يوميات أسنانجي

بتعرف تركب رابر دام كويس!!؟
_يعم متقلقش

لما تشتغل في عياده class c 🌚

كان من ضمن أهدافي إني أكمل زي ما كنت لاعب كورة محترف؛ واكمل في دراسة أسنان بردو..

لكن للأسف الموضوع مستحيل إن الشخص يوفق بين الاتنين؛ إلا لو هيأجل الكلية =لإن الكليات الطبية مينفعش نغيب فيها ونيجي على الامتحانات.

فالاحتفال ده بالنسبة لي مفهوم جدا جدا =لإنه قدر يتغلب على الظروف المستحيلة دي؛ وغير كليته من بشري لعلاج طبيعي؛ لحد ما وصل للصورة الجميلة اللي احنا شايفنها دي للدكتور مروان حمدي ❤️
by عبدالعزيز السعيد

للنقاش
يتعافي طالب اسنان بايه 🤔!!!؟

_المعيد = طبعا دكتور حوده زميلكم صاحب احسن سنه reduction
لانه عمل فيها كل الاخطاء وال fatal mistakes
اللي اقدر اشرحلك عليها how to avoid this

دكتور حوده =

يعني يا دكتور ادام العصب في الضرس اللي الفوق مش هتحشيه ؟؟

دماغي وانا بقرا الكومنت😂

عشان الاسئلة الكتير بخصوص social media وتاثيرها المباشر في نجاح اي بيزنس
قررنا نعمل لايف يوم الجمعه الساعه 7 مساءا
ابعتولنا اسالتكم
وهنجاوب عليها كلها في لايف دسم ومهم لكل الناس اللي في مجال طب الاسنان ❤️👌
اللايف هيبقي هنا Dental Circles

مره كنت شغال حاله operative وعملت الكافيتي وندهت المعيد يشوفها
مسك البروب وابتسم كده وقالي جميل تسلم ايدك هات الفايل يلا
فبقوله الفايل بتاع البيشنت !!؟
هتمضيلي دلوقت !؟
قام ضاحك وقالي لا فايل 10 وسابني ومشي 🌚
زي المشهد ده بالظبط

نيجي للسؤال المهم ده ايه ؟
Attrition
Abrasion
Abfraction
مع توضيح السبب

فكرة أن يهديك أحد خبرته ببساطة هكذا، يختصر سنين أو حتى ساعات من عمره في التجربة والتعلم والخطأ والصواب حتى توصّل لأفضل طريقة ممكنة لفعل الشيء، ثم يأتي ويخبرك بها في سطر مُبسّط.
ستظل أجمل فكرة يمكن أن تكشف عن أصل الإنسان الطيب، وأكثر ما يجعل إنسان يمتن لإنسان..

سأظل أتذكر دائماً من أخبرني عن المصدر الأنفع للمذاكرة بعدما استغرقه معرفة ذلك سنة كاملة من التجارب، ومن لفّ على عشرات المحلات وأخفق الشراء أكثر من مرة حتى علم أفضلها، ومن خاض تجربة مؤلمة علّمته درس حياته ونصحني به، ومن قرأ عن موضوع مئات الصفحات حتى أصبح قادراً أن يخبرني في خمس دقائق خلاصة معرفته، ومن جرب أكثر من طريقة لصنع الكيك حتى نجحت واحدة لم يخبرني إلا إياها، ومن ذاق خمس نكهات مختلفة بعضها سيء وأوصاني بالألذ بينهم، ومن أخبرني عن رغوة النسكافيه لأنجح بها من أول مرة..

وسأظل أعتقد أن لا طريقة تكفي لشكر كل من سار بمتاهة وجرب طرق كثيرة خاطئة، ثم ببساطة عجيبة وطيب خاطر متصدقاً بوقته وصحته وخبرته، يرسم خط العبور لمن بعده.
الله وحده من يقدر على رد جميلهم..

صاحبي داخل العياده ومعاه بيشنت ورايح يجيب حاجه
_البيشنت : هو اللي هيشتغلي ده دكتور كبير ولا طالب !؟
انا : ⏬

- ما انتي سليمة ياحاجة أومال جاية المستشفي ليه؟!

= بدور علي عروسة موظفة للواد حماده ابني ...

وتلاقيه كاتب علي يافطه عيادته حاصل عالزماله البريطانيه لزراعة الاسنان🌚

إزيكم يا عيال .. عاوز أحكيلكم ع موقف حصل لي النهاردة ف الشغل أدبني من أول وجديد .. 👌

شاب ألماني النهاردة الصبح اتزحلق ع الجليد ووقع، ف حصل له كسر مضاعف في الساق اليمين (العظمتين اتكسروا) جه عندنا ف المستشفى ف بعد ما جهزناه دخلته عمليات عشان أركبله شريحة ومسامير لعظمة الشظية ومسمار نخاعي تشابكي لعظمة القصبة .. يعتبروا عمليتين ف بعض يعني .. فقولت لدكتورة التخدير الكسور متفتتة ف هحتاج ساعتين ف العملية دي .. 🙂

الحمد لله رديت الكسور كويس جداً والدنيا مشيت تمام خالص .. اتفضل بس آخر مسمار هركبه وكده خلاص خلصت .. 😃

لما شوفت صور الأشعة قبل المسمار الأخير ده، أعجبت بنفسي بيني وبين نفسي .. لإني كنت شغال السنين اللي فاتت دي مفاصل ومبشتغلش كسور كتير يعني .. ✌️

بس يا سيدي .. من بعد ما جالي الاحساس ده وعينك ما تشوف إلا النور .. جاي أركب المسمار الأخير وقع من الممرضة ع الأرض .. عادي بتحصل .. هاتي يا بنتي غيره .. بركبه لقيت المفك باظ .. مش مشكلة هاتي مفك غيره .. ألفّ في المسمار مش راضي يدخل للآخر رغم إني خرمتله ف العضم بالشنيور .. فيه حاجة غلط .. طلعت المسمار لقيته باظ .. غيرته بمسمار تاني .. برضه نفس الحكاية .. حاولت بكل الطرق وفي كل الاتجاهات وتحت الأشعة .. مش راضي يدخل خالص .. يا إما يدخل ويتزحلق في مكان تاني غير مكانه فاضطر أشيله تاني .. 🤦

أنا طبيعتي هادي ف العمليات ومبحبش التنشنة .. بس النهاردة حسيت إن لا مش معقول .. فيه حاجة مش طبيعية .. دنا مركب ستاشر مسمار دلوقتي غير ده ومحصلش كده .. وللأسف كان رئيس القسم والاستشاريين التانيين مش موجودين .. ومن غير المسمار ده الشغل اللي عملته كله في مهب الريح .. حسيت إني مزنوق ومش عارف أعمل إيه الصراحة .. وطبعاً كل اللي حواليك ف العمليات باصين ليك ومنتظرين القرار بتاعك .. ومن ثقل اللبس الواقي من الأشعة جسمي مبلول عرق وحاسس بالعطش الشديد .. 🥵

المهم ف عز التوتر ده روحت واقف خالص .. وبعدت شوية كده عن ترابيزة العمليات .. وبيني وبين نفسي قولت "أنا آسف يارب .. الرسالة وصلت .. أنا من غير توفيقك ليا ولا شيء" واستحضرت عظمة ربنا سبحانه وتعالي وإنه بيده ملكوت السماوات والأرض .. وروحت واخد نفس عميق بكل هدوء ورجعت تاني لترابيزة العمليات .. 😊

معملتش حاجة جديدة .. مجرد أخدت المسمار هو هو ودخلته ف العضمة، لقيته دخل مكانه ومسك مظبوط .. لقيت رئيس قسم التخدير ف لحظتها كان جاي وجايبلي كوباية ماية وشاليموه عشان يشربني بدون ما أقوله ع حاجة خالص .. خلصت العملية وشكرت ربنا فوراً إنه مخذلنيش وعلمني الدرس فوري كده .. فاللهم لك الحمد .. 👌


By dr saeed khalifa

يعني إيه طالب في طب أسنان
يعني لما تطلب فلوس من أبوك كل شوية للماتريال يفتكر انك هتصرفها عالخروجات مع اصحابك
يعني تدخل ال dental store ب 3000 جنيه تطلع راهن البالطو
يعني لما تيجي تفتكر الناس تفتكرهم بسنانهم
يعني اصحابك يخرجوا يتفسحوا وانت تخرج تدور علي بيشنت
يعني لما تروح اي مكان ويتعرف انك دكتور اسنان ,الناس متسبكش ف حالك وتهريك أسئلة
يعني بتقسم مصروفك مع TECHNICIAN ,,حضرتك متاخد الساعه بالمره !
يعني لما يطلع عليك حرامي ويعرف انك في طب اسنان ,يقوم مكرمشلك 50 جنيه ويحطها ف جيبك ;))
يعني نص ارقام التلفونات اللي عندك بتبدا ب أم فلان والحاج علان (اسم الحشوه ولا التركيبه)
يعني يوم متكون سرحان تكون سرحان في راجل عجوز بيدعيلك علشان عملتله طقم او ام لطفل خففت المه
يعني اكتر يوم بيفرحك هوا يوم ال insertion
واكتر يوم ينرفزك هوا يوم ال re-make
يعني تايه من المحاضرات عالسكاشن ومن السكاشن عال technicians
يعني انا من زمان يا دنيا بتحمل
بس بنكمل 😅
المجد كل المجد كل المجد للمرابطين من كلية طب أسنان :D