26/09/2021
الحدث الاكبر و الاهم اللي بنتتظره كل سنة 💥
IBA : Imperial Barrel Award 🔥
فرصتك جتلك عشان تشارك في ال IBA 👀
ال AAPG اتاح الفرص لأي team حابب يشارك و يكون التيم الممثل لجامعة عين شمس تبعًا للشروط ...
🛑الشروط:
1️⃣المسابقة هتبقى بين Teams مش افراد
2️⃣كل افراد ال team من جامعة عين شمس
3️⃣كل team مكون من 5 خريجين دفعات (2019, 2020, 2021).
4️⃣اللي شارك قبل كده في المسابقة مش مسموح يشارك تاني عشان يسيب فرصة لغيره
5️⃣لو فرد شغال و عنده سنتين خبرة سابقة للأسف مش هيتقبل
6️⃣مش مسموح بتغيير أي عضو من أي team بعد ما يتقبل.
التسجيل في ال form هيدوم 3 أيام فقط
وهيتم التصفية بين ال teams اللي مترشحة وال team اللي هيفوز هيتم الإعلان عنه و هيمثل جامعة عين شمس في مسابقة ال IBA 💪🥇
لينك التسجيل :
https://docs.google.com/forms/d/e/1FAIpQLSd8zGhh1rCNO6-b9q1X35hMcBU_wBELB-VLpQfjY_4IREFtuw/viewform?usp=sf_link
11/12/2020
نفسك تاخد فرصتك وتشارك في ال IBA 👀
فرصتك جتلك و AAPG اتاح الفرص لأي team حابب يشارك و يكون التيم الممثل لجامعة عين شمس تبعًا لشروط معينة...
🛑الشروط:
1️⃣المسابقة هتبقى بين Teams مش افراد
2️⃣كل team مكون على الأقل من ٥ خريجين دفعات (2018, 2019, 2020) ومش مسموح للطلبة
3️⃣اللي شارك قبل كده في المسابقة مش مسموح يشارك تاني عشان يسيب فرصة لغيره
4️⃣لو فرد شغال و عنده سنتين خبرة سابقة للأسف مش هيتقبل
5️⃣لو حد عنده جيش ف بردو مش هيقدر يقدم
6️⃣مش مسموح بتغيير أي عضو من أي team بعد ما يتقبل.
التسجيل في ال form هيدوم 3 أيام فقط وهيتم التصفية بين ال teams اللي مقدمة من خلال بعض أساتذة و دكاترة قسم الجيوفيزياء وال team اللي هيتم اختياره هيتم الإعلان عنه بعد اسبوع من الان و هيمثل جامعة عين شمس في مسابقة ال IBA 👀🔥🔥
طب و ايه اللي بيحصل داخل المسابقة؟ 🤔
بالنسبة لمصر .. بيكون فى مسابقة بين كل الجامعات اللى فيها شابتر AAPG .. بيكون فى فريق واحد بس ممثل للجامعة اللى هو منها .
المركز الاول والتانى بين جامعات مصر بيصعد للتصفيات بين teams من شمال افريقيا .. المركز الاول فى شمال افريقيا بيصعد للتصفيات بين teams من افريقيا كلها .
وبعد افريقيا الاول بيصعد للنهائيات فى امريكا عشان ينافس على المركز الاول عالميا.
بالترتيب تانى 👀
1- جامعات مصر (ناخد منهم احسن اتنين)
2- شمال افريقيا
3- افريقيا
4- العالم (النهائيات فى امريكا)
طب انا هستفيد ايه من المشوار الطويل ده 🤔
اول حاجة جوائز المسابقة :
المركز الاول عالميا بياخد 20 الف دولار،
التانى 10 الاف دولار ،
التالت 5 الاف دولار ،
واصلا عشان تدخل التصفيات النهائية انت ضمنت 1000 دولار حتى لو طلعت الاخير وبتتسجل باسم الجامعة الممثل ليها وبتسافر كذا دولة عشان تعمل برزنتيشن على حساب الAAPG الانترناشونال .
تاني حاجة بقي و الاهم الخبرة اللى بتكتسبها من الشغل على داتا حقيقية كانك فى شركة بالظبط والعلاقات والخبرات اللى هتكتسبها من مقابلة عمالقة المجال على مستوى العالم 👌
لينك التسجيل : https://forms.gle/4fXnUDJgW56WnR3x8
11/12/2020
The world makes a way for the man who knows where he is going, so we want to congratulate our new board:
President: Yousef Khaled
Vice president: Nada Mohamed
Secretary: Manar Amgad
Treasure: Mohamed Ramadan.
And we are sure that they will do their best to make AAPG at top as usual ❤❤🎉
10/04/2020
مع الإجراءات اللي بتاخدها الحكومات في الوقت ده؛ عشان تواجه انتشار فيروس كورونا، واللي بدورها أثرت على حركة السفر وانتقال الناس من مكان لآخر ومن بلد للتاني، واللي تعتبر شبه متوقفة دلوقتي، لكن في ناس بتبقى مضطرة تتحرك أو تسافر عشان شغلها أو لحالات اضطرارية وكمان الطلاب الي مضطرة ترجع تجيب حاجاتها من السكن الجامعي فدي شوية نصائح وإرشادات لازم يتبعوها. ✔
ممكن نقول الإرشادات دي في شوية نقط زي:
* الحرص علي وجود مسافة لا تقل عن المتر بيننا وبين الآخرين.
* البعد عن المواصلات شديدة الازدحام لأن تجنب الاختلاط هو السلاح الأول لمواجهة الڤيروس.
* منلبسش الكمامة إلا في حالة الإصابة بالڤيروس أو لما يكون المكان اللي رايحينه اتسجل فيه حالات كتير.
* لما نقلع الكمامة أو الجوانتي نتأكد إننا رميناهم في الأماكن المخصصة، ومننساهمش في المواصلات أو نرميهم في الشارع. 🚮
* ناخد معانا ازازة كحول طبي، عشان لو احتاجنا نطهر حاجة أو لو لمسنا حاجة مش واثقين من نظافتها.
* وفي حالة لو كنا بنقطع تذكرة للمواصلات، نتأكد إن مفيش زحمة، ولو هنمسك التذكرة نمسكها بمنديل.
وطبعاً نحب ننصح بتجنب السفر، أو التنقل في الفترة دي إلا للضرورة القصوى، وأي مشوار أو حاجة نقدر نأجلها؛ يفضّل نعمل كده، لأن بغض النظر عن أي حاجة في صحتنا وسلامة اللي حوالينا أهم من أي شئ. 👌🏻
دمتم في صحة و سلامة 🌹
08/04/2020
بسبب الظروف اللي بنمر بيها وبفضل السوشل ميديا والإعلام كلنا عرفنا إزاي نحافظ على نفسنا من فيروس كورونا، لكن برضه اتسرب لينا شائعات ومعلومات خاطئة عن الفيروس ده والنهاردة هنكمل تصحيح للمفاهيم الغلط اللي وصلتلنا دي. 🚫
"هل فعلاً الڤيروس بيموت من درجة الحرارة المرتفعة وفي الصيف هيختفي؟"
السؤال ده ناس كتير بتدور على إجابته، لكن حالياً مش معروف درجة الحرارة اللي يقدر يتحملها الفيروس، ومنظمة الصحة العالمية بتقول إن الڨيروسات التاجية بشكل عام واللي منها فيروس كورونا يمكن تدميرها عند حرارة تصل إلى حوالي 70 درجة مئوية، وبيرجحوا أن الشمس مش هتحميك من كورونا خاصة إن بعض البلاد فيها حالات مؤكدة وهي ذات مناخ دافئ، وتزيد درجات الحرارة فيها عن 27 درجة مئوية.
ومن الكلام المنتشر كمان إن شرب السوائل الدافئة فعال لجميع الڨيروسات، وإن الثوم والخل والمياه المالحة بتحميك منه، لكن مفيش أي دراسة علمية بتقول كده في حالة ڨيروس كورونا.
وآخر سؤال هو هل صحيح إن ممكن الاصابة تيجي عبر بضائع قادمة من الصين؟
على الرغم من كون الصين بؤرة الڤيروس الأولى لكن وصول شحنات من الصين بيستغرق عدة ايام أو أسابيع، والأبحاث بتظهر إن الڨيروس مش هيقدر يعيش الفترة الطويلة دي على الأسطح، لكن لازم برده اتخاذ الاحتياطات وتعقيم الشحنات أو أي حاجة مستوردة من الخارج.
وزي ما بنقول دايماً أن المصدر الأول والأخير للمعلومات السابقة هو تصاريح منظمة الصحة العالمية، وما تم نشره من أطباء في صحف عالمية، فقبل ما نصدق أي معلومة لازم نعرف مصدرها ونتأكد منها. 👌🏻
05/04/2020
جاوبنا قبل كدا بعض الأسئلة اللي ممكن تكون شاغلانا الفترة دي، ودايماً هيبقى في أسئلة محتاجة تتجاوب، وكل إجابة أكيد مهمة في زيادة الوعي بالڤيروس وإزاي نحمي نفسنا منه، عشان كدا هنجاوب على بعض الأسئلة المهمة كمان. 👌🏻
- قولنا قبل كدا إن احتمالية الإصابة عن طريق الحيوانات نادرة، بس هل ممكن الإصابة عن طريق الأسطح أو العبوات؟
ايوا، عشان كدا لازم نتأكد من تعقيم كل حاجة هنتعامل معاها ونلمسها، وكمان نعقم إيدينا بعد لمس الحاجات دي، ونتجنب لمس الوجه قبل التعقيم أو الغسل.
- طيب الڤيروس بيستمر موجود لمدة أد إيه على الأسطح دي؟
مفيش مدة محددة ودقيقة بسبب اختلاف الظروف زي نوع السطح ودرجة الحرارة والرطوبة في البيئة، وممكن يستمر من عدة ساعات لأيام، عشان كدا مهم جداً التعقيم باستمرار.
- هل لازم ألبس قناع أو كمامة عشان أحمي نفسي؟
إذا كنت شخص مصاب بالڤيروس، فمهم وأساسي لصحة الناس حواليك ولمنع إنتشار الڤيروس إنك تلبس قناع أو كمامة طبية سليمة، أو طبعاً إذا كنت شخص بيتعامل مع مريض آخر.
لكن لو مكنتش مصاب بالڤيروس أو بتتعامل بشكل مباشر مع مريض آخر فمش لازم تلبس الكمامة ودا بيكون غير فعال وممكن يكون إهدار للكمامة اللي ممكن يستخدمها شخص تاني في حاجة ليها. 😷
نيجي للسؤال الأهم واللي بيدور عليه كل الناس في الفترة دي مع زيادة خطورة الڤيروس كل يوم، هل في أي أدوية أو لقاحات لـCOVID-19 حتى الآن؟
في الحقيقة مفيش حتى الآن لقاح أو دواء معين للڤيروس، وفي أخبار كتير عن محاولات من جهات كبيرة مختلفة لتطوير علاج ليه بأسرع شكل ممكن، لكن حتى الآن لازم المصابين بالڤيروس يتلقوا رعاية مخصصة لتخفيف الأعراض والمساعدة على التغلب بشكل طبيعي على الڤيروس ودا اللي بتحاول كل الدول تحقيقه بكافة الإجراءات الممكنة، وما يترتب علينا الفترة دي هو الإلتزام بالتعليمات والنصائح الوقائية السليمة.
05/05/2020
10/04/2020
08/04/2020
05/04/2020