دبلومة إدارة المطاعم

طب فكره المشروع بتيجى ازاى ؟
شئ داخلى منك انك معاك مبلغ مالى عاوز تستثمره وده في الاساس الدافع الداخلى وبتربطه ببعض الاشياء زى وجود فرص لنجاح مشروعك فى منطقه معينه او ان المنطقه تفتقر لمشروعك او فى زياده على الطلب مع قله الطلب
نصيحه غاليه عشان تتولد فكره لازم تركز وتعزل نفسك عن اى شئ سلبى او اشخاص محبطيين ولازم تسال اسال الخبره وتتطلع على كل جوانب مشروعك بنفسك لان فى النهايه انت صاحب القرار ومن حسن حظك ان دلوقت فعلا العالم بقى قريه صغيره يعنى ممكن وانت فى مكان تشوف تروح وتشوف مطاعم فى امريكا او الصين وتشوف افكار جديده ممكن تتطور عليها وتحط بصمتك وممكن تاخد من التجارب اليابانيه حيث ان اليابانين ليهم اسلوب ناجح جدا فى التطور والاستثمار هم بيشتغلوا على استكمال اخر ما توصل اليه اى مشروع زى سيارات تي يوتا اخدوا اخر ما وصلت اليه سيارات فورد وطورها بشكل تي يوتا الحالى وده فكر اقتصادى استثمارى ناجح ومدرسه ليها ثقلها فى السوق
عامله شويه زى فكره شراء العبد ولاتربيته .
ولازم تحط فى اعتبارك ان دراسه الجدوى لازم لاتقل عن 6 شهور وبرده لاتزيد عن 6 شهور لان السوق بيتغيير واحتياجات ورغبات العملاء بتتغير بشكل سريع

https://youtu.be/meHg9CZJX00?si=EyAr00MUoc1Sq_I8

ازاى تقدر تفرق بين درجة الأمان ودرجة الجودة كمدير مطعم ناجح Enjoy the videos and music you love, upload original content, and share it all with friends, family, and the world on YouTube.

وعليك ان تعلم جيدا ان هناك مهام يجب ان تكون محدده للموظف قبل ان يلتحق بالعمل ولابد من اخباره بها حتى تتجنب ترك الموظف العمل بعد فتره وجيزه نتيجه جهله بالمهام الموكله له مما يعرضك لخساره المال والوقت والمجهود بالاضافه الى عنصر مهم جدا هو سمعتك فى السوق عزيزى المستثمر فى مجال المطاعم عليك ان تعلم جيدا ان مجال المطاعم يشبه القريه الصغيره التى يعلم اخبارها كل فرد يعيش فى القريه وتنقسم المهام الى:
مهام رئيسية:هى المهمة الرئيسية التى يقوم بها الموظف و لها علاقة مباشرة بخدمة العملاء مثال ( العمل بقسم الجريل)
ولابد للموظف ان يكون على درايه بمهام الرئيسيه وان يكون موقع عليها بالعلم منذ بدايه التعاقد معه ويتم تحيد راتب الموظف وفق قدرته على اتمام هذه المهام بكفاءه
مهام اضافية: هى مهام موجهة اساسا الى الاعمال التكميلية لاعداد الاقسام مثل التجهيز، معايرة المعدات ، مساعدة موظف اخر
مهام مساعدة :هى مهام لها درجة عالية من الاهمية و لكنها مرنة مثل اعادة ترتيب المخزون ، تدريب العاملين ، الصيانة الدورية

.كيف اختار معدات مطعمى
أول نقطه كده وأنت بتفكر تشترى معدات ابعد عن السماسره فى ناس شغلتها السمسره فى المعدات ودول ممكن يخلوك تخسر كثير اوى من فلوسك على معدات مش مناسبه ليك خالص ونروح بعيد ليه بص لبيتك اللى انت قاعد فيه كام جهاز عندك اشترتيه وبعد كده لاقيته مش مناسب ليك تماما وخسرت فلوسك فيه
عشان كده فى الفصل ده لازم تركز اوى فى النقط اللى هنعرضها فى الفصل ده لان تكلفه المعدات تعتبر عنصر مؤثر جدا فى تكلفه افتتاح المطعم وبند مهم جدا هيأثر جدا علي تكاليفك
تعالوا نسرد النقط اللى على اساسها بتشترى معدات مطعمك:
بس الاول لازم تحدد المكان اللى هتشترى منه لازم يكون منفذ بيع موثوق فيه وليه سمعه طيبه فى السوق ولازم يكون عنده صيانه للمعدات اويكون هناك وكيل معتمد للصيانه حاول تشترى من مكان يكون قريب منك عشان تكلفه النقل لان النقل لمكان بعيد هيكون مكلف لازم تتناسب المعده مع مصدر الطاقه اللى عندك سواء كهرباء او غاز .
كمان لازم احمال الكهرباء تكون متناسبه مع معداتك وخصوصا المعدات الثقيله
مساحه المطعم بتاعك لازم تحسب وتستغل كل مساحه عندك افضل استغلال لان اكبر اهدار لمالك انك تشترى معده ومفيش مكان ليها
المعدات ليها علاقه بالاصناف الموجوده بالمنيو أما فى حاله عمل اصناف جديده فى المستقبل او تطوير يفضل انك تشتريها من اول يوم فى مشروعك وتحدد مكان ليها

ازاى اجيب موظفيين ومنين اجيبهم واعمل معاهم مقابلات ازاى خصوصا لو انا مش خبره ؟
كل دى أسئله مهم جدا بس الاهم الاول احدد نوعيه مشروعى او مطعمى عشان اقدر احدد نوعيه وعدد العماله
فلو مطعمى متخصص فى الوجبات السريعه يبقى لازم نوعيه الموظفيين اللى اجيبهم واختارهم لازم يكونوا على خلفيه بمجال الوجبات السريعه لو انضم ليا موظفيين معندهمش خبره لازم يكون نسبتهم لاتزيد عن 20 % من اجمالى الموظفيين
لو هعمل مطعم بيقدم وجبات اسماك لازم يكون الموظف ليه خبره سابقه بمطاعم الاسماك سواء كان فى اقسام المطبخ او قسم الصاله
يعنى بربط بين نوعيه المطعم ونوعيه العماله
طب تعالوا ناخد خطوه خطوه أنا بحتاج لما افكر فى العماله احدد ثلاث عناصر مهمين في اختيار العماله الاول من حيث النوعيه والثانيه من حيث العدد والثالثه من حيث الكفاءه
النوع ده بيكون مرتبط زى ما قولنا بنوعيه المطعم أو نوعيه المنيو المقدم طب لو هحدد قوه المطعم من العماله لازم اربط بين مساحه المطعم والعماله المطلوبه وده شئ مهم لازم استغل الموظفيين الاستغلال الامثل واستفيد منهم لانهم بيعتبروا جزء من الاستثمار بتاعى كمان مهم جدا أني أقدر أحدد نوعيه الخدمه اللى هقدمها بالمطعم فلو مطعم وجبات سريعه هيختلف عن مطعم بيقدم خدمه تقليديه او ما يسمي كلاسيك
طب من حيث الكفاءه المفروض انك بتحتاج نوعيه عاليه من الموظفيين عشان تقدر تضمن جوده عاليه وتقدر تنافس وانت بتكون محدد نسبه معينه ممكن توصل ل60% دول اللى بيضمنوا نجاح مشروعك بيكونوا من اصحاب الخبرات بس طبعا بيكلفوك كثير لانهم جودتهم أعلى ومطلوبين فى السوق لو انت شاطر تقدر تستفيد منهم انك تدرب الموظفيين عشان يكتسبوا منهم الخبره والكفاءه فى العمل

قصة ستاربكس: بيع الشعور قبل القهوة
لم تبدأ ستاربكس كمقهى، بل كمحل بسيط لبيع حبوب القهوة. لم يكن هناك كراسي، ولا موسيقى، ولا أكواب ورقية.
عندما انضم هوارد شولتز، سافر إلى إيطاليا ولاحظ أن المقهى هناك ليس مجرد مكان للشرب، بل مساحة اجتماعية.
عاد شولتز بفكرة جديدة: ستاربكس ستكون “المكان الثالث” بعد البيت والعمل.
ركز على التصميم، الموسيقى، أسماء المشروبات، وحتى طريقة نطقها. لم تعد القهوة مجرد مشروب، بل تجربة وهوية.
رغم مقاومة الشركاء الأصليين للفكرة، أصر شولتز، واشترى الشركة لاحقًا وبدأ التوسع العالمي.
الدروس الإدارية:
العميل لا يشتري المنتج فقط، بل الشعور
بناء التجربة يرفع القيمة المدركة

خبرة أكثر من 15 عام