حملة أخلاقنا

كل يوم.. احنا مش بننكرها..بس مش هنتكلم فيها.
قررنا نعمل ""عــــــــــدوى إيــــــــــــجابــيــــــــــه"".. جايين نقول لا يا جماعه ده لسه في اخلاق، يا جماعه ده احنا فينا امل كتير، يا جماعه ده في ناس كتير كويسه بس محتاجين يلاقوا بعض،..فكرنا ليه منتكلمش عن الايجابيات..الي بنشوفها برضه حوالينا!!
ده مش خيال ولا حلم و لا كلام..
حملة أخلاقنا.. هننزل الشارع نصور مواقف أخلاقيه حقيقيه بكاميرا أخلاقنا..كل يوم هنكون في مكان..وهنثبت لكم إن أخلاقنا لسه جوانا
أما دورك هو انك تحكيلنا، تصور لنا، تسجللنا ، المهم تورينا و تورى الناس اى موقف فيه أخلاق كويسه ، سواء يخصك او شفته بنفسك او سمعت عنه.
يا ريت كلنا نبتدي بنفسنا و نسيب طاقة الخير اللي جوانا تطلع احسن ما فينا من اخلاق عشان كل الناس تعمل زينا,لأن الي مش عاجبه أخلاق الناس..ناسي انه واحد من الناس!!