Nancy Abdelshafyنانسى عبد الشافى

حسّيت إن الوقت جه أرجع وأشارككم اللي اتعلمته خلال الفترة اللي فاتت...
استنوني الأيام الجاية 😌💗

لعيد فرحة، والفرحة الحقيقية إنك تكوني مطمنة إنك بتقدري تجاوبي على أسئلة ولادك من غير توتر! 😍

بمناسبة العيد، قررت أقدم خصم خاص على الجلسات الفردية لفترة محدودة جدًا! 🎁

✔️ الجلسة هتساعدك تفهمي إزاي تتعاملي مع أسئلة طفلك بطريقة صحيحة.
✔️ هنعرف مع بعض إزاي نبدأ كلامنا مع الأولاد بدون خوف أو ارتباك.
✔️ هتخرجي من الجلسة وعندك خطة واضحة تناسبك أنتِ وطفلك.

⏳ العرض متاح لفترة محدودة جدًا، الحقّي احجزي دلوقتي!
📩 احجزي مكانك برسالة على الخاص ✉️

أنا نانسي عبد الشافي ، بساعد الأمهات في تربية أطفالهن تربية جنسية واعية من غير حرج، عن طريق محتوى بسيط، استشارات فردية، وورش عمل. هدفي إن كل أم تكون قادرة ترد على أسئلة طفلها وتحميه بطريقة صحيحة.

كل سنة و انتم طيبين و بخير و صحة و سعادة

ماما هى الحقنة بتوجع ؟

السؤال ❓️دة الولاد بتسأل كتير و طبعا بنرد علية انها مش بتوجع خالص و بعد كدة الطفل يصدق و يتصدم لما ياخدها و يكرة الحقنة و يكرة العلاج و يكرة الدكاترة او العكس نهدد الولاد طول عمرة هتاكل او هتتعلم و لا اجيب لك الحقنة و طبعا الحالتين مش صح
الصح :
1️⃣ مينفعش استخدم اوبشن الحقنة خالص للتهديد ؛ الحقنة علاج و العلاج مينفعش استخدمة أبدا أبدا لتهديد الطفل.
2️⃣ اقول الحقيقة بصورة مبسطة و بصورة مريحه يعنى هقولة ان الحقنة ممكن توجع شوية آة فى اول ما تدخل جسمك بس بعد كدة مش هتحس بالوجع خالص و طول ما انت بتاخد نفس و باصص على ماما و ماسك ايدها هتحس انها مش بتوجعك بس فى الاول بس هتوجع حاجة بسيطة ؛ لو الحقنة مثلا فيها سحب دم اقولة هما هياخدوا من جسمك شوية دم صغيرين و دى حاجة مش بتوجع و لا تخوف متقلقش عشان نعرف بس لو فية حاجة تعباك او لو فية حاجة بتخليك تكح كتير او بتخلى جسمك مش مضبوط اوى ، هما بياخدوا الدم دة عشان يشوفوا الوجع دة جاى من اية بس متقلقش خالص هى بتوجع فى الاول بس لكن بعد كدة هتحس ان انت كويس 👍

طب يا ماما الدم دة كتير ؟ انا ممكن يحصل حاجة ؟
لا احنا ممكن بعد كدة نشرب عصير او قبلها نشرب عصير مع بعض متقلقش انا جمبك هى آة هتوجع شوية بس متقلقش
طب هو ممكن يعيط ؟
آة اسيبة يعيط و اعرف مشاعرة و اقولة حبيبى انا عارفة انك خايف و عارفة انك قلقان و انا لو مكانك لحد دلوقتى ببقى خايفة و قلقانة جدا من الحقنة و ببقى عارفة انها بتوجع شوية بس ببقى عارفة كمان انها بتوجع شوية بس بستحمل الوجع دة شوية و بعد كدة ببقى كويسة 👍 ؛ مهم اوى اقولة الكلام الحقيقى لانة لو اتصدم فى الكلام و لقى الكلام مش حقيقى مش هيسمع كلامك تانى مهم كمان يعرف الطفل انة عادى يعيط و عادى يخاف و عادى يقلق المهم انى اعرف مشاعرة و دايما أحسسة بالاطمئنان و اقولة حبيبى انا حاسة بك انا لما بكون مكانك بكون حاسة نفس الاحساس دة ، مقولتش ان انت غريب او اية اللى انت بتعمل دة اكبر شوية يا حبيبى...لا احنا كبار و بنقلق عادى.

و كدة الطفل عرف الحقنة بتوجع و لا لأ و ممكن يعمل اية وقتها و ردينا على أسئلتة.

لو عندك اى أسئلة اسأليها فى التعليقات و انا هرد عليكى.

انا نانسى عبد الشافى
كوتش تربية جنسية
لو انتى خايفة على ابنك و مش عارفة تقولى لة اية
لو انتى ام و مش عارفة تردي على أسئلة طفلك المحرجة
لو ابنك بيلمس اعضائة الخاصة و بتزعقيلة و تضربية و بردة مفيش فايدة

انا اقدر اساعدك بخطوات علمية عن طريقها توصلى التربية الجنسية لابنك بطريقة سلسة و بسيطة حسب سنة و مستوى وعية

و بالمناسبة دى
عاملة ١٠ جلسات مجانية

لو حابة كلميني خاص