walaa Eisa

التربيه زمان كانت بسيطة
كانت بالقدوه كده بنتربي ونتعلم
يعني مثلا بشوف اهلي يصلوا اصلي زيهم
بشوف سلوكياتهم بتعلم منها الصح وأتعلم ابتعد عن الغلط
نظرا لان الحياه كانت بسيطة ومافيش خيارات كتيره لأولادنا
لكن دلواقتي الخيارات بقت كتيره قووي والملهيات بقت أكتر
من السوشيال ميديا
والألعاب اللي بقت تسرق اولادنا مننا بيقعدو عليها بالساعات
وكمان بتأثر في فكرهم وسلوكياتهم وتحصيلهم الدراسي

ودلواقتي من أكثر التحديات اللي بتواجهنا
وكتيير جدا من الأمهات بتشتكي منها
تقول
ابني مش عاوز يصلي 💔
أو بنتي مش عاوزه تلبس الحجاب 😔

طب ازاي أحببهم في الصلاة مع كتيير من الملهيات الموجودة
في أيامهم دي ☘️☘️

☘️ أتكلم معاهم كتيير قووي عن ربنا عن أفعاله وأسماءه وصفاته
خليهم يتعرفوا علي ربنا ويحبوه وبالتالي يحبوا الصلاه
ويروحو لربنا بحب

☘️ توقف عن الزعيق والصراخ ويالا قوم صلي ربنا هايدخللك
النار بلاش تصدر ليهم الصوره السلبية وتخليه يصلي بالخوف
مش حبا لله وطمعا في رضاه وجنته

☘️ تحلي بالصبر والهدوء والذكاء والحكمه وانت بتتعامل معاهم
وبتعلمهم الصلاه

عملا بقوله تعالي 🌸 وأمر أهلك بالصلاة واصطبر عليها 🌸

☘️ خليك قدوه ليهم وصلي أمامهم دايما وخليهم يصلوا معاك جماعه

☘️ الاستمرارية معاهم ومعاملتهم بالرحمه والحكمه حتي يتعلموا
ويتذوقوا حلاوه الصلاه والقرب من الله

☘️ اربط دايما الحاجات الحلوه اللي في حياتهم بربنا
زي لو عايز حاجه طلبها منك قوله عارف مين جابللك دي
ربنا هايقوللك ده بابا مثلا قوله ربنا هو اللي خلي بابا يجيبهاللك

ربنا يصلح اولادنا جميعاً
اولادك أمانة عندك حافظ عليهم
هم بناة مستقبل وأمهات وآباء المستقبل
حتي تستقيم حياتهم ويستقيم المجتمع ككل

عملا بقول رسول الله صلى الله عليه وسلم
💐كفا بالمرء إثما أن يضيع من يعول 💐

# التربيه الواعية
# life coach walaa Eisa

☘️السلام النفسي ليس معناه غياب الألم بل هو
أن نحمل بداخلنا طمأنينة تجعلنا نستمر رغم الألم ☘️

☘️ الضربة اللي مش بتقسم ظهرك بتقويك ☘️

كل تحدي = قوة ونضج ووعي جديد 💪💪

كل ضغوط= نسخة أحلي منك 😊😊

الضغوط والتحديات مصدر تعلم لينا
بصي للحلو اللي فيها وأتعلم منة

مهم قووي نعرف
الضغوط والتحديات جزء من الحياة
قبولها والتعايش معاها = سلامك النفسي 🥰🥰

#السلام النفسي

السلام النفسي هيبدأ جواك وتعيشه صح👌👌

🌸لما تبطل تطلب قيمتك من حد

🌸لما تبطل تقول لنفسك هي ليه الناس بتعاملني كده

🌸لما تبطل تقول لحد أنا ماكنتش منتظر منك تعمل فيا كده

🌸لما تبطل تتأثر بالنقد وردود أفعال الآخرين

🌸لما تبطل تتأثر بالكلمه والنظره من الآخرين

يا تطلب احتياجك من الله 💪

يا إما تقوم تعمله لنفسك ☘️

لا أتعلق بأحد ولا أنتظر اهتمام ولا مشاعر من أحد

#الاستغناء قوه
#تقدير الذات والسلام النفسي = الهدوء الواعي

أنا قررت إيه 2026💪💪

☘️أكون نسخة أحلي

☘️ أكون ذاتي الحقيقيه بدون أي تصنعات أو مجاملات

☘️أتقبل كل الناس و أتعامل معاها بحدود
☘️الناس المؤذيه أخرجها بره دايرتي النفسيه

☘️أختار نفسي وأتعلمت أن سلامي النفسي مسئوليتي وقرار مني

☘️أختار أعيش السعاده وأتعلم أصنعها في يومي

☘️قررت أتعامل مع التحديات بفكرة تحدي وهايعدي

☘️قررت لا أنتظر من أحد شئ لا كلمه ولا نظره ولاحتي سؤال وأدي كل حاجه لنفسي وأستغني بالله

ياتري انتوا قررتوا إيه 🤔

حط نواياك وعيشها صح 💐💐

فيه ناس كتيير بتسأل

إزاي أوصل للسلام النفسي مع ذاتي ومع الآخرين ؟🤔

دي مفاهيم هتساعدك جدا 👇
🌸 ترسيخ معتقد جواك

(أنا ليا أنا ونا نية )

أسعي في الحياة ليا أنا وبنية
وأعدد النوايا وأجدد نيتي في أي عمل بعملة يكون خالص لوجه الله

🌸 ولما أجي اعمل حاجه أسال نفسي
بي٥ ليه ؟ للاتصال بالذات بشكل أعمق .

🌸 ومن أجل صلاح النيه أشتغل علي
قلبي بالتزكية حتي ينور ويبقي سليم

🌸 أستخير الله عز وجل في أي عمل
وأقول ياررب (تريد مني ايه ؟أو ايه اللي يرضيك ياررب .؟

🌸 الذات الحقيقية لا تتأثر بالمدح أو الذم وهيا في حاله من السكون والسلام أما الأنا تعيش علي التقييم والمقارنة .

🌸 أن السلام الحقيقي هو أن أجعل الذات تقود وليس الأنا

🌸أتقبل كل الناس وألتمس ليهم الأعذار ( وده هيكون ليا أنا وعلشان سلامي أنا )

🌸أتعامل مع الناس بأدبي وأخلاقي
وأفعل الخير في أهلة وغير أهله .

🌸 عند أي استفزاز أمنع أي رد سريع
لأنه جاي من الأنا وليس الذات .

🌸 ترويض الأنا بالمداومه علي الصلاه والذكر والقرآن واللجوء إلي الله .

🌸 الصيام مع مراقبة أفكاري وأي فكره سلبية اقولها شكرا مش دلواقتي وركز في الذكر والتأمل.

# الوعي بالذات
# السلام النفسي

💌 *سبع عادات تحسّن حالتك النفسية*

✨ تُعدّ *الصحة النفسية* جزءًا أساسيًا من جودة الحياة، ويمكن تحسينها عبر مجموعة من العادات اليومية البسيطة التي تُحدث تأثيرًا كبيرًا مع الوقت. وفيما يلي سبع عادات تساعد على تعزيز الرفاهية النفسية:👇🏻✨

1. *الوعي الذاتي* 🧠💫
فهم مشاعرك وأفكارك يساعدك على التعامل مع الضغوط بشكل أكثر هدوءًا. ممارسة التأمل أو كتابة اليوميات تساعد على زيادة هذا الوعي وتحقيق توازن داخلي.

2. *الامتنان اليومي*☘️
تدوين الأشياء الصغيرة التي تشعرين بالامتنان لها—even لو 3 حاجات بس—يُعيد توجيه العقل نحو الإيجابيات ويقلّل من التركيز على الضغوط والمشكلات.

3. *المحافظة على النوم الجيد*🙂‍↔️
النوم المنتظم من 7–8 ساعات يحسّن المزاج والتركيز ويقلّل القلق. النوم يُعتبر "شحنًا" حقيقيًا للعقل.

4. *الحركة اليومية*🚶
حتى 10 دقائق مشي أو تمارين خفيفة يوميًا تحفّز إفراز هرمونات السعادة مثل الإندورفين، مما يساعد على تهدئة التوتر وتحسين المزاج.

5. *التواصل الاجتماعي الداعم*🤝
قضاء وقت مع أشخاص إيجابيين وداعمين يخفّف الشعور بالوحدة ويمنحك طاقة نفسية. العلاقات الصحية تُعدّ عامل حماية قوي للصحة النفسية.

6. *وضع حدود صحية*🚫❤️
قول "لا" عند الإرهاق أو رفض ما يسبب ضغطًا زائدًا يساعدك على حماية طاقتك النفسية وتجنّب الاحتراق العاطفي.

7. الاهتمام بالراحة النفسية🧘
القيام بأنشطة بسيطة تحبينها—قراءة، موسيقى، روتين عناية، قهوة هادية—يساعد على إعادة التوازن وتقليل التوتر.

👌👌👌

اسم الله 🌸 الوهاب 🌸
ناجي الله بإسمه الوهاب
فهو 👇
المانح الفضل بلا غرض
المعطي بلا سؤال
المعطي بلا استحقاق
المعطي بأسباب وبدون أسباب وبعكس الأسباب

🌸تجليات إسم الله الوهاب 🌸

كما ورد في القران الكريم 👇

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنا
لِلْمُتَّقِينَ إِمَامًا﴾

🌹تتنزل الرحمات علينا
🌹تزيد السعاده الزوجيه
🌹وصلاح الأزواج
🌹 تحقيق المعجزات
🌹 الرزق بالذريه الصالحه

سبحانك ياالله
ولله الأسماء الحسنى فادعوه بها

اسم الله الواحد الأحد
مناجاة الله عز وجل بإسمه الواحد الأحد👇
تجعلنا لانتأثر بكلام الناس
تجعلنا في سكينة ورضا لقضاء الله
وعلاج للأزمات النفسية اللي بنمر بيها
فك للتعلق بالزوج أو الأولاد أو أي شئ
قضاء لحوائجنا
وحرز من الشيطان
فالله الواحد الأحد هو القادر علي كل شئ
🌸لا إله إلا الله وحده لا شريك له 🌸

🌷٣ أسئلة تساعدك علي استعادة التوحيد لقلبك 🌷
أختبر نفسك فيهم 👇
ما الذي يشغلك الآن ؟
من أكثر من ترجو رضاه ؟
من أكثر من تخشي غضبه ؟