Dr. Bassam Child Clinics

علشان نقيس نمو الطفل إذا كان طبيعي أو لاء لازم نكون عارفين من ضمن الاسباب المسؤلة عن نمو الطفل هو
نقص الهورمونات زى
"Growth Hormone – GH»هرمون النمو" أو
Thyroid hormone
هرمون الغدة الدرقية، و فيه اسباب تانية زى التلوث البيئى و سوء التغذية، ضعف الجهاز الهضمى، و الاكتئاب
ومع نقصان الهرمونات ده، نمو الطفل مش بيتم بشكل طبيعي وبيظهر عليه اعراض لو لاحظتيها هتقدري تساعدي الطفل من بدري زي:
- تأخر النمو بشكل غير طبيعي.
- قصر القامة.
- تأخر البلوغ.
- ملامح الوش غير ناضجة كفاية ومش باين عليه سنه، بمعنى أن
ممكن يكون الطفل عنده 10 سنين ويبان كأن عنده 4 أو 5 سنين.
نقص هرمون النمو عند الأطفال بيكون لأسباب مختلفة زي:
السهر، إن الطفل ينام متأخر ويحصل عنده اضطراب في إفراز الهرمون،
لأن الهرمون بيفرز خلال الليل وبيساعد على بناء الطفل ونموه بشكل
طبيعي في الوقت ده. ولكن ممكن يكون نقص الهرمون لأسباب وراثية، أو قصور في الغدة النخامية.
وفي الحالة دي إحنا بنقدر عن طريق التشخيص السليم بالفحوصات والتحاليل نحدد السبب ومن بعدها بنحدد طريقة العلاج اللي بتكون مناسبة على حسب سن الطفل ومدى تأخر نموه
للحجز والاستفسار / 01021999930

أمهات كتير بتقلق وتتخض وقت ما بتسمع جملة "أبنك محتاج حضانة".
لكن حضانات حديثي الولادة بتكون على أعلى مستوى من الرعاية والأمان، وكمان هي خطوة مهمة جدا لرعاية الطفل أول ما يتولد.
الحضانة بتكون صحية وأمنه ومجهزة على أعلى مستوى، وبتقدم للطفل كل الرعاية اللي بيحتاجها لحد ما يخرج بالسلامة من الحضانة ويرجع لحضن مامته.
بالإضافة إن مع تحسن حالة الطفل الأم بتقدر تزوره وتطمن عليه وكمان ممكن ترضعه لو حالته تسمح. للحجز والاستفسار 01021999930

لو إنتي مامي جديدة ولسة طفلك بيرضع طبيعي وعاوزة تعرفي إزاي
تفطميه، هنقولك في البوست ده
فطام الطفل بيتم تدريجيا بعد ما يتم سنة على الأقل من خلال خطوات
بسيطة:
قللي عدد مرات الرضاعة الطبيعية خلال اليوم.
قللي الوقت المخصص للرضاعةلو كانت بتاخد عشر دقائق قلليها ل
خمس دقائق حتى لو الطفل مشبعش
في وقت جوع الطفل جربي تأكليه أطعمة خفيفة زي الأرز المسلوق مع
وجبة خضار مسلوقة ومهروسة

نوّعي في الأكلات وزيني شكل الطبق
وقت الأكل إشغليه بالألعاب اللي بيحبها للحجز والاستفسار 01021999930

علشان نقوي مناعة الطفل لازم نقدمله إحتياجاته من الفيتامينات والكالسيوم اللي هيساعد في بناء جسمه ويقوي مناعته وعظامه، علشان كده لازم الأم تقلل لأطفالها المشروبات الغازية والعصائر اللي بتحتوي على مواد خافظة، وتستبدلهم بالأطعمة الغنية بالكالسيوم وفيتامين «د» زي منتجات الالبان والجبن، والزبادي والعسل الاسود والطحينة.
صفار البيض والسالمون، والتونة المعلبة، والكبدة البقري.
كل دي أطعمة غنية بالفيتامينات والكالسيوم اللي هتساعد على تعزيز مناعته وكمان هتبني جسمه وتقويه. للحجز والاستفسار 01021999930

إزاي نتعامل مع الجديري المائي؟!

في الوقت ده من السنة بتنتشر عدوى الجديري المائي عند الأطفال.. وللأف معظم الأمهات مبتقدرش تتعامل معاها.
علشان كده النهاردة هنتكلم معاكم عنه، وإزاي نقدر نتعامل معاه.
الجدري المائي هو عدوى فيروسية بتتنقل عن طريق الجهاز التنفسي، وبيسبب حكة وطفح جلدي مع حبوب صغيرة مملوءة بالسوائل، بتنتشر في جسم الطفل كله
ولأنه عدوى فيروسية فهو بيتنقل بسهولة من شخص إلى آخر، وغالبا بيتنقل بين الأطفال في المدارس أو في الحضانة. وبيستمر المرض من خمسة أيام إلى عشرة أيام.
دور الام هنا بيكون إن لو ظهر على الطفل أي من أعراض الجديري المائي. إنها تعزله تماما وتعرضه على دكتور متخصص يقدر يشخص ويقلل من الأعراض اللي عند الطفل. زي المضادات لتخفيف الحكة ومسكنات الألم.
أما الأطفال اللي مااتعرضوش للأصابة فـإحنا بننصح كل الأمهات إنهم يطعموا أطفالهم ضد الجديري ويحموهم من الأصابة. للحجز والاستفسار 01021999930

اطفال كتير بتعاني من حساسية الصدر والربو المزمن، والسبب في ده التدخين السلبي
و التراب و حبوب اللقاح
تلوث الجو
شعر الحيوانات الاليفة
بيدمر الخلايا والأنسجة في جسم الطفل .. وكل العوامل دي
بتضعف مناعته وبيزودوا من خطر إصابة الطفل التهابات الصدرية، للحجز والاستفسار 01021999930

أوقات كتير لما الطفل بيجيله نزله برد، أو سخونية.. معظم الأمهات
بيتجهوا على طول للمضادات الحيوية.. وميعرفوش إن ده بيقلل مناعة
الطفل وبيعرضه للإصابة لأمراض أكتر.
كثرة استخدام المضادات الحيوية والمسكنات من غير ما نستشير
الدكتور المتخصص، بتساعد على اضعاف خلايا الدم البيضاء وده بيسبب
خلل بالجهاز المناعي، وبالتالي الطفل مناعته هتقل وهيكون عرضه
للإصابة بأقل عدوى أو مرض منشر.
علشان كده إحنا بننصح كل الأمهات إنهم يمنعوا تماما المضادات
الحيوية.. إلا من خلال الطبيب المعالج . للحجز والاستفسار 01021999930

البوست اللي فات إتكلمنا معاكم عن أول مصدر لتقوية مناعة الأطفال حديثي الولادة، والنهاردة هنتكلم معاكم عن مصدر تاني بيقدر يعزز مناعة الأطفال ويحميهم من الأمراض والعدوى. وهو النظام الغذائي الصحي.
إتباع الطفل نظام غذائي صحي بيقوي مناعته بشكل كبير، زي الفواكه والخضروات والأسماك واللحوم والبقوليات والحبوب الكاملة، اللي بتحتوي على المغذيات الهامة لتقوية المناعة .. وكمان بتقلل من فرصة الإصابة بنزلات البرد والأنفلونزا والأمراض الشائعة. للحجز والاستفسار 01021999930

عيد مبارك ❤️

المناعة كنز لا يفنى، بالذات عند أطفالنا، لازم كل أم تاخد بالها كويس جدا بالحاجات اللي تقدر بيها تقوي مناعة الطفل وتحميه من الأمراض والعدوى المنتشرة.
علشان كده النهاردة هنتكلم عن مصدر طبيعي لتقوية مناعة الأطفال حديثي الولادة، الرضاعة الطبيعية.
الرضاعة الطبيعية بتساعد في تعزيز صحة الجهاز المناعي للطفل، لأن حليب الأم بيحتوي على الأجسام المضادة وكريات الدم البيضاء اللي بتقوي الجهاز المناعي وبتقلل خطر الإصابة بأمراض زي: التهابات وعدوى الأذن، الحساسية، الإسهال، والتهابات المسالك البولية. للحجز والاستفسار 01021999930