Haitham Zaki,Agile Coach, Consultant and Trainer

تعرف إن تكلفة الاجتماعات الغير فعالة في الشغل بتوصل لـ 400 مليار دولار في أمريكا بس؟
والمفاجأة إن 71٪ من الاجتماعات دي مش فعّالة أصلًا !

ده بحث أجراه Dr. Steven Rogelberg من جامعة UNC Charlotte ومؤلف كتاب "The Surprising Science of Meetings" واللي بحثه تم نشره في Harvard Business Review

كل اجتماع غير فعال مش بس بيضيع وقت… ده بيكلف فلوس، بيأثر على الإنتاجية، وبيدمر الحماس عند الناس

طيب ليه ده بيحصل؟

١. مفيش هدف واضح للاجتماع:
الناس بتدخل الاجتماع مش عارفة “إحنا هنا ليه؟” وبيخلص الاجتماع من غير أي قرار أو خطوة تنفيذية.

٢. الدعوات العشوائية:
نص اللي في الاجتماع مالهمش علاقة مباشرة بالموضوع، فبيضطروا يقعدوا يتفرجوا أو يتكلموا في مواضيع جانبية.

٣. الإدارة الضعيفة للاجتماع:
الاجتماع بيخرج عن السيطرة، مفيش وقت محدد لكل نقطة، ومفيش تسهيل للنقاش. وده نتيجة إن مفيش facilitator للاجتماع يكون معاه سلطة تنظيم الاجتماع بالشكل اللي يحقق الهدف منه.

٤. مفيش follow-up:
حتى لو طلعنا بأفكار أو قرارات، مفيش متابعة أو مسؤوليات واضحة، فكل حاجة بتتبخر بعد الاجتماع, وبالتالي مفيش شيء يلزم أي طرف بأخذ أي إجراء أو action

الحل؟ خلي الاجتماعات “أذكى” مش “أكتر”::
1- حدد هدف واضح ومكتوب قبل الاجتماع — لو الهدف مش واضح، متعملش الاجتماع أصلاً.
2- اعزم الناس اللي ليهم علاقة مباشرة بس.
3- استخدم Facilitator أو قائد اجتماع بيعرف يدير الوقت والنقاش.
4- اختم الاجتماع بـ قرارات واضحة ومسؤوليات محددة.
5- ابعت ملخص وتنفيذ بعد الاجتماع خلال 24 ساعة.

قوللي من وجهة نظرك ايه أحسن وأسوأ اجتماع حضرته وليه ؟

أكبر مشكلة بتقع فيها أي شركة بتقدم استشارت في الBusiness أو في الAgile أو غيره هي انه غالبا التركيز بيكون على الtechnology أو الTools اللي بيفهموا فيها أكتر من المشكلة الحقيقية اللي بيواجها العميل, وده بيوصل احساس للعميل انكم مش فاهمين انا عايز ايه أو عايزين تبيعوا ready made solutions عندكم بغض النظر على القيمة المكتسبة منها, وده يخلينا نفكر هو احنا هدفنا الProfit ولا ال purpose وال Value الحقيقية للعميل,

اللي لازم نفهمه ان الpurpose والvalue هيوصلونا أكيد للProfit ممكن مش بنفس السرعة ولكن باستمرارية ورضا أكتر للعميل وهيوصل احساس للعميل اننا مش بياعين وخلاص, احنا عايزين نضيف قيمة حقيقية للbusiness عندك, حتى لو العميل عايز حاجة مش عندنا ومش في دايرة تخصصنا, أكيد هيثق في رأينا واننا هنقدر نوجهه للمكان أو للsolution اللي هيساعده يحقق اللي هو عايزه.

الهدف هو حل مشاكل وتحديات عند العميل مش مجرد بيع ادوات و technologies بفلوس كتير, الtools والtechnologies أهميتهم في كونهم أدوات بتساعدنا على حل المشاكل وليست هدف في حد ذاته.

الثقة والنزاهة في التعامل هما اللي لازم هيكسبوا في الآخر

الأجايل هو أسهل أصعب حاجة ممكن نطبقها !

سعيد بإعلاني الحصول على الاعتماد كمدرب لكورس PMI-ACP من معهد ادارة المشروعات,ومتحمس للمنهج الحديث الذي يحتوي على العديد من المواضيع الحديثة واللتي تعكس تطور منهج الAgile بشكل عام

I am thrilled to announce that I have become "Authorized Training Partner Instructor" - PMI-ACP from Project Management Institute!
Having delivered this course since 2017, I am excited about the new outline that reflects the significant advancements in Agile across industries. Stay tuned for the upcoming round with the updated curriculum!

السعي نعمة, ان ربنا مديك الصحة عشان تسعى ده نعمة عظيمة, ربنا ميحرمناش أبدا من نعمة السعي في الحلال وان الواحد يكون نافع وليه أثر لأنه هو ده اللي بيفضل ويترك أثر ايجابي, فالحمد لله دائما وابدا