Oxygen misr e.Learning Academy

Directions Website Contact the school

Oxygen misr e.Learning Academy Contact information, map and directions, contact form, opening hours, services, ratings, photos, videos and announcements from Oxygen misr e.Learning Academy, Education, dokki, Cairo.

Welcome to Oxygen Misr Academy .
صفحة مخصصة لعرض كافة الأخبار المتعلقة بالتكنولوجيا والتقنية ومتابعات اخري . ندعوكم لزيارة الصفحة الثانية ايضا Oxygen misr Academy
تم تخصيصها لبيع الكورسات التعليمية في كافة المجالات
اكسجين مصر اكاديمي تأسست عام 2017

11/08/2026

اهم خير علمي فـ ٢٠٢٦ … احنا في مرحلة فاصلة زي اختراع الطاقة الذرية اللي عملت طاقة متجددة بس في نفس الوقت عملت القنبلة الذرية.
القنبلة الذرية الجديدة واغرب واهم خبر علمي حصل اخر ٥٠ سنة هو قدرة الAI انه يعرف الترتيب الصح للDNA عشان فيروس يبقى فعال ضد كائن اخر.

تخيل الAI عرف الترتيب الصح لفيروس مكون من ٥،٤٠٠ كود للاربع نيكلوتايد CTAG…

عشان تعرف حجم الاحتمالات…
- لو معاك مليار كمبيوتر شغالين في نفس الوقت.
- كل واحد بيجرب مليار احتمال في الثانية.
- لمده ١٣ مليار سنة
مش هتكفي تجرب كل الاحتمالات.

الAI اختصر ده في اسبوع وفي ٣٠٠ احتمال بس.

ده مش تخليق طبعاً لأن المواد عضوية في الاخر بس معرفة الترتيب بيخلي الفيروس يشتغل وقتل بكتيريا في المعمل وده معناه انه ممكن يشتغل زي مضاد حيوي بيولوجي او….

معناه مرحلة جديدة في الحرب البيولوجية…!

يوم الأربع اللي فات، 11.4 مليون بني آدم في فنزويلا موبايلاتهم رنت في نفس اللحظة!!شاشات الموبايلات قلبت أحمر بإنذار كبير ...
30/06/2026

يوم الأربع اللي فات، 11.4 مليون بني آدم في فنزويلا موبايلاتهم رنت في نفس اللحظة!!

شاشات الموبايلات قلبت أحمر بإنذار كبير قبل ثواني أو دقايق من حدوث أجمد زلزالين كاسرين السبعة ريختر، بقوة 7.2 و7.5 درجة. والتاني فيهم اتصنف إنه من أقوى الزلازل اللي ضربت فنزويلا من سنة 1900.

موبايلات أندرويد ضربت لأن مستشعرات التسارع أو الـ Accelerometers لقطت إن فيه اهتزازات في الأرض ضعيفة جدًا، البني آدم ما بيحسش بيها أصلًا. فقامت مديّة إنذار إنه لازم الفنزويليين اللي جالهم التنبيه يجروا بسرعة ويطلعوا في مكان آمن قبل ما يبدأ الزلزال.

وده فعلًا شفناه في فيديوهات كتير جدًا انتشرت من الأربع اللي فات لحد دلوقتي. ناس كتير على منصة إكس وReddit نشروا فيديوهات للحظة وصول التنبيهات الصوتية لموبايلاتهم داخل البيوت والمحلات قبل ما يحسوا أصلًا بالهزة الأرضية بثواني.

طيب هو إيه اللي حصل بالظبط؟

اللي حصل إن موبايلات أندرويد عليها نظام اسمه Android Earthquake Alerts. جوجل كانت نزلته لأول مرة في 2021، وبدأ وقتها في عدد محدود من الدول زي نيوزيلندا واليونان وتركيا والفلبين، قبل ما يتوسع بعد كده بشكل كبير.

النظام ده بيعتمد على استخدام مستشعرات التسارع أو الـ Accelerometers اللي في الموبايلات، واللي في العادة الموبايل بيستخدمها عشان يقيس بيها سرعة حركة الموبايل أو كمان اتجاه استدارته، إن كان أفقي أو رأسي أو غيره.

لكن وقت الزلازل بيحصل شيء مختلف. أول ما الزلزال يبدأ تحت الأرض، بيطلق موجات أولية اسمها P-Waves. الموجات دي سريعة جدًا لكنها غالبًا ضعيفة ومش مدمرة، وبتوصل قبل الموجات الأقوى اللي بتسبب الجزء الأكبر من الدمار. الموبايلات الثابتة في أماكنها بتقدر تلتقط الموجات دي وترسل بياناتها فورًا لسيرفرات جوجل.

بحيث إن المنظومة دي تقدر تفهم معدل الاهتزاز اللي بيحصل في البيئة بتاعة الموبايل، ولما تجمع الـ Data دي من آلاف الموبايلات الموجودة في منطقة معينة، بتتبعت لسيرفرات جوجل تتحلل بشكل سريع جدًا وفي الوقت الفعلي، وتقدر من خلالها تقيس درجة الاهتزاز وتحدد مكان الزلزال وقوته التقريبية.

وبحسب جوجل، الموبايلات قدرت تلتقط الموجات الأولية بعد حوالي 3 ثواني فقط من بداية الزلزال تحت الأرض، وبعدها احتاج النظام حوالي 6 ثواني إضافية عشان يحلل البيانات ويتأكد إن اللي حاصل زلزال حقيقي مش مجرد اهتزازات عادية، وبعدها يبدأ إرسال أول دفعة من التنبيهات للمستخدمين.

ومع استمرار وصول البيانات من الموبايلات، النظام بيكمل تحديث تقديراته بشكل مستمر، سواء لقوة الزلزال أو مكانه أو المناطق اللي ممكن تتأثر بيه، وبالتالي دائرة التحذيرات بتكبر تدريجيًا كل ما الصورة تبقى أوضح.

لأنه فيه أكتر من نوع للتنبيهات اللي بتطلع من المنظومة دي. فيه تنبيهات خفيفة بتدعو الناس إنها تستعد أو تتوجه لمكان آمن، وفيه تنبيه صارم أكتر بيقول إنك لازم تتصرف حالًا وتنزل تحت أي حاجة تحميك أو تبعد عن مصادر الخطر، وده اسمه Take Action. وده أعلى مستوى تحذير في النظام، واللي جوجل بعتت منه حوالي 1.4 مليون تنبيه أثناء زلزالي فنزويلا.

ومن الحاجات المهمة جدًا اللي شرحها مهندسو جوجل إن الهزتين حصلوا تحت مناطق كثافتها السكانية عالية، وده ساعد النظام إنه يجمع بيانات ضخمة بسرعة كبيرة جدًا. كمان الموجات الناتجة عن الزلزالين تداخلت مع بعضها، فالنظام تعامل معاهم كحدث واسع النطاق وقدر يبعت تحذيرات متتالية لملايين المستخدمين في مناطق مختلفة.

الفكرة كلها قائمة على فرق السرعة بين الموجات الأولية السريعة والموجات الثانوية الأبطأ لكنها الأكثر تدميرًا. وكل ما كان الشخص بعيد عن مركز الزلزال، كل ما كان محظوظ أكتر لأنه بياخد وقت إضافي قبل وصول الموجات القوية.

عشان كده، كل ما كان الموبايل بعيد عن مركز الزلزال، كل ما كان صاحب الموبايل محظوظ، لأنه هيجيله Notification تنبيهية بدري بوقت كافي عن وقت وصول الموجات الاهتزازية القوية، واللي بتكون مدمرة أكتر بكتير. أما الناس اللي قريبين جدًا من مركز الزلزال، ففي أوقات كتير التنبيه بيوصلهم متزامن تقريبًا مع بداية الاهتزاز أو بعدها بثواني قليلة جدًا بسبب قصر الوقت المتاح.

من 2021 لحد دلوقتي، اتسع نطاق تشغيل المنظومة دي في أكتر من 98 دولة حول العالم. الحمد لله منهم مصر، ومنهم أغلب الدول العربية. والأهم إن جوجل النهارده بقت بتعتمد على شبكة ضخمة فيها أكتر من 2 مليار موبايل أندرويد حول العالم، ومع وجود أندرويد على حوالي 70% من الهواتف الذكية عالميًا، بقت الشركة تمتلك واحدة من أكبر شبكات رصد الزلازل على مستوى العالم، من غير ما تحتاج تبني آلاف محطات الرصد التقليدية المكلفة.

ورغم إن لسه بدري نعرف إذا كانت التنبيهات دي أنقذت أرواح بشكل مباشر في زلزالي فنزويلا ولا لأ، لكن خبراء إدارة الكوارث بيأكدوا إن ثواني قليلة جدًا ممكن تكون كافية عشان حد يبعد عن الشباك، أو يحتمي تحت ترابيزة، أو يخرج من مكان خطر، ودي كلها إجراءات بسيطة ممكن تفرق بين النجاة والإصابة وقت الكوارث الطبيعية.

04/06/2026

The war may have ended in the headlines, but not on the ground 💔

‏قطع الإنترنت عن الهواتف لأسبوعين فقط أدى لقفزة في التركيز والانتباه تعادل أدمغة أصغر بـ 10 سنوات، وتحسُنت أعراض الإكتئا...
17/04/2026

‏قطع الإنترنت عن الهواتف لأسبوعين فقط أدى لقفزة في التركيز والانتباه تعادل أدمغة أصغر بـ 10 سنوات، وتحسُنت أعراض الإكتئاب بنسبة 71%!

‏في دراسة، قطع الإنترنت عن جوالات 467 شخصا لمدة أسبوعين مع السماح بالمكالمات والرسائل النصية، وإستخدام الإنترنت في الحاسوب.

‏بعد 14 يوماً فقط، استعادت أدمغة المشاركين تركيزاً يوازي تركيز أشخاص أصغر منهم بـ 10 سنوات، وأظهروا تحسنا في أعراض الإكتئاب بنسبة 71% مما قد يوازي او حتى يفوق أثر أدوية الإكتئاب في هذه المدة الزمنية القصيرة!

‏التمرير اللانهائي (Scrolling) بين التطبيقات يُرهق (القشرة الجبهية) في الدماغ بمهام تفوق طاقتها، مما يسبب "شيخوخة إدراكية" (نسيان، تشتت، بطء استيعاب) وبمجرد فصل الإنترنت، تعافت هذه القشرة بسرعة كبيرة.

منقول من صفحة د. ملك بدراني

الصورة دي لسة ناشراها ناسا لشكل الأرض من أبعد نقطة وصلها إنسان في التاريخ في الفضاء من وراء القمر!​وده لأن رحلة "أرتيميس...
07/04/2026

الصورة دي لسة ناشراها ناسا لشكل الأرض من أبعد نقطة وصلها إنسان في التاريخ في الفضاء من وراء القمر!
​وده لأن رحلة "أرتيميس 2" لسة كاسرة الرقم القياسي، ووصلت لمسافة تقريباً 406 ألف كيلو متر من الأرض 🌎، وكسرت الرقم اللي كان مسجل باسم رحلة "أبولو 13" من سنة 1970 واللي كان حوالي 400 ألف كيلو متر.

​وبمناسبة الصورة دي، خلينا نوضح سر اهتمام ناسا بالعودة للقمر مرة تانية في التوقيت ده بالذات.. وسر الاهتمام بـ "القطب الجنوبي للقمر" على وجه التحديد اللي متخطط يحصل عليه الهبوط المرتقب.
​الموضوع مش مجرد استكشاف علمي زي زمان، ده "سباق نفوذ وتسلح فضائي" جديد!

خلال الفترة اللي فاتت، الصين أعلنت بوضوح إنها ناوية تنزل رواد فضاء على القمر سنة 2030، وتبني قاعدة هناك بالتعاون مع روسيا بحلول 2035. وفي نفس الوقت، الهند حطت هدف إرسال إنسان للقمر سنة 2040... و كمان اليابان أعلنت نفس الهدف انها ناوية تنشأ قاعدة فضائية علي القمر في القطب الجنوبي في سنة ٢٠٤٠ (هسيب مصادر في الكومنتات).

​هنا أمريكا حست إن هيمنتها الفضائية تحت التهديد الحقيقي (بالظبط زي ما حصل مع الاتحاد السوفيتي في الستينات)، وقررت إنها تسرع وتيرة برنامجها عشان تكون صاحبة السبق والسيطرة على القطب الجنوبي للقمر قبل ما اي دولة تاني تسبقها

​بس تاني.. إيه المميز في القطب الجنوبي للقمر ويخليه يقلب الموازين الجيوسياسية كده؟
​القطب الجنوبي للقمر مليان فوهات مظلمة بشكل دائم.. مش بتشوف الشمس أبداً، واكتشفوا إن فيها كميات ضخمة من "المياه المتجمدة".

​مياه متجمدة.. يعني بكل بساطة تقدر تفصل منها "الهيدروجين" و"الأكسجين".. وتستخدمهم كوقود صاروخي ! وبالتالي، منطقة القطب الجنوبي دي هي "محطة الوقود" الفضائية الجاية، والمكان المثالي لإنشاء قاعدة لإطلاق الصواريخ باتجاه المريخ وباقي المجموعة الشمسية، بتكلفة أقل بكتير جداً من إطلاقها من الأرض عشان جاذبية القمر الضعيفة.
​عشان كده أمريكا بتسابق الزمن وتصارع الصين و الهند و روسيا و اليابان عشان تكون أول من يثبت أقدامه هناك، وتسيطر على الموارد دي لتأكيد ريادتها في النظام العالمي الجديد للفضاء.

⚠️️ تحذير قبل ما تستخدم تطبيق inDrive تاني!الشركة دخلت رسمياً في شراكة مع Autofleet، وهي شركة إسرائيلية لتحليل البيانات ...
28/03/2026

⚠️️ تحذير قبل ما تستخدم تطبيق inDrive تاني!
الشركة دخلت رسمياً في شراكة مع Autofleet، وهي شركة إسرائيلية لتحليل البيانات التشغيلية، ومقرّها في تل أبيب.

الخبر ده مش بس معناه إن جزء من فلوسك بيروح للاقتصاد الإسرائيلي، لكن كمان كل بياناتك الشخصية من حساباتك البنكية لتحركاتك اليومية بتروح لشركة إسرائيلية.

ولو شايف نفسك “شخص عادي” وبياناتك الشخصية مش حاجة مهمة، فالبيانات الحساسة دي ممكن تتحوّل بسهولة أدوات لابتزازك أو تجنيدك.

خليك واعي ونبّه غيرك، خصوصًا في الوقت الحساس اللي بنمر بيه.

🚨أعلنت الإمارات والبحرين عن تطبيع كامل للإعلام مع إسرائيل. اندمجت القنوات التلفزيونية الرسمية من الإمارات والبحرين رسميً...
22/03/2026

🚨أعلنت الإمارات والبحرين عن تطبيع كامل للإعلام مع إسرائيل. اندمجت القنوات التلفزيونية الرسمية من الإمارات والبحرين رسميًا مع القناة 12 الإسرائيلية، وتبادلتا التحيات الافتتاحية باللغة العبرية. عربان والله

ذكرت صحيفة فايننشال تايمز أن إسرائيل أمضت سنوات في اختراق كاميرات المرور في طهران والتسلل إلى شبكات الهواتف المحمولة لمر...
03/03/2026

ذكرت صحيفة فايننشال تايمز أن إسرائيل أمضت سنوات في اختراق كاميرات المرور في طهران والتسلل إلى شبكات الهواتف المحمولة لمراقبة تحركات المرشد الأعلى الإيراني علي خامنئي وفريق حمايته، وذلك قبل اغتياله

ووفقًا للتقرير الذي استند إلى عدة مسؤولين حاليين وسابقين في الاستخبارات الإسرائيلية وأشخاص آخرين مطلعين على العملية، جرى اختراق ما يقرب من جميع كاميرات المرور في طهران سنوات، على أن تُشفّر اللقطات ثم تُرسل إلى خوادم في تل أبيب وجنوب إسرائيل.

وقال أحد المطلعين إن زاوية تصوير معينة كانت مفيدة بشكل خاص في تحديد مكان ركن الحراس الشخصيين لسياراتهم الخاصة، كما قدّمت مؤشرات عن الروتين داخل المجمّع قرب شارع باستور.

وأضاف التقرير أنه جرى مراقبة "نمط الحياة اليومي" لحراس خامئني، عبر استخدام خوارزميات معقدة لإضافة تفاصيل إلى ملفاتهم، بما في ذلك عناوينهم، وساعات مناوباتهم، ومساراتهم إلى العمل

وقالت فايننشال تايمز إن إسرائيل عطّلت أيضًا مكونات في نحو 12 برجًا للهواتف المحمولة قرب موقع اغتيال المرشد الإيراني في شارع باستور السبت الماضي، ما جعل الهواتف تبدو "مشغولة" عند الاتصال بها، ومنع أفراد فريق حماية خامنئي من تلقي تحذيرات محتملة.

تخيل طيارة ماشية في الجو وفجأة الطيار يقع من طوله ويفقد الوعي تماماً، والطيارة تبقى لوحدها في السما مفيش حد بيسوقها!ده م...
03/01/2026

تخيل طيارة ماشية في الجو وفجأة الطيار يقع من طوله ويفقد الوعي تماماً، والطيارة تبقى لوحدها في السما مفيش حد بيسوقها!
ده مش مشهد من فيلم سينما، ده اللي حصل فعلاً في أمريكا مع طيارة "Beechcraft".
القصة بدأت والطيارة على ارتفاع عالي، وفجأة حصل نقص أكسجين خلى الطيار يغيب عن الوعي، والطيارة بقت حرفياً طايره مع نفسها.
بس اللي أنقذ الموقف كانت تكنولوجيا متطورة اسمها "Garmin Autoland"
النظام ده حس إن مفيش أي استجابة من الطيار، فقرر ياخد هو القرارات بداله.
السيستم اشتغل لوحده وبدأ يكلم برج المراقبة بصوت آلي ويقولهم:
"أنا الطيارة والطيار فاقد الوعي، وأنا اللي ههبط دلوقتي حالا!".
النظام حدد أقرب مطار، ورسم لنفسه مسار، ونزل العجلات، وهبط بالطيارة بسلام تام على المدرج، وبعد ما وقف كمان طفى المحركات عشان المسعفين يقدروا يدخلوا ينقذوا الطيار.
الحادثة دي قلبت الدنيا لأنها أول مرة الذكاء الاصطناعي ينقذ طيارة حقيقية بالكامل من غير تدخل بشري، والطيار طلع منها حي بفضل "روبوت" هو اللي كان سايق مكانه.
هتسألني فين الطيار المساعد، هقولك طيارة Beechcraft King Air 200 عبارة عن طيارة صغيرة سعة 6-9 ركاب، وعشان كده بيقودها كابتن واحد بس.

Address

Dokki
Cairo

Opening Hours

Monday 12pm - 12am
Tuesday 12pm - 12am
Wednesday 12pm - 12am
Thursday 12pm - 12am
Saturday 12pm - 12am
Sunday 12pm - 12am

Website

Alerts

Be the first to know and let us send you an email when Oxygen misr e.Learning Academy posts news and promotions. Your email address will not be used for any other purpose, and you can unsubscribe at any time.

Contact The School

Send a message to Oxygen misr e.Learning Academy:

Shortcuts

Share

Category