Dof3et 2011-2012

صلاة الجنازة على د. احمد مهني اليوم الاثنين ٣٠ مايو بعد صلاة الظهر في مسجد فاطمة الشرباتلي.

اللهمّ أبدله داراً خيراً من داره، وأهلاً خيراً من أهله، وأدخله الجنّة، وأعذه من عذاب القبر، ومن عذاب النّار. اللهمّ عامله بما أنت أهله، ولا تعامله بما هو أهله. اللهمّ اجزه عن الإحسان إحساناً، وعن الإساءة عفواً وغفراناً. اللهمّ إن كان محسناً فزد من حسناته، وإن كان مسيئاً فتجاوز عن سيّئاته.

السلام عليكم ورحمه الله
( هام جدا للنشر في كل جروبات الجامعات دفعه امتياز)
نتيجه لقاء رابطه إمتياز مصر مع مسؤول التكليف في الوزاره د. محسن طه
* إستمر اللقاء لمده تقارب الساعتين و كان الملخص كالتالي :
1)) تحدثنا عن التكليف وطريقته وعن الأخبار التي انتشرت عن تعديل التكليف ليتم تكليفنا بالطريقه القديمه وليس كالدفعه التي سبقتنا وهي النطاقات الجغرافيه حسب التقدير (1+4+1 ) .. وكان رد دكتور محسن طه : التكليف هذه السنه كما كان السنه السابقه مع وجود فرق بسيط حيث سيكون التكليف ليس حسب جامعه التخرج فقط ولكن قد يكون حسب الاقامه ( تختار بين الاثنين حسب جامعتك او حسب اقامتك ودا للي واخد جامعه في غير محافظته يختار ان تكليفه يكون علي اساس الجامعه ولا الاقامه ) وكل دا هيكون خاضع ايضا للتقدير . بحيث أن يكون الرغبات تكتب في التسجيل ويكون التوزيع حسب محافظتك أولا ( اللي انت كتبتها محافظه الاقامه او محافظه الجامعه التي درست بيها ) ثم 4 محافظات التي حولك لو تقديرك مجابش محافظتك ) ثم النائي بعد ذلك لو تقديرك متدني وملحقتش محافظات دي أو لو انت مقدم عاوز نائي بمزاجك .. الفرق ان السنه اللي فاتت كان نظام ( 1+4+1 ) أي محافظتك 1 + 4 محافظات اللتي حولك + منطقه نائيه واحد وهو ما سيتفير لتفتح الوزاره النائي مطلقاً حيث ان لو تقديرك مش جايب لا محافظتك ولا ال4 محافظات وجاب نائي فهتكتب المكان النائي اللي تختاره مش هيكون مكان نائي واحد مجبر ليك حسب محل اقامتك او جامعتك و هو هو الحال لو هتقدم نائي بمزاجك هتختار المكان .. وطبعا في النائي الأولويه في المكان للأعلي تقدير بردو داخل المحافظه الواحده ..
بالنسبه لنقطه الاحتياجات : تمتضويحها انها مش مدخل للتعسف زي ما كلنا قولنا يعني لو تقديرك يجيب مكان قريب هتاخده مش هيشيلك منه تروح مكان تاني ابعت تحت بند احتياجات .. لا هو يقصد لو تقديرك عالي و المكان اكتفي ب10 تكليف هتروح المكان اليل بعده علي طول يعني حسب مجموعك هتبعد عن مكان الاقامه زي ما وضحنا فوق
2)) بالنسبه لنقل الدرجه الماليه .. تحدثنا مع الدكتور محسن وقال أن في مشروع يدرس و اوشكت الوزاره الانتهاء منه و بنسبه كبيره سيفعل ولكن ننتظر الاعلان عنه وهو ان الدرجه الماليه تنقل لمكان النيابه لما يتم استلامها
3)) بالنسبه لموضوع استلام النيابه مع التكليف ومميزات التكليف في التقديم للنيابات هنسردها في نقاط وهي :
- التكليف النائي سوف يكون له الحق في التقديم للنيابات الملحه في أول حركه نيابات ستلي استلامه التكليف ( لو كانت تاني يوم ولا بعد شهر ولا شهرين) وهي هي حركه النيابات اللي هتنزل اساسا للدفعه اللي قبلنا للتوضيح يعني . هيكون ليهم حق يقدموا في النيابات الملحه دي بس هتكون في نفس المنطقه والمحافظه النائيه يعني هتقدم نيابات ملحه مع الحركه لكن هتستلمها نائي في نفس محافظه التكليف علشان كله ياخد باله يعني هستلم نيابتك نائي ..
بالنسبه بقي للتحضير الماستر فالوزاره قالت انها هتتكلم مع د مهجه في لقاء هيتم تحديده للتنسيق بحيث لو هيقدم ماستر وهيحصل انتداب جزئي فالوزاره تسمحله ينتدب لاقرب جامعه له .. يعني مش يقدم في جامعه في القاهره وهو واخد نائي شمال سيناء ويترك المكان ... لكن هتسمح بانتداب جزئي ولكن د محسن قال الكلام دا هيتم نقاشه في جلسات قادمه مع التعليم العالي للتسيق علشان يكون كلام شور بحيث محدش بعد ما يستلم يلاقي انه مش عارف يحضر ماستر او ان الوزاره تلاقيه سابها ويحصل تعسفات مثلا او حاجه تضر اي طرف .. نبقي علي نور فهنستني النقطه دي
- بالنسبه لو النائي هيقدم زماله فعادي يقدم وهيتم توزيعه في الزماله لاقرب مستشفيات معتمده في الزماله للمنطقه النائيه في محافظه النائيه او اقرب محافظه لو مش فيها مستشفيات معتمده للزماله في نفس المحافظه ..
- التكليف النائي مسموح له انه يقدم زماله مصريه طب اسره من أول يوم استلام تكليف وتم مخاطبه الهيئه بتاعه الزماله لمضاعفه عدد القبول لزماله طب الاسره
- الوزاره قالت انها بعد عرض الامر عليها هتتدخل اثناء حركه التكليف بحيث المتزوجين وواخدين نائي سوا يستلموا في وحده واحده .. ولكن الزوجه هي اللي هتروح علي مكان زوجها وليس العكس يعني هي اللي هتتنازل عن مكان تكليفها النائي وتروحله مكانه النائي .. سواء كان تكليفها اعلي أو اقل مش هو اللي هيروحلها ..
- مازال فكره ان تنزل نيابات للنائي تستلمها مع نفس يوم استلام التكليف لسه مقترح امام الوزير بيدرس .. لا يمكن الاعتماد عليه سواء بنعم أو لأ رغم ان في كلامي مع النقابه ساعتها د عبد الرحمن قالي دا قرار ميقدروش يرجعوا فيه قرار وزاري ولما بلغته ان الموضوع اتلغي قالي لأ قولتله هنسأل في اللاجتماع ود محسن قال دا مقترح بيدرس لكن لسه مخدناش فيه قرار يعني منعتمدش عليه حتي يتم التأكيد هيتم ولا لأ
- قولنا التكليف هقدم علي نيابات ملحه مع اول حركه تكليف هتيجي حتي لو هتبقي تاني يوم ولا اسبوع ، و أيضاً هيتم فتح باب النيابات علي مستوي الجمهوريه للنائي سواء نيابات عاديه أو نيابات ملحه بعد 6 شهور من استلام التكليف ... في نفس الوقت اللي هتكون نيابه ملحه فقط مفتوحه لدفعتنا ( اللي هي بعد 6 شهر تكليف ) وهيكون استلام الملح ساعتها منافسه مع الدفعه كلها حسب التقدير يعني لو نيابه ملحه في مكان مميز مقدم عليه حد من النائي وحد من العادي هتكون الاولويه بالمجموع ( يعني ميزه النائي ان هيتفتحله النيابات كلها مش ملحه بس بعد 6 شهور وساعتها هيكون مفيش منافس له بتقدير اعلي منه علي النيابه لو هو تقديره اقل )
4)) التكليف مناطق خارجه دا لا يشمل شرطه وجيش ..
5)) للتأكيد : لن تذهب الي مكان او رغبه غير مكتوبه في كشف التقديم للتكليف ولن يتم توزيع لمكان أبعد أو تخطي رغبه في تسلسل الرغبات في التقديم ..
للتأكيد والتوضيح
* تكليفنا هيكون حسب مجموعك بتروح ابعد شويه عن محل الاقامه ( اللي بتكتبه حسب محل اقامتك سكن أو محل اقامتك بمعني جامعه التخرج ) تختار يعني يكون المحافظه الام اللي بيتدي منها التوزيع هي الاقامه ولا الجامعه اللي درست فيها ) ثم يليها ال4 محافظات اللي حواليها لو تقديرك اقل وملحقت محافظتك ثم لو تقديرك تحت عن كدا وهتروح نائي يبقي مفتوحلك تختار المحافظه اللي تعجبك في النائي مش مجبر علي محافظه بعينها ... ولو عاوز نائي بمزاجك وتقديرك عالي تقدم في اي محافظه نائي بمزاجك والمتزوجه هتنقل استلام تكليفها لمكان جوزها لو هم الاثنين نائي
* النائي هيقدم نيابات ملحه مع اول حركه نيابه بعد استلام التكليف وهيتسلم النيابه في نفس النائي .. وله حق قدم نيابات ملحه ونيابات عاديه بعد 6 شهور من التكليف ودي علي مستوي الجمهوريه بقي مش مجبر نائي .. الزماله المصريه طب اسره مفتوحه من اول يوم .. الزماله المصريه هيتم انتدابك لاقرب مستشفي معتمده للزماله في المحافظه لو مفيش في اقرب محافظه .. الماستر موافين انتداب جزئي لاقرب جامعه ومستشفيات ..
* موضوع الدرجه الماليه تحت البحث وقالنا د محسن ان بدرجه كبيره هيتنفذ ان شاء الله بس هنستني يخرج رسمي
* في مقترحات كتير معانا وأساله واستفسارات قولنا هنعرضها اللقاء القادم مع د محسن يوم السبت فعد القادم بعد ما اتكلمنا في البنود الاساسيه و يسعدنا تلقي كل الاستفسارات اللي هنسجلها ونسأله عليها ونعرضها عليكم ...
* لازم ولابد وواجب وفرض علينا كلنا نعمل شير للبوست في كل جروب وصفحه لكل جامعه وجروب خاص بالإمتياز ... و المسؤولين في كل دفعه في الرابطه او امتياز اداري ينسخه لدفعته ويطبع نسخه منه علي الاقل يوزعها عليهم لمعرفه كل جديد والمتابعه ...
* باب التسجيل هيقفل يوم 12 وهيتفتح التكليف من 20 ليوم 10 الشهر القادم



* ومن المعلوم ان الرابطه قد ارست خطاب شديد اللهجه للنقابه منذ اسبوع بعد تأخر النقابه في الرد عن بعض الاستفسارات بخصوص التكليف قبل التوجه لمقابله الوزاره وهددت بانفصال الرابطه عن النقابه ... وقد سادت حاله من الغضب جموع الاطباء بعد انباء تغيير في نظام التكليف والنيابات قد يضر بهم ومستقبلهم مفكرين في التصعيد ولكن جاء اللقاء مع الدكتور محسن مثمراً بحد تعبيرهم وفيه أمل قائلين أنهم يرغبون في لقاء بناء بعيدا عن المشادات والتصعيدات دون الجلوس والنقاش وقد وجهت الرابطه رساله شكر للدكتور محسن علي اللقاء


مع كامل الاحترام والتقدير
رابطه إمتياز أطباء مصر

محاضرات ال cpr لباقى الدفعه

الوحده الرابعه والخامسه والسادسه من تقسيمة راوند الاطفال
by Mohamed Saad

الوحده الاولى والتانيه والتالته من تقسيمة راوند الاطفال
by Mohamed Saad

تقسيمة النسا
by Ahmed Y. Ammar

دي ورقة لقيتها النهاردة عند الشؤن من الناس اللي المفروض يحطوا التاتش بتاعهم ع اللوج بوك
by Mohamed Saad

اعلان
by Mahmoud Ead Sawan

انا لله وانا اليه راجعون,,, انتقل الى رحمه الله أخ زميلتنا هايدى فتحى و أخي بالامس و العزاء ان شاء الله يوم الأحد بعد صلاة المغرب في مسجد رابعة العدوية,,,,,,,,, نسألكم الدعاء له بالرحمة و المغفرة ,,,,,,

By : Mofeed Marwan

اللهم اغفر لهم و ارحمهم و أسكنهم فسيح جناتك

بدأنا إضرابنا يوم الخميس 31-5 و كانت مطالبنا ترتكز في الأساس على تطوير أحوال الإمتياز مما يضمن وجود نظام تعليمي يرقى بمستواه مما يؤهله ليخدم المرضى

كان لجوئنا لفكرة الإضراب بعد نفاذ الأساليب المختلفة في حوارنا على مدار شهرين لم نجد خلالهم من الإدارة سوى التجاهل لمطالبنا و التي كانت في الأساس تنصب في إيجاد نظام تعليمي واضح يؤهلنا لخدمة أفضل للمرضى

بفضل الله كانت العزيمة قوية و استمرت على مدار الأيام وقفات يومية للضغط و استمرارنا رغم صعوبة الظروف و كثرة التحديات لجميع الأفراد

الآن و بعد مرور أسبوع من بدء حركة إضرابنا ... وجدنا بفضل الله تجاوبا واضحا من بعض إدارات المستشفيات كمستشفى النساء و مستشفى الباطنة بالإضافة إلى وصول موقفنا إلى النقابة العامة و تواصل أعضاء النقابة مع الحركة الإضرابية ثم تحديد جلسة استماع لنا يوم الإثنين القادم في مجلس الشعب لدى لجنة الصحة

نتيجة لهذه البوادر الإيجابية التي ظهرت و من منطلق حرصنا على إنجاح كل المبادرات التي تهدف لحل المشاكل و تقديرنا لتجاوب الكثير مع مطالبنا قررنا تعليق الإضراب حتى نهاية الشهر و ذلك لإعطاء الفرصة أمام المبادرات الجدية كي تأخذ فرصتها خصوصا بعد أن لاقينا الجدية فيها

تعليقنا للإضراب لا يعني أننا قد تنازلنا عن مطالبنا ... بل سنعود إلى عملنا الحقيقي كأطباء امتياز في فترتهم التدريبية و سوف نقوم خلال أيام بالتعاون مع إدارات المستشفيات المختلفة من إصدار توصيف وظيفي واضح لطبيب الإمتياز

حركتنا مستمرة و عزيمتنا لن تنتهي


امتياز الدمرداش ديسمبر 2011

صباحكم أمل و فجر جديد ... كل واحد يعدي على لجنته و ينتخب

صوتك لمن ترى أنه الأحق و الأجدر لقيادة البلد ... اجتهد و استخير ثم توكل على الله

لكل من امتيازه في الدمرداش ... بكرة أجازة ما عدا الناس اللي عندها النوبتشيات