Billy Beez Nursery المعادى الجديدة

تنفيذاً لقرار السيدة وزيرة التضامن الإجتماعى.. وحرصاً منّا على مصلحة أطفالنا: الحضانة فى عطلة إعتباراً من ٢٠٢٠/٣/١٥ ولحين صدور تعليمات أخرى.
دمتم سالمين..

الطفل:
طهارة.. فطرة.. طاقة..

زرعة أورجانيك 😍

مارس2020

إسأل عن العروض الجديدة.❤

مضى عام، ونستقبل العام الجديد، ودعواتنا لله عزّ وجلّ يحفظ أولادنا ويزيدنا من نعيمه، ويحفظ علينا الصحة والستر.

*ونظل دائماً عند حُسن ظنّكم..*

Healty & Unhealthy food

موضوع نشاطنا النهارده،
مع كيفية تنظيف الأسنان بمعجون وفرشاة الأسنان، للوقاية من تسوس الأسنان.

ربنا يحفظ اولادنا جميعاً.

مع تحيات أسرة الحضانة
02/27044609 - 01121570173

"إلعب و تعلّم"

مافيش اجمل من ابتسامتكم يا ولاد.. ربنا يحفظكم.

على هامش انشطة الحضانة..

من اكتر السيناريوهات اللى قابلتنا من أمّهات الطفل الوحيد..

"مخاوِف الماميز"

👸 خايفه توديه الحضانة؟
🙎 ابنى صغيّر ولسّا ما بيتكلّمش، وأى حاجة بتأثّر فيه.
👸 وايه كمان؟
🙎 بصراحة مش ضامنة معاملة اى حد ليه.. دا انا ما باستحملش يعيّط دقيقة، وبآخده فحضنى وباعيّط معاه. 😢
👸 بس كدا؟ 😃
🙎 لأ.. الحضانات كل همّها الفلوس، والنضافة عندهم مش زى البيت، والولد ممكن يحصل له تلوّث وعدوىَ.

👸 طيب ليه بتفكّرى توديه حضانة؟
🙎 غصب عنى.. اجازتى خلصت، ولازم ارجع الشغل، ومش عارفه اوديه فين.. ماما سنّها كبير، ومش هتقدر تراعيه،،
كمان الولد وحيد ومافيش حد فى سنّه من قرايبنا اقعّدوا معاهم، ونفسى يطلع مُتزن واجتماعى وينطلق ويعيش طفولته.

👸 ولو فى مكان مافيهوش اى حاجة من الّلى مخوّفاكى دى؟

🙎 ممكن!
بس اكيد هيبقى غالى جداً، بال ٣٠٠٠ج وال ٤٠٠٠ج ويمكن اكتر كمان.
👸 لأ ياستّى.. اسعاره مهاوده، وناس بتقدّم الخِدمة بحب و رغبة فى إسعاد الأطفال،،
مش بس كدا.. دول بيفضلوا على اتصال بيكى ويوجّهوكى تربويّاً، وبيعدّوا بيكى اصعب المراحل فى نموّ طفلك تحت اشرافهم.. زى الفطام، وقلع البامبرز، والتأسيس للمدرسة بجميع انواعها.
وكل ده.. كل ده، بأقل من ١٠٠٠ج فى الشهر.

🙎 😮 نعم! هوّ فى كدا؟
👸 ايوه.. والله فى كدا 😄
الناس دى اصحاب رسالة،،
عارفه كلام الإنشا والكُتُب وكدا 😂
الناس دى بقى كدا،، نفسهم ينجحوا فى زرع مفهوم التربية قبل التعليم مرة تانية.. ومِديّينه أولوية عن المفهوم التجارى المُنتشر اليومين دول.

🙎 مش شايفة انك بتبالغى حبّتين 😉
👸 طيب ما تجرّبى وتتأكدى بنفسك؟
🙎 ازاىّ؟

👸 المكان ده بيقدّم أنظمة مختلفة وتسهيلات كتير لأولياء الأمور.. عندهم:
- استضافة باليوم.
- او اشتراك نصف شهرى(١٢يوم خلال نفس الشهر).
- دا غير الاشتراك الشهرى اللى علطول بينزّلوا عليه عروض وتخفيضات للتسهيل على الناس فى الظروف الصعبة اللى كلّنا بنمر بيها.

🙎 انتى حمّستينى😍.. مكانها فين؟
👸 لو انتى فى اى مكان فى المعادى هيوصلوا ليكى، لانهم موفّرين خدمة التوصيل، وتحت مسؤوليّتهم، لضمان الأمان للأطفال والالتزام مع اولياء الأمور، وبأسعار اقل من اى باص لمدرسة او حضانة.
تواصلى معاهم على صفحة الحضانة او على الواتس، و حدّدى مكانك وهمّ هيحسبولك اقلّ تكلفة توصيل ويبلّغوكى.

🙎 ولو انا اللى عايزه اودّيه واجيبه؟ عشان اطمّن.
👸 سهلة..
الحضانة فى موقع نموذجى للمواصلات،، تعتبر فى تقاطع ش الجزائر مع ش فلسطين فى المعادى الجديدة،، ورا كارفور اكسبريس ش الجزائر لو تعرفيه، وجنب جابكو للبترول لو تسمعى عنها.
بمعنى انك لو ركبتى اى حاجة بتمشى ش الجزائر، ونزلتى عند بنزينة موبيل، هيبقى بينك وبين الحضانة ٤دقايق مشى.

🙎 طيب، مواعيدهم امتى؟
👸 فاتحين كل يوم من ٧,٣٠ص لحد ٤م،، واجازتهم الاسبوعية جمعة وسبت، وطبعاً الاجازات والعطلات الرسمية بالدولة.
ولو ابنك هيتأخّر ل ٥م، بتدفعى رسوم رمزية، ولو هيبقى دا ميعاده طول الشهر، هتدفعى حوالى نص المبلغ الرمزى ده.

🙎 طيب لو فى حد من جيرانى يشترك معايا.. هيعملولنا تخفيض؟
👸 ايوه😃، الحضانة دى عاملة تخفيض للجروبات(٥ اطفال فأكثر)، وتخفيض رهيب للاخوات.
جرّبيهم الأول بس وما تستعجليش 😄، مش يمكن ما يعجبوكيش! 😉

🙎 طيب، ممكن لينك صفحتهم، وتليفوناتهم؟
👸 انتى دلوقتى فى صفحتهم، حمدلله عالسلامه 😂
وتليفوناتهم:
02/27044609
01121570173

وربنا يحفظ اولادنا جميعاً. 💕

مع تحيّات
ادارة حضانة Billy Beez Nursery المعادى الجديدة

احتفالنا بعيد النصر و تحرير الأرض..

- فى وسط جو من الأناشيد الوطنية، بنرسّخ ثوابت فى وجدانهم،
كلنا بنتعاون وبنساعد بعض عشان مصر تفضل تاج فوق رؤوسنا.. العلم.. تحيا مصر.

اكبروا يا حبايبى بصحة وحب للبلد، انتوا اللى هتشيلوها وترفعوها بإذن الله.

ربنا يجعل أيامكم أحلى وأجمل.