Head of Math Mr. Ahmed Bahi

Head of Math Mr. Ahmed Bahi Contact information, map and directions, contact form, opening hours, services, ratings, photos, videos and announcements from Head of Math Mr. Ahmed Bahi, Education, Cairo.
(611)

الصفحة الرسمية لمستر / أحمد باهي
أستاذ الرياضيات البحتة و التطبيقية للثانوية العامة لغات ، دكتوراه في الرياضيات التطبيقية ، عضو لجنة الخبراء بوزارة التربية التعليم وهيئة تطوير المناهج

23/08/2026

هي إيه حكاية تريند المدرسين اللي طالعين يعتذروا عن تدريس مناهج البكالوريا !!!
ده ايه الخيبة البني ده
أومال الطالب يعمل إيه

على فكرة المدرس الشاطر بيبان قدام المناهج الصعبة
والطالب الشاطر برضه بيبان قدام المناهج الصعبة
والله خيبة ما بعدها خيبة
ما تروح تذاكر يا بابا ، و أتطلع وطور نفسك من جديد
وللا هما مافيش غير الكلمتين اللي انت حافظهم وخلصت على كده ، و اه صحيح مافيش كتاب خارجي هينزل دلوقتي عشان تذاكر منه 😂
طب افرض مافيش كتاب خارجي نزل من الأساس، ايه هيحصل مدرسين مصر هيوقفوا شغل !!!
، بس انا كنت عارف ان ده هيحصل و لسة البقية تأتي ، والسنة طويلة و هيحصل فيها حاجات كتير في كل المواد
اومال اللي طلعوا اول ما المناهج نزلت وقعدوا يقولوا المناهج سهلة وبسيطة راحوا فين !!!! 😂

والانجليزي بتاع البكالوريا ده كمان مصيبة
روحوا يا عيال خدوه مع مدرسين أميركان او ig
المنهج تقيل اوي ، و مدرسين الناشونال مش هيعرفوا يصدوا قدامه

22/08/2026

هو مش كان الرئيس السيسي أتكلم من ٦ او ٧ شهور عن الكليات في مصر ، ووجه بإعادة هيكلتها عشان تواكب سوق العمل
وساعتها أساتذة الجامعات و المسئولين عن التعليم العالي كل واحد طلع يفتي و هنعمل و هنسوي
وبعدين الموضوع نام ، وولا حاجة حصلت

احنا حرفيا ٧٠ % من الكليات عندنا مالهمش لازمة ، ولا ليهم علاقة بسوق العمل ، بيطلعوا واحد اسمه خريج جامعي بس لكن مش بيشتغل بشهادته ده وممكن اتكلم عنهم بإستفاضة

ياجماعة الكليات اللي مالهاش لازمة تتتقفل ، الأقسام اللي مالهاش لازمة ولا شغل تتقفل ، الكليات المختلفة اللي فيها أقسام مختلفة و بتطلع نفس المهنة في الاخر يتم دمجها و توحيدها
الكليات اللي فيه منها خريجين كتير كتير ومش لاقيين شغل يتم ايقاف او تقليل القبول فيها لفترة، لحين استيعاب سوق العمل للأتخرجوا منها ذي طب أسنان و علاج طبيعي مثلا
المفروض يبقى عندنا نظام ، مش خرج أعداد مهولة و أرميهم في السوق و خلاص و مافيش سوق عمل يستوعبهم

و على سبيل المثال
● مهنة ذي مدرس لغة عربية موجودة في كلية تربية و كلية آداب و كلية دار علوم ده غير دخلاء المهنة
● مهنة ذي مبرمج ، موجودة في حاسبات ومعلومات ، و موجودة في حاسبات وذكاء اصطناعي ، و موجودة في ذكاء اصطناعي بس ، و موجودة في هندسة قسم حاسبات ، و موجودة في كلية علوم قسم sim ، وموجودة عند أي حد واخد كورسات برة او متعلم مع نفسه
وغيرهم كتير
طب ما تضموا التخصص في كلية واحدة ، ويبقى ليه مسمى وظيفي و نقابة ، ويبقى ممنوع امتهانها من اي دخلاء ، ونبقى بلد منظمة ، بدل شغل سمك لبن تمر هندي ده

وياريت العيال اللي عمالة تدخل حاسبات ده تهدى شوية
انتم عددكم هيبقى في الليمون ، و مش هتلاقوا شغل
وولا في دولارات ولا روبية هندي حتى ذي ما انت فاكر
ده أكبر عملية غسيل مخ حصلت
ولما تيجي تاخد رأي واحد في الموضوع ده تاخد رأي طالب اتخرج من حاسبات بقاله سنتين او ٣ ونزل سوق العمل
هيقولك الويب سايت بقى بيتعمل بي ٦٠ ج
ومافيش شغل ، ولو لقى شغل مرتبات تعبانة
وماتخدش رأي الطلبة اللي لسة في الكلية ، دول مستوى تفكيرهم تحت الصفر للاسف ، و مستنى لما يتخرج وفاكر شركة مايكروسوفت واقفة مستنياه ، لكن الحقيقة ان انتم هتدرسوا برمجة لطلبة البكالوريا في الاخر ، ده لما تغلب وماتلاقيش شغل
فيه حاجة اسمها التوازن البيئي يا جماعة

منهج العلوم المتكاملة الجديد لأولى ثانوي مالهوش علاقة ولا بالكيمياء و لا بالأحياء و لا بالفيزياء ده محتوى رياضيات تطبيقي...
21/08/2026

منهج العلوم المتكاملة الجديد لأولى ثانوي
مالهوش علاقة ولا بالكيمياء و لا بالأحياء و لا بالفيزياء
ده محتوى رياضيات تطبيقية ( استاتيكا و ديناميكا )
ده منهج الرياضيات بتاع ثانية ثانوي عام القديم
طب ما انا افتح الحجز بقى علوم متكاملة أولى ثانوي 😂😅😂
هو انا ساكت ليه 😂😂😂

بعد نزول مناهج ثانية ثانوي بكالوريا بالأمس١) مدرسين الرياضيات بيقولوا المنهج سهل ومباشر ، لدرجة قرأت كومنت من أحدهم بيقو...
20/08/2026

بعد نزول مناهج ثانية ثانوي بكالوريا بالأمس

١) مدرسين الرياضيات بيقولوا المنهج سهل ومباشر ، لدرجة قرأت كومنت من أحدهم بيقول ده محتاج حصة واحدة في الاسبوع
٢) مدرسين الفيزياء بيقولوا المنهج سهل خالص
٣) مدرسين البرمجة بيقولوا المنهج سهل ومباشر
٤) مدرسين الكيمياء بعضهم مشي مع الموجة وقال المنهج سهل ، و القلة صرحت وقالت المنهج تقيل و محتاج مجهود وشغل جامد ودول انا احترمتهم جدا
٥) أولياء الأمور و الطلبة اللي كانوا مستنين المناهج تنزل عشان يختاروا ! ، طب أهي المناهج نزلت ، حضرتك عارف تختار دلوقتي ؟؟

بس انا لسة ماقولتش رأيي صح ؟
طب هقوله 👇
● مافيش منهج يتوصف سهل و لا مباشر ، ده مناهج ثانوية عامة ، و أي منهج مهما كان محتواه ممكن يتحط عليه أسئلة سهلة و أسئلة صعبة جدا

●والإمتحانات مش هتكون سهلة لأنها امتحانات ثانوية عامة

● مافيش منهج أصغر من منهج في المحتوى العلمي ، كلهم قد بعض ، و حجم المحتوى العلمي حاجة وعدد الدروس حاجة تانية ، اصل لقيت بوست من مدرس فيزياء بيقارن منهج الفيزياء بمنهج الرياضيات بعدد الصفحات

● منهج الفيزياء : عبارة عن خليط مبين الرياضيات التطبيقية + فيزياء كهربائية
منهج الرياضيات : هو رياضيات بحتة و ده معروف عنها أنها اخف من الرياضيات التطبيقية
يعني اللي مختار فيزياء عشان يهرب من الرياضيات
احب اقولك انت اهبل ، وعمر ما نظرية الهروب جابت نتيجة مع حد ، لكن لو مختار فيزياء عشان بتحبها وهتبدع فيها يبقى اختيار موفق

● منهج الكيمياء : فعلا تقيل وهيحتاج مجهود كبير جدا من المعلمين في شرحه ، و عاوز طالب شاطر عشان يستوعبه لكنه مهم مستقبلا لو الطالب دخل كلية هندسة
منهج البرمجة : مش سهل ابدأ ذي ما تم وصفه ،
و استعنت برأي متخصص صديق ليا دكتور في كلية هندسة قسم حاسبات في جامعة عين شمس
+ ان فيه جزأ إحصاء جواه عالي جدا جدا

● أي مدرس لأي مادة يوصف مادة بكلمة سهلة ومباشرة ،
أحب أقولك انك ماينفعش تبقى راجل أكاديمي
و مافيش سبب يخليك تقول كده الا انك عاوز الطلبة تختار مادتك عشان الدروس بس

● مازالت الإشاعات مستمرة من بعض المدرسين ، ان اختيار المواد بيأثر على الكليات قدام
وده كلها اشاعات ، و مهما كان اختيارك فإن كليات المسار كلها بتكون متاحة قدامك

● المناهج جميلة و متطورة ، مناهج ib أعلى مناهج دولية ، و أعلى من مناهج ال ig كمان وخطوة جيدة من الدولة لتطوير المناهج
لكن هناك مشكلتين ، معلمين كتير هيفشلوا أمامها و أمام الامتحانات اخر السنة ، و طلبة كتير ضعيفة اساسا و طول عمره بيغش والمناهج ده عالية عليه جدا

● فيه سؤال كتير بيتردد 👇
هل منهج الرياضيات بتاع ثانية بكالوريا في مسار الطب و علوم الحياة هيكون نفسه منهج الرياضيات بتاع ثالثة ثانوي في مسار الهندسة وعلوم الحاسب ؟
الاجابة : لا لا لا ، منهج ثالثة ثانوي هيكون منهج مستوى رفيع مختلف عن مناهج ثانية بكالوريا
وباقي المواد بالمثل

كلمة أخيرة للطلاب : اختار بعقلك بعيد عن ترشيحات المدرسين

19/08/2026

بعد ظهور تنسيق المرحلة الأولى و الثانية ثانوية عامة دفعة 2026
كده نكتب للتذكرة عشان نفتكر السنة الجاية :-
بالنسبة لشعبة علمي رياضيات :-

١) الحد الأدنى لكليات الهندسة >>> 86.41 %
٢) الحد الأدنى لكليات الحاسبات و المعلومات >>> 79.53 %
٣) الحد الأدنى لكليات فنون جميلة عمارة >>> 73.28 %
٤)الحد الأدنى لكليات فنون جميلة فنون >>> 69.06 %
٥)الحد الأدنى لكليات فنون تطبيقية >>> 68.75 %
٦)الحد الأدنى لمعهد فني صحي رياضة >>> 68.9 %
٧)الحد الأدنى لكلية علوم رياضة >>> 71.09 %

تنسيق المرحلة الثانية شعبة علمي ثانويه عامة دفعة 2026
19/08/2026

تنسيق المرحلة الثانية شعبة علمي ثانويه عامة
دفعة 2026

19/08/2026

مناهج البكالوريا ثانية ثانوي مافيش منهج مادة علمية سهل
ده مناهج IB
أعلى المناهج والشهادات الدولية وهتحتاج مجهود من الكل

19/08/2026

تم حذف جميع كتب المرحلة الثانوية القديمة من موقع وزارة التربية والتعليم الأن ، ويجري حاليًا رفع محتوى البكالوريا المصرية والكتب الجديدة رسميًا على موقع الوزارة.

⏳ والآن... نقترب من لحظة الكشف!
ساعات قليلة تفصلنا عن رؤية المحتوى الجديد لمناهج البكالوريا المصرية

18/08/2026

سبق إن وضحت في بوست سابق أن شركات الكتب الخارجية ليست الصديق المقرب للوزارة أو هيئة تطوير المناهج كما يظن البعض ، بل بالعكس هي عدو لهم هي والعاملين بها من المعلمين
للمرة الثانية خلال سنتين الوزارة تورط شركات الكتب الخارجية في طباعة كتب على مواصفات معينة سواء للمناهج أو الامتحانات و تفاجئهم في اللحظات الأخيرة بتغيير سواء في المناهج أو في شكل الامتحانات ، ووضعهم في صدام مع الجمهور

على سبيل المثال :-
في ثانوية عامة دفعة ٢٠٢٥ ، فاجئت الوزارة الجميع بتعديل منهج الماث للصف الثالث الثانوي وضم الفروع على بعض في شكل مادتين فقط بدل من ٤ و حذف اجزاء من المنهج ، وكان كتاب المعاصر في المكتبات بالفعل بمواصفات قديمة ، ٤ كتب ، ٤ فروع

وهذا العام تتكرر القصة ، كتب الصف الثالث الثانوي نزلت المكتبات ، والامتحانات تم تغيير طريقتها

وهذا العام أيضا ، لم تتسلم شركات الكتب الخارجية اي مناهج من الوزارة بخصوص البكالوريا للصف الثاني الثانوي و لا تعلم شئ عن المنهج ، وهي تنتظر أعلان الوزارة عن المناهج مثلها مثل الجميع

الوزارة تسعى في خططها المستقبلية لطرح كتب تدريبات شبيهة بكتب التقييمات وستكون بمقابل مادي ، للقضاء على شركات الكتب الخارجية

Address

Cairo
6235

Telephone

01095680229

Website

Alerts

Be the first to know and let us send you an email when Head of Math Mr. Ahmed Bahi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Head of Math Mr. Ahmed Bahi:

Shortcuts

Share

Category