يستعد للدراسة الجاية و يجاري المادة اللي هياخدها في المدرسة و ما تكونش جديدة عليه.
☑ يتعلم إزاي يتعامل في بيئة حقيقية باللغة الانجليزية.
☑ يكتسب مهارات التحدث و التعامل مع الآخرين سواء في لغته الأم أو في لغة جديدة.
☑ يعيش و يتعامل مع مواقف حقيقية هتتعمل مخصوص ليه يستخدم فيها اللغة.
☑ يقبل و يرفض و يشرح و يستفهم و يبيع و يشتري و يفاصل كمان لو عاوز 😃
الكورس بتاعنا أهم حاجة فيه التفاعل و مشاركة الأطفال و ده احنا بنوصلهم ليه بطرق تدريس سهلة و بسطية و مدروسة بدون عقد ولا كلاكيع 🤗
الكورس عبارة عن 3 أسابيع، 3 محاضرات أسبوعياً كل محاضرة ساعتين متضمنة الأنشطة و كــــــــــل ده سعره 💲💲250 جنيه بس و فيه كمان خصم خاص للإخوات و كمان فيه مواعيد مرنة صباحية و مسائية.
احجز دلوقتي لأن العدد محدود جداً
01066203553 📲
01145735353📱
المجاورة السادسة - بجوار مدرسة العلا

أفضل مكان لكورسات الانجليزي في (العاشر من رمضان) مع Eco Courses احنا ملتزمين بتطويرك :)

Eco Courses eco courses is a leading academy that delivers English and soft skills course to adults and young learners as well. we're committed to develop your future.

من وأنا صغيرة وأنا بسمع نصائح عن الصلاة من أيام حضانة وابتدائي ..❤

وألاقي بابا وماما يقولوا لي صلي عشان ربنا يكرمك .. والمدرس في الفصل يقول صلي عشان تبقى ناجحة في الدراسة ولو مصليتيش هتدخلي النار وعذاب القبر دا غير عذاب الآخرة … «يعني، كلها كانت أسباب أصلّي ليه .. لكن عمر ما وصل لي معنى الصلاة نفسها»

أنا مليش دعوة بقى بكل الكلام اللي أنت شفته دا أنا هتكلم بوجهة نظر تانية ✌ .. أنت عشان تعمل أي حاجة في الدنيا وتستفيد منها وتستمتع بيها محتاج إيه ؟

محتاج حاجتين :
١- معلومات عن الحاجة دي.
٢- وجهة نظرك في الحاجة دي.

أصلًا أنت شايف الصلاة ازاي؟ .. في ناس شيفاها مجرد حركات روتينية كل اللي عليه يفضل طالع نازل ويركع ويسجد بس بلا روح !.. وفي ناس شيفاها مجرد أداء واجب .. وناس شيفاها همّ مش بعرف أنام إلا لما أخلص منه .. وناس شيفاها إتقاء من غضب الله فَـ بتروح تصلي

أنت بقى شايفها ازاي ؟!

استنى قبل ما تجاوب على سؤالي .. أنت من زمان بردو بتسمع الجملة دي «الصـلاة عمـاد الديـن» .. صح؟

نتخيل دلوقتي أنا و واحدة صاحبتي صحاب من زمان ، وأنا ف مرّة رُحت أزورها ف بيتها قمت كاسرة لمبة 👀!! هتزعل مني شوية لكن بعد كدا هنتصالح .. وجيت مرة تانية كسرت مراية !! هنتخانق شوية بردو بس هنتصالح في الآخر ✋

وجيت مرة كمان وقّعت الفاظة اتكسرت !! هنمسك ف بعض 😂 بس هنتصالح بردو في الآخر .. لكن تعالى كدا تخيل إني رُحت لها البيت وفضلت أكسّر في الأعمدة الأساسية بتاعت البيت اللي هي شايلة البيت أصلًا ! ، هي مش بعيد تموتني فيها عشان أنا كدا خلاص بوصلها لنهايتها ..!

هي دي الصلاة بالظبط زي عمود البيت .. لو وقع واتهد ، هنقع معاه وتتهد كل حاجة كويسة ف حياتنا ، وعلاقتنا بربنا بجد هتتدمر. "(

« إنّ الصلاةَ تنهَى عن الفحشاءِ والمُنكر » لو قطعناها من حياتنا وماخُفناش نهدّها ، مش هنخاف نعمل أي حاجة غلط بعد كدا ومش هيكون في سبب يخلينا ننتهي عن أي حاجة غلط بنعملها

نرجع للسؤال اللي سألته فوق بقى .. أنت دلوقتي شايف الصلاة ازاي؟ .. شايفها مجرد برواز أو مراية اتكسرت تقدر تكون مستغني عنها 👋؟ ولا شايفها عمود من أعمدة البيت *الأساسية* ؟!

وجهة نظرك للصلاة هي اللي هتحدد قرارك في إنك تبدأ تصلي لأنها عمود وأساس دينك وبدونها هيتهدم ..

كمان حاجة ،، كلنا مسلمين الحمد لله ❤✊ والصلاة فرض على كل مسلم .. وبما إننا وافقنا نكون مسلمين ، إذًا احنا مُسلّمين نفسنا لربنا ولأوامره وموافقين عليها .. يبقى مفيش أي حاجة تمنع الصلاة خالص ☺ وما دام فينا روح لازم نصلي

وفي الآخر عايزة أركز في الحديث القدسي دا أوي .. ربنا عز وجل قال : «…وإن تقرب إليّ بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة»

بمعنى ، إنّ ربنا بالخير إلي عباده أَجوَد .. ومَن أتى شيئًا من الطاعات ولو قليلًا كان الله أسرع إليه بالخير والكرم والجُود ❤😌
--------------
تشتاقُ أن تلقى وجوهًا للناس مِن جارٍ وخِلِّ
وتغيبُ عن لُقيَى مَليكٍ هو صاحبُ الوجهِ الأَجَلِّ 🌼💚

ًّا_فهدى

عـاارف! 😍
سيدنا علي بن أبي طالب بيقول، أول ما ندخل الجنة -جميعا بإذن الله✋😍- هتلاقي شجرة كبيـرة ساقها من ذهب .. جنبها عَينان تجريان ،

أول عين هنشرب منها فَـ يذهب الأذى الذي فـي بطوننا .. والثانية هنروح نتطيّب منهـا فَـ تظهر علينا نضرة النعيم ^^ .. نضرة النعيم يعني أثـر النعيم و عِز الجنة ﴿تَعرِفُ في وُجوهِهِم نَضرَةَ النَّعيمِ﴾ 🌸

وأول ما تخلّص شُـرب من النهر تلاقي "الوِلدان المُخلَّدون" ياخدوكي من ايدك وياخدوك من ايدك عشان يوصّلوك بيتك 💚 .. وأول مـا تدخل تقول ﴿وَقالُوا الحَمدُ لِلَّهِ الَّذي هَدانا لِهذا وَما كُنّا لِنَهتَدِيَ لَولا أَن هَدانَا اللَّهُ﴾

دول اللي هيدخلوا الجنة، اللي النبي قال عنهم (وجوههم على صورة القمـر لَيلة البدر) ❤ .. بلاش نستبعد إننا نكون أول الناس اللي هتدخل ورا النبي (ﷺ) !

بس تعيش عيشة الأوائل 👌💪 .. تعيش عيشة اللي بيصلي فـي الصف الأول (إنّ الله وملائكته يصلّون على الصف الأول) .. تتحجبي أول واحدة ف الشلّة ، تكوني الأولى متخافيش✊ شجعي نفسك وغيرك ما تستنيش اللي يشجعك ♥

خُد/ي أصحابك معاك و روحوا جمعية خيريّة وخليك سبّاق فـي الخير سريع لطاعة الله 🌼
خليك أنت أو أنتِ لما الأذان يأذن في البيت تجمع أهلك وتصلّوا ..

- و أول ما ندخل الجنة تُذبَح ذبيحة .. النبي قال كدا (ﷺ) .. قال: "يُنحَر لهم ثَورٌ كان يأكل من أطراف الجنة" 🌼💚
متخيّل!😍 لأ بجد متخيل؟ .. ربنا يفرح بيك وبباقي أهل الجنة فَـ يأمر بذبح ذبيحة مخصوص لنا! (لنا بإذن الله♥)

ولما سُئِل النبي عن شرابنا فيها، قال: "مِن عَين فيها تُسَمَّى سلسبيلًا" .. أَبشِـر 🙈 قرّبت والله .. بس عيش وأنت فاكر الجنة .. عيشي وأنتِ دايما دايما الجنة أغلى عليكِ من كل الدنيا وما فيها, وموضاتها وكل زينتها الفانية ✋؛

عشان نعرف نضحِّي بالحرام اللي بيتعرض علينا والحاجات اللي ممكن تغضب ربنا سبحانه وتعالى .. نستمتع بالدنيا آه لأن ربنا يحب يشوفنا فرحانين^^ لكن وهو سبحانه راضي عنّا .. اسمتع بالدنيا، بس داخل إطار رضا ربنا، اوعى تخرج منه 💪😍

الله يجعلنا مِن وَرَثَة جنّة النعيِـم
ًّا_فهدى

و نقول مستعينين بالله و يا رب من القلب للقلب .. الكلمة النهاردة للشباب .. الشباب أوي .. من أول 11 سنة و طااااالع من غير سقف .. الكلمة النهاردة هتوجع .. فخد بالك
أنا عمري ما حسيت بأبوة أبويا غير لما بقيت أب .. و دي قلة أدب مني .. عمري ما حسيت قد ايه أبويا جبل .. و عظيييييييييم إلا أما أنا بقيت أب .. و كل ما أولادي بيكبروا بأحس بابويا أكتر و اكتر
الأولاد عمرهم ما بيشوفوا الأب و عظمة الأب .. عمرهم ما بيلاحظوا الوجع اللي بيتحفر في ملامحه سنة ورا سنة .. عمرهم ما بيشوفوا عمره اللي بيتسرسب منه سنة ورا سنة علشان يديهم هم اعمارهم ... عمرهم ما بيسمعوا أنين دماغه بالليل و هو بيفكر فيهم .. في مستقبلهم .. في حاضرهم .. عمرهم ما بيعيشوا الهلع اللي هو بيعيشه لما حد فيهم بيغيب عن معاده دقيقة ولا يحصله حاجة ولا (((((احتمال))))) إن يحصله حاجة
الأب هو الجبل الصامت في البيت .. والله جبل .. صامت و منكر .. أحياناً ينظر ليه على إنه الكيان اللي مش عارف (أصله كبير - أصله مش فاهمني - أصله مش في البيت طول الوقت فمش قاريني) لا والله هو فاهمك و قاريك و فاهم كل اللي حواليك و اللي بيدور في دماغك
من سن سنة كدة لحد ما تكبر/ تكبري و تبقى أب زيه عيالك يبدأوا يتكلموا .. خد مني بأة ....
عمرك ما هتحس بوجع أبوك عليك و هو بيفكر فيك و في سعادتك ليل نهار
عمرك ما هتحس بوجع أبوك و هو بيدور على شغل أحسن علشان ينقلك في مستوى أحسن
عمرك ما هتحس بوجع أبوك و هو بيحرم نفسه عشان يجبلك لعبة .. آه و الله ممكن يحرم نفسه من حاجة أساسية عشان يجبك لعبة وانت صغير .. و كتاب و انت كبير .. و بدلة و انت عريس .. لحد اللحظة دي إنت بتكون لسة مغيب مش فاهم
عمرك ما هتحس بوجع أبوك و هو خايف عليك .. و على إخواتك .. و اكبر مخاوفه على أمك
عمرك ما هتحسي بوجع أبوكي لما تليفونك بيتقفل او يفصل شحن و هو يبقى عامل زي المجنون و أول ما يشوفك يفرغ فيكي شحنته زي الآلي .. و انتي مش فاهمة فيه ايه
عمرك ما هتحس بحاجات كتير أوي أبوك بيعيشها بشكل يومي إلا أما تبقي أب انت كمان و تجرب
بص بأة .. الحق أبوك بأة .. الحقه قبل ما تصحي في يوم ما تلاقيهوش .. اتمرمغ في عزه .. اتمتع بامانه .. افرح بصحبته و ما تتكسفش منه ... الحق اسمع صوت أبوك كتير بدل ما في يوم تبطل تسمعه .. الحق اسمع كلام أبوك قبل ما تبطل تلاقيه بيقولك كلام .. الحق خد أبوك بالحضن قبل ما حضنه يوحشك .. الحق افرح بضحكة أبوك قبل ما تشتهي ضحكته و تفتكرها في صورة على موبايلك ...
آباااااااااؤكم يا جدعان .. و الله الأب ما بيتعوض :(
الكلام كتير و مش هيخلص .. ربنا يحفظلكم آبائكم و اللي أبوه مش معاه معلش يسامحني و ما يزعلش مني و ربنا يرحم آبائنا جميعاً أحياءاً و امواتاً.
للامانة و للرأي الآخر هنفرد الكلمة الجاية و نصايح للآباء تجاه اولادهم

كان في عابد في بني إسرائيل وكان في 3 اخوات ولاد وعندهم أخت .. الولاد كانوا مسافرين وقالوا مفيش حد أحسن من العابد دا يخلي باله من أختنا ..

الشيطان قعد يوسوس للعابد لحد ما زنا بيها وبعد كده حملت .. الشيطان جاله وقاله كده هتتفضح والناس هتقول العابد زنا !! انت تقتلها وتدفنها ولما اخواتها ييجوا قولهم ماتت ودفنتها وخلاص

اخواتها رجعوا والعابد قالهم دي ماتت .. الشيطان جالهم في المنام وقالهم اختكم العابد زنا بيها وقتلها ومدفونه عند شجره معينه .. راحوا فعلا لقوها هناك وراحوا واجهوا العابد

الشيطان جه للعابد وقاله بص انا اللي وقعتك في المشكله دي وانا اللي هخرجك منها بس بشرط انك تكفر بالله وتسجدلي .. الراجل سجد للشيطان وبعد كده اتقتل وهو ده كان سبب نزول الآية ( كَمَثَلِ الشَّيْطَانِ إِذْ قَالَ لِلإنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ )

ماتخليش الشيطان يضحك عليك مها كان الغلط فـ نظرك بسيط وهيعدّي !! .. بداية عبادة الأصنام كانت من ناس مؤمنين جدًا، كانت بسبب إن ( يغوث ويعوق ) "من قوم سيدنا نوح" كانوا صالحين أوي، ولما ماتوا .. الشيطان وسوس لأصحابهم إنهم يعملوا تماثيل عشان الصالحين دول مايتنسوش .. و كل ما أجيال جديدة تيجي، كل ما بينسوا أصل التماثيل دي أو الأصنام .. لحد ما خلوها وسيلة للتقرب من ربنا .. و بعدهم بقت آلهة (لا إله إلا الله يعني)

الجبل أصله رملة واحدة .. والبحر الكبيـــر أوووي دا أصله نقطة بسيطة جدًا .. زي ما الزنا اللي فوق دا👆 كان أصله نظرة أو غيره .. وعبادة الأصنام والشِرك بالله كان أصلهم تماثيل بسيطة لصالحين !

ماتخليش الشيطان يضحك عليك في الدنيا وفـ النهاية يقول لك: إِنِّي بَرِيءٌ مِنْك (: .. ماتخليهوش يلعب بيك

ًّا_فهدى ^^

السلام عليكم .. أصبحتم بخير
كنت امبارح في محاضرة جزى الله خيراً كل من كان سبباً في حضوري لها و جزى الله خيراً مقدمها .. المهم
المدرب عمل تمرين كدة قالك اكتب 50 أمنية في 4 دقائق .. طبعاً حتى لو الأمنيات جاهزة في دماغك الـ 4 دقائق مش كفاية تكتب 50 ملاحظة .. و لكن عموماً .. كتبت 35 أمنية .. لو نقحناهم ممكن يطلع منهم 3-4 مكررين .. الشاهد إن محدش خالص من حوالي حضور 50 شخص كتب .. اللهم الا بنت صغيرة كتبت أمنيات مكررة و غير واضحة و لكن تشجيعاً من المدرب كافأها على كتابتها ..
القصة إننا مش عارفين إحنا عاوزين ايه .. لما تقف و تبص وراك كدة في عمرك .. هتلاقي فراااااااااااغ .. عادي مش دي المصيبة .. المصيبة إن الفراغ ده ممتد للي جاي .. المصيبة إننا ما عرفناش احنا عاوزين ايه في اللي فات ولا عارفين اساساً إحنا عاوزين إيه في الجاي ..
الأمنيات مش هي إني أبقى أحسن واحد في الدنيا و إني أدخل الجنة و إني أحب بابا و ماما و أبلة هدى و خالتو صديقة .. تؤ تؤ .. الأمنيات هي اللي تخضع لقاعدة SMART الأمنيات هي اللي بيترسم بيها طريق ليك بيحدد الماضي و بيرسم المستقبل
الأمنيات هي اللي بتستعدل طريقك المعوج و اللي بتنور طريقك اللي جاي قدامك
الأمنيات هي اللي تغير فيك عادة سلبية و تخلهيا إيجابية .. الأمنية هي اللي تطور أدائك و تغير نظرتك لمعطيات حياتك.
و من باب نقل الخبرة .. إكتب كدة 50 أمنية في 5 دقايق .. و صورها و حطها في كومنت .. بس خليك أمين .. 5 دقايق

أي ذنب اتعمل .. ذنب كبيـــر أوي تتهز ليه السما .. ذنب كبير اتعمل بنعمة نزلت من عند ربنا سبحانه وتعالى عشان ربنا يقول لك أنا بحبك 👌😊 .. قمت انت أو أنا أخدنا النعمة دي وعصينا بيها ربنا سبحانه وتعالى 😣 .. وفـ ثواني .. ربنا يقول لك عن طريق النبي عليه الصلاة والسلام :
( ما مِن عبد يذنب ذنبًا، فيتطهر فيُحسِن الطهور ثم يقوم فيصلي ركعتين ثم يستغفر الله لذلك الذنب إلا غُفِر له ) ^^ 🌿
ـ
قدّ ايه الواحد ممكن يتجرّأ بالكلام دا على ربنا .. ويقول طب ما عادي لما أغلط وأرجع أصلي ركعتين ! ✋❌ .. لكن صدقني ☺ .. ربنا سبحانه وتعالى كريم وبيحبنا كلنا .. ورزقنا بالرحمة والمغفرة دي كلها لأسباب جميلة جدًا ❤
ـ
أولهم : لازم تترسّخ جوا قلوبنا فكرة انتظار المغفرة .. مش التَرَبُّص بالعقاب !
ربنا مش متربص لحد أول ما يغلط يقوم ربنا على طول ينتقم منه أو يعاقبه .. ربنا سبحانه وتعالى بيقول إنّ اللي في انتظارك أبواب المغفرة .. أبواب الرحمة .. أبواب الرضى .. أبواب العفو 😊 مش العقاب والانتقام !
( كَتَـبَ رَبُّكُـم عَلى نَفسِـهِ الرَّحمَـةَ ) ♥ .. الفكرة دي لما تترسخ 👌 الحب هيكبر أوي بينك وبين ربنا .. وهتعيش مطمن لربنا ما عندكش سوء ظن في الله ! .. إنما عندك دايمًا انتظار الخير من رب الخير سبحانه وتعالى 👐😍

ربنا علمنا إن ركعتين بســــاااااط جدًا يغفروا أكبر ذنب في الدنيا ؛ لأن ربنا بيحب المغفرة
♥♥
حاجة مهمة كمان .. عارف ربنا ليه يحبنا نصلي الركعتين دول ؟! .. عشان أكون حاسس بإني غلطت .. أنا ببشريّتي غلطت !! .. لكني جوا قلبي مليان بالإحساس بالتقصير والكسوف والحياء من الله .. فَـ دا اللي رجّعني لربنا ؛ لأني حسيت وقتها إني محتاج أخضع للي أغضبته عليّا

عشان كدا النبي قال اللي يذنب #فَـ يتوضأ .. و الفاء في اللغة العربية تفيد الترتيب والتعقيب .. يعني على طول .. بعد ما أغلط على طول أقوم أتوضى وأصلي 💙☺

سرعة الرجوع وعدم التسويف بيكونوا أكبر دليل على إننا مهما عملنا بردو بنحب ربنا وندمانين ( و زيّ ما قال سيدنا النبي إنّ الندم تَوبة ) ☺👌

ركعتين بعد ما نتوضى .. بسببهم ربنا يغفر لي ويغفر لك أي ذنب مهما كان كبير .. بس مانديش فُرصة للشيطان حتى لو كانت 0.1% (النسبة اللي ديتول مابيجيبهاش😂😂) إنه يخلينا نيأس أو نقول مش عارفين نقابل ربنا بعد الذنب !! طب ما ربنا هو اللي أمرنا بكدا 😃 !

توكل على الله وربنا هيكفيك ماتقلقش 👌☺

ًّا_فهدى