Anwar Resala Team. Heliopolis Branch فريق أنوار رسالة فرع مصر الجديدة

22/08/2026

من دفتر القبطان | اليوم السابع

كان فيه بحّار جديد على السفينة…

واقف قدام الحبل، بيحاول يتعلم يعقده، وكل مرة يحاول كان بيغلط.

واحد من الطاقم بص له وقال:

«هو مش عارف يعمل حاجة!»

القبطان سمعه، وبص للبحّار الجديد وقال:

«استنى… كل بحّار هنا كان له أول يوم.»

اللي النهارده بيعرف يقرأ الخريطة،
كان في يوم مش عارف يمسك البوصلة.

واللي النهارده ماسك الدفة بثقة،
كان في يوم محتاج حد يعلمه.

واللي سبقك بخطوات،
مش معناه إنك لازم تبدأ من نفس مكانه.

إدي لنفسك فرصة تتعلم…
وإدي غيرك فرصة يتعلم.

متتكسفش من إنك لسه مش عارف.

لأنك مش مطلوب منك تكون محترف من أول يوم…

المطلوب إنك تبدأ، وتتعلّم، وتكمل. ⚓️

ويمكن بعد فترة،
يبقى أنت الشخص اللي واقف جنب حد جديد وبيقوله:

«متقلقش… كل بحّار كان متدرّب في يوم.»

📖 صفحة جديدة من دفتر القبطان

22/08/2026

حاسس إنك عايز تعمل حاجة لها معنى؟ ✨

فيه إحساس مختلف لما تعرف إن وقتك ومجهودك…
كانوا سبب في حاجة كويسة حصلت.

مهمة خلصتها.
شخص ساعدته.
فكرة شاركت فيها.
أو حتى موقف صغير فرق مع حد.

كل ده بيقولك:
"أنا عملت حاجة مفيدة."

والإحساس ده مش مجرد فرحة لحظية 😇

ده إحساس بالإنجاز،
وبإن وجودك ومجهودك ليهم قيمة.

التطوع مش بس بينوّر حياة غيرك…
ده ممكن ينور حياتك من جوه. 🤍

22/08/2026

5 أسباب يخلوك تتطوع معانا في أنوار رسالة مصر الجديدة 🖐️

خمس أسباب يخلوك تتطوع معانا في فريق أنوار مدينة نصر، الرابعة ستبهرك🤚

١- لما بنتخانق بندس بعض بالاستيكرات والكثير من ال "هه"😆

٢- دائما مرتاحين البال عشان لسة الديدلاين مش بكرة (مبنعملش ديدلاين)😌

٣- دمنا تقيل بشكللل بس وقت الجد بنهزر كتير🤩
٤- بنقعد نخطط نخطط نخطط نخطط🤏

٥- لما بتحصل مشكلة مع حد فينا بنجري نلحقه نشوفه عمل التاسك الي عليه ولا لسة🤗

لينك الفورم لو لسة عايز تتطوع يعني😂🤍: https://docs.google.com/forms/d/e/1FAIpQLSdYL1L1WmLaK9bI8Sl9RJX99XQBmoMDXvbYoJI_5xUXILqq-g/viewform?usp=header

21/08/2026

من دفتر القبطان | اليوم السادس

النهارده القبطان أخد قرار غلط…

والطريق اللي اختاره طلع مش هو الطريق الصح.

بص على الخريطة، واكتشف إن السفينة خرجت عن مسارها.

للحظة، ممكن تحس إن الرحلة ضاعت…

بس البحر علّمه حاجة مهمة:

الغلط مش هو اللي بيوقف الرحلة…
اللي بيوقفها إنك تفضل واقف عند الغلط.

راجع اللي حصل، عرف إيه اللي غلط، صحّح المسار… وكمل.

وده اللي بيحصل معانا في الحياة.

ممكن تجرب حاجة وتفشل،
تتعلم مهارة وتكتشف إنها مش مناسبة ليك،
تقدم على فرصة ومتتقبلش،
أو تاخد قرار وتكتشف بعده إنك كنت محتاج تعرف أكتر.

ده مش معناه إنك مش شاطر.
ده معناه إنك لسه بتتعلم الطريق.

كل غلطة ممكن تديك معلومة جديدة عن نفسك، وعن الطريق، وعن المحاولة الجاية.

مش مطلوب منك تكون صح من أول مرة…
المطلوب إنك تعرف تعدّل مسارك لما تكتشف إنك غلطت. ⚓️

📖 صفحة جديدة من دفتر القبطان…

إيه غلطة عملتها قبل كده، واتعلمت منها حاجة لحد النهاردة

20/08/2026

من دفتر القبطان | اليوم الخامس

النهارده حصل عطل في جزء من السفينة.
القبطان نادى:

«محتاج حد يساعدني»

واحد رد:
«مش دوري»

والتاني قال:
«أنا معرفش المشكلة دي مسؤوليتي ولا لأ»

والتالت بص حواليه مستني حد تاني يتحرك.

المشكلة فضلت مكانها…
لحد ما واحد من الطاقم قرر يقوم ويساعد.

هو مش القبطان،
ومش هو المسؤول عن الجزء ده،
ومحدش طلب منه تحديدًا إنه يعمل حاجة.

بس هو كان يقدر يساعد… فساعد.

وده الفرق بين إنك تكون مجرد شخص موجود في المكان،
وإنك تكون جزء من المكان.

في حياتنا بنشوف مشاكل كتير ونقول:
مش شغلتي
مش مسؤوليتي
أكيد حد غيري هيعملها

بس الحقيقة إن مش لازم تكون مسؤول عن المشكلة علشان تكون جزء من حلها.

عندك معلومة تقدر تعلمها لحد؟
علّمه.

عندك مهارة تقدر تستخدمها؟
استخدمها.

عندك وقت تقدر تديه لحد محتاجه؟
اديه.

شايف حاجة محتاجة تتصلح وتقدر تساعد؟
اتحرك.

لأن السفينة مش هتتحرك بالناس اللي مستنية دورها ييجي…

هتتحرك بالناس اللي لما شافوا إن فيه حاجة محتاجة تتعمل، قرروا يعملوها. ⚓️

وده بالظبط معنى إنك تكون متطوع.
مش إنك تعمل كل حاجة…

لكن إنك تستخدم اللي عندك علشان تعمل فرق في حياة غيرك.

📖 صفحة جديدة من دفتر القبطان…

فالمرة الجاية اللي تقول فيها «مش دوري»
اسأل نفسك الأول:
طب لو أنا أقدر أساعد… ليه مستني حد تاني

20/08/2026

شغف التعلم هو أول خطوة في طريق النجاح! 💡

بنبارك لكل الأبطال اللي شاركوا معانا وحضروا كورس الـ Soft Skills وتخطوا خطوة جديدة في تطوير مهاراتهم الشحصية والعملية. 🥳✨

شغفكم وتفاعلكم طوال الكورس هو اللي خلى اللقاء مميز ، والشهادات دي هي مجرد بداية لرحلة نجاح كبيرة جاية.

شاركونا في التعليقات أكتر مهارة طلعتوا بيها من الكورس واستفدتوا منها؟ 👇

19/08/2026

💣 حاسس إن كلامك مع ابنك بقى زي المشي في حقل ألغام؟

كل كلمة بحساب، وكل نصيحة بتقلب بخناقة.. والباب المقفول بيوسع المسافة بينكم كل يوم!

الواقع إن السن ده مش محتاج زعيق ولا شد وجذب، محتاج بس نفهم "الدماغ دي بتفكر إزاي" عشان نفتح الباب المقفول صح وترجعوا أصحاب من تاني.

في كورس "تربية المراهقين" مع د. سلوى خيري، هنعرف الخطوات العملية اللي ترجع الهدوء لبيتك وبني بينكم لغة حوار حقيقية.

🚨 الأماكن محدودة جداً وبدأت تتحدد!

👇 الحق مكانك قبل اكتمال العدد.. سيب كومنت بكلمة "مراهقين" وهنبعتلك التفاصيل فوراً!

19/08/2026

🤝 التطوع مش مجرد وقت بتقدمه.. التطوع بيبني شخصيتك، وبيسيب أثر حقيقي في حياة غيرك.

لو عايز تكون جزء من أثر أعمق، وتكتسب خبرات جديدة، وتعيش تجربة هتغير فيك كتير.. مكانك معانا! 💙

👇 قدم دلوقتي وانضم لفرقتنا من خلال اللينك ده:

https://docs.google.com/forms/d/e/1FAIpQLSeCD3sH7pOxozS4y-OkOYU07DAy91O0XIi5ODK4PQP2IYQFUw/viewform?fbclid=IwY2xjawEhbVNleHRuA2FlbQIxMAABHesYsEv_aCh6sSK1bW80mTkLXgIV_vZbrt5Zv49_



#التطوع

18/08/2026

لو رجع بيا الزمن.. كنت هبدأ حتى لو مش جاهز.

كنت هفهم بدري إن مفيش وقت مثالي تبدأ فيه.. وإن انتظار الجاهزية الكاملة ممكن يخليك تستنى سنين على حاجة كان ممكن تتعلمها وتطورها وإنت في الطريق.

الخوف طبيعي.. والتردد طبيعي.. وإنك متبقاش عارف كل حاجة طبيعي جدًا، لكن اللي مش طبيعي إنك تفضل واقف مكانك مستني نفسك تبقى نسخة كاملة قبل ما تاخد أول خطوة.

كل تجربة هتعلمك.. كل غلطة هتقويك.. وكل خطوة صغيرة هتقربك من المكان اللي نفسك توصله.

🚀 لو رجع بيك الزمن.. إيه أول حاجة كنت هتبدأ فيها من غير ما تستنى تبقى جاهز؟

💬 اكتب إجابتك في الكومنت.. يمكن تكون سبب إن حد تاني ياخد الخطوة اللي مأجلها.

📲 وشير البوست لشخص مستني يبقى جاهز علشان يبدأ.. يمكن الرسالة دي تكون بالضبط اللي محتاج يسمعها النهارده.

17/08/2026

من دفتر القبطان | اليوم الرابع

في وسط البحر، ممكن الرياح تتغير…
والطريق اللي كنت ماشي فيه من شوية، تلاقيه مش هو نفس الطريق دلوقتي.

ساعتها القبطان مش بيقف محتار،
هو بيرجع يبص على البوصلة.

وفي الحياة، البوصلة مش معناها إنك عارف كل حاجة،
لكن معناها إنك عارف إنت رايح فين.

المعرفة هي اللي بتساعدك تختار صح،
وتفهم الطريق،
وتتجنب نفس الأخطاء،
وتعرف تتصرف لما الظروف تتغير.

مش كل معلومة هتتعلمها هتستخدمها النهارده…

بس ممكن معلومة واحدة تتعلمها النهارده،
تغير قرار هتاخده بكرة.

عشان كده استثمر في معرفتك…
لأن كل قرار صح بيقربك من وجهتك، مش بيبعدك عنها. ⚓️

📖 صفحة جديدة من دفتر القبطان…
والرحلة لسه مكملة